كيف نخطط لمستقبل ابناءنا

[ام بودى]

اخوتى واخواتى السلام عليكم ورحمة اللة وبركاتة... لا ادرى هل المفروض ان اكتب هذا الموضوع هنا ولا فى المنتدى الاقتصادى عموما سأكتبة هنا و لو رأت الادارة نقلة فلا بأس .

من منا لا يريد حياة افضل ومستقبل ابهى لاولادة وفى سبيل ذلك نجتهد ونخطط ونحتسب عند اللة عملنا لكى يوفقنا لما فية الخير فمن ناحية التخطيط العلمى والتربوى نسعى ليحصل ابناءنا على تعليم راقى معظمنا ان لم يكن جميعنا لا يألو جهدا فى الحاق ابنائة باحسن المدارس ونبذل فى سبيل هذا الغالى والنفيس ونلحقهم بمراكز تحفيظ القران وتعليم اللغات وتنمية القدرات والمواهب والنوادى الرياضية كل ذلك رائع ولكن ما يعنينى وما اريد ان اسألكم عنة هو التخطيط المادى فهل انت تفكر فى تأمين مستقبل اولادك ماديا لا اعنى ان تدخر لهم فلوس اعنى التخطيط نفسة اكتب لنا تجربتك وانقل لنا خبرتك ومدنا بافكار قد تفيد بعضنا قد تكون فكرة بسيطة لكنها مفيدة لغيرك لم يفطن لها من قبل

.

[osmel33]

الأخت العزيزة الدكتورة أم بودي

أما مش عارف أقولك أيه بس الموضوع اللى انتى فتحتيه ده مشكلة كبيرة هاحكيلك على موقف حصل معايا

من كام سنة وأنا كان لي رأي مش عارف ليه أنا حالياً ممكن يكون لي رأي مخالف

أنا لي صديق عزيز كان فاتح شركة كبيرة في مصر وهو ممكن تقولى عليه أنه من الطبقة الثرية وبعدين

أتعرض لظرف أنه بسبب الشركة اللى فتحها خسر مبالغ كبيرة ولكن مع بقاء شقته وشقة والدته وطبعاً مقر الشركة

ودي بالأرقام كانت تعدي 2 أو 3 مليون جنيه وطبعاً بحسبته هو أنه حس أنه بقى شحات المهم ساعتها قعد

يقولي ولادي لما يكبروا هايعملوا أيه "كأنهم فعلاً هايشحتوا :happy: " المهم أنا كان رأى ليه أيامها أنك المهم أنك تربي ولادك

وتساعدهم على النجاح لكن مش المهم أنك تسبلهم الملايين والولد الصالح هايعرف من التربية والتعليم اللى اتعلمه

قد أيه أبوه وأمه عملوله ...

للأسف أم بودي ده كان رأي أيامها يمكن كان الرأى ده علشان أنا ولادي صغيرين لكن لما مرت السنين حسيت قد أيه

الولاد ضعاف ويمكن فعلاً أننا لو ماسبنالهومش حاجة هانكون بنخذلهم وده للأسف لأن الولاد مش زى بعضهم يعنى منهم

تلاقي الولد الكويس اللى ممكن متخافيش عليه ومنهم اللى يتعب اعصابك بتصرفاته وسلوكه وده طبعاً هو الكارثة طب

ده هايطلع يتحمل المسئوليه أزاى ؟ أنا مش عايز أقولك انت عارفه أنا موجود في قطر ومقدم على الهجرة يمكن سبب

رئيسي أن ولادى ياخدوا جنسية تانية علشان تحميهم شوفتى بقى تفكيرى وصل لفين ؟

[سهل جدا]

ما نعده لأبنائنا ..

أول شيء تقوى الله , فصلاح الوالدين سبب في حفظ الأولاد , وكلنا عارفين قصة: {وكان أبوهما صالحا}

وإن بسب صلاحهم ده ربنا حفظ أولادهم ..

قصة فيها عبرة:

لما حضر عمر بن عبد العزيز الموت ولم يترك مالا,جمع أولاده ..

فقال دامعا: يا بَني والله ما منعتكم حقا هو لكم ولم أكن بالذي آخذ أموال الناس فأدفعها إليكم

وإنما أنتم أحد رجلين:

إما صالح فالله يتولى الصالحين

وإما غير صالح فلا أترك له ما يستعين به على معصية الله..

وتمر الأيام بعد موت الأب, وإذا بالأبناء قد أغناهم الله بعد موته وكان أحدهم ينفق بآلاف الدنانير (يعني ملايين بلغة العصر)

تاني شيء من ناحية الأخذ بالأسباب:

أهم شيء لو عندك إمكانيات تجيبلو شقة

موضوع السكن ده من أصعب ما يواجه الشباب في هذه الأيام

والله أنا بدعي لوالدي رحمه الله دائما مرتين

عشان هو أبويا , وعشان سابلنا بيت وحتة أرض عرفنا نبنيها ونتجوز فيها أنا وإخواتي كلنا

الله يرجمكا يا با