هل يوجد في مصر (مصرنة) كما يوجد في السعودية (سعودة)

[سهل جدا]

تشكل قضية السعودة أهم الهموم الاقتصادية والاجتماعية للشعب السعودي الشقيق

والمقصود بالسعودة: إحلال الموظفين السعوديين مكان الموظفين الأجانب

وقد بدأت تظهر هذه الفكرة للوجود في العقدين الأخيرين؛ وذلك بعد انتشار البطالة بين الشباب السعودي

وفي حقيقة الأمر هي فعلا مشكلة كبيرة وتحتاج إلى علاج فعال..

فمن الصعب أن يتقبلوا فكرة أن يأتي الناس من الشرق والغرب إلى بلادهم ليعملوا ويجمعوا الأموال ويسفروها للخارج في نفس الوقت الذي يعاني منه أبناء البلد نفسه من البطالة..

قد يقول قائل: العمل الموجود كثير جدا, لكن المشكلة أن أكثر الشباب السعودي غير مؤهل لاحتياجات سوق العمل..

فالجواب: أن هذا الكلام صحيح إلى حد كبير؛ لكن لا يمكن السكوت عليه, ويجب خله وتأهيل الشباب لذلك..

المهم ..

أن هذه الفكرة (أقصد: إقصاء الموظفين الأجانب) انتشرت في باقي دول الخليج, ولكن بصورة أقل.. وذلك بسبب زيادة سكانهم وعدم استيعاب الوظائف الحكومية للمواطنين..

ففي الإمارات بدأوا في تطبيق نفس الفكرة ولكن بسمى مختلف

وكذلك الكويت .. مش عارف هايسموها (مكوتة) ولا (كوتنة) :)

ومش بعيد يظهر بعد سنوات في دولة قطر (قطرنة) :P

وهلم جرا..

الحقيقة أن هذا حق لهم جميعا, وإن كان بالطبع سيؤثر ذلك علينا سلبا كمغتربين مصريين عايشين في هذه البلاد المباركة ..

لكن الواحد بيقول الحق ورزقه على الله..

وبعيدا عن السعودة والأمرتة والكوتنة والقطرنة وصعوبات تطبيقها؛ فقد خطر في بالي سؤالا أحببت أن أعرف جوابه من إخواني الكرام:

لو حصل في الأمور أمور ورجعنا لبلادنا الغالية مصر (سواء كنا مطرودين أو رجعنا بإرادتنا)

هل سنجد في مصر (مصرنة)

:happy:

[ريحانة]

مصر اصلا مفيهاش اجانب واخدنا وظايفنا

مصر مفيهاش وظايف لحد

او حقيقى هى فيها شغل بس للى عايز يشتغل بجد

مؤهل جدا وعايز يتعب ومستعد لمواجهة مشاكل كتير

عايز يروح مدن او محافظات جديدة

يبعد شوية عن اهله

يستحمل شغل القطاع الخاص

انما موضوع مصرنة حايجيى منين

احنا اصلا معندناش اجانب لدرجة تعمل ظاهرة

طفشناهم

[الباشمهندس ياسر]

اسمها تمصير يا عم سهل

[Virus]

مش قطرنة ...اسمها تقطير..Qatarization

بس طبعا ده يعني مشروع بيقول ياهادي وإن كانوا بدأوا بالسكرتارية تقريبا مبيدوش فيز وافدين خالص

أما بالنسبة للتمصير فهو كان فعلا هيبقى مطلب قومي لولا الأزمة المالية..لأن مصر كان فيها نمو عنيف (نسبيا) للبيزنس وكان شادد رؤوس أموال معتبرة من المنطقة ..وأنا سمعت وشفت إن شركات وبنوك كانوا بيتعبوا جدا يلاقوا ناس Proffisional في مصر لتدني مستوى التعليم والتدريب أولا ولهجرة الكفاءات ثانيا..وبالتالي ظهرت على السطح (على نطاق ضيق) ظاهرة استيراد عمالة من لبنان أو الأردن وكمان الفلبين...أو حتى عودة مصريين من الخليج للعمل برواتب عالية

أما دلوقت فخلاص كله في الهوا سوا

[سهل جدا]

مصر اصلا مفيهاش اجانب واخدنا وظايفنا

على فكرة يا أخت ريحانة

في مرتبات في مصر لموظفين أجانب خيالية

الكلام ده أكيد, وأعتقد إن ده نابع من عقدة الخواجة

يعني طالما صاحب العمل شايف إن الموظف ده خواجة يبقى هايديلو مرتب عالي , حتى لو في مصري أكفأ منه

