سؤال لكل الازواج

[ozoozo]

هو انتم ياجماعه بتتكلمو عن رميلاتي في الشغل هنا في السعوديه؟؟؟؟؟ انا عندي الموظفات لهم اسانسير لوحدهم وباب دخول لوحدهم ومكاتب لوحدهم وممنوع ادخل مكاتبهم حتي للشغل لكن مسموح فقط بالميلات والتليفونات _غالبا بيطنشوا ومابيردوش- لانهاء الشغل ........وانا من مكاني هذا اعلن اني مستعد لاي معاكسه من اي واحده بس للاسف انا هانضم لسين سين في وقفته مع الرجاله

[سهل جدا]

هو انتم ياجماعه بتتكلمو عن رميلاتي في الشغل هنا في السعوديه؟؟؟؟؟ انا عندي الموظفات لهم اسانسير لوحدهم وباب دخول لوحدهم ومكاتب لوحدهم وممنوع ادخل مكاتبهم حتي للشغل لكن مسموح فقط بالميلات والتليفونات _غالبا بيطنشوا ومابيردوش- لانهاء الشغل ........وانا من مكاني هذا اعلن اني مستعد لاي معاكسه من اي واحده بس للاسف انا هانضم لسين سين في وقفته مع الرجاله

لا يا أخ أوزوزو

أنا ما كنتش أقصد زميلة في الشغل

أنا قلت تعرفت عليها عن طريق الشغل وكنت أقصد شغلي الخاص

أصلى أنا كنت بدي دروس خصوصية , كنت عامل زي المنشار أول ما جيت السعودية

بس بعد كده سبتني من الكلام ده

أما شغلي الرسمي فهو رجالة كله زيك وزي الأخ (سين سين)

[سماسعد]

لو وزنا الأمور بميزان الشرع الصحيح, هايكون الغلطان الزوجة الأولى التي رفضت أن يعف زوجها امرأة أرملة في حاجة للزواج

يا أستاذ سهل هو الجواز سهل

ده بيت جديد بتبني علي انقاض بيت تاني وفيه اولاد هيا اللي بترووح في الرجلين

اشكرك علي حكمتك يأستاذ سي سي

في سؤال محدش من الرجال جاوبني عليه واتمني الاجابه عندك

هو من الصعب علي الراجل انه يقولها احترمي نفسك وابعدي عني انا مليش غير بيتي؟

هو فعلا مفيش اختلاط في العمل في السعوديه داخل الابنيه غير في مجال البيع والشرا

وهنا بتشوف العجب وبيقابلو بلاوي :lol: clp::

[se_ Elsyed]

كان في قصة بيحكيها الشيخ الشعراوي على ما أعتقد عن رجل بسيط كان بيصلي جماعة في المسجد فبعد التسليم بيمد إيده وبيلسم على الاخ اللي جنبه وبيقول له " حرماً " دعاء يعني بسيط إن صلاته تبقى بالحرم ... فالتاني أنفعل وقال له : إيه اللي إنت بتقوله ده ؟ دي بدعة ... فقال الرجل البسيط : يعني حرماً بدعه وقلة الادب مش بدعة ؟

يعني ليه بنبص للحلال والحرام من زاوية واحده ؟

اللي عايز اقوله للمرة المليون ... الزواج الثاني حلال حلال حلال - تلاته حلال - بس مش ده بس اللي حلال وفي حاجات تانية حرام كعدم العدل او ضياع اسرة بحالها ... إلخ

-------------

عودة للموضوع : مما لا شك فيه إن الراجل بالذات اضعف من الست .. يعني بشوية حنيه بيبقى طري زي المهلبية :lol: والله بجد ... حتى لو الحنيه دي كانت مُحرمه - استغفر الله .. عشان كده القرآن نهى المرأة حتى إنها تنعم صوتها في كلام الرجال الغرباء

يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ إِنِ اتَّقَيْتُنَّ فَلاَ تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَّعْروفاً وَقَرْنَ فِي بُيُوتِكُنَّ وَلاَ تَبَرَّجْنَ تَبَرُّجَ الجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ البَيْتِ وَيُطَهِّرَكُمْ تَطْهِيراً

بالتأكيد كلام الله ليس موجهاً إلى نساء النبي فقط ..

