اتقابلنا ع الورق

[بنت فاضل]

اتقابلنا ع الورق

إتقابلنا ع الورق

والكيان منا أتسرق

صدفة لمتنا هنا

والأمان قام ضمنا

إلتقيتنى…. غصب عنى

فجأة صورتك جوة مني

وإتقابلنا

من سنين بجمع حروفك

كنت راسمة بيها طيفك

والحنين اللي قاتلني

فجأة بلقاه غصب عني

بين ايديا يكون هنا

وأتقابلنا

بلمح الحزن ف سكاتك

اوعى متبصش ما فاتك

دى البداية من هنا

بص قرب لي انا

واللى يسأل عن وجودنا

عن مكان يوم ما اتولدنا

ابقى قولها عل الملأ

بابتسامة بدون قلق

اننا يوم ما اتقابلنا

اتقابلنا ع الورق

[وسط][/وسط]

[الباشمهندس ياسر]

احترت اقرا المداخلة ولا اقرا التوقيع

بداااااااااااااية قوية

مرحبا بك بيننا

[بنت فاضل]

الباشمهندس ياسر

ألف ألف شكر على ردك الرقيق ومجاملتك لي

وان كنت اشك ان الموضوع او القصيدة لم تروق لأكثر الناس

صدقنى بجد بجد انا سعيدة جدا بالمنتدى دة

عرفته بالصدفة وقررت اكون فيه دة بعد أذنكم طبعا

تحياتي لك ولكل اعضاء المنتدى والقائمين على تطويره

بنت فاضل

[بنت بلد]

الله على مقابلتكم والله على اختيارك

وماشاء الله على توقيعك

على فكرة انا زيك جديده برضو

ويسعدنى ويشرفنى نكون اصدقاء يا بنت فاضل

يسلموا ايديكى

تقبلى مرورى حبيبتى

تحيــــــــــــــــــــــــاتى[وسط][/وسط]

[التونسى]

اولا الفكره جديده .. عن نفسى مقرتش حاجه زى كده من قبل .. وان كان فيه غموض بعض الشئ .. كنت اتمنى القصيده تكون اطول

ثانيا البناء الشعرى متمبز .. ويدل على شاعره تتمتع بحرفيه ..وعارفه هى بتكتب ايه .. عجبنى الموسيقى اللى فى الابيات

أما بقى عن الصوره المرفقه فهى رائعه رائعه ومعبره جدا عن فكرتك وجت فى محلها

اهلا بيكى معانا واتمنى اشوف ليكى قصايد عاميه اخرى ها هنا

مع خالص تحيتى

التونسى

[بنت فاضل]

بنت بلد

اهلا وسهلا بيكى وتحية خاصة لكٍ ويسعدني ويشرفني التعرف عليكي

والها بصداقتك ، والف شكر على ردك الجميل الرقيق

وان نم على انسانة حساسة صادقة الحس والشعور

خالص تقديرى واحترامي واعتزازي بصداقتك الجميلة

معاكي وفاء من مصر ومغتربة بالكويت [وسط][/وسط]

[alsaher]

بنت فاضل ..

أخذتينا برحلة في بحر إحساس

بين موج الشوق ورياح الحنين

خوف ممزوج بفرحة لقا

وغموض مفهوم ومش مفهوم

بكل إختصار رائع ما كتبتيه هنا

إستمري

وإلى الامام

تم تعديل 28 فبراير 2009 بواسطة alsaher

[بنت بلد]

ان نفترق فقلوبنا سيضمها بيت

على سحب الاخاء كبير

واذا المشاغل كممت افواهنا فسكوتنا بين

القلوب سفير..

بالود نختصر المسافه بيننا

فالدرب بين الخافقين قصير

والبعدحين نحب..لا معنى له..

والكون حين نحب..فهو صغير..

اشكرك حبيبتى على ردك الجميل الرقيق

واشكرك ايضا على قبولك صداقتى ارجو ان تكون محبتنا فالله

تقديرى واحترامى لشخصك النبيل

تحيـــــــــــــــــــــــــــاتى

[مصري جدا]

بعد غيبه كبيره عن المحاورات .....غصب عني لضيق وقتي .... رجعت ولقيت كلامك واللي شدني من أول العنوان

مرحبا بك

وأهلا بشاعره ذات حس رقيق وكلمات قويه وحضور أكثر من رائع

في أنتظار المزيد

[بنت فاضل]

اولا الفكره جديده .. عن نفسى مقرتش حاجه زى كده من قبل .. وان كان فيه غموض بعض الشئ .. كنت اتمنى القصيده تكون اطول

