إنقطاع هائل فى الكهرباء

[wa7d]

فى يوم الخميس 14 أغسطس الساعة الرابعة وربع مساء بتوقيت شرق شمال الأطلنتى ، الحادية عشر وربع بتوقيت القاهرة حدث إنقطاع تام للكهرباء من أتاوا وتورنتو إلى نيويورك . وعند حدوث ذلك خشيت أن يكون هذا من عمل أسامه بن لا دين السماوى ولكن ربنا ستر وطلع السبب عطل فى محطة توليد الكهرباء . ولم يصل لنا الكهرباء إلا مؤقتا اليوم الجمعة 15 أغسطس أى أكثر من 24 ساعة ، والله بلدنا كويسه وبخير وربنا يسترها معانا . أهم ملاحظة هو ما حدث عندما توقفت جميع إشارات المرور فى شوارع تورنتو ، فى منتهى النظام تدفقت السيارات ، وبجد يعنى كان المرور منظم أفضل مما كان عندما كانت تعمل الإشارات . ثم نزل المتطوعون إلى إشارات المرور لتنظيم المرور . وبدأ الناس فى تقديم زجاجات المياه والمشروبات لهؤلاء التطوعين . وتفرغ البوليس للمرور على المحلات التجارية والبنوك للحماية . ثم نزلت الجمعيات الغير حكومية لخدمة المستشفيات وتقديم العناية اللازمة للمرضى وكبار السن . الحق يقال يارب أشوف يوم زى ده فى بلدنا . أعنى هذا النظام وليس إنقطاع الكهرباء .

[فــيــروز]

والله بلدنا كويسه وبخير وربنا يسترها معانا

نفس الجمله قلتها عندما اخبرتنى احدى صديقاتى بهذا الانقطاع المفاجئ فى الكهرباء .. وقلت زمان وزير الكهربا بتاعنا بيزغرد فى عبه من الفرحه عشان امثالى اللى كانوا بينتقدوه بعد انقطاع الكهربا المتكرر فى مصر خلال الصيف بسبب زيادة الاحمال لكثرة استخدام اجهزة التكييف .. وكنت اقول لازم يكون فيه تخطيط وكلام كبير كده اضطريت احتفظ بيه لنفسى اما سمعت الخبر ده

[جـورج]