ومعليش يعني .. حد ييجي يقول لي : لأ الست ممكن تحافظ على نفسها ولو في وسط ديابه ... واللي بتحترم بتحترم نفسه والكلام اللي لا يودي ولا يجيب .. أقول له لأ يا حبيبي ... الإنسان عبارة عن كيان مُتكامل ... خلينا نتكلم عن المرأة .. فهي شخصية .. وأسلوب كلام ومظهر ... أما حكابة بقى إنها تبقى متبهرجة ولابس اللي عالحبل قصدي مش لابسه اللي عالحبل وتتمايل وتتكلم بأسلوب لين ووسط زملاء العمل مثلاً من الرجال ونقول بس دي محترمة وتقدر تحافظ على نفسها ... كلام لا يدخل العقل ..

فخلاصة الموضوع ..... أيوه معظم الرجالة إلا من رحم ربي ... ما عندوش حاجه يخسرها وممكن يقبل الكلام اللين والعلاقة العابرة مع إمرأة أخرى ...... واللي هايقول غير كده هاضربه ...

والراجل إذا قاوم مرة وإتنين .. هاييجي في التالتة ويسلم ...

[سهل جدا]

عودة للموضوع : مما لا شك فيه إن الراجل بالذات اضعف من الست .. يعني بشوية حنيه بيبقى طري زي المهلبية :lol: والله بجد ... حتى لو الحنيه دي كانت مُحرمه - استغفر الله .. عشان كده القرآن نهى المرأة حتى إنها تنعم صوتها في كلام الرجال الغرباء

والراجل إذا قاوم مرة وإتنين .. هاييجي في التالتة ويسلم ...

تعرف يا أستاذ سين سين..

اللي يقول غير الكلام ده , بشك فيه علطول

أنا بعتبر إن من كمال الرجولة والفحولة إن الراجل يتأثر من النساء وحركاتهم؛ بس أهم حاجة إنه ده ما يجروش للحرام .. يعني يا جواز يا إما خلعووووون...

لما كنت في الجامعة كان لي أصحاب بنات (قبل ما أصبح ملتزم ولله الحمد) لما كانت واحدة بتكلمني بطريقة ناعمة كده أو لما كنت بلمس واحدة بدون قصد أو أسلم عليها كنت بحس بكهربا في جسمي..

ولما اتكلمت في الموضوع ده مع واحد صاحبي قالي: يا عم عيب عليك ما يبقاش تفكيرك كده

فقولتله: يا جماعة حرام عليكو .. دي حاجة غصب عني أعمل إيه..

وبصراحة كده شكيت فيه علطول

لأن الراجل اللي ما يتأثرش بالكلام الناعم والحركات النسوانية ديه .. يعتبر ..... (أكمل النقاط)

وعشان كده الرسول صلى الله عليه وسلم نهى عن لمس المرأة الأجنبية وقال: (لأن يطعن في رأس رجل بمخيط من حديد خير له من أن يمس امرأة لا تحل)

وكمان نهى ربنا سبحانه وتعالى نهى عن الخضوع بالقول كما تفضل الأستاذ (سين سين)

خارج النص:

الزواج التاني يا حاج سي السيد مش بس حلال, دا مستحب كمان وأحيانا يصل للوجوب

[سماسعد]

:lol: تحياتي clp:: لحضرتك ياسي سي

طب الزوجه هنا تعمل ايه؟؟

وازاي تلحق الموضوع قبل مايروح يتجوزها!!!!!!!!!!!

