سؤال لكل الازواج

[ذهبية]

بصى يا سما من ناحية الحل اية الحلول بتختلف من واحدة لوحدة من راجل الى رجل حسب شخصية كل منهم

انا لو مكانها هاعمل اية ؟؟

اولا لازم اعرف انى قدام اختبار من الله عز و جل و ابتلاء فاول شىء الدعاء و التقرب الى الله ان يزول هذة الغمة

ثانيا هاسال نفسى هو بيخونى لية ؟؟؟؟

اجابة السؤال دة لازم تكون عند الزوجة لان على اساسها هيكون التصرف بمعنى

لو بيخونى لتقصير منى يبقى لازم اعرفة و اغيرة لو بيخونى لان دة طبع فية او لانة بيحب المغامرةدة موضوع تانى و حلة تانى خالص

يعنى من الاخر هاعرف السبب اية بالضبط و اية السلاح اللى التانية دخلت بية فى قلبة و لية مش عندى انا بمعنى هل هو سلاح الاغراء ولا الضعف و لا الذكاء ولا الشخصية و لا المال لان كل راجل لة نقطة ضعف

يبقى لازم الاول((( اعرف نقطة ضعف جوزى اية )))

هاعمل اية بقى بعد ما اعرف نقطة الضعف دى يبقى لازم احصنة من اى عدو خارجى

اولا لازم اعمل نفسى معرفش اى شىء نهائى وانة اصلا مش موضع شك منى و انى باثق فية لسبب بسيط انى متاكدة من حبة ليا

فية حاجة فى علم النفس اسمها الايحاء بمعنى لازم تقنعية انة بيحبك و ميقدرش يستغنى عنى علطول اسمعة الجمل دى

طبعا يا حبيبى انا عارفة انك متقدرش تستغنى عنى وانك من غيرى متعيش وان قلبك و روحك و حياتك معايا وحياتك من غيرى بلا لون و لا طعم و لا رائحة وعارفة برضة يا حبيبى انك بتحب بيتك و بتعشق ابنك وانك راجل عاقل و كل البنات بيحسدونى على عقلك و رزانتك و ادبك وانك عمرك ما هتعمل حرام وتفضل تقولة كدة لحد ما يصدق وزى ما بيقولوا الزن على الودان امر من السحر

بعدها بقى لازم اغير من نفسى لبسى شعرى جسمى اعمل تغير فى البيت يعنى كل يوم فى حاجة جديدة

حاجة تانية مهمة جدااااااااا جدااا هنو بيعمل لية كدة علشان سببين

الممنوع مرغوب و علشان الاحساس بالاثارة انة بيعمل حاجة من ورايا فى السر كانة لسة مطلوب و ضغير طيب ميعملش دة معايا لية ؟؟؟؟؟؟؟؟؟؟؟؟

يعنى انا اللى ابعت لة رسايل الموبايل ملاينة شوق و هيام حتى و هو فى البيت بدل ما هو يستنى رسايلها هى يستنى راسيلى انا و اتفنن على الرسايل و فى عبارات الحب لانة جوزى و حلالى لية ميسمعش منى انا كلمات الاغراء و الشوق

لية انا ما اصحى الصبح و البسة بايدى الجاكت بتاعة و من غير ما يحس احط فى جيبة جواب بخط ايدى و علية البرفان بتاعى و اقولة كلمة واحدة بحبك

لية لما يجى من الشغل بالليل يلاقى الشقة كلها ضلمة و لما يفتح يلاقى ضوء الشموع و مزيكا حلوة رقيقة

لية ما يلاقى على السرير ومخدتة صورة قلب و علية اسمة

افكار كتيرة كل يوم تروشة و تخلية ينسى تماما التانية الملعب ملعبك انتى وانتى حرة فية

خلى خروجاتكم دايما مع بعض و دايما مع اصحابة المتجوزين ما تخلية يخرج مع العزاب لانة هيحب يقلدهم و يعيش معاهم حياتهم

خلية يشوف اصحابة و هما مع زوجاتهم و اولادهم و يكون دة مجتمعة الجديد

كلمية دايماااا على خطورة الخيانة و ادى لة امثلة يعنى قريت فى منتدى ان مرة واحد خان مراتة لقى عندة ايدز مرة واحد خان مراتة اتخرب بيتة و خسر كل شىء النت مليان حكايات ادخلى اقراى و احكيلة

