الحقيقة الغائبة عن الهجرة

[ahmed hamdi]

كلنا يشغلنا موضوع الهجرة وهي حقيقة موضوع كبير لانة مستقبل وانا هنا اقصد بمستقبل ليس لنا نحن ولكن لاولادنا وسوف اوضح ذلك فانا محاسب عمري 39 عاما حاليا منذ اكثر من 15 عاما خرجت من القاهرة وعملت في السعودية باحد البنوك هناك وهو بنك الرياض ثم بعد سبع سنوات اي من بداية عام 2002 اعمل في احد شركات البترول في دولة قطر والحمد لله راتبي محترم واسكن علي حساب الشركة ومبسوط جدا في عملي طيب ياجماعة هتقولوا طيب ايه مشكلتك المشكلة اني اقعدت افكر في مستقبل اولادي بعد لما هيكبروا هيعملوا ايه ولو نزلنا واستقرينا بعد ذلك في مصر هيواجهوا نفس المشاكل اللي انا واجهتها من قبل قبل ان اسافر وبحثي المضني عن عمل كويس وازاي هاقدر اشتغل واتزوج وكل مايشغل كل شاب مقبل علي الحياة العملية بعد انتهاء فترة التجنيد والمحن والمصاعب اللي وجدتها فانا لم يكن والدي ثريا بل كنت من عامة عامة الشعب اي من الفئة اللي الحمد لله لها ربنا وبس فكان كل تفكيري اني مش لازم اكون اناني واذا كان فيه فرصة لاولادي لايجاد وطن اخر لهم فيه ما سيسهل عليهم امور حياتهم المستقبليه من علم وتعليم ممتاز وعمل مناسب فلازم ما اكونش اناني وافكر في مصلحة اولادي كما افكر في نفسي ولذلك فبعد صراع مع نفسي طويل وصل لاكثر من عام قررت ان اقدم علي الهجرة فيدرال و وفعلا قدمت بتاريخ 23-فبراير-2009 ولعله يكون قرار صحيح ويجعلها الله هجرة مباركة ولله الامر من قبل وبعد وارجو من كل واحد فينا ان يكتب تجربته وليه عايز يهاجر

لذلك يشغلني بعد امور ارجو من الاخوة اللي لديهم معرفة بها ان يجاوبوا عليها رغم اني اعلم انها اجيب عليها اكثر من مرة لكن هنا اريد الاجابة عنها مرة واحدة

1- الضرائب في كندا وبالذات في اونتاريو اوتاوا كام بالتحديد

2- الاعانة التي تصرف لكل طفل من الدولة

3- معادلة شهادتنا مثلا انا محاسب كم تستغرق من الوقت

4- فرص الدراسات العليا للمهاجرين وهل هي مخفضة

وبما اني لسة مقدم حديثا للهجرة واعتبر اجدد واحد قدم فساتابع معكم خطوة بخطوة حتي تنتهي الاجراءات ان شاء الله لاني اعلم ان القوانين الجديدة لا تستغرق في الهجرة الان اكثر من عام ونصف وليس كما كان سابقا واحب ان اعرفكم اني مقدم من غير محامي واخيرا سلامي لكل المنتدي جميعا وكل من افادونا بخبرتهم واتابع معكم ان شاء الله

[ناوية ع الهجرة]

شوف يا أستاذ احمد انا هتكلم عن تجربتي الشخصية

اولا اغلب المهاجرين مهاجرين علشان أولادهم الا اللي لسة مش متزوج

لكن اللي متزوج وعنده اولاد اكيد عنده بيت واسرة وعمل وكمان فلوس لان الهجرة بتتكلف كتير

لكن هو بيهاجر علشان مستقبل اولاده

انا عن نفسي لغاية السنة اللي فاتت كنت غير مقتنعة بالسفر للدول الاجنبية

احنا عايشين في الكويت واشعر بالغربة فما بالنا بغربة في دول تتحدث لغة اجنبية ولا تدين بالاسلام

وحولي ناس كثير تقدم على الهجرة ويحاولوا يقنعوني وأنا مش مقتنعة وخايفة كمان على اولادي من الدول الغربية

وفجأة بعد تفكير طويل وكل يوم زوجي يرجع من عمله وهو متضايق من القوانين الجديدة وعنصرية التعامل بين المواطنين والمقيمين

وهو طبيب لقينا ان الخليج غير مضمون وحتى لو فضلنا قاعدين هنا بعد شوية ابني هياخد الثانوية العامة وهنضطر ننزل مصر

وطبعا في الغالب انا اللي هنزل أنا والأولاد يعني معناه تفكك الاسرة ولو نزل زوجي معانا برضه هيشتغل صبح وبالليل ما بين مستشفيات وعيادة يعني برضه تفكك من نوع اخر

بالاضافة ان اولادي هيرجعوا يعيشوا في مصر ويعانوا مثل ما عانينا احنا هو يمكن هيبقى في فارق شوية ان احنا هنساعدهم لكن برضه مش كتير لان احنا ماعملناش اللي يعيشنا مستريحين احنا وأولادنا

يعني بالبلدي كأنك يا ابو زيد ما غازيت

واخير وصلت انا وزوجي ان لازم يكون في حاجة تانية نعملها لاولادنا غير الفلوس وهي جنسية محترمة