فين الستات

قولولي هتتصرفو ازاي في الكارثة دي bv:-

فانتظار ردودكم

تم تعديل 2 مارس 2009 بواسطة سماسعد

[ذهبية]

بما انك طلبتى منى تكملة القصة يا سما هاكملها ليكم

بما انى عايشة كل فصولها الواقعيةو ابطالها حتى الان

و ارجو من الاخ سهل جدا ميستعجلش على الحكم و يسمع للاخر

بعد ما عرفت زوجة اخو زوجى انة اتجوز و تاكدت من ورقة الماذون و بعد ما فاقت من الصدمة اتصلت بوالدتها و اخواتها و اهلها كلهم و اتصلت باخواتة يعنى اجتماع عائلى موسع

و طبعا مش محتاجة احكى لكم كان فية اية و اتقال فية اية لكن نهايتة انها جمعت كل حاجاتها و فى شنطة و سابت لة البيت نسيت اقول لكم ان لهم ثلاث ابناء بنت وولد كبار فى اعدادى و ثانوى وولد ضغير 4 سنين

سابت الكبار و اخدت الضغير معاة و قالت لة طالما الهانم الجديدة سمحت لنفسها تحبك وتتجوزك وهى عارفة انك ليك عيال خليها بقى تربيهم ليك مع عيالها

وانتم راجعين من شغلكم ابقى هاتها تخدم عيالك و تطبخ ليهم و اخدت هدومها و مشيت و طبعا كلنا حاولنا التهدئة لكن مفيش فايدة و سابت البيت

المهم من ناحية اخرى هو حدد موعد جوازة بالفعل ولا همة اى شىء و استمر فى التجربة للنهاية وطبعا لان الهانم التانية ماثرة علية انة مش بيعمل حاجة حرام

اول ما راح يكتب كتب الكتاب مع العروسة الجديدة فجاتة انها كتبت كل ما تملك باسم اولادها لان دة كان شرط اولادها و اشترطت علية شبكة و مهر و طبعا كان لازم يكمل لانة بيحبها و مش طمعان فيها و مش مستنى منها حاجة مع انها فهمتة انها هى اللى هتصرف علية لانها غنية ومش هيخسر حاجة

تمت الجواز وطبعا البية فرحان بزوجتة و حياتة الجديدة العيال تايهين و كل واحد يروح يشوف طلباتهم شوية

طبعا الام انهارت و مقدرتش تسيب عيالها اكتر من كدة لان الاولاد انهاروا و قالوا لهااحنا ذنبنا اية

واهلها رفضوا انهم يتحملوا مسئولية اولادة و هو سعيد مع زوجتة الجديدة و مصاريف العيال كتيرة عليهم نتيجة تدخلنا نجحنا اننا نردها البيت و ترجع فى بيت عيالها لان مسئولية تلات اولاد لوحدها كبيرة عليها

ومش هتقدر تبعد عنهم اكترمن كدة

فعلا رجعت بيتها و اتفقوا على جدول زوجى يومى هو كل يوم عند واحدة يعنى يمشى بالعدل

وفعلا بدا الجدول الزوجى و بدا يذوق الزواج و هوسعيد معاة حبيبتة و زوجتة واولادة يعنى ملك الدنيا والامور استقرت لدرجة انة بدا يشجع اخواتة على التجربة الجميلة دى

مرت الايام والهانم الجديدة فرحانة جوز عصافير فى شهر العسل وبدات تقرب لينا كعيلة و عايزة بقى تكون فرد من اسرتنا الكبيرة لكن محدش فينا عرف يتقبلها حاولت مرارا و تكرارا و هو حاول شتى الطرق انها تكون واحدة فينا و فى تجمعتنا العائلية محدش عرف يتقبلها ولا كان طايقها لان بجد زوجتة الاولى كانت بتصعب علينا جدا لما يكون فية عيد البية فين عند كوندريزا بتاعتة و دة اسمها الحركى بينا فى وسط العيلة

شوية شوية بدات تزهق و تبعد عنا

حياتة معاها اية وسعيدولالا ؟؟

الاول كان سعيد جدا انة عريس جديد و بيعيد التجربة من تانى و مخسرش حاجة لكن بعد فترة بدا السعادة تروح و بدا يكون خدام للهانم وولادها يعنى روح هات طلباتهم روح ااقف على السباك على النجار مش انت الراجل فىالبيت

بدا يصرف لانة راجل ولازم يصرف بدا صحتة تتعب تشوفة كانة كبر تلاتين سنة

بدا ولادة يبعدوا عنة ومفيش اى ارتباط عاطفى بينهم و بينة

كان عندنا ورث فىالعيلة كل واحد فينا عرف يتسثمرة كويس الىل اشترى شقة و الى اشترى عربية و اللى فتح مشروع ماعاد هو ازاى و فاتح بيتين و مصاريف هنا و هناك