شكرا لك

اسمها تمصير يا عم سهل

يا باشمهندس ياسر

لا مشاحة في الاصطلاح

الاصطلاح ليس له قاعدة ثابتة نمشي عليها, ولكن حسب ما تعارف عليه الناس

بس طالما إنك قولت تمصير بثقة كده , يعني أكيد يوجد في مصر هذا المصطلح فعلا

ربنا يطمن قلبك يابني

وبما إن الورد هنا لا زال ببلاش

فخذ ديه

أما بالنسبة للتمصير فهو كان فعلا هيبقى مطلب قومي لولا الأزمة المالية..لأن مصر كان فيها نمو عنيف (نسبيا) للبيزنس وكان شادد رؤوس أموال معتبرة من المنطقة ..وأنا سمعت وشفت إن شركات وبنوك كانوا بيتعبوا جدا يلاقوا ناس Proffisional في مصر لتدني مستوى التعليم والتدريب أولا ولهجرة الكفاءات ثانيا..وبالتالي ظهرت على السطح (على نطاق ضيق) ظاهرة استيراد عمالة من لبنان أو الأردن وكمان الفلبين...أو حتى عودة مصريين من الخليج للعمل برواتب عالية

والله معلومات جيدة

بس بغض النظر عن موضوع الأزمة المالية ده

مصر فعلا الفترة اللي جاية هاتتوسع فيها الاستثمارات الأجنبية جدا بإذن الله

فلازم نهتم بموضوع التمصير ولا المصرنة ده .. لحسن الواحد مصارينه اتهرت من تجاهل الحكومة الموقرة لمصالح الشعب اللي متشحطط في بقاع العالم..

[الباشمهندس ياسر]

اسمها تمصير يا عم سهل

يا باشمهندس ياسر

لا مشاحة في الاصطلاح

الاصطلاح ليس له قاعدة ثابتة نمشي عليها, ولكن حسب ما تعارف عليه الناس

بس طالما إنك قولت تمصير بثقة كده , يعني أكيد يوجد في مصر هذا المصطلح فعلا

ربنا يطمن قلبك يابني

وبما إن الورد هنا لا زال ببلاش

فخذ ديه

بص يا جدو :gather: هقولك على حاجة

زمااااااااااان ايام عبد الناصر خدوا الحاجة بتاعت الناس وسموها تاميم تقريبا

بعدها عملوا حاجة سموها تمصير وهى انهم يبدلوا كل مدير من الخواجات بواحد مصرى

و عملوا حاجة سموها تعريب و دى بقى للعلوم

و الحمد لله

التلات حاجات فشلوا فشلا ذريعا

[ozoozo]

تخيل ان في مصر عمال هنود .....شوفتهم بعيني في مصر شهر 8 اللي فات كانو في كارفور وكان في عرض علي الجواكت وكانو واقفين يقيسوا فبها

ده غير مصنع النسيج بتاع شبين الكوم اللي اشتراه واحد هندي وابتدي يجيب عمال هنود يعني بعد كده مش هانلاقي ناكل في بلادنا وساعتها هانطالب فعلا بالمصرنه

[سهل جدا]

تخيل ان في مصر عمال هنود .....شوفتهم بعيني في مصر شهر 8 اللي فات كانو في كارفور وكان في عرض علي الجواكت وكانو واقفين يقيسوا فبها

ده غير مصنع النسيج بتاع شبين الكوم اللي اشتراه واحد هندي وابتدي يجيب عمال هنود يعني بعد كده مش هانلاقي ناكل في بلادنا وساعتها هانطالب فعلا بالمصرنه

معقولة في عمال هنود في مصر :)

لا أنا شاكك في الكلام ده

لأن أغلبهم بيشتغلوا في الوظائف البسيطة , ودي في مصر مرتباتها تعبانة

إذا كان عامل النظافة المصري بياخد في حوالي 250 جنيه

أنت ما في معلوم صديق ولا إيه

[محمد عيسى]

لأ موجودين و ماليين البلد و روح شوف مصانع بورسعيد

كارفور جايب عمال نظافة من سيريلانكا على 700 جنيه

[Amr Radwan]

بالصدفة و انا اتجول في شوارع مدينة جدة الجميلة شاهدت يافطة مكتوب عليها "لجنة منع الاجانب من مزاولة التجارة" .. و طبعا فكرت بتلقائية احنا عاملين كده في مصر ؟؟ بالعكس احنا بنجاول نجذب رؤوس الاموال الينا و الاستثمار في مصر .. و انا طبعا مازلت مش فاهم اية اليافطة دي و لا اية ماهية اللجنة دي و خاصة ان المستثمرين الاجانب لهم طرق رسمية للاستثمار في السعودية ..

بالاضافة اننا في مصر المحروسة بنعطي الحق لاي اجنبي او عربي بنعطيه الحق في التملك للعقارات او الاراضي او المصانع او غيرها علي عكس ما هو موجود في السعودية .. ما السبب ؟؟!! هل لان مصر محتاجة فلوس ام لان السعودية و بعض دول الخليج مش عاوزة عرب من جنسيات اخري يكون لهم رجل في البلد ؟

بس عموما .. و في النهاية نرجع و نقول اكيد لهم فكر واضح من النقاط دي و لهم الحق في اعتناقه لانها بلدهم ..

