شات المغتربين في الكويت....تفضلوا هنا

[HDarwish]

كاتب حسابات دى مؤهل متوسط يعنى دبلوم تجارة انما المحاسب بكالوريوس تجارة فانا مش عارف دي بتفرق ولا لأ يعنى هل في عدم تطابق المهنة مع الجواز؟

على حد معلوماتي إن المفروض في العقد تكون المهنة في الجواز نفسها اللي موجوده في العقد ... لكن في حالتك إن شاء الله ما فيش مشاكل ... لإن كاتب حسابات من محاسب مش هتفرق كثير وأهي كلها في الحسابات ... أعطيك مثال . أنا في الجواز بتاعي المهنة مهندس زراعي حر لكن لما اتعملي العقد هنا في الكويت اتكتب الوظيفة مهندس ... بدون زراعي حر دي ... وبيني وبينك كانت أحسن ... إطمن إن شاء الله ما فيش مشكلة

لو فيه أي حاجه تانية عايز تستفسر عنها أنا تحت أمرك

بالتوفيق ... وتيجي بالسلامة

[HDarwish]

إيه يا شباب ... خلاص ما عدشي في حد مقيم في الكويت يشاركنا ..؟

طيب تصبحوا على خير

[zizooo]

خليك ايجابي ومتفائل واتكلم دايما على الكويس وشجعه وسيب الوحش لان كلامك اكيد مش هيأثر فيه .

واكيد كل مكان فيه الكويس والوحش وحرام عليك تجمع الكل مع بعض .

وبعدين احنا كمصريين فينا عيوب برضوا .

اكيد منحبش حد يكون ردة فعله بالنسبلها بنفس طريقتك .

وياريت تحاول مكنش متناقض في كلامك لأن منين انت شايف كل ده ومنين انت قاعد في الكويت لسه .

ملوحظة مهمة : شكلك فكرك كويس وكلامك وشعرك حلوين ، ياريت لو تخليهم في موضوع احسن .

شكرا ,,,

أسف على الإزعاج

[HDarwish]

خليك ايجابي ومتفائل واتكلم دايما على الكويس وشجعه وسيب الوحش لان كلامك اكيد مش هيأثر فيه .

واكيد كل مكان فيه الكويس والوحش وحرام عليك تجمع الكل مع بعض .

وبعدين احنا كمصريين فينا عيوب برضوا .

اكيد منحبش حد يكون ردة فعله بالنسبلها بنفس طريقتك .

وياريت تحاول مكنش متناقض في كلامك لأن منين انت شايف كل ده ومنين انت قاعد في الكويت لسه .

ملوحظة مهمة : شكلك فكرك كويس وكلامك وشعرك حلوين ، ياريت لو تخليهم في موضوع احسن .

شكرا ,,,

أسف على الإزعاج

B)

الكلام ده موجه لي أنا؟؟!!

أرجو التوضيح

[ssmaly]

الموضوع بدا بمدح وذكر مزايا الكويت ثم انقلب الى العكس

كأن الناس بيتكلموا عن بلدين مختلفين

اولا الكويت بلد بها الاماكن الجميلة مثل المولات والمناطق التجارية والاستثمارية ومناطق السكنية فقط مثل عبدالله السالم والشامية

وهناك مناطق لم ارى مثلها فى حوارى القاهرة مثل جليب الشيوخ والحساوى وخيطان العزابية

ثانيا الكويتين حوالى ميلون كويتى وليسوا عدة اشاخاص تقايلهم وتتعاملوا معهم فى عملكم وهم كذلك من اصول مختلفة وهم مختلفين عن بعضهم لدرجة كبيرة

انا بحكم عملى (انا بتعامل مع الجمهور ومعظمهم كويتيين)قابلت ناس

1- على اعلى مستوى من الأخلاق والتعليم وضعهم المالى على اعلى مستوى ومن عائلات كبيرة وبعضهم كانوا من العائلة المالكة (شيوخ) النوعية دى من الناس التى تمتلك من المال الكثير وتهتم بالعلم وترسل اولادها الى الخارج لتلقى اعلى الشهادات العلمية

ومن عائلات كبيرة تهتم بأسم العائلة بتكون كذلك ارقى وذوق فى التعامل ويقدر قيمة العلم و يحترم المصرى لانه متعلم ويعرف قدر مصر ولا يتعالى على المصريين

2-وهناك ناس بدون تعليم

بدون فلوس

فبالتالى بدون أخلاق

والناس دى الحاجة الوحيدة التى يمتلكوها انهم كويتيين فلازم يكون هناك عنصرية تجاه غير الكوتيين

هو غير متعلم فلازم الايحترم المتعلمين

ومابين النوعين السابقين هناك درجات مختلفة كثيرة من التعليم والوضع المادى والعائلى فباتالى اختلافات كثيرة فى الاخلاق والتعامل والعنصرية

انا سافرت السعودية من الكويت بالسيارة ولم اقابل الكثير من السعوديين ولكن كانت المقارنة بين مستوى التعامل من السعوديين على الحدود وفى داخل المولات (فى الخبر اللى فيها حرية واجتنب اكتر) كانت المقارنة لصالح الكويتيين وكرهت السعوديين لدرجة انى لم اكرر الزيارة مرة اخرى

تم تعديل 10 نوفمبر 2009 بواسطة ssmaly

[zizooo]

:blink:

:blink:

:sad:

الكلام ده موجه لي أنا؟؟!!

أرجو التوضيح

صباح الخير

لا HDarwish الكلام مش ليك

اسف على عدم التوضيح

الكلام كان لاستاذ/ سعد بدر

لأن موضوعه شدني ، وفكرني بالجملة بتاعت الفيلم

(( الناس مبتحبنيش يا ريس )) :rolleyes:

شكراً ...

أسف على الإزعاج ,,, gt:

[zizooo]

صباح الخير

احب اشكر ssmaly

الصراحة الكلام كان في منطق وانصاف

وواضح فعلا قدرة التمييز

وفعلاً ده الصح في الكويت .

شكرا ً

أسف على الإزعاج ,,,

[pocy]

انا اول مره اشوف الموضوع ده ورحتى فين بنت فاضل ومش شوفتك بالتوبك بتاعنا خالص انتى زعلتى ولا ايه ؟

[mromar]

ياجماعة انتو كدة شتتونا في كذا موضوع ومكان

1-المصريين اللي في الكويت عاوزين نتعرف

2-شات الكويت

3-هنا الكويت

أرجو تركيز المشاركات في موضوعيين بس علشان نقدر نطالع الجديد وعلشان يمكن الادارة ربنا يكرمهم ويثبتوهم لينا

1-المصريين اللي في الكويت عاوزيين نتعرف / ده موضوع للتواصل الاجتماعي بين مغتربين الكويت

2-موضوع هنا الكويت / للاستفسارات والاجراءات الخاصة بالكويت

[still cry]

السلام عليكم ورحمة الله وبركاته

ممكن المساعدة اخواتي في الله

عايزة اسال عن دكتور موجود بالكويت بس موش اعرف حاليا بمصر ولا الكويت لامر هاااااااااااام وعاجل ارجو المساعدة لو بامكانكم وجزاكم الله خيرا