سمك مقلى مختلف مع صوص مسطردة مع روزيتو ببشر قشر الليمون

[بندق أفندى]

السمك كان موسى .. زى بتاع مصر اللى هو النحيف الفاتح مش زى بتاع جدة الدسم الدهن جدا ..

المهم .. يسلخ .. يتبلع فى عصير ليمون وخل وثوم مفروم وملح وكسبرة مطحونة وكمون مطحون .. دقيق القلى متبل بملح ولفل أسود

يلف السمك فى الدقيق يقلى فى زيت حامى من 5 ل 7 دقائق حسب سمك السمكة .. ويقلب طبعا .. يرفع من الزيت ويجفف على ورق ماص للتخلص من الزي الزائد (الزيت الحار لا يترك زيت زائد)

الصوص : ملعقة مسطردة يضاف لها 3 ملاعق خل وتخلط جيدا ثم يطاف زيت الزيتون مع التقليب المستمر حتى يصير سميكا قليلا .. ثم يضاف الشبت الأخضر المفروم

الرز أو الروزيتو على الطريقة الايطالية .. بعد غسله يوضع فى كمية ماء أكبر من العادى بمقدار مرة ونصف ويضاف له قليل من بشر قشر الليمون .. .. يغلى الرز لمدة 15 الى 20 دقيقة وتخفض الحرارة لما يجف الماء .. يضاف زيت زيتون (حسب الرغبة) مع عروق توم معمر أو بصل أخضر وبقدونس مفرى .. ثم يترك حتى يكمل نضجه ..

الكوسة الرهيبة دى (رهيبة عشان حجمها اللى نادرا ما نجده).. مشوية بزيت وخل وملح .. وهنا وعافية ..

تم تعديل 27 فبراير 2009 بواسطة بندق أفندى

[مغتربة]

ايه الحاجات الحلوة الى تفتح النفس دى

استاذ بندق بجد جزاك الله خيرا على الحاجات الحلوة الى بتقدمهلنا ديما

دمت بالف خير

[Folana]

السلام عليكم ورحمة الله.....

تسلم الايادى يا استاذ بندق....وصفة سهلة وشهية

لى سؤال بس بعد اذن حضرتك.....حضرتك بتقول اننا ممكن نقلى بالزيت الحار؟؟

الزيت الحار بتاعنا ده...اللى هو بتاع الفول يعنى؟؟؟

أنا اعرف انه صحى جدا لاحتوائه على أوميجا 3 الموجود فى زيت السمك وخصوصا السلمون ولا يفقد خواصه على النار...لكن هل فعلا ممكن نقلى به؟...مش حيغير الطعم يعنى؟

أجرب أقلى فيه .....؟

تحياتى

:lol:

يرفع من الزيت ويجفف على ورق ماص للتخلص من الزي الزائد (الزيت الحار لا يترك زيت زائد)

[بندق أفندى]

السلام عليكم ورحمة الله.....

تسلم الايادى يا استاذ بندق....وصفة سهلة وشهية

لى سؤال بس بعد اذن حضرتك.....حضرتك بتقول اننا ممكن نقلى بالزيت الحار؟؟

الزيت الحار بتاعنا ده...اللى هو بتاع الفول يعنى؟؟؟

أنا اعرف انه صحى جدا لاحتوائه على أوميجا 3 الموجود فى زيت السمك وخصوصا السلمون ولا يفقد خواصه على النار...لكن هل فعلا ممكن نقلى به؟...مش حيغير الطعم يعنى؟

أجرب أقلى فيه .....؟

تحياتى

:lol:

يرفع من الزيت ويجفف على ورق ماص للتخلص من الزي الزائد (الزيت الحار لا يترك زيت زائد)

نوووووووووووووووووووو يا مدام فولانة قصدت حار = ساخن .. مش زيت بذرة الكتان ..

لو جربتى تقلى بيه هيطلع بشع .. هيبقى زيت مغلى من تبع البوية ..

[بندق أفندى]

ايه الحاجات الحلوة الى تفتح النفس دى

استاذ بندق بجد جزاك الله خيرا على الحاجات الحلوة الى بتقدمهلنا ديما

دمت بالف خير

شكرا يا أفندم

[Folana]

السلام عليكم ورحمة الله....

:lol:

ربنا يعزك يا استاذ بندق....متشكرة على الرد....الحمدلله قدر ولطف...انا كنت حأبدأ أفتكس...bv:-

اصل انا ساعات الفهم عندى بيكون بعافية شوية....

يومك نادى ان شاء الله.... clp::

[بندق أفندى]

السلام عليكم ورحمة الله....

:lol:

ربنا يعزك يا استاذ بندق....متشكرة على الرد....الحمدلله قدر ولطف...انا كنت حأبدأ أفتكس...bv:-

اصل انا ساعات الفهم عندى بيكون بعافية شوية....

يومك نادى ان شاء الله.... clp::

يا نهار مدوحس .. أول مرة آخد بالى انه حضرتك مفتش عام .. يبقى أكيد الشرح عندى هو اللى كان ب 30 عافية :)