[سهل جدا]

بالصدفة و انا اتجول في شوارع مدينة جدة الجميلة شاهدت يافطة مكتوب عليها "لجنة منع الاجانب من مزاولة التجارة" .. و طبعا فكرت بتلقائية احنا عاملين كده في مصر ؟؟ بالعكس احنا بنجاول نجذب رؤوس الاموال الينا و الاستثمار في مصر .. و انا طبعا مازلت مش فاهم اية اليافطة دي و لا اية ماهية اللجنة دي و خاصة ان المستثمرين الاجانب لهم طرق رسمية للاستثمار في السعودية ..

بالاضافة اننا في مصر المحروسة بنعطي الحق لاي اجنبي او عربي بنعطيه الحق في التملك للعقارات او الاراضي او المصانع او غيرها علي عكس ما هو موجود في السعودية .. ما السبب ؟؟!! هل لان مصر محتاجة فلوس ام لان السعودية و بعض دول الخليج مش عاوزة عرب من جنسيات اخري يكون لهم رجل في البلد ؟

بس عموما .. و في النهاية نرجع و نقول اكيد لهم فكر واضح من النقاط دي و لهم الحق في اعتناقه لانها بلدهم ..

شكرا على مشاركتك الطيبة أستاذ عمرو

أول مرة أسمع عن "لجنة منع الاجانب من مزاولة التجارة" ديه

بس أنا أفضل النظام المصري بصراحة.. إيه المانع إن الأجنبي أو على الأقل العربي إنه يستثمر ويتملك زي المواطن, طالما إن ده هايجذب رؤوس أموال تضخ في البلد

لكن طبعا لازم العملية تتقنن , ما ينفعش مثلا اليهود ييجو يشتروا في البلد بأسماء شركات عربية وهمية

لكن في حالة عمل الأجانب للمشاريع والاسثمارات ديه, هل يوجد فرض لنسبة عمالة مصرية كما في السعودية لازم يكون فيه نسبة معينة للسعودة ؟؟!!

[مصري أصيل]

أخي الفاضل سهل جداً

منذ سنوات قليله تم تطبيق هذا النظام داخل الكويت و تم إجبار الشركات علي تخصيص 1% من نسبة العمالة للعمالة الوطنية . و حالياً أي معاملة لأي شركة ما بتمشيش الا إذا كانت الشركة دي مرفقة من ضمن أوراقها شهادة استيفاء نسبة العمالة الوطنية و منها التقديم في المناقصات و جميع المعاملات الحكومية.

بس تعرف أن النادر من أصحاب الشركات اللي بيستخدم عماله كويتيه . يعني اللي ما كانش عنده عماله كويتيه من الأول بيجيب أي واحد قريبه و يضيفة علي الشركة كإجراء روتيني فقط لإستخراج تلك الشهادة و بعدها طبعاً ما بيشتغلش في الشركة و لا حاجه . يعني ما أظنش أن حتي الأن الموضوع ده سبب مشكلة للمقيمين

أما عن مصر فلا أظن أننا سنواجه مشكلة مثل ذلك لأن مصر حالياً غير جاذبة لأي نوع من أنواع العمالة و الله يرحم ايام زمان لما كانوا الإجانب من كل مكان يأتوا للعمل و الأقامه في مصر . و حالياً شبابنا بيموتوا نفسهم في البحر عشان يروحوا عندهم .

ربنا يصلح حال بلدنا الأول و تكون مصدر جذب للعماله الخارجية و بعد كده نبقي نطالب بالتمصير ... بالمصرنه ... بالمصرته ... المهم هيبقي فيه حاجه نطالب بيها و السلام بس دلوقتي ما أظنش.

تقبل تحياتي

أبو كريم

[سهل جدا]

من فترة قريبة واحد صاحبي مقيم في السعودية راح عشان يجدد إقامته حصلتله مشكلة كبيرة

كان هياخد بسببها خروج نهائي

والسبب إن المهنة المسجلة في إقامته مهنة مسعودة

طبعا المشكلة في الآخر اتحلت بفلوس من تحت الترابيزة

بس فعلا الواحد ما بقاش يشعر بالأمان في السعودية

المقيمين وضعهم بقى صعب أوي بسبب السعودة

باستثناء بعض المهن القليلة ..

[esocial]

تشكل قضية السعودة أهم الهموم الاقتصادية والاجتماعية للشعب السعودي الشقيق

والمقصود بالسعودة: إحلال الموظفين السعوديين مكان الموظفين الأجانب

وقد بدأت تظهر هذه الفكرة للوجود في العقدين الأخيرين؛ وذلك بعد انتشار البطالة بين الشباب السعودي

وفي حقيقة الأمر هي فعلا مشكلة كبيرة وتحتاج إلى علاج فعال..