ولادة بداوا يضايقوا انهم ااقل ناس و ان كل العيال الى فى العيلة معاهم ابوهم واحنا لا لية بدات يكون عندهم عامل نفسى وحش جدا

حالتة الان من الاقل الى الاقل اخواتة اللى كانوا الاول حاطين سكينة على رقبتنا و يقولوا احنا هتعمل زية و نتجوز اتين بداوا يقولوا لة انت بتعمل فى نفسك كدة لية ؟؟؟؟مبهدل نفسك لية؟؟؟ و لمين؟؟ بدل ما تتعب لعيالك بتتعب لعيال غيرك انت مالك بعايلها ؟؟؟شوف عيالك انت استفدت اية و اية اللى عاد عليك؟؟؟؟

ما الستات واحد و الجواز واحد كلة زى بعضة

ضيعت صحتك و مالك وعيالك لية ؟؟؟؟

دى قصة حقيقة ومازالت اعيش احداثها يوميا وبيصعب عليا بجد لان كل شوية بيكبر صحتة بتتعب و الى كان بيقدر تعملة و انت ضغير مش هتقدر تعملة و انت كبير و هو الان عايش زى الساقية من الى هناك ما يخلص من طلبات البيت دة الى ان تطلع لة طلبات التانى والله لو شوفتة يصعب عليك

ياترى عمل لة الحب اية ؟؟؟ مش كان وفر صحتة وفلوسة و حبة الى زوجتة و اولادة احسن

اسفة للاطالة لكن اتمنى انها تكون عبرة للاخرين

[nana]

كرا على قصتك يا اخت ذهبيه وياريت تكون عبره لمن لا يعتبر

وعلى فكره انا سمعت ان فيه مرحله اسمها السبع سنين زواج اى بعد سبع سنوات زواج بيبدا الفتور وبالتالى قد يفكر الرجل بالزواج مره اخرى ليجددحياته ويستمتع بيها اكتر خصوصا ان الفلوس بدات تكتر فى ايديه وارى ان حكايه انه يعف اخت والكلام ده ماهو الا مبرر لرغبته فى ان يعف نفسه و فى التجديد مع عدم خساره زوجته فيغلفها بغلاف دينى ليقنع نفسه واللى حواليه وزوجته ان امكن

[سماسعد]

شكرا علي قصتك يا ذهبيه

بس يارب الرجاله تتعظ لان الوحيد اللي بيتظلم وبيتعقد هم الاطفال

والله يانانا مش شرط 7 سنين علشان يتحجج ويلعب بديله

والله ليا صديقه عزيزة هنا في السعودية لسه مكملوش خمس سنين جواز

واكتشفت ان في واحده (سوريه) ضحكت علي جوزها وقعدت تبعتله فرسايل وتكلمه في التليفون وهو

عايش ولهان بيرن عليها كل شويه ورسايل حب وكمان بدأ يقابلها

ومش عارفين الموضوع هيوصل لحد فين

ولما واجهته قلها

ياحبيبتي متكبريش الموضوع انا مليش غيرك وانا كنت بكلمها كلام عادي

و(معملتش حاجه غلط)

قلتله طب ازاي عادي ومفيش غلط ورسايل الحب الحراقه اللي كنت بتقعد ع نت وتدور عليها علشان تبعتهالها

واتصالك بيها في الفجر وخروجك معاها

كل ده عادي ومبيعملش غلط(حظه حلو انه مش زوجي)

احنا مش عارفين هو ناوي علي ايه (اتجوزها ولا لسه )الله اعلم

طب واحد زي ده حجته ايه مش كفايه معاه ومستحمله الغربه وبعيده عن اهلها

ولسه في بدايه حياتهم وواقفه معاه علشان يبنو مستقبلهم سوا هو ده جزاتها

طب دي تعمل ايه اتفضلو بحلول يمكن تقدرو تساعدوها

بس بلاش الستات تقول تسيبه لان عندها طفل عمره سنتين والتاني لسه رضيع

فانتظار مشاركتكم وحلولكم للمشكله

تم تعديل 2 مارس 2009 بواسطة سماسعد

[ذهبية]

