جمال مبارك يقدم نفسه للإدارة الامريكية الجديدة

[se_ Elsyed]

تخيلوا الخبر نزل امبارح في جريدة الشروق

قلت افتكاسة وخبر من عينه اخبار المصري اليوم

ولإنني حطيت الموضوع في دماغي روحت قايم الصبح بحركة انتحارية .. وروحت سادد مناخيري وجايب نص لمونه وجرشتها وروحت مستعيذ بالله وداخل موقع الحزب الوطني وليكن ما يكون ... اني الاقي خوبير صغير حتى ... ابداً

فأنتظرت الي ان صدرت جريدة المساء ولقيت فيها تأكيد لزيارة السيد الرئيس جمال مبارك لأمريكا بعد غد

جمال مبارك في أمريكا.. بعد غد

يلتقي عدداً من رؤساء المجالس الفكرية وأعضاء الكونجرس

واشنطن أ. ش. أ:

يصل أمين عام مساعد الحزب الوطني الديمقراطي ورئيس لجنة السياسات جمال مبارك إلي العاصمة الأمريكية واشنطن بعد غد في مستهل زيارة للولايات المتحدة تستغرق يومين.

يلتقي جمال مبارك في اليوم الأول عدداً من رؤساء المجالس الفكرية والمحللين المهتمين بقضايا الشرق الأوسط.. كما يلتقي أيضا عدداً من أعضاء الكونجرس ومسئولي الإدارة الأمريكية الجديدة في لقاءات وصفت بأنها تعارفية.

يتوجه جمال مبارك في اليوم التالي إلي نيويورك حيث يشارك في ندوة يعقدها مجلس العلاقات الخارجية الأمريكية.. كما يلتقي مجلس إدارة مؤسسة "جي بي مورجان".

[Alshiekh]

تخيلوا الخبر نزل امبارح في جريدة الشروق

قلت افتكاسة وخبر من عينه اخبار المصري اليوم

ولإنني حطيت الموضوع في دمافي روحت قايم الصبح بحركة انتحارية .. وروحت سادد مناخيري وجايب نص لمونه وجرشتها وروحت مستعيذ بالله وداخل موقع الحزب الوطني وليكن ما يكون ... اني الاقي خوبير صغير حتى ... ابداً

فأنتظرت الي ان صدرت جريدة المساء ولقيت فيها تأكيد لزيارة السيد الرئيس جمال مبارك لأمريكا بعد غد

جمال مبارك في أمريكا.. بعد غد

يلتقي عدداً من رؤساء المجالس الفكرية وأعضاء الكونجرس

واشنطن أ. ش. أ:

يصل أمين عام مساعد الحزب الوطني الديمقراطي ورئيس لجنة السياسات جمال مبارك إلي العاصمة الأمريكية واشنطن بعد غد في مستهل زيارة للولايات المتحدة تستغرق يومين.

يلتقي جمال مبارك في اليوم الأول عدداً من رؤساء المجالس الفكرية والمحللين المهتمين بقضايا الشرق الأوسط.. كما يلتقي أيضا عدداً من أعضاء الكونجرس ومسئولي الإدارة الأمريكية الجديدة في لقاءات وصفت بأنها تعارفية.

يتوجه جمال مبارك في اليوم التالي إلي نيويورك حيث يشارك في ندوة يعقدها مجلس العلاقات الخارجية الأمريكية.. كما يلتقي مجلس إدارة مؤسسة "جي بي مورجان".

طبعا هو ذاهب ليس ليعرفهم بنفسه ، ولكن ليقول ويؤكد لهم انه هو من يحكم من خلف الستار طوال هذا العقد ، وانه فى خلال الايام القادمة سيرسل لهم الممثل الرسمى.

وعلشان كده انا أقول لا لجمال مبارك فقد استنفذ مدتين وهذا يكفى.

[Virus]

أملنا فيك كبير يا مستر أوباما بعد ربنا طبعا...

ياريت تقدر يامستر أوباما تحققلنا اللي يبدو إننا مش حنقدر نعمله واحنا 80 مليون..

أقصد تزحلق مستر جمال وتديله الصابونة المتينة...

وبهذه المناسبة دار في مخيلتي سيناريو اقتراضي لهذا اللقاء..

-جيمي: صباح الخير يامستر أوباما...كونجراتس على الرئاسة...معندكش فكرة أنا سعيد قد إيه بنجاحك الأسطوري وإن المخفي بوش مشي بغباؤه..

-أوباما: ثانكس ياجيمي ده من ذوقك..ياترى أقدر أفيدك بإيه..الأول قولي انت هنا بصفتك إيه؟

-جيمي: أنا هنا أقدملك نفسي كرئيس مصر القادم..وعلى فكرة أنا فوتهالك بمزاجي لما خدت شعار الحملة بتاعتي (فكر جديد) وخليته شعار حملتك بعد ما حرفته شوية وسميته (التغيير)...بس مايجراش حاجة ميغلاش عليك احنا برضو شباب زي بعضينا..

