فرصة لطبيب بماليزيا او السعودية ايهما افضل

[enjisultan]

جائت زوجى فرصة عمل كطبيب بماليزيا بحوالى 8000myrدا العملة المالبزية الماليزيين رينجت فى العاصمة كولالمبور وفرصة فى السعودية بحوالى 9000 ريال سعودى (ملحوظة ان العملتين يوازوا جنية ونص مصرى) لو فى حد طبيب اومقيم بماليزيا يا ريت يفيدنى اللة يكرمكوا ايهما افضل

[الباشمهندس ياسر]

واحد زميلى و احنا ف الكلية

اتعرف عن طريق النت ع واحدة ماليزية

و بعدها بفترة اتجوزوا

و حياته ما بين ماليزيا و مصر

المهم

بيشكر جدا جدا ف الماليزين واخلاقهم العالية اوى وف البلد ونظافتها و النظام بتاعها

انما عن مستوى المعيشة والتوفير والكلام ده مش هقدر افيدك

انما فيه عضو ف المحاورات هنا كان شغال ف ماليزيا فترة

ممكن يبقى يدخل و يفيدكم ان شاء الله

[غريب الخبر]

جائت زوجى فرصة عمل كطبيب بماليزيا بحوالى 8000myrدا العملة المالبزية الماليزيين رينجت فى العاصمة كولالمبور وفرصة فى السعودية بحوالى 9000 ريال سعودى (ملحوظة ان العملتين يوازوا جنية ونص مصرى) لو فى حد طبيب اومقيم بماليزيا يا ريت يفيدنى اللة يكرمكوا ايهما افضل

الموضوع حضرتك مش موضوع راتب وبس .فى عوامل كتيرة تانية اهم من الفلوس زى مكان العمل ( خاص ولا حكومى) والامتيازات الموجودة فى كل عقد منهم زى الاجازات والسكن والتامين الطبى وحاجات كتير .......

ماليزيا بلد جميلة جدا بس بارضو لازم حد يعرفك طبيعة العمل ونظام الحياة هناك لان ممكن 8000 بتوع ماليزيا يصفوا على نص الراتب فى السعودية بعد المصاريف .

يارات حضرتك توضحى الامور اكتر علشان تلاقى اجابة كافية سواء من السعودية او ماليزيا .

ربنا يوفقه الى ما فيه الافضل

[enjisultan]

هو المكان حكومى الراتب انا كتبت المتوسط هو بيتراوح مابين 6000 الى 8500 ماليزين رينجت دا الاساسي

فى بدل حاجة اسمها اتصالات حوالى400 وفى on callحوالى 4 الى خمس مرات فى الشهر تتراوح الكول الواحد مابين 400 الى 600 حسب اليوم لو اجازة رسمية ولا يوم عمل عادى اجازة سنوية 21 يوم العمل بكولالمبور ما فيش بدل سكن ولا سكن اللى عرفناة من hr الى كلمونا ان الشقق القريبة بحوالى 2500 فى الشهر الطيران لزوجى فقط وانا وبناتى على حسابنا دا كل التفاصيل اة ومدة العقد سنتين قابلة للتجديد بس مش فاهمة اية اللى 8000 ممكن تصفصف على ا لنص مش فاهمة يعنى اية؟

[enjisultan]

العرض السعودى ما عنديش لسة التفاصيل المفروض بس هو فى مستشفى خاص بالدمام اسمها الموسى دا ك المعلومات مستنيين العرض على الميل

[herohero]

ف الموقف ده الحكايه مش المفروض تتحسب بالفلوس يعني لو الكويت ولا قطر انما ماليزيا ياريت حضرتك تدخلي وتشوفي هي ايه ماليزيا ده بلد روعه وناسها محترمين جدا انا روحتها مره واحده بلد روعه مناظر جميله ولا فيه كفيل ولا تحكمات مالهاش لازمه كفايه ان رئيس وزراء ماليزيا كان مهاتير محمد الراجل اللي عمل دبي بصراحه من وجهة نظري المتواضعه مفيش مجال للمقارنه السعوديه ولا ماليزيا هتبقي ظلمتي السعوديه قوووووووووووووووووي قارني السعوديه بالكويت

[غريب الخبر]

هو المكان حكومى الراتب انا كتبت المتوسط هو بيتراوح مابين 6000 الى 8500 ماليزين رينجت دا الاساسي

