شوفولي حل مع سي السيد

[شاب مصري]

الراجل ده يا جماعة من نوع جديد موردش عليا خالص قبل كده

خفة دم مرعبة :happy:

كلامه يخليك مش على بعضك من كتر الضحك

شوفولي حل معاه :blink:

تم تعديل 3 مارس 2009 بواسطة شاب مصري

[الباشمهندس ياسر]

بالصلاة ع النبى .......عشان محدش يقولك بنقر ولا حاجة

العين عليك بارده يا س س

و بعدين مانا قلتلك م بدرى

سيبك م الحسابات و القوانين و الشغل بتاع وجع القلب ده

و روح اكتب

صدقنى للمرة التانية

يوسف معاطى هيكرى عليك

ربنا يتم عليك ويحرسك

[Alshiekh]

بما ان الموضوع قد تم فتحه للمديح فقد تم نقله لباب الاجتماعيات.

وتهنئة حارة للاستاذ س س بمناسبة قدرته على اضحاك شاب مصرى

[ايهاب سالم]

وتهنئة حارة للاستاذ س س بمناسبة قدرته على اضحاك شاب مصرى

ألف مبروك

[ايهاب سالم]

أنا مكنتش فاهم الغرض من الموضوع حتى وصلت لهذه الجمله

شوفولي حل معاه :blink:

يعني الغرض من الموضوع هو ان نبحث عن حل

حلول مقترحه

1 - هو يبطل يكتب

2 - إنت تبطل تضحك

3 - إحنا نبطل نقرا

تم تعديل 3 مارس 2009 بواسطة ايهاب سالم

[jamalpody]

فعلا سي السيد متمكن

وانسان خدوم جدا ولا يبخل باي معلومه لاي حد

وربنا يخليه لنا وللمنتدي

[se_ Elsyed]

شكراً أيها الشعب الكريم على حسن الضيافة :blink:

ممكن بقى نقف الموضوع ده ونلتفت إلى ما هو أهم ؟

[العبد لله]

والله يا جماعة انا كنت حتى النهاردة من الاغلبية الصامتة...يعني باكتفي بالفرجة على المحاورات...بس ملاحظات الفاضل شاب مصري وطلبه لنا "شوفولي حل معاه

" اضرتني للتحول الى الاقلية الفاعلة ان جاز التعبير

وكلمة حق لا يراد بها باطل ...الراجل س س ده عضو فعال جدا الصراحة وخدوم كما قال الزملاء...واكيد "شاب مصري" زعلان من عشمه ف س س

وعشان ندخل لك في الموضوع ياريت تقول لنا ايه اللي مزعلك منه

تحياتي لكم جميعا