انا طولت عليكم جدااا جدااا لكن الى عايزة اقولة خليكى انتى مغامرة جوزك الجديدة خليكى انتى زوجتة و عشيقتةو صاحبتة و حبيبتة اعرفى نقطة ضعفة اية ؟؟؟ حصنية من الشيطان ومن اى عدو يتجرا يدخل على مملكتك

واسفة للاطالة مرة تانية

[سماسعد]

أولا كيف حدثت الصلة بين الزوج و تلك المرأة ؟؟

هو يعمل كبائع وهيا زبونة

ثانيا : نوع العلاقة التي تربط بينهما ؟؟

الله اعلم هو بيكلمها حتي لو في الفجر وكمان بيقابلها بس مش عايز يكون صريح ويعترف

لما بتسأله يقولها كان كلام عادي وتسالي ومعملتش حاجه غلط ومدام زعلتي خلاص هسيبها

ومحدش يعرف الحقيقه فين

ثالثا :

ما هو الدافع الحقيقي وراء هذه العلاقة أو ما قبل الدخول للعلاقة ؟؟؟

حب يجرب واحده بينتله اعجابها وهو ملوش تجارب وهيا شكلها خبرة

** هل هو طبيعة الزوج النفسية و الثقافية و الأخلاقية و الدينية ؟؟؟

كان في قمه الاخلاق والدين والادب لحد ماتلم علي اصحاب سوء بعد عن الصلاة وكل حاجه وحشه عملها جت بعد كده

** هل هناك عوامل طرد من داخل البيت ؟؟؟

لو في عوامل طرد مكنش خبي وداري حتي بعد ماعرفت مصمم انه مش هيلاقي زيها وانه مش بيحب حد غيرها

ولا متجوز غيرها وبيعمل كل الاحتياطات علشان متكتشفش انه لسه بيكلمها

وكل شويه يجيب للهانم رقم جديد علشان يكلمها عليه وسبحان الله برده بتكشف

وجزاكم الله خيراااااااااا :)

[nana]

انا وجدت الاستشاره دى فى احد مواقع الاستشارات النفسيه يمكن تنفع

سؤال للأستاذ الدكتور يحيي الرخاوي:

- ما‏ ‏هى ‏الأسباب‏ ‏النفسية‏ ‏لاتجاه‏ ‏الرجل‏ ‏لامرأة‏ ‏أخرى ‏غير‏ ‏زوجته؟

الإجابة:

الزواج‏ ‏ليس‏ ‏عقد‏ ‏ملكية‏ ‏احتكارية‏، ‏ولكنه‏ ‏تنظيم‏ ‏اجتماعي ‏وديني.

‏ولا‏بد‏ ‏من‏ ‏التفرقة‏ ‏بين‏ ‏القدرة‏ ‏على ‏الحب‏ ‏وهى ‏قدرة‏ ‏مطلقة‏ ‏نحو‏ ‏كل‏ ‏ما‏ ‏هو‏ ‏جاذب‏، ‏ومتناسق‏ ‏وجميل‏، ‏وبين‏ ‏ما‏ ‏يترتب‏ ‏على ‏هذه‏ ‏القدرة‏ ‏من‏ ‏احتياجات‏ ‏وتنظيمات‏ ‏وعلاقات.

‏فالإعجاب‏ ‏والانجذاب‏ ‏عام‏ ‏وشائع‏، أما الارتباط‏ ‏والزواج‏ ‏فهو ‏خاص‏ ‏ومحدد‏ ‏ومعلن‏ ‏وملزم‏. ‏واتجاه‏ ‏الرجل‏ (‏أو‏ ‏المرأة‏) ‏نحو الإعجاب‏ ‏بأخرى، ‏أو‏ ‏حتى ‏حبها‏ ‏ليس‏ ‏شاذا‏ ‏ولا‏ ‏هو‏ ‏غريب‏.