اولا هى غلطت جدا جدا لما عرفتة انها عارفة الموضوع دة الصح كان انها لمااكتشفت دة متعرفوش ابدا انها عرفت حتى لو حست منة انة عايز يعرفها كانت هربت و عملت نفسها متعرفش لاسباب كتيرة جدا

اولا معرفتها بالطريقة دى معناة انها كسرت حاجز الخوف منة ليها و كسرت بدون ما تدرى الاحترام و انة خلاص ماعاد بيهمة لانها بالفعل عرفت

و بالطريقة دى هتبقى اى شىء عادى ما خلاص عرفت يعنى لما تلعب فى موبايلة و تشوف رسايل الشوق و الهيام اية يعنى ما انتى عرفتى

واللى كان هيتعمل فى الدرى و الخفاء هيتعمل قدامها عينى عينك ما انتى خلاص عرفتى ووافقتى و ما عملتى اى موقف

هاديكى مثل بسيط جدااا ساعات كتيرة الام بتعرف ان ابنها بيشرب سجاير و بتعمل نفسها متعرفش تيجى تساليها لية تقولك علشان ما يتجرا عليا و يشربها قدامى انا عندى يخاف منى و يشربها فى الحمام و يعمل ليا احترام قدامى احسن بكتير قوى ان الحاجز الىل بينى و بينة ينكسر و يشربها قدامى عينى عينك كدة

دى غلطة منها تدل انها ساذجة جدااا و هو عرف يحول موضوع خطير جداااا الى موضوع عادى وهو مش عادى نهائى

هاسيبكم الان و ارجع ليكى تانى اقولك هى تعمل اية

[محمود الاسكندرانى]

:"]اذا احبت المرأه رجلا اخلصت له واذا تزوجته كان كل حياتها -- اما الرجل فمهما احب زوجته فأنه لايكتفى بها وينظر لغيرها وهذا للاسف حالى

[سماسعد]

بصي ياذهبيه

:blink: اولا هو كان مسجل اسمها باسم راجل وبيمسح الرسايل علشان ماتشوفهاش

بس هيا عرفت بصدفه ومكنش ينفع تسكت

تخيلي نفسك مكانها

زوجك بيحبك ومش مخليكي عايزة حاجه وانتي في عيونه اجمل ست في الدنيا وبيدخل راسم كل الحب والحنان

مع انه قبل ما يفتح الباب ويدخل يترمي في حضنك كان بيرن عليها ويمسي عليها قبل مايدخل

لا وكمان ما بيصدق تتشغلي فاي حاجه ويرن عليها او يبعتلها رساله طبعا وانتي مش شايفه

غير قعاده ع نت يدور علي رسايل الحب علشان يبعتهالها

لا والكارثه بيخرج معاها (يارب الهيئه تمسكهم علشان يتعلمو الاخلاص)

لكنه من ساعت ماعرف انها عرفت بيعمل عكس اللي قولتيه

قالها ياحبيبتي انا عمري ماهلاقي غيرك وانا معملتش حاجه غلط وعلشان عيونك هبعد عنها خالص

وبعدين اتفجئت انه لسه معاها وكل ما بتكتشف رقمها وتعرف انهم لسه سوا

الهانم بتغير الرقم والزوج بيمسح كل حاجه علشان الزوجة تصدق انه خلاص سابها

وسبحان الله ربك بيكشف كدبه ولحد دلوقت معاها

انا قولتلها خدي هدنه واعملي نفسك مصدقة انه خلااص سابها

لحد مانشوفله حل

بس انا اللي غايظني في الموضوع ا

ازاي حضرته عمال بيحب في واحده بره البيت وبيدخل البيت عايش دور الزوج الوفي والعاشق لزوجته wst::

:) يكون عنده انفصام :happy:

تم تعديل 3 مارس 2009 بواسطة سماسعد

[سماسعد]

اشكرك علي صراحتك يا أستاذ محمود :blink:

بس بلاش تعمم كلامك علي كل الرجاله

لان فيه رجاله حتي لو غصب عنهم انشدو لست تانيه بيقاومو الاحساس ده وبيبعدو

لانهم خايفين علي بيتهم ولانهم مقتنعين ان زوجاتهم ملهومش ذنب

وصدقني كله بيعدي بس اللي يصبر

يعني انت لو اتقربت لربنا وبعدت خالص عن سكة الست اللي بتحبها

هتلاقي نفسك مع الوقت نسيتها ورجعت لحياتك الطبيعية :happy:

[se_ Elsyed]

طب الزوجه هنا تعمل ايه؟؟

وازاي تلحق الموضوع قبل مايروح يتجوزها!!!!!!!!!!!