فمن الصعب أن يتقبلوا فكرة أن يأتي الناس من الشرق والغرب إلى بلادهم ليعملوا ويجمعوا الأموال ويسفروها للخارج في نفس الوقت الذي يعاني منه أبناء البلد نفسه من البطالة..

قد يقول قائل: العمل الموجود كثير جدا, لكن المشكلة أن أكثر الشباب السعودي غير مؤهل لاحتياجات سوق العمل..

فالجواب: أن هذا الكلام صحيح إلى حد كبير؛ لكن لا يمكن السكوت عليه, ويجب خله وتأهيل الشباب لذلك..

المهم ..

أن هذه الفكرة (أقصد: إقصاء الموظفين الأجانب) انتشرت في باقي دول الخليج, ولكن بصورة أقل.. وذلك بسبب زيادة سكانهم وعدم استيعاب الوظائف الحكومية للمواطنين..

ففي الإمارات بدأوا في تطبيق نفس الفكرة ولكن بسمى مختلف

وكذلك الكويت .. مش عارف هايسموها (مكوتة) ولا (كوتنة) :unsure:

ومش بعيد يظهر بعد سنوات في دولة قطر (قطرنة) :lol:

وهلم جرا..

الحقيقة أن هذا حق لهم جميعا, وإن كان بالطبع سيؤثر ذلك علينا سلبا كمغتربين مصريين عايشين في هذه البلاد المباركة ..

لكن الواحد بيقول الحق ورزقه على الله..

وبعيدا عن السعودة والأمرتة والكوتنة والقطرنة وصعوبات تطبيقها؛ فقد خطر في بالي سؤالا أحببت أن أعرف جوابه من إخواني الكرام:

لو حصل في الأمور أمور ورجعنا لبلادنا الغالية مصر (سواء كنا مطرودين أو رجعنا بإرادتنا)

هل سنجد في مصر (مصرنة)

:blink:

لا موجودة فى قطر فعلا بس بدل القطرنة سموها تقطير لكن هو مش تقطير دى سيول عارمة لكن الناس ربنا حاميها من ذلك

[esocial]

بالصدفة و انا اتجول في شوارع مدينة جدة الجميلة شاهدت يافطة مكتوب عليها "لجنة منع الاجانب من مزاولة التجارة" .. و طبعا فكرت بتلقائية احنا عاملين كده في مصر ؟؟ بالعكس احنا بنجاول نجذب رؤوس الاموال الينا و الاستثمار في مصر .. و انا طبعا مازلت مش فاهم اية اليافطة دي و لا اية ماهية اللجنة دي و خاصة ان المستثمرين الاجانب لهم طرق رسمية للاستثمار في السعودية ..

بالاضافة اننا في مصر المحروسة بنعطي الحق لاي اجنبي او عربي بنعطيه الحق في التملك للعقارات او الاراضي او المصانع او غيرها علي عكس ما هو موجود في السعودية .. ما السبب ؟؟!! هل لان مصر محتاجة فلوس ام لان السعودية و بعض دول الخليج مش عاوزة عرب من جنسيات اخري يكون لهم رجل في البلد ؟

بس عموما .. و في النهاية نرجع و نقول اكيد لهم فكر واضح من النقاط دي و لهم الحق في اعتناقه لانها بلدهم ..

الحقيقة ان الدول العربية دى تخاف ان خيرها يخرج بره البلد ويستخسروا ان اى اجنبى يتملك فيها لكن ممكن يساهم بفلوسه بطريقة امنة لهم دون حق له لكن انتفاع لفترة محددة ويكون له شريك عند فتح شركة يكون شريكه ابن البلد يده اعلى والقانون يحميه

[سهل جدا]

لا موجودة فى قطر فعلا بس بدل القطرنة سموها تقطير لكن هو مش تقطير دى سيول عارمة لكن الناس ربنا حاميها من ذلك

السعودية تختلف عن باقي دول الخليج في موضوع توطين الوظائف

الوضع فعلا أصبح صعب جدا بالنسبة للمقيمين في السعودية (المقيمين = غير السعوديين)

لدرجة إن لما واحد بيطلب مني مشورة ييجي السعودية ولا لأ

أقوله لو جاتلك فرصة في دول خليجية تانية روح فيها أحسن..

تصدق إن في السعودية في ناس مدراء شركات كبيرة ومهنتهم في الإقامة: (عامل)

وطبعا دي بتأثر كثير على المقيم وبتسبب له مشاكل..

منها إنه ما يعرفش يستقدم أهله مثلا أو ما يعرفش يعمل زيارة لوالدته