فى بدل حاجة اسمها اتصالات حوالى400 وفى on callحوالى 4 الى خمس مرات فى الشهر تتراوح الكول الواحد مابين 400 الى 600 حسب اليوم لو اجازة رسمية ولا يوم عمل عادى اجازة سنوية 21 يوم العمل بكولالمبور ما فيش بدل سكن ولا سكن اللى عرفناة من hr الى كلمونا ان الشقق القريبة بحوالى 2500 فى الشهر الطيران لزوجى فقط وانا وبناتى على حسابنا دا كل التفاصيل اة ومدة العقد سنتين قابلة للتجديد بس مش فاهمة اية اللى 8000 ممكن تصفصف على ا لنص مش فاهمة يعنى اية؟

الواضح ان العرض بتاع ماليزيا ضعيف شويه من وجهة نظرى وموضع تصفصف على النص ده قصدى بعد مصاريف السكن و المصاريف الشخصية وخلافه.

مستشفى المواساة فى الدمام كويسة واهى احسن من غيرها . ولان العملتين قريبيين جدا يعنى مفيش فرق . انا شايف ان السعودية احسن ده( لو هنعمل مقارنة وبس) .

ومتنسيش ان ده رايى شخصى

دمتى بخير

[بندق أفندى]

زرت ماليزيا أكتر من 10 مرات ولى عمل مشترك مع صديق لى .. ولى صديق طبيب يعيش هناك ويعمل منذ سنوات طويلة ويرد أن يأتى للسعودية بأى شكل ..

لتفهم الماليزيين يجب ان تعيش بينهم لا ان تزورهم .. المالاو شعب متخلف متعجرف .. مفاهيمه عن الدين مغلوطة ومتلخبطة ولا تجد شخص ماليزى تثق فيه الا نادرا .. ومستوى الفهم عندهم صعب جدا ..

الحياة غالية جدا فى كوالالميور .. والسكن يختلف من حى لحى .. منذ عدة سنوات كان بيت فى الضواحى (فيلا ايجارها حوالى 1000 رينجت) حاليا لا أعرف لكن تحديد الموقع سوف أسأل عن السعر ..

لو سألت الدكتور أيمن صديقى أول رد هيقول حرام عليك يا شيخ ..

المشكلة التى تواجه الطبيب العربى هناك انه لينجح لابد ان يتعلم لغتهم حتىيستطيع ان يتواصل مع المرضى .. لأنه كثير منهم لا يستطيع ان يحكى غيلا لغة الملايو ..

الناس ثلاثة عروق .. الصينين وهم أصحاب نهضة البلد والملايو والهنود أصحاب التجارة .. والملايو موظفين ومستهلكين او يعملون على مشاريع انتاجية كثيرة لكن من يتحكم فى أعمالهم الصينيين كعمالة مدربة أو كجهات تسويق وتوزيع ..

البلد جميلة جدا .. الحرارة على مدار العام حوالى 30 درجة .. الرطوبة تيجى 300% ايضا (مش عارف كم بس عالية جدا)

8000 رينجت تعتبر دخل عالى هناك .. لكن للمعيشة وليس للتوفير وهو الغرض من السفر ..

هناك فرصة للتسجيل للدراست العليا وربما تكون منح دراسية

السفر من القاهرة حوالى 8 ساعات .. هناك عرض من مصر للطيران ب 3000 جنيه .. مصر للطيران لا تسافر ال هناك لكنها مشغلة الخطوط الماليزية عندها ..

هناك رسوم لتصريح العمل حوالى 4000 رينجت مين هيدفعها؟

عرض السعودية فى أى مدينة؟

9000 راتب أساسى تعنى راتب اجمالى 12150 أو 9900 بالاضافة الى سكن عائلى مؤثث (حسب العقد) .. وعقد عائلى معناه هناك تذاكر سفر للعائلة ..

المدارس العربية هناك فقط مدرسة السفارة الليبية ..

[alexa]

السلام عليكم

الفكره انك مش بس بتقارن بلد عربي ببلد مش عربي

الفكره ان المنطقه اللي انت رايحها هي منطقه تسوماني واللي قتلت الالف

واللي علي ما اظن ان ماليزيا عباره عن جزر صغيره جنب بعض

الاكبر فيها هي العاصمه وطبعا الجزر التانيه معرضه للمد والجزر

غير طبعا ان المحيط الهندي مشهور باسماك القرش

اما بقي عن الزلازل ف ده عادي من اول اليابان للجنوب الصين لميليزيا

هو ربنا يستر علي اللي هناك

علي كل ربنا يوفقك :unsure:

[بندق أفندى]

السلام عليكم

الفكره انك مش بس بتقارن بلد عربي ببلد مش عربي

الفكره ان المنطقه اللي انت رايحها هي منطقه تسوماني واللي قتلت الالف

واللي علي ما اظن ان ماليزيا عباره عن جزر صغيره جنب بعض

الاكبر فيها هي العاصمه وطبعا الجزر التانيه معرضه للمد والجزر

غير طبعا ان المحيط الهندي مشهور باسماك القرش

اما بقي عن الزلازل ف ده عادي من اول اليابان للجنوب الصين لميليزيا

هو ربنا يستر علي اللي هناك

علي كل ربنا يوفقك :unsure:

لا يا أليكسا .. ماليزيا شبه جزيرة ..

