سؤال لكل الازواج

[سماسعد]

السلام عليكم ورحمة الله وبركاته :blush2:

بيوت كثيرة بتمر بمشكله حبيت اني اطرحها ونتناقش فيها

سؤالي للرجال (بس الاجابه بصراحة)

لو اتقابلت في مجال عملك بسيدة وبدأت تتقرب منك وتظهر اعجابها بك وتحاصرك بحبها ماذا تفعل؟ :sad:

هتروح تحكي لزوجتك وتبعد عن هذه المرأة بكل جهدك؟

ولا هتقول ياواد ماتجرب واديني بتسلي! ha)

سؤالي للزوجات

هتعملي ايه لو عرفتي بصدفه ان فيه معجبه بيه! wst::

تحياتي وفانتظار مشاركتكم الجميلة :lol:

تم تعديل 1 مارس 2009 بواسطة سماسعد

[عصام]

السلام عليكم ورحمة الله وبركاته :blush2:

بيوت كثيرة بتمر بمشكله حبيت اني اطرحها ونتناقش فيها

سؤالي للرجال (بس الاجابه بصراحة)

لو اتقابلت في مجال عملك بسيدة وبدأت تتقرب منك وتظهر اعجابها بك وتحاصرك بحبها ماذا تفعل؟ :lol:

هتروح تحكي لزوجتك وتبعد عن هذه المرأة بكل جهدك؟

ولا هتقول ياواد ماتجرب واديني بتسلي! :sad:

إسأل نفسك لو المدام اتعرضت لنفس الموقف .. يا ترى إنت تحب انها تعمل إيه؟

[سماسعد]

إسأل نفسك لو المدام اتعرضت لنفس الموقف .. يا ترى إنت تحب انها تعمل إيه؟

يا أستاذ عصام خليك واقعي احنا في مجتمع شرقي

استحاله هيساوي المرأة و الراجل في الموضوع ده

خلينا نتكلم بصراحه

الاغراءات اللي بيتعرض ليها الراجل في الزمن ده كتير

وفيه رجاله كتير بتاخدها تسالي او عايزين يجربو احساس الحب

وبعدين الموضوع بيكبر وبتكون النتيجه مشاكل وخراب بيت

وعلشان كده بنسأل

هل سهل انك تبعد وتلتفت لبيتك؟

ولا غصب عنك بتلاقي مشاعرك رايحه معاها؟؟

تم تعديل 1 مارس 2009 بواسطة سماسعد

[Folana]

السلام عليكم ورحمة الله.....

بعيدا عن سؤال العضو/ة سما سعد....

الاخ/ الاخت الفاضلة...كنت لفت نظرك حضرتك من قبل ان لك مشاركات هنا تتحدث فيها بصفتك عضو بالمنتدى

ومداخلات اخرى تتحدث فيها بصفتك عضوة بالمنتدى...وحضرتك تجاهلت الر د على تساؤلى وارسلت لك على الخاص (ولكن اغلب الظن ان الرسالة لم تصل لحضرتك لانها مازالت فى التتبع)

والان....ردك على الاستاذ عصام دفعنى لكى اكرر سؤالى مرة أخرى

هل حضرتك تتحدث مع الاعضاء بصفتك عضو..ام عضوة؟؟

ولك أن تعلم انه لا يسمح باستخدام عضوية واحدة مشتركة حتى لو بين الازواج....حضرتك حدد موقفك وأعلنه والا ستضطر الادارة الى ايقاف هذه العضوية.....ويمكنك ان تسجل عضوية باسمك واخرى باسم المدام...