تعليم جيد وطبعا المستقبل بيد الله لكن احنا بنعمل اللي علينا

وربنا يوفقنا جميعا لما يحب ويرضى

[tarekgomma]

شوف يا أستاذ احمد انا هتكلم عن تجربتي الشخصية

اولا اغلب المهاجرين مهاجرين علشان أولادهم الا اللي لسة مش متزوج

لكن اللي متزوج وعنده اولاد اكيد عنده بيت واسرة وعمل وكمان فلوس لان الهجرة بتتكلف كتير

لكن هو بيهاجر علشان مستقبل اولاده

انا عن نفسي لغاية السنة اللي فاتت كنت غير مقتنعة بالسفر للدول الاجنبية

احنا عايشين في الكويت واشعر بالغربة فما بالنا بغربة في دول تتحدث لغة اجنبية ولا تدين بالاسلام

وحولي ناس كثير تقدم على الهجرة ويحاولوا يقنعوني وأنا مش مقتنعة وخايفة كمان على اولادي من الدول الغربية

وفجأة بعد تفكير طويل وكل يوم زوجي يرجع من عمله وهو متضايق من القوانين الجديدة وعنصرية التعامل بين المواطنين والمقيمين

وهو طبيب لقينا ان الخليج غير مضمون وحتى لو فضلنا قاعدين هنا بعد شوية ابني هياخد الثانوية العامة وهنضطر ننزل مصر

وطبعا في الغالب انا اللي هنزل أنا والأولاد يعني معناه تفكك الاسرة ولو نزل زوجي معانا برضه هيشتغل صبح وبالليل ما بين مستشفيات وعيادة يعني برضه تفكك من نوع اخر

بالاضافة ان اولادي هيرجعوا يعيشوا في مصر ويعانوا مثل ما عانينا احنا هو يمكن هيبقى في فارق شوية ان احنا هنساعدهم لكن برضه مش كتير لان احنا ماعملناش اللي يعيشنا مستريحين احنا وأولادنا

يعني بالبلدي كأنك يا ابو زيد ما غازيت

واخير وصلت انا وزوجي ان لازم يكون في حاجة تانية نعملها لاولادنا غير الفلوس وهي جنسية محترمة

تعليم جيد وطبعا المستقبل بيد الله لكن احنا بنعمل اللي علينا

وربنا يوفقنا جميعا لما يحب ويرضى

[font="Comic Sans MS"]ولا أحلى من كدة تحليل

[Bustami]

1- الضرائب في كندا وبالذات في اونتاريو اوتاوا كام بالتحديد ( الضرائب في كل كندا قريبه من بعضها قد تكون اونتاريو في الوسط) , الضرائب عبارة عن شرائح تزيد مع زيادة الدخل , اقل دخل 9 دولار بالساعة يعني 1500 دولار شعري 200 منهم ضرائب - تقريبي)

2- الاعانة التي تصرف لكل طفل من الدولة (في حدود 250 دولار الطفل وتصرف لمن كان دخله اقل من 35000 دولار بالسنة)

3- معادلة شهادتنا مثلا انا محاسب كم تستغرق من الوقت ( يجب ان تدرس 51 ساعة بالجامعة , ممكن يكون خلال عملك book keeper)

4- فرص الدراسات العليا للمهاجرين وهل هي مخفضة ( متاحة - يجب الحصول على قبول الجامعة والايلتس - منخفضة مقارنة بالطلاب العرب القادمين بفيزا دراسة) لا ادري كم التكاليف

[ahmed hamdi]

اولا اشكر كل الاخوة والاخوات اللي ساهموا بالرأي والمشورة وارجو من كل الاعضاء بالمنتدي ان يشاركوا ويكتبوا هما عايزين يهاجروا ليه

[osmel33]

الأخ العزيز أحمد حمدي

أنا أولاً زى حالاتك عايش في قطر من كام سنة ومدير مشروعات بأحد الوزارات الحكومية

يعنى راتب مقبول وسكن محترم لكن برضه زى مانت عملت بادور على الهجرة بس أنا

الدنيا مختلفة عندى شوية فابدور على هجرة لأمريكا وليس كندا لأسباب كتيرة ممكن

نبقى نقولها بعدين بس الأصل أنا بادور على هجرة علشان ولادى فعلاً الحصول على

جنسية محترمة تقدر تساعدهم في حياتهم وبلد محترمة تقدر تعيش فيها بأدمية

وطبعاً أكيد أنت عارف أن قطر فيها حاجات كتيرة حلوة بس في الآخر ممكن لآي سبب

يفنشوا الناس يعنى أحنا عايشين تحت رحمة ربنا وقراراتهم اللى مش مدروسة

وكمان أكيد أنت عارف أن اللى بيشتغل نفس مهنتك بس معاه جنسية أجنبية بياخد

راتب كام وامتيازات أيه يعنى الموضوع ممكن نقول أنه نوع من الإستثمار لينا ولولادنا

وتمنياتي القلبية ليك بالتوفيق في مشروع هجرتك

أخوك أسامه

تم تعديل 4 مارس 2009 بواسطة osmel33