ما تحكى عنه هو اندونيسيا .. حوالى 13 الف جزيرة ..

المهم العمر واحد والرب واحد

[enjisultan]

هو فعلا عرض السعودية دا لسة مافيش تفاصيل يعنى ادينا قاعدين مستنين هو طبعا الفلوس مهمة بس يعنى هل لو عيشت هناك مع جوزى انا وبناتى هيكون احسن ولا السعودية يعنى اى مكان الواحد ممكن يكونوا مبسوطين فية اكتر هو السفر الاساسى للزوج انما انا باذن اللة هاشتغل لما يكون الوضع مستقر سواء السعو

دية او ماليزيا ممكن الدخل يزيد يعنى فقولولى اية نظم العيشة هناك؟

اما حكاية تصريح العمل فلسة ما جاتش سيرتها هو الHRكلموا جوزى وقالوا كل التفاصيل اللى كتبتهالكوا بس كمان لو فى نصيب بلغوا ان الموضوع ممكن ياخود حوالى 4 الى 6 شهور لان الورق بيعدى على حتت كتير اوى ...

[hazemtara]

ماليزيا بلد جميل جداً

لنا زملاء باكستانين معاية هنا فى الشغل بيتمنوا لو عرفوا يرحوا ماليزيا أو يجدوا فرصة عمل فيها طبعاص البلد مسلمة وجميلة ما أعرفش كتير عنها لكن عندى شوية مواقع عنها هنزلهملك بعدين إن شاء الله ، المهم لما دخلت على النت وجدت إنة الهجرة لماليزيا مش مستحيل ولا صعبة زى بلاد تانية بالعكس لما حضرتك تشتغل هناك هيكون لك فرصة كبيرة لإستمرار هناك وممكن الهجرة كمان.

بس خد بالك ماليزيا فتحت م يجى 4 سنوات وأخذت أطباء مصرين كتير للأسف رجعوا معظمهم ومشوهم وكسفونا على الأخر لتدنى المستوى العلمى وما كملوش عقودهم.

خد بالك كمان ماليزيا دولة عالم أول يعنى أى سنة خبرة من هناك او شهادة علمية لها وزن كبير جداً لو جيت الخليج تانى.

:) نكمل بعدين

[الباشمهندس ياسر]

زرت ماليزيا أكتر من 10 مرات ولى عمل مشترك مع صديق لى .. ولى صديق طبيب يعيش هناك ويعمل منذ سنوات طويلة ويرد أن يأتى للسعودية بأى شكل ..

لتفهم الماليزيين يجب ان تعيش بينهم لا ان تزورهم .. المالاو شعب متخلف متعجرف .. مفاهيمه عن الدين مغلوطة ومتلخبطة ولا تجد شخص ماليزى تثق فيه الا نادرا .. ومستوى الفهم عندهم صعب جدا ..

..

المدارس العربية هناك فقط مدرسة السفارة الليبية ..

شيف بندق الجامد بالاوى

انا مليش دعوه

انا عايز معلومات اكتر ...لانى بصراحة كده وم الاخر كنت ناوى ابعت اخويا اللى ف الثانوى يروح يكمل جامعه هناك

هنتعبك يا استاذنا

:)

[enjisultan]

السلام عليكم

الفكره انك مش بس بتقارن بلد عربي ببلد مش عربي

الفكره ان المنطقه اللي انت رايحها هي منطقه تسوماني واللي قتلت الالف

واللي علي ما اظن ان ماليزيا عباره عن جزر صغيره جنب بعض

الاكبر فيها هي العاصمه وطبعا الجزر التانيه معرضه للمد والجزر

غير طبعا ان المحيط الهندي مشهور باسماك القرش

اما بقي عن الزلازل ف ده عادي من اول اليابان للجنوب الصين لميليزيا

هو ربنا يستر علي اللي هناك

علي كل ربنا يوفقك :sad:

يا alexaالدوام للة ما اصابك ما كان ليخطئك وما اخطئك ما كان ليصيبك