وهذا رابط الموضوع

ضغط الدم المنخفض عند الحوامل

شاكرين حسن تفهمك

تم تعديل 1 مارس 2009 بواسطة Folana
اضافة رابط

[سماسعد]

السلام عليكم ورحمة الله وبركاته :blush2:

أكيد سما بنت مش ولد وزوجي عمره مادخل المنتدي ولا اشترك فيه

انا عرضت موضوع في بدايتي عن زوجي لاني كنت مكسوفه في الاول ومش متعوده علي الاشتراك في المنتديات

واتكسفت اني اعرض مشكله تخصه عن لساني فكتبت الموضوع كانه هو اللي كاتبه(بحسن نيه)

والرساله اللي دخل بيها **** فلانه مفهمتش منها حاجه انا افتكرتها بتعلق علي الموضوع

وموصلنيش منها اي رساله علي الخاص بتسأل اذا كنت ولد او بنت

وانا مارتكبتش اي خطأ يمكن يكون ده حرص ذائد من الادارة وعلينا احترام قوانينها

تم تعديل 1 مارس 2009 بواسطة Folana
اسلوب ساخر مرفوض

[سماسعد]

ياجماعه متنسوش موضوعنا الاساسي

***********

وتعالو نكمل ومستنيه تفاعلكم معايا

ومش عايزة الرجاله تتكسف تجاوب بصراحه

والله بيحصل واكيد اخواني اللي بيعملو هنا وفي اختلاط في عملهم

اتعرضو ليه بس خايفين يقولو الحقيقه

لسة فيه اسئله تانيه

عايزين نعرض المشكله من جميع جوانبها ونلاقيلها حلول

فانتظار مشاركتكم :blush2:

تم تعديل 1 مارس 2009 بواسطة Folana
تعليق غير لائق على مداخلة ادارية

[Folana]

السلام عليكم ورحمة الله...

اذن...سما سعد هى عضوة واخت كريمة بيننا...وتعلن الادارة هذا لجميع الاخوة الاعضاء...وماتم عرضه من مشاركات باسم الزوج لن يلتفت لها

شاكرين لك سرعة استجابتك

ونتمنى أن نقرأ مشاركات قيمة تفيدنا وتضيف الى رصيد الاخت سما سعد

الادارة

فلانة

[سهل جدا]

سؤالي للرجال (بس الاجابه بصراحة)

لو اتقابلت في مجال عملك بسيدة وبدأت تتقرب منك وتظهر اعجابها بك وتحاصرك بحبها ماذا تفعل؟ :sad:

هتروح تحكي لزوجتك وتبعد عن هذه المرأة بكل جهدك؟

ولا هتقول ياواد ماتجرب واديني بتسلي! wst::

بصراحة حصلت معايا قبل كده

كان في واحدة عرفتها عن طريق الشغل طلبت مني إني أتجوزها .. كده وش علطول

لكن كان في عقبات كثير في الموضوع لأنها كانت سعودية

وكمان عندهم طبعا موضوع المهر ده (متوسط 30 ألف جنيه) ده غير مصاريف الجواز و...

فصرفت نظر عن الموضوع طبعا

المهم قولت لمراتي بعدها , ويارتني ما قولتلها

هاتك يا أسئلة وهاتك تفتيش في الموبايل والهدوم و.....

وكانت أيام ما يعلم بيها إلا ربنا

عشان كده بنصح أي رجل لو زوجتك من النوع إياه

وحبيت تعملها وتتجوز تاني, فما عليك إلا أن تسلك مسلك إنك تحطها قدام الأمر الواقع

يعني اعملها واتجوز ثم أخبرها بعد كده واللي يحصل يحصل

وما تخافش , كل اللي عملوها طلعو منها سالمين

يعني شوية تعاوير خفيفة كده في الوش على كم غرزة .. :blush2:

وزي ما احنا عارفين .. ضرب الحبيب زي أكل الزبيب :lol:

[Scorpion]

شوفي يا مدام سما ....

الدبلة في ايد الزوج اول جدار مانع .. اول علامة انه منطقة محظورة ...

يبقي لو فيه واحدة ابتدت تاخد هي زمام المبادرة في التقرب اليه ... يعني تجرب معاه ..

يبقي مالهاش غير وصف واحد يعف لساني عن ذكره ...

ده الجزء الخاص بالإغراء اللي ابتدا الزوج يعيشه ... و الفكرة الواضحة اللي بتقدم بيه الهانم نفسها ليه ...

رد الفعل بقي ...

ابقي كذاب لو قلت ان اول حاجة جوا الراجل مش حتكون نوع من الرضا ... بمعني انه لسه بيثير اعجاب حد و بالذات لو كان في مرحلة منتصف العمر ...