-أوباما: فكر إيه وزفت إيه ياأخ جيمي..أنا واصلني أخبار عن بلدكو إن لا فيها فكر جديد ولا قديم...ده حتى المعونة بنفكر نلغيها بعد ما بقاش في خوف منكوا على إسرائيل وبعد ما بقى كل العرب مهرولين ..

-جيمي: يافندم متقولش كده...احنا برضو لسه في إيدينا كل الخيوط ولو حبينا نطلعلكوا طقم إرهابيين ينكد على اللي خلفوكوا مش هنغلب ...تيك كييير مننا ومتنساش إن عندنا داهية اسمها العادلي..آديك شايف حصل إيه في الحسين..ولعلمك لولا غلاوتك عندي كان الحادثة دي راح فيها 20...30 أمريكي بس احنا خلينا الطلعة دي على ساركوزي

أوباما: -طب ياسي جيمي وانت ازاي هتبقى ريس بقى والتقارير بتقول إن الناس مش طايقاك ولا طايقة سحنتك البهية!!

جيمي: ولا تقارير ولا دياولو..أنا جايبلك فيديوا كليب من أحدث زياراتي لأفقر قرى مصر..وهتشوف بنفسك الطفلة الريفية البسيطة الفقيرة بتشكرني ازاي..وهتشوف كمان الجماهير العريضة بتهتفلي ازاي..عاش نصير المبلولين..

-أوباما: طب والديموقراطية ياكابتن جيمي...

-جيمي: الله..انت هتقرفونا بقى ولا إيه ..مش قعدت تزن على أيمن نور عشان نطلعوا..آدينا طلعناهولك أهو وظبطناه ،وكمان هندخلوا قصادي الانتخابات الجاية حركات يعني..عايز إيه تاني بقى ياعم الرخم

وفي هذه الأثناء موبيل أوباما يرن..فيجيب عليه ليجد مسز كلينتون تخبره بأن الأقمار الصناعية استطاعت أخيرا تصوير المخابئ السرية أسفل مبنى أمن الدولة في الحي السادس والأعداد المهولة للمعتقلين فيها بدون تهم وأيضا عمليات التعذيب و ..و..و

يحمر وجه مستر أوباما من هول ما سمعه فهو -وعلى الرغم من أصله الأفريقي- إلا أن نشأته الارستقراطية جعلته مرهف الحس للتعدي على حقوق الانسان..

يزداد حنق مستر أوباما..وفجأة يرمي الهاتف من يده ويلتف بسرعة لجيمي ويقول له..

بره يا (...) يا ابن ال(...) ،مش حرام عليكوا محتلين البلد من 30 سنة وواكلين خيرها وساحلين شعبها..يا راجل ده حتى العنصريين البيض مكانوش بيعملوا كده في قرايبيني الجنوب أفريقيين، تخرج من هنا على بيتكوا عدل وتحمد ربنا إني خلاص بقفل جوانتانمو... ومش عايز أشوفك صدفة ولا حتى في الراديو..

جتكم البلاوي مليتوا العالم

تم تعديل 28 فبراير 2009 بواسطة Virus

[ابو محمد المصري]

الله الله عليكم روعه في عرض الخبر وتخيل السيناريو المحتمل اشكركم اخواني واسمحوا لي ان اقدم شكري لكل واحد علي حده

اشكرك اخي سي السيد علي نقل الخبر واضافه الليمون عليه حتي لاتميع انفسنا جميعا وشكرا قوي علي كلمه خويبر

اشكرك اخي محمد علي تعليقلك الرائع ولفت نظرنا ان الننوس خلاص عدي مدتين وكفايه عليه كده واحنا بش ناقصين

اشكرك اخي فيرس علي السيانريو التخيلي المفصل لتفاصيل الزياره وكان نفسي تختمها واوباما بيكسر ورا الننوس القله

[Virus]

نقلا عن مصراوي

وقال مصدر مسؤول بالحزب الوطنى للصحيفة: "إن الزيارة جاءت تلبية لدعوة شخصية لجمال مبارك من مؤسسة (جى بى مورجان) الأمريكية، لمناقشة الأزمة المالية العالمية وآثارها على أسواق الدول النامية".

وأكد أنه لا توجد أى وفود ستصاحب الأمين المساعد للحزب الوطنى فى هذه الرحلة".

وأضاف المصدر: "إن بعض المراكز البحثية الأمريكية استغلت وجود جمال مبارك فى الولايات المتحدة، ودعته لحضور ندوات متخصصة عن الشرق الأوسط".

كان مجلس العلاقات الخارجية الأمريكية قد أجرى ندوة يوم 23 من شهر يناير الماضى، حول أجندة الرئيس الأمريكى باراك أوباما فى منطقة الشرق الأوسط الكبير، ناقش فيها المشاركون قضية الخلافة الرئاسية فى مصر".

