علامات استفهام حول أفلام (عادل إمام)

[الجدار]

زي ما ربنا سبحانه وتعالى بيقول: {إنا نحن نحيي الموتى ونكتب ما قدموا وآثارهم}

يقول المفسرون:

{ونكتب ما قدموا} يعني أعمالهم التي عملوها وباشروها في حياتهم

{ وآثارهم } وهي آثار الخير وآثار الشر، التي كانوا هم السبب في إيجادها في حال حياتهم وبعد وفاتهم.

والله ديه مصيبة كبيرة وللأسف لا يشعر بها إلا القليل .. .

تصدق أول مرة افهم معنى الآية دي مع ان الواحد بتعدي عليه كتير قوي

جزاك الله خير

وده بيدل ان الواحد مقصر جامد وبيقرا القرآن (لو قراه) وبيعدي عليه مر الكرام

بجد الواحد لازم يقرا تفسير للقرآن ويحاول يفهم هو بيقرا ايه

ألف شكر أخ سهل جدا وجعله الله في ميزان حسناتك

بالنسبة للأخ سهران

لكن منذ التسعينات أرى أن هناك بأفلامه أعمال جيدة بأفكار تستحق المشاهدة ( أذا أستثنينا طبعا بعض المشاهد الخارجة.... نتكلم عن فكر عام ) .

ربنا حرم الخمر بأكملها سواء حملها او صنعها او الإقتراب منها مع ان ربنا قال ان فيها منافع للناس

الآية

"يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا"

يعني على الرغم من ان فيها منافع لكن انت مش حتعرف ضررها ايه او ضرر انك تشيلها او تصنعها او الإقتراب منها

دلوقتي جه في دماغي من اربع سنين كده او خمسه ايام نانسي عجرم ماطلعت على الساحة وروبي كان الناس كلها بتنح أول ما الفيديو كليب يتزاع

المهم من فترة قريبة كان فيديو كليب بتاع بحبك أه للست نانسي عجرم بيتزاع قلت سبحان الله ده قمة الإحترام أمال احنا كنا عاملين ضجه ليه أول ما نزل

أمال دلوقتي البنات بتوع الفيديو كليبات يبقو ايه !!

لقيتني بقول لنفسي سبحان الله العملية بتدخل واحده واحده للواحد

وبيتعود عليها سنه سنه لغاية ماتبقى عادي

وأحنا مستغربين على اخلاقنا بقت وحشه ليه !!

اتفرج احنا بنشوف ايه وبنسمع ايه وكل حاجه بتأثر تأثير صغير ماتشوفوش غير لما يتكوم على بعض

وتبص لنفسك كنت ايه وبقيت ايه

انا دلوقتي الحمد لله لا بتفرج على تليفزيونات ولا أغاني كفاية اللي الواحد وصله (مش مشيخة والله ربنا اعلم بذنوب الواحد)

يا ريت الحاجة ماتعديش على الواحد مرور الكرام ويا ريت نفكر في الحاجة كويس

وربنا يبعدنا عن الفتن

ونأسف للإطالة

تم تعديل 6 مارس 2009 بواسطة الجدار

[Salwa]

السلام عليكم ..

بداية وصراحة سوف اقول رأى ربما يختلف عن آراء الكثيرين فى موضوع افلام عادل امام وعادل امام نفسه ...

وارجو ان تكون كلماتى مفهومة بمعناها الذى اقصده بدون اى تحوير لاى معنى آخر ..

فى بدايات عادل امام ...(( كان بالنسبة لى كوميديان له كاريزما خاصة ))...ايام ظروفه اللى على قده..

كنا نضحك على عفويته ...هذا الشاب النحيف بجسده ( الغريب ) و ( قفصه الصدرى البارز ...وانيميا واضحة المعالم ..!!!.))....بسيط بمعنى كلمة بسيط ..

ثم..

كأكثرية الناس ....لما ربنا يعطيه ..(( يفترى ))...وهذه للأسف حقيقة واضحة جدااا خصوصا فى هذا الوسط او اى وسط به مجموعة او افراد ...كانوا لاشئ واصبحوا (( مجرد شئ ))..

تخيل نفسه ..(( من حب الجماهير له ))...انه ملك الدنيا ومن عليها ...!!!.....نسى انها جماهير ذات مواصفات خاصة ..(((( نفس الجماهير التى رفعته سوف تسقطه من حساباتها ))))...

بدأ يتملق الكل ...للوصول ..

واصبح..

الكل ...يتملقه....للوصول ..

نسى نفسه ....

ورغم ذلك ...كنت اعتبره انسان جعلته العظمة المؤقتة ينسى نفسه ويتباهى بشكله كالطاووس ...صدق انه طاووس ..ونسى ان جمال الطاووس فى ريشه فقط ...!!!

اكتشفت..

اكتشفت مؤخرا ..............انه رجل بلا مبادئ ...

لااقصد سخريته من الشيوخ...فقط.....ولا اقصد تصويره لنفسه على انه رامبو ...ولا اقصد انه يعتقد انه فالنتينو ..

ليه؟؟

فى حلقة من حلقات البيت بيتك ...(( انا حقيقة اتابع هذا البرنامج ..ولو انها ليست متابعة يومية ))..