ده الراجل الطبيعي و اللي الأمر المفروض يتوقف عنده عند النقطة دي بس مع اشارة واضحة للهانم انها بتضيع وقتها ....و طبعآ مش لازم انه يقول لمراته اللي حصل لأنه حيظهر كأنه "بيتنطط" عليها .. و انه واد حليوة و ان البنات بتتحدف عليه لكن علشان خاطرها بيرفضهم ... يعني حتكون فيها حتة جرح كرامة لمراته اللي مش عارفة قيمته ....

لأن الزوج الوفي .... ما بيقولش انا وفي ....

اما بقي اللي بسيب نفسه لتجربة مماثلة ... اللي ممكن يخاطر بحاجات كتيرة و مش حآجي جنب الشق الديني او الأخلاقي .. حكتفي بالجانب الإجتماعي اللي حيضيع فيه هناء و سعادة و هدوء حياته الزوجية .. بل حياته نفسها .. علشان نزوة ...

يبقي ما يلومش الا نفسه بعد كده ... و ما يحاولش انه يرمي المسئولية لما تيجي الطوبة في المعطوبة علي الهانم اللي حاولت معاه .... و الا مراته اللي مش فاهماه ...

تحياتي

[سماسعد]

شكرا علي مشاركتك الجميله يا استاذ سهل

بس خليني أسالك سؤال

ايه اللي يخلي واحد متغرب علشان يشتغل ومعاه زوجته واولاده والامور مستقرة ما بينهم

يفكر في زوجة تانيه؟

ومراته اللي متحملة الغربة معاه هل تستاهل منه كده؟

[سماسعد]

شكرا علي مشاركتك الكريمه scorpion

والله انا برده مستغربه من حاجه ان هم بيكونو عارفين انه متجوز وبيحاولو يتقربو منه

لا والادهي من كده في البعض هنا بيكونو متزوجات ومنهم كبار في العمر وتلاقيهم بيبعتو رسايل تقول مراهقين

هل صعب علي الرجل انه من الاول يقولها انا بحب مراتي ومعنديش استعداد اني اخونها او اغدر بيها؟

بس خليني معاك هيا اعجبت بيك وبدات تتكلم معاك وتبعتلك رسايل حلوة وانت قولت لنفسك

(حد يلاقي دلع وميدلعش) والموضوع كبر ما بينكم ولقيت قلبك اتعلق بيها ومش قدار تبعد

هتعمل ايه؟

والكارثه لو زوجتك اكتشفت الموضوع هتتصرف ازاي؟

تم تعديل 1 مارس 2009 بواسطة سماسعد

[nana]

الاخت سما

الحقيقه ان العيب على الزوج لانه ادى فرصه لواحده انها تكلمه وعمر ما واحده تتجراء وتتقرب من راجل متزوج الا بعد متشوف فى عنيه كلام :unsure:

اوحسه ان يجى منه :unsure:

وطبعا اللى عنيهم زايغه كتير :rolleyes:

ام لو اكتشفت ان جوزى بيعرف واحده مش عارفه هاعمل ايه بس اكيد مش خير وهتبقى ايام سوده علينا كلنا ربنا ميكتبهاش على حد يارب

[سماسعد]

شكرا ليكي يانانا علي مشاركتك :unsure:

مش شرط يأخت نانا تكون عينه زايغه انا ليا صديقه زوجها كان بيتكسف من خياله

واذا قصدك علي جرأت الست

فربنا يستر علينا جميعا الواحد من ساعه ماجيه في الغربه وبيقابل حاجات عمره ماكان يتخيلها

هو بحكم تعاملهم في العمل او كزباين بيتكلمو ومرة علي مر

تبدأتبعتلو رساله اول مره هيطنش وبعدين هيرد بتيجي كده

لحد ما بتلاقي الزوجة نفسها امام كارثة ومش عارفه تعمل ايه

هو هيكون غلطان انه ميوقفهاش عند حدها ويقولها انا مليش في السكه دي

وعلشان كده انا بسأل

هو صعب علي الراجل انه يصد الست ويقولها احترمي نفسك وابعدي عني :rolleyes:

