هي البلد كلها اتحولت إلى 0900

[KANE]

في فترة اسبوع الاجازة لمنتصف العام تابعت التليفيزيون بشكل كبير خصوصا إن الأجواء لم تكن تسمح بخروجات كثيرة

المهم انني اكتشفت ان موضوع 0900 زاد عن الحد بشكل رهيب

المسابقات الوهمية والخدمات التافهة التي تُقدم خلال 0900 هل لها داعي لهذا البلد المنكوب اقتصادياً؟

هذه المسابقات حتى تدخل في نطاق الميسر

آخر هذه المهازل ان طلاب عين شمس للحصول على درجاتهم لابد ان يتصلوا على 0900 للحصول على الدرجات

واظن اللعب على فئة الشباب الساذج والبسطاء الذين يطمعون في مكسب سريع بلا تعب ولا عناء

[fatfouta]

من الواضح يا اخ كين ان حضرتك مهتم اوى بالتليفزيون بس خلاص بقى خده على عيبه هنعملهم ايه

بس عندك حق فى موضوع المسابقات التافهة اللى مالهاش لزمة خالص وكل ضحك على الناس ومن وراها بتكسب القناة ملايين وطبعا شركة الاتصالات بتكسب كمان ادهم واكتر

بس ايه رأيك فى مستر كرومبو ده عندى الولاد بيحبوه جدااا واول مايشوفوا يقعدوا يتنططوا ذى المجانين وخايفة لا يتلغى يجيلهم عقدة نفسية تصدق؟!!!

[محمد عيسى]

آخر هذه المهازل ان طلاب عين شمس للحصول على درجاتهم لابد ان يتصلوا على 0900 للحصول على الدرجات

و ماله !! بتكلم بجد .. اصل الدقيقة بجنيه و نص، و لو راح الكليه هايدفع كام مواصلات و كام اكرامية للفراش خاصة لو هايجيبها من الكنترول و كام اكراميه للحرس و انت خارج

هتلاقي نفسك موفر و كسبان لما تتصل .. و غالباً مده المكالمه هاتكون اقل من تلات دقايق يعني اربعه جنيه و نص و تترحم من المواصلات و خلافه

ده غير طمئنة الآباء و عايزين يعرفوا

[مغتربة]

بس ايه رأيك فى مستر كرومبو ده عندى الولاد بيحبوه جدااا واول مايشوفوا يقعدوا يتنططوا ذى المجانين وخايفة لا يتلغى يجيلهم عقدة نفسية تصدق؟!!!

كرومبو ده مجنن الناس كلها تعرفى ان ليه جروب على الفيس بوك

انا كمان بحبه جدا جدا و بتابعه بشغف رغم سهوله الفزوره الا ان الحلقه فى حد ذاتها so funny

و متخافيش انه يتلغى لان الخبر الحلو انهم هيعملوه حلقات تلفيزيونيه مده الحلقه عشر دقائق فى رمضان الجاى

يلا عايزين ناسس نادى مشجعين كرومبو :lol: wst::

[سهل جدا]

والله المسابقات ديه مصيبة

كله نصب في نصب وأكل أموال الغلابة بالباطل

قرأت مرة في الجرايد إن واحدة فضلت تتصل على الأرقام اللي أولها 0900 لحد ما جات فاتورة التليفون كذا ألف جنيه

راح جوزها مطلقها بالتلاتة.. (هو ده اللي قدرت عليه :blush2: )