استضافوه ليتحدث عن فيلم حسن ومرقص...

بغض النظر عن رأيى فى عمر الشريف..............!!!.....ليس هذا مجال حديثنا ...!!

بدأ يتحدث عن اخلاق عمر الشريف كانسان وانه كريم وانه كان بيصمم يعزمهم فى اثناء التصوير وكان يصر على دفع الفاتورة ...ووووو...وووو....

وقلت لنفسى ...((( كويس انه بيمدح فى حدغير نفسه ده يتحسد )))..

ولم تكمل ....فرحتى ..!!!

قال...

---------.

انا بقى فى مرة صممت وقلت له ياعمر انا اللى لازم ادفع انهاردة ....

واكلنا كلنا وطلبت الفاتورة ...فوجئت انها كام الف جنيه ...!!

صرخت...وقلت للراجل ليه يعنى ؟؟ ...قاللى لان زجاجة النبيذ اللى طلبها عمر الشريف باربع الاف جنيه ..وهو ده النوع اللى بيطلبه دايما ..

رحت انا بقى قلت له ...ليه يعنى ؟؟ خلاص بقى ..يبقى يدفع هو ...انا مدفعش اربع الاف جنيه فى قزازة نبيذ ..

و..هههههه...

--------.

انا بقى شخصيا ...كسلوى يعنى ....حسيت انى بحتقر هذا الشخص جدا جداااا...

اولا....

طلع نفسه بطل ...ومسلم...ولايقبل يدفع فلوسه فى خمور ...

ثانيا....

طلع عمر الشريف سفيه وخمورجى ....رغم انه كان بيقول عليه انه كريم ...!!!

ثالثا ...

منافق بشكل قاسى ....طيب لما انت مسلم ...ليه اساسا كنت بتاكل معاه وتقعد معاه على ترابيزة واحدة يوميا وتقبل انه يدفع لك انت وولادك ...وهو بيتناول الخمر ...جنبك ؟؟

رابعا ...

طبعاااا رغم كل اللى عطاهوله ربنا ....حسيت انه مستغل ....ليه؟؟؟؟

طالما هو قبل ان عمر الشريف يدفع له يوميا ثمن الاكل ....طيب كان يدفع فى اليوم ده ؟؟

يعنى كل الايام اللى اكل بيها على حساب عمر الشريف متجيش ثمن زجاجة النبيذ ؟؟

خامسا ...

رأيى الشخصى برضه..

اتمنيت ساعتها لو ربنا اخدهم كلهم مرة واحدة وريحنا منهم .....هو وكل اللى حواليه بينافقوه ويقولوا له يازعيم ....ياملك ...وهو يقول ...انا مش حرامى انا راجل شقيان ...

بس بينى وبين نفسى ....صعب عليا عمر الشريف....حسيت ان عادل امام عطاه سكينة فى ظهره ...

وبما انه عبيط ...تلاقيه لحد دلوقت مش حاسس ..

سادسا ...

شعرت انه فعلا فعلا لايعرف معنى الصداقة ...وصديقه الدولار فقط ..او اليورو ...والجنيه حتى يتم تحويله ...!!!

و..

ربنا بيسلط ابدان على ابدان ....

بس...خلاص..

ارجو الا يكون حديثى خارج عن الموضوع الاساسى ..

سلام..

[سهل جدا]

ازيك يا أستاذ فيروس

أما بخصوص تأثيره على عموم المشاهدين..فمش عارف بصراحة..ده يتوقف على مدى تقديرنا لسذاجة الشعب المصري أو وعيه..وده موضوع تاني

يا سيدي الفاضل , أكثر الناس في مصر هم من العوام البسطاء, كما قال لك الأخ الفاضل أبو عمر

وهي دي المشكلة التي لا يتفطن إليها أكثر المثقفين في مصر

يعني مثلا أذكر في موضوع للدكتورة الفاضلة أم أحمد اللي كان بيتحدث عن: كتب دينية مسيحية في معرض الكتاب توزع بالمجان

لاقيت أغلب المعلقين على الموضوع بيتكلموا من زاوية تانية خالص

وهي إن ده مش هايأثر علينا لأن احنا ناس فاهمين ديننا كويس, ونسيوا إن أكثر الناس يمكن ما يعرفوش أساسيات كثير من ديننا ويمكن لو وقعت في إيديهم الكتب ديه هاتبلبل عقيدتهم, مش لأن عقيدة الدين الإسلامي فيها نقاط ضعف (حاشى لله)

ولكن لأن الجاهل عدو نفسه وعدو ما يجهل..

الحمد لله طلع فيه ناس كتير ذيي مش بتحب عادل امام

اصلى كل ماكنت اقول لحد كده يقولى يا شيخة حرام عليكى ده نجم وافلامه فظيعة وبتضحكنا

انا رايي انه افلامه فعلا تافهة كلها بتخاطب فئة معينة من الناس ودايما فى كل افلامه ذى ما الاخوة اتكلموا وقالوا انه فعلا يطلع واحد كده مش محترم وبتاع ستات وخمرة استغفر الله وده هيجننى مش عارفة ليه هو كل ادوارره بتبقى كده وبