ارجو المساعده (ضروري جدااااااااااااااااااااا)

[ranyzaid]

بسم الله الرحمن الرحيم

صدقونى انا قلبت صفحات المنتدي للاخر مالقيتش الموضوع ده عشان الناس متضايقش منى

فيه فيزا مهنة كهربائي سيارات ممكن استقدم بيها ولا لا ولو لا يبقي ايه الحل علي الرغم من

انى بكالوريوس تجاره افيدونى اثابكم الله

[ranyzaid]

ممكن حد بس يعرفنى اه ولا لا

[HassanAboali]

ممكن تعمل زيارة ومش في كل وقت ولكن استقدام أظن لا

[se_ Elsyed]

بسم الله الرحمن الرحيم

صدقونى انا قلبت صفحات المنتدي للاخر مالقيتش الموضوع ده عشان الناس متضايقش منى

فيه فيزا مهنة كهربائي سيارات ممكن استقدم بيها ولا لا ولو لا يبقي ايه الحل علي الرغم من

انى بكالوريوس تجاره افيدونى اثابكم الله

يبقى ما قلبتش كويس !!!!!!!

لإني لسه كاتب من يومين إن أي مهن حرفية حتى لو كان صاحبها معاه شهادة جامعية غير مسموح له بالإستقدام ... للأسف

لكن ممكن تحاول وخصوصاً من جده

وكمان تحاول تعمل زيارة ودي بتبقى نسبة قبولها كبيرة ... بس عيب الزيارة إنها بتبقى متعلقة بالمهنة في الإقامة فقط ومالهاش دعوى بالمؤهل الدراسي .. اللهم إلا لو وزراة الخارجية بعتوا لك رساةل يطلبوا فيها إنك تروح بنفسك عشان يتأكدوا من المؤهل ...

[se_ Elsyed]

ويبقى أمامك حل تغيير المهنة .. يعني ممكن بكالوريوس تجارة تتغير لـ " مندوب مبيعات "

عارف إنها مهنة متسعودة .. لكن لسه في معقبين شاطرين بيغيروا لها

وتكون شهاداتك موثقة وتكون الشركة بتاعتك نستوفيه نسبة السعودية عان مكتب العمل بيطلب صورة من شهادة السعودية عند تغيير المهنة ...

الموضوع ده بيكلفك في حدود 4000 - 5000 ريال بما فيها 1000 ريال رسوم البنك

بعدها بيبقى في أمل كبير للإستقدام .. وبرضوا زي ما قلت .. خصوصاً من جده اللي ما بيدقوش على موضوع تغيير المهنة ... أما الرياض فما زالت الأمور فيها صعبة وبيحاسبوك على المهنة الأولى اللي إنت جاي عليها

[HassanAboali]

الأخ العزيز انا في جدة ومهنتي لحام اكسجين ومعي بكالوريوس تجارة وقدمت على طلب زيارة ورفضو ولا ادري ما السبب اني اظهرت المؤهل لاني عملي قصة كبيرة ازاي تجارة ومهنتك لحام واعطيني محاضرة انتي اخذت الشغل من السعودين على العموم وجرب انتا لعلك توفق ويقبل منك فليس لها قاعدة او مقياس بتمشي مع ناس وناس لا ربنا يوفقك

[ranyzaid]

شكرا ياسي السيد وانا اسف انى مدققتش

بس انا سؤالي الحين انا قدامي فيزا محاسب عام ب17000 ريال

وقدامي الفيزا الكهربائي ب9000

وانا بحضر لبداية cma

تنصحونى بايه

[Melhakim]

شكرا ياسي السيد وانا اسف انى مدققتش

بس انا سؤالي الحين انا قدامي فيزا محاسب عام ب17000 ريال

وقدامي الفيزا الكهربائي ب9000

وانا بحضر لبداية cma

تنصحونى بايه

يا باشا انت راجل بتحضر ل CMA ليه توجع دماغك وتشترى فيزا وتيجى تدور على شغل مش مضمون

ممكن تصبر لحد ما تاخد الشهادة ان شاء الله وهتلاقى شغل كتير جدا فى مصر وبمرتبان محترمة

وربنا يوفقك على اى حال

[se_ Elsyed]

17000 ريال !!!!!!!!! ده غير تكاليف الاوراق الاخرى يعني بتتكلم كده في 30 الف ج على اقل تقدي رعشان تيجي في وقت العمالة فيه بتتفنش بالعبيط نتيجة الازمة الاقتصادية العالمية وبالتالي هناك فائض في العمالة داخلياً