الزوجة هنا بيبقى موقفها في غاية الصعوبة ..

فخلينا نقول لكم سر من أسرار الرجالة ..

الراجل ما بيتعاندش ... يعني العند معاه ما بيجيبش نتيجة في الغالب الاعم ... لكن بشوية كلام معسول إن شالله من ورا القلب بيتاكل بعقله حلاوة المولد ..

وبالتالي الست لو عرفت إن جوزها على علاقة بأخرى وصعدت الأمور معاه .. ممكن يعند ويمضي قُدماً في هذه العلاقة ..

طب .. إذا حكِمت العقل وقالت أحاول أغير من نفسي اليومين دول عشان أجتذبه لي مرة اخرى ... ممكن تكون الأمور وصلت لمرحلة متطورة وصاحبنا فصل بدلة الفرح وخلاص ناقص تكه عالجواز ...

لذا أعتقد إنه مش هانقدر نضع حل جذري لكل الحالات .. وبالتالي كل حالة هاتثعالج حسب الظروف ... لكن تظل الخطوط العريضة تتمثل في حِكمة الست وقدرتها على التحكم في أعصابها ... وتحاول تناقش زوجها بهدوء في الأسباب التي دعته إلى التورط في هذه العلاقة .. ومش عيب تجيب الغلط عليها وتوعده بتغيير أي عيوب في شخصيتها .. لحد الازمة ما تعدي ويرجع لها تاني وبعد كده تستمر في الحوار والنقاش وتشوف الراجل ده ظروفه إيه ..

أما لو كان راجل جِبله ... فمش هايحوق معاه لا مفاوضات ولا كلام ولا حتى كامب ديفيد

[nana]

انا شايفه انها لازم تفهمه بهدوء جدا وتتحاول تمسك اعصابها انها لن تقبل نهائياارتباطه بواحده تانيه ولن تحيد عن ذلك حتى لا تتبسط الامور بالنسبه له ويعتقد ان صمتها معناه موافقتها واحساسه انها مش ممكن تسيبه دا بيخليه مستمر ومش همه

ولازم تعرفه انها لو اكتشفت ان علاقته بيها لسه مستمره ستنفصل عنه بلا جدال ولازم تكون صارمه فى كلامها وتعطيه مهله يومن تلاته مثلا لانها ء علاقته بالاخرى لو نزولهم مصر هينهى القصه يبقى ننزل مثلا لو مصر عالبقاء علشان التانيه واذا اكتشفت انه لسه مستمر تبدا فى اخذ موقف.......................... معلش انا لو مكانها بامانه بيتهيالى هاعمل كده حتى لو كانت النتيجه ايه مليش دعوه

[سكر]

وبالتالي الست لو عرفت إن جوزها على علاقة بأخرى وصعدت الأمور معاه .. ممكن يعند ويمضي قُدماً في هذه العلاقة ..

كلام سليم ومية مية

عن نفسى ممكن اعمل اشياء خطا فى خطا واخسر كتير بس مبحبش العند بالذات لو كان من الزوجة

واعتقد ان قصة الزواج السابقة كان سببها هو عند الزوجة مع الزوج

والله لو كانت حلت الموضع بطريقة تانية كان ممكن يستجيب لكن العند يولد عند

والزوجات يسبهم من مسلسل الهام شاهين بتاع قصة الامس

صوابعك مش زى بعضها والى ينفع مع رجل ممكن مينفعش مع اخر

[سماسعد]

اشكرك علي ارائك الحكيمة ياسيسي

..

فخلينا نقول لكم سر من أسرار الرجالة ..الراجل ما بيتعاندش ...