ثانيا البناء الشعرى متمبز .. ويدل على شاعره تتمتع بحرفيه ..وعارفه هى بتكتب ايه .. عجبنى الموسيقى اللى فى الابيات

أما بقى عن الصوره المرفقه فهى رائعه رائعه ومعبره جدا عن فكرتك وجت فى محلها

اهلا بيكى معانا واتمنى اشوف ليكى قصايد عاميه اخرى ها هنا :happy:

مع خالص تحيتى

التونسى

الاستاذ التونسي

انا شاكرة جدا لرأيك وردك المميز علي

ويكفي اني اقولك انك لماح جدا جدا

وان شاء الله انا هكتب قصايد عامي وخواطر بالفصحى هنا

جزاك الله خيرا على ردك ومرسي جدا ان الصورة عجبت حضرتك

وفاء

[بنت فاضل]

استاذنا الساهر

الف الف شكر على ردك يا فندم

تحليل حضرتك منطقى وسليم مية المية

اتمنى من الله سبحانه وتعالى ان اكون ضيفة خفيفة عليكم

وان شاء الله تجد ما يسرك وما يسر زملائي بالمنتدى

خالص احترامى وتقديرك لحضرتك

وفاء

[وسط][/وسط]

[dr gml]

اتقابلنا ع الورق

واللى يسأل عن وجودنا

عن مكان يوم ما اتولدنا

ابقى قولها عل الملأ

بابتسامة بدون قلق

اننا يوم ما اتقابلنا

اتقابلنا ع الورق

[وسط][/وسط]

هى حروف

نتلقاها

نحسها

نجمعها

و ننثرها

ترسمنا كيانا

وصورة

وحين نتفاعل معها

ونطيعها

قد

نولد من جديد

على الورق

مرحبا بالقلم المرهف

والابداع الراقى

وشكراااااا

جمال

[الأقصرى]

رائع وفى الصميم

استمرى

[بنت فاضل]

بنت بلد

ايه الرقة دى كلها والكلام الجميل المنسق دة كله

ما شاء الله عليكى والله انا يسعدنى ويشرفنى جدا التعرف عليكى

وياريت نتكلم مع بعض اكون شاكرة ليكى جدا

خالص احترامس وتقديرى لقلمك الرقيق ذو المعانى الراقية

وفاء

[بنت فاضل]

مصرى جدا

الف الف شكر على ردك وانا سعيدة جدا انى اكون فى وسطكم والله

بس مش عاوزة ابقى تقيلة عليكوا

لانى جديدة ف الموقع دة

بس ف المنتديات مش جديدة ولا حاجة

الف شكر لردك ويسلم مرورك يا فندم

خالص تحياتي

وفاء

[بنت فاضل]

الدكتور جمال

يا فندم دة شرف ليا مرور حضرتك هنا بين كلماتى

الف شكر على إطراءك الكبير دة انا مستاهلش كل دة

وسعيدة جدا بمرورك هنا وان شاء الله هتشوف حاجة جديدة عامية

وفاء

[بنت فاضل]

الاقصري

الف شكر لمرورك واتمنى ان القصيدة فعلا تكون عجبتك

خالص تقديرى واحترامي لك

وفاء

[لولا]

مرهفة انتِ .. ورقيقة جدا كلماتك

ووجودك هنا سيضيف حتما للمكان سحرا من نوع آخر .

مرحبا بك فى المحاورات .. زميله وشاعره ومبدعه .

ليست كل الكلمات تلامس القلوب .. وكلماتك لرقتها تخترق القلوب ولا تلامسها .

بالغ التحيه لك ولقلمك المبدع .

لولا

[أشرف حسين]

بنت فاضل

و بدايه موفقه جدا راقتني كثيرا

و استدرجتني لـ تتبع قلمك الواعد

شجيه هذه الـ (المعزوفه للغايه)

و ... و لاشئ اخر ...

كم هي شحيحه لغتنا يا وفاء :)

ارق التحايا .....

[bentmasria]

حقا بداية قوية

ومدخل مختلف فنحن نعشق بالعين والاذن والابتسامة اما حروفك فتعشق فوق سطور الورقات

وحيث مكان اللقاء تلتقى الآف القلوب والحروف لكنه عشق ذو كنية خاصة ومعنى عميق

اجادت حروفك توصيفه ليصبح حالة خاصة جدا ناعمة وجادة صادقة وعذبة

شكرا سيدتى للإمتاع الجميل ومرحبا بك وبقلمك فى ساحة الحروف والكلمات ودنيا المحاورات

البنت المصرية