تم تعديل 1 مارس 2009 بواسطة سماسعد

[ذهبية]

والله يا سما انا هاحكى لك تجربة من الواقع حصلت الى اخو زوجى

كانت لة زميلة فى العمل كانت ارملة و لها ولدين المهم زى ما بيقولوا هى حطت عينها علية و فضلت وراه و بدا الموضوع انهم يتكلموا فىالشغل الاول ثم زاد الحوار و بدا يتكلموا عن الحياة الشخصية و طبعا طبعا كاى زوج بدا يعرض بعض سلبيات زوجتة من هنا بدات ترمى اول خيوطها

و لو قولت لكم انها دخلت من ناحية الدين يعنى ان الدين بيقول ان الزوجة لابد ان تركع لزوجها و تسمع كلامة الى اخر هذا الحوا ر

طبعا حكيت لة مدى عذابها مع زوجها و انها قد اية راعت ربنا فية و انها لو تزوجت ازاى هتعيش جوزها فى سعادة وجنة

ثم بدا ياخد منعطف تانى انها بدات تقنعة بفكرة التعدد ودة حق لة و سنة على الرسول و بدات تجيب لة ايات من القرا ن والسنة و امثلة من الواقع

ثم بدات تقولة انها على استعداد تبقى زوجة تانية و تصاحب مراتة و تكون اخت لها تانية و ام لاولادة و بدات من الاخر ترسم الحياة الوردية و الموضوع سهل جداااا

وانها غنية ومحتاج بس ظل حيطة و التحصين و مش هتطلب منة مليم احمر وهى تحت امرة فى كل شىء

فعلا تم لها المرادو اتفقوا على الزواج

اين بقى الزوجة نايمة فى العسل نوم كلنا لاحظنا علية تغيرات ماعادا هى نقول لها يا بنتى خدى بالك من جوزك تقول معقول حد يبص لة على اية هو حيلتة حاجة بلا وجع قلب

وهو كمان كان لئيم جدا معاها كان بيجيب لها هدايا و لماكانت تمرض يفضل تحت رجلها يعنى من الاخر خدرها على الاخرررررررررررر

احنا ننصح وهى ما تصدق ازاى تصدق و هو تحت رجلها و دلع و خروج وحب وهى مقتنعة ان جوزها اخر رجل ممكن يتبص علية وانها اخر واحدة هبلة خدتة وظل الوهم مسيطر عليها

عارفين صدقت امتىىى؟؟؟؟؟؟؟؟؟؟؟؟؟؟؟

لما الماذون بعت ليها ورقة ان زوجها اتجوز عليها وقتها بس اغمى عليها و راحت الدكتور و البيت اتخرب

تفتكروا غلطة مين فى القصة الواقعية جدااا جدا دى ومازالوا اصحابها عايشين

ولو عازين احكى لكم حصل اية بعدكدة هاقول لكم

ياترى مين بقى اللى غلطان عين الرجل الزايغة ولا ذكائة فى تلبيس مراتة العمة زى ما بيقولوا ؟؟

ولا الزميلة اللى عرفت تجيب لنفسها زوج بعد جفاء السنين وعرفت ازاى تدخل لة من مدخل الدين باحتراف ؟؟؟

ولا الزوجة اللى نايمة على ودانها واللى حاطة فى دماغها ان مش ممكن جوزى يعمل كدة وانهو واحدة عاقلة تبص لة؟؟؟؟

[سماسعد]

ياااااااااااه ياذهبية قصتك حلوة قوي

بس ياريت تكمليها وقوليلنا هل هو ارتاح بزواجه التاني ولا ندم

انا رايي ان زوجته الاولي مكنتش تسيبه كانت تفضل علي قلبهم لحد مايعرف انه غلط

وانه لو لف الدنيا مش هيلاقي زي الزوجة الاولي مش تسيبها تتهني ببيه وتبعد هيا

لكن ماتلوميهاش علي ثقتها فيه الواحدة لما بتحب حد وبيكون مبينلها ان مفيش غيرها تملي عينه