طب لو هيا خلت زمام الامور في ايده وخيرته وقالتله

ياحبيبي لو عايز تجوزها روح اتجوزها بس اعدل بينا وانا هفضل معاك في الغربه وانت ملزوم بمصاريفي انا والعيال

(وطبعا هو امكانياته مش هتستحمل بفتح بيتين وعايز ينزلها مصر علشان كده)

هل هيراجع نفسه ويعرف غلطه ولا هيتمادي فيه

[سماسعد]

انا شايفه انها لازم تفهمه بهدوء جدا وتتحاول تمسك اعصابها انها لن تقبل نهائياارتباطه بواحده تانيه ولن تحيد عن ذلك حتى لا تتبسط الامور بالنسبه له ويعتقد ان صمتها معناه موافقتها واحساسه انها مش ممكن تسيبه دا بيخليه مستمر ومش همه

ولازم تعرفه انها لو اكتشفت ان علاقته بيها لسه مستمره ستنفصل عنه بلا جدال ولازم تكون صارمه فى كلامها وتعطيه مهله يومن تلاته مثلا لانها ء علاقته بالاخرى لو نزولهم مصر هينهى القصه يبقى ننزل مثلا لو مصر عالبقاء علشان التانيه واذا اكتشفت انه لسه مستمر تبدا فى اخذ موقف.......................... معلش انا لو مكانها بامانه بيتهيالى هاعمل كده حتى لو كانت النتيجه ايه مليش دعوه

المشكله يانانا انه مش عايز يكون صريح معاها يعني لو اتجوزها او عايز يتجوزها طب ما يقول

ليه بينكر ليه يعمل نفسه مخلص وماشي عدل وبيحب مراته واول مايخرج يكلم التانيه ويطمن عليها

هيا دي تبقي عيشه

هيفضلو كده هو يخبي وهيا تفتش وراه وتكتشف كدبه وبرضه بيرجع يخبي تاني

لازم حل لازم تكون فيه قاعده صراحه ما بينهم ويتفقو علي كل شئ

وبيني وبينك لو الست التانيه دي داخله دماغه قوي وعجباه وجت مراته صعدت الامور سهل جدا انه يبعد عن مراته ويروحلها

لان الممنوع مرغوب

لكن لو كان زمام الامور في ايده وقالتله اختار

مش ممكن يراجع نفسه؟

[سماسعد]

عن نفسى ممكن اعمل اشياء خطا فى خطا واخسر كتير بس مبحبش العند بالذات لو كان من الزوجة

واعتقد ان قصة الزواج السابقة كان سببها هو عند الزوجة مع الزوج

انا معاك هيا عندت وسابتله البيت والعيال وكانت فاكرة هيروحلها راكع عند بيت اهلها ويقولها اتعطفي واتكرمي وارجعيلي

لكن النتيجه ان هيا اللي رجعت وبطريقه مش حلوة

لكن لو كانت فضلت في بيتها وبينتله قوتها حتي لو كان صمم واتجوزها بس هتفضل هيا الاقوي

تم تعديل 3 مارس 2009 بواسطة سماسعد

[ام بلال]

السلام عليكم :

* عزيزتي سما سعد :

يوجد أكثر من نقطة في الموضوع :

أولا كيف حدثت الصلة بين الزوج و تلك المرأة ؟؟

و هذه تحتاج بحث مني و تعليق

ثانيا : نوع العلاقة التي تربط بينهما ؟؟ و هي نو عين بل ثلاثة :

- علاقة تسالي :و هي بمثابة الوقوف على شفا حفرة من النار ،

- علاقة غير شرعية

- علاقة زوجية حلال

ثم ثالثا :

ما هو الدافع الحقيقي وراء هذه العلاقة أو ما قبل الدخول للعلاقة ؟؟؟

** هل هو طبيعة الزوج النفسية و الثقافية و الأخلاقية و الدينية ؟؟؟

** هل هناك عوامل طرد من داخل البيت ؟؟؟

لذلك لأن الموضوع بالنسبة لي يحتاج " لمخمخة " سأدخل لاحقا لأني مشغولة جدا الآن .

ألقاكم على خير .