فكر كويس قوي قوي .. بدل ما تيجي تلاقي نفسك عايز تشتغل سنتين تلاتة عشان بس تجيب ثمن التأشيرة

[ranyzaid]

الف شكر بس هل لو اخدت فيزه كهربائي سيارات ده هيعملي مشكله مع المؤهل وبالمناسبه انا عندي مشاكل في اصابعي ولقيت مكتب قالي اخلصلهالك ب3500 جنيه

[زعلان]

مهندس مصري بيشتغل في مصر دخله حوالي 4500 جنيه في الشهر قول خمسه وساكن في شقه خاصه جاله عرض بحوالي 12000 الف درهم وبيستفسر هل يستاهل يسيب مصر ولا يفضل شور عليه يا سي السيد عنده34 سنة وهو مهندس اداري

[زعلان]

هو فين اونكل سي السيد اخبارك ايه يا عمنا واخبار البيك ايه

[se_ Elsyed]

12000 ريال ولا درهم ؟

انا باتاجر في الريالات بس يا زعزع

لو في السعودية .. عايز استفسر بس عن " مهندس إداري" أول مره اسمعها ؟

لو 12 ألف ريال راتب أساس غير البدلات .. يبقى زي الفل .. بس إعمل حساب المدارس لو عندك مدارس .. فالمدارس بندفعها غالبيتنا من لحم الحي ... لحد ما بقينا عالعضم .. ويا سلام لو إنت اللي بتتنطط عالشركة وضغطت عليهم عشان يدفعوا المدارس ... تبقى كده صاحبي وحبيبي ورجولة ..

لو 12 ألف مرتب شامل .وعندك مدارس ليه وحركات وسكن ومواصلات .. يبقى فكر كويس خصوصاً لو كنت خبرة .. عاشن العملية هاتبقى أكل وشُرب .. وتحويش ييجي 2000 ريال بس أخر كل شهر .. وممكن مع نزول أجازة وشرا مروحة وفيديون .. يتفرتكوا ..

البيك بيسلم عليك ... إحنا في الرياض ماعندناش بيك .. وبأستنى موديست من السنة للسنة لما بيجيلي من جده ويقعد يحكي لي عن مشاعره وهو بياكل الوجبة أم 10 ريال .. ومش عايز أقول إنه واعدني من 5 سنين إنه هايعزمني على ودبتين بيك وخلي بيه .. إن الله حليم ستار

[زعلان]

هو العرض مش ليا انت مش عارف اني عايش في دبي العرض لشخص عايش ومستقر في مصر وعمره ما سافر بيسألني يسافر ولا مش مستاهله وانا مش عارف هل بالنسبة لواحد عايش في مصر ومستقر نسبيا يعني ودخله مش وحش من وجهة نظري بس مش حلو قوي برضه هل يستاهل انه يسافر على هذا المبلغ هو متزوج وعنده بنت مش في سن مدرسة لسه تقريبا سنه سنة وكم شهر يعني والعرض جايله على الشارقه وهو بشتغل مهندس ادري (تخصص اسمه هندسة ادارية ) وده بيحتاجوه في اي شركة متوسطة او كبيرة بيشغل من المكتب يعني مفيش مواقع و اجمالي العرض حوالي 12000 الف درهم وعنده خبرة 5 سنوات وده شامل تأمين صحي للاسرة بس تقريبا مفيش بند عن المدارس و الشركة شركة امارتية مش اجنبيه

انا بصراحة مش عرف اقوله لأ ولا ايه - لأن الأوضاع هنا مش مستقر و المرتبات و العروض نزلت حوالي 20-30% لو العرض ده جاله على السعودية كنت حاقوله روح لأن السعودية نوعا ما اكثر استقرار من الامارات حاليا

ان شاء الله لو نزلت جدة السنة ده زيارة حاروح البيك -رغم اني مليش فيه قوي- علشان خاطرك بس و حأكولك وجبه بس على فكره بقى ب 12 ريال مش بعشرة

[خالد شحاته]

الأخ العزيز انا في جدة ومهنتي لحام اكسجين ومعي بكالوريوس تجارة وقدمت على طلب زيارة ورفضو ولا ادري ما السبب اني اظهرت المؤهل لاني عملي قصة كبيرة ازاي تجارة ومهنتك لحام واعطيني محاضرة انتي اخذت الشغل من السعودين على العموم وجرب انتا لعلك توفق ويقبل منك فليس لها قاعدة او مقياس بتمشي مع ناس وناس لا ربنا يوفقك

اخي الفاضل اعمل الزياره من الرياض وخلاص بلاش جده علشان معقده شويه في الزياره هنا عادي بالنسبه للمهنه بتاعك