‏أما‏ ‏أن‏ ‏يترتب‏ ‏على ‏هذا‏ ‏الاتجاه‏ من ‏خلخلة‏ ‏للعلاقة‏ ‏الأولى، ‏أي ‏أن‏ ‏يكون‏ ‏على ‏حساب‏ ‏العلاقة‏ ‏الزوجية‏ ‏المعلنة‏ ‏والملتزمة‏ ‏فهذا‏ ‏هو‏ ‏ما‏ ‏ينبغي ‏الوقوف‏ ‏عنده‏.‏

للحفاظ على الزواج: ‏أن‏ ‏‏الجو الإنساني ‏من‏ ‏السماح‏ ‏والطيبة‏ ‏والعلانية‏ ‏هو‏ ‏الوقاية‏ ‏الحقيقية‏ ‏ضد‏ ‏الألعاب‏ ‏السرية‏، ‏والانحرافات‏ ‏التحتية في العلاقات الزوجية. ‏كذلك‏ ‏الانصراف‏ ‏عن‏ ‏أفكار‏ ‏الملكية‏‏ الخاصة‏ ‏والاحتكار‏، ‏مع‏ ‏الالتزام‏ ‏بالعدل‏ ‏والمصارحة‏ ‏والثقة‏ ‏هو‏ ‏السبيل‏ ‏لجعل‏ ‏العلاقة‏ ‏الزوجية‏ ‏تنظيما‏ ‏شريفا‏ ‏ملتزما‏، ‏وليست‏ ‏سجنا‏ ‏خانقا‏ ‏يحاول‏ ‏المسجون‏ ‏فيه‏ ‏أن‏ ‏يقفز‏ ‏من‏ ‏فوق‏ ‏أسواره‏ ‏حتى ‏لو‏ ‏كان‏ ‏ما‏ ‏ينتظره‏ ‏في ‏الخارج‏ ‏أسوأ‏ ‏مما‏ ‏يتمتع‏ ‏به‏ ‏في ‏داخله.

- ماذا‏ ‏تفعل‏ ‏الزوجة‏ ‏لإعادة‏ ‏زوجها‏ ‏من‏ ‏أحضان‏ ‏امرأة‏ ‏أخري؟

‏‏أولا‏: ‏على ‏الزوجة‏ ‏أن‏ ‏تثق‏ ‏بنفسها‏ ‏فعلا‏، ‏وألا‏ ‏تهتز‏ ‏وتنهار‏، ‏أو‏ ‏تستعطف‏ ‏وتتمادى ‏في ‏الاستجداء‏، ‏أو‏ ‏تثور‏ ‏وتصعد‏ ‏‏العدوان‏.‏

ثانيا‏: ‏عليها‏ ‏أن‏ ‏نعيد‏ ‏النظر‏ ‏في ‏حقيقة‏ ‏العلاقة‏ ‏القائمة‏ ‏بينها‏ ‏وبين‏ ‏زوجها‏، ‏وفى ‏دورها‏ ‏في ‏ذلك‏، ‏وعما‏ ‏إذا‏ ‏ما‏ ‏كانت‏ ‏قد‏ ‏استرخت‏ ‏واطمأنت‏ ‏حتى ‏أهملت‏ ‏وكسلت.‏

ثالثا‏: ‏عليها‏ ‏أن‏ ‏تدرك‏ ‏أن‏ ‏تعود‏ ‏زوجها‏ ‏عليها‏ ‏يعطيها‏ ‏مزية‏ ‏مؤكدة‏، ‏حتى ‏ولو‏ ‏كان‏ ‏هذا‏ ‏التعود‏ ‏يحمل‏ ‏مظنة‏ ‏الرتابة‏ ‏والتكرار‏، ‏فإنه‏ ‏أيضا‏ ‏وقبلا‏ ‏يحمل‏ ‏معاني ‏الطمأنينة‏ ‏والألفة.

رابعا‏: ‏عليها‏ ‏ألا‏ ‏تعتبرها‏ ‏معركة‏ ‏كرامة‏، ‏ولكنني ‏أنصحها‏ ‏أن‏ ‏تراها‏ ‏فرصة‏ ‏إعادة‏ ‏نظر‏، ‏وأنها‏ ‏ستكسب‏ ‏إن‏ ‏آجلا‏ ‏أو‏ ‏عاجلا‏.‏

خامسا‏: ‏ينبغي ‏ألا‏ ‏تقع‏ ‏في ‏فخ‏ ‏الانتقام‏ ‏بالمعاملة‏ ‏بالمثل‏، ‏لأنها‏ ‏قد‏ ‏تخسر‏ ‏نفسها‏ ‏أيضا‏، ‏ولا‏ ‏تكسب‏ ‏زوجها‏ ‏أصلا‏.‏