وقال ستيفن كوك، المتخصص فى دراسات الشرق الأوسط بمجلس العلاقات الخارجية الأمريكية، الذى يعد فى الوقت الحالى كتاباً عن الولايات المتحدة ومصر: إن الاتجاه الحالى فى مصر يمثل الفصل الأول لدراما ما بعد مبارك.

واشار كوك إلى أنه توجد سيناريوهات عديدة حول خلافة مبارك فى الرئاسة، لكن السيناريو الرئيسى الذى تشير إليه معظم المؤشرات العامة هو خلافة جمال مبارك لوالده.

وتابع كوك "أنا لا أريد أن أتكهن عمن سيخلف مبارك، سواء كان جمال أو أحد القادة العسكريين أو أى شخص، ولكن يمكننى القول إنه من الواضح أنه أياً كان من سيخلف الرئيس مبارك فإنه سيكون من داخل النظام".

واشار إلى أن هذا قد يؤدى إلى توتر فى العلاقات المصرية الأمريكية فى البداية.

وقال إن الشخص الذى سيخلف الرئيس مبارك سيحتاج إلى تعزيز القوى السياسية، لأننا سنواجه منافسين من مجموعة مختلفة من الفصائل.

يبدو أنه لا فائدة من التشبث بقشتي الصغيرة التي ظنننتها ستنقذني من الغرق

أقصد ضمير السيد أوباما..وضمير الديموقراطية الأمريكية ..أرض حقوق الإنسان...

وسيعلو مجددا صوت المصالح القبيح على أنين المحتلين في هذا الوطن

ولا عزاء لي ولأمثالي ممن دفعهم اليأس للتخيل أن حريتهم ربما تأتيهم من الخارج..هدية لطيفة ملفوفة بالسيلوفان!!

[ذهبية]

اولا دة شىء طبيعى جدا ان يزور جيمى امريكااا و طبيعى جداااا انة يكون الرئيس

لانة بالفعل يمارس مهامة بكل نشاط وهمة وكلنا طبعا عارفين دة هو يعنى علشان دة مش معلن دة معناة انة مش بيحكم مصر

بس نفسى اعرف جيمى بقى هيجاوب اوبامااا على الاسئلة دى ازاى من اوباما

1- اية موضوع المظاهرات والاعتصامات يا جيمى الىل كل يوم عندكم دى دة مفيش قطاع من قطاعات الشعب معملش مظاهرة من سواقين لعمال لاطباء لمحامين ووووووو

2- مين هو احمد عز اسمة بيتكرر كتير قوى هو تجار حديد ولا اية بالضبط ؟؟

3- اية موضوع الناس اللى بتخطف و تجرى دة يا جيمى واخرهم البوشى

4- اية موضوع الجبايات الىل كل شوية الحكومة بتخدها منالشعب دة يا جيمى من اول رفع فاتورة الكهربا والمية و التليفون و الغاز هو انتم عملتوا سياسة جديدة اسمها سياسة الامر الواقع و ادفع و بعدين ابقى اشتكى

5- فلوس بيع القطاع العام يا جيمى بتروح فين اللى كل شوية بيتباع منها حتة ياترى بتروح فلوسها فين

6-كل الاسعار فى العالم انخفضت يا جيمى اشمعن مصر كل الاسعار فيها بترتفع فيها لية و لما بترتفع مش بترجع تانى لية يا جيمى

7- اية موضوع الاحتكار الىل عندكم دة كل حاجة فيها احتكار من حديد الى اسمنت الى الى

امال فين سياسة الاقتصاد الحر هو تعليمنا منفعكش فيكم و لا اية

8-و بعدين يا جيمى انتم عندكم اللى بيسرق مش بيتحاكم لية يا جيمى هو الحصانة بتفضل عندكم حتى بعد ما الوزير بيسيب الحكم و بيفضل الى مماتة و يورث للاولاد بعدة

بيتهايلى يا جماعة لو اوباما بدا فى الاسئلة دى احتمال جيمى مش يفضل هناك يومين اعتقد ان الزيارة هتطول اكتر من كدة

اة و نسيت برضة يسالة اوباما عن سبب سقوط الزمالك ؟؟زى ما سقطت حاجات كتيرة قوى وللاسف ملهاش ملحق ولا دور تانى

[Sherief AbdelWahab]

ما الصفقة معروفة ، نبعت قوات للعراق مقابل الصهينة على جميع الملفات اللي كانت أمريكا بتلاعبنا عليها.. ومن ضمنها طبعاً ملف سيمبا..

خلص الكلام

[Virus]

ما الصفقة معروفة ، نبعت قوات للعراق مقابل الصهينة على جميع الملفات اللي كانت أمريكا بتلاعبنا عليها.. ومن ضمنها طبعاً ملف سيمبا..

خلص الكلام

لا والله...بتتكلم بجد!!!

وأنا اللي عمال أقول اللي هيخلي أوباما يفوت ببلاش كده؟؟!!

وإرسال القوات هيعدي كده بسهولة؟؟؟

لأ كده كتير قوي قوي....... قوي...

انت نكدت علي بالخبر ده فعلا..!!