عمرها ماتصدق انه ممكن يخونها او يغدر بيها

تم تعديل 2 مارس 2009 بواسطة سماسعد

[سماسعد]

تم تعديل 2 مارس 2009 بواسطة سماسعد

[سماسعد]

ياريت الستات يشاركونا برأيهم ويقولولنا

لو اكتشفت ان زوجك في ست في حياته بتبعتله رسايل وتكلمه لا والمصيبه انهم بدأو يتقابلو

وعرفتي ارقامها الثابت والجوال

هتعملي ايه؟

وبلاش تسرع هو غلط حاسبيه براحتك بس في بيت لازم تحافظي عليه

وفيه واحده قاعدة مستنيالك اي غلطة علشان تظهر في الصورة وتاخده منك

[سهل جدا]

والله يا سما انا هاحكى لك تجربة من الواقع حصلت الى اخو زوجى

أختي الفاضلة ذهبية

حضرتك تتكلمين كما لو كان الرجل وتلك الأرملة وقعا في الزنا والعياذ بالله

يا أختي الكريمة , هذا زواج على سنة الله ورسوله وبما أحله الله

ياترى مين بقى اللى غلطان عين الرجل الزايغة ولا ذكائة فى تلبيس مراتة العمة زى ما بيقولوا ؟؟

ولا الزميلة اللى عرفت تجيب لنفسها زوج بعد جفاء السنين وعرفت ازاى تدخل لة من مدخل الدين باحتراف ؟؟؟

ولا الزوجة اللى نايمة على ودانها واللى حاطة فى دماغها ان مش ممكن جوزى يعمل كدة وانهو واحدة عاقلة تبص لة؟؟؟؟

لو وزنا الأمور بميزان الشرع الصحيح, هايكون الغلطان الزوجة الأولى التي رفضت أن يعف زوجها امرأة أرملة في حاجة للزواج

وقد تدور الأيام وتكون هذه الزوجة هي في نفس مكان تلك الأرملة..

[nana]

ياااااااااااه ياذهبية قصتك حلوة قوي

بس ياريت تكمليها وقوليلنا هل هو ارتاح بزواجه التاني ولا ندم

انا رايي ان زوجته الاولي مكنتش تسيبه كانت تفضل علي قلبهم لحد مايعرف انه غلط

وانه لو لف الدنيا مش هيلاقي زي الزوجة الاولي مش تسيبها تتهني ببيه وتبعد هيا

لكن ماتلوميهاش علي ثقتها فيه الواحدة لما بتحب حد وبيكون مبينلها ان مفيش غيرها تملي عينه

عمرها ماتصدق انه ممكن يخونها او يغدر بيها

يا سلام ماهوه دهه الامل المنشود لسعادته طبعا

[se_ Elsyed]

لو وزنا الأمور بميزان الشرع الصحيح, هايكون الغلطان الزوجة الأولى التي رفضت أن يعف زوجها امرأة أرملة في حاجة للزواج

وقد تدور الأيام وتكون هذه الزوجة هي في نفس مكان تلك الأرملة

الله يكرمك بلاش المثاليات اللي زيادة عن اللزوم دي يا سهل

والحمد لله إنك متزوج ... فجرب كده وروح قول لزوجتك أنا قررت إني أعف واحدة زميلتي في الشغل وأتزوجها .... وأبقى سيب لنا عنوانك عشان نطمئن عليك

سؤال أخير ... ليه راية الشرع تُرفع عند الزواج الثاني أو الثالث او الرابع .. وما فيش حد حتى من المعازيم بيتكلم عن العدل ولا عن شعور الزوجة الأولى اللي إنجرحت بعد رحلة كفاح مع زوجها ... ولا عن طفاسة الزوج اللي تزوج بثانية بدون مبرر .. يعني لا الأولى مريضة ولا ما بتخلفش مثلاً ولا أهملته ؟!!!!!

-----------------------

الحمد لله يارب إحنا هنا في الرياض كلنا رجالة وبنقف وقفة رجالة ... عشان كده ما تحطيتش في موقف زي ده .. فانا مش معاكو في الموضوع وسأكتفي بالقراءة ..