- وماذا‏ ‏تفعل‏ ‏حتى ‏لا‏ ‏تنتهي ‏المسألة‏ ‏بالطلاق؟

تفعل‏ ‏كل‏ ‏ما‏ ‏سبق‏ ‏شرحه‏، ‏وفى ‏نفس‏ ‏الوقت‏ ‏لا‏ ‏تعتبر‏ ‏الطلاق‏ ‏هو‏ ‏نهاية‏ ‏العالم‏، ‏فبعد‏ ‏أن‏ ‏تؤدى ‏دورها‏ ‏بشرف‏، ‏وتعيد‏ ‏النظر‏، ‏وتصلح‏ ‏ما‏ ‏أمكن‏، ‏لتكن‏ ‏على ‏يقين‏ ‏أنها‏ ‏ليست‏ ‏وحدها‏ ‏المسئولة‏ ‏عن‏ ‏هذه‏ ‏النزوات‏، ‏وأن‏ ‏من‏ ‏لم‏ ‏يقدرها‏ ‏بعد‏ ‏كل‏ ‏هذا‏ ‏في ‏نهاية‏ ‏النهاية‏، ‏هو‏ ‏لا‏ ‏يستأهلها‏ ‏أصلا‏، ‏وهذا‏ ‏وحده‏ ‏يكسبها‏ ‏قوة‏ ‏على ‏قوة‏ ‏مادامت‏ ‏قد‏ ‏صبرت‏ ‏والتزمت‏ ‏وتعلمت‏ ‏وأمهلت‏ ‏وأصلحت‏.‏

[سهل جدا]

ممكن يا أخت نانا تحطي الرابط بتاع الاستشارة النفسية ديه

شكرا لك :)

وارى ان حكايه انه يعف اخت والكلام ده ماهو الا مبرر لرغبته فى ان يعف نفسه و فى التجديد مع عدم خساره زوجته فيغلفها بغلاف دينى ليقنع نفسه واللى حواليه وزوجته ان امكن

:rolleyes: :blush2:

[nana]

http://www.arabicrecovery.com/Article.aspx?ArticleId=529

[bob]

السلام عليكم ورحمةالله وبركاته،احب اقول ان ده موضوع صعب اوي على اي زوجه حتى لو علاقتها سيئة بيه،ورأيي ان اذا كانت الزوجه باقية على بيتها خصوصا بوجود اطفال،فعليها عدم مواجهته بمعرفتها لخيانتها سواء كان بزوجه اخرى او علاقة عابرة،وتحاول جاهده استقطابه للبيت بشتى الطرق المتاحه من تغييرات و عناية وعاطفة و مشاركه الى ان يخجل هو فيبتعد عما يفعلهوعود لزوجته بكل حب شوق او سوف يعترف لها وبالتالي ستسامحه وذلك لانها عانت وجهدت ليعود مرة اخرى،اما اذا كانت بايعة القضية زي مابيقولوا يبقى علها وعلى أعدائها:ninja: بتصارح و تواجه وبالتالي ماتقدرش وتشوف رد فعله،وغالبا بينتهي الجواز وكل واحد في قلبه غصة من الثاني ويمكن مشاكل ومحاكم،لان في المواجهة غالبا انفصال،او العيشة بمهانة واذلال

وشكرا[/color]

[moamana]

الموضوع بيعتمد على شخصية الزوج

[هشام عبد الوهاب]

لو اتقابلت في مجال عملك بسيدة وبدأت تتقرب منك وتظهر اعجابها بك وتحاصرك بحبها ماذا تفعل؟

هتروح تحكي لزوجتك وتبعد عن هذه المرأة بكل جهدك؟

ولا هتقول ياواد ماتجرب واديني بتسلي

الموضوع بسيط جدا ... يبتعد عن تلك المراة ان كان :

1- على قدر من التدين والخلق

2- يحب زوجته

3- يحترم نفسه واسرته

اما ياواد ماتجرب وادينى بتسلى !!!!!!!!!!!!!!!!!!!!!!!!!!!!!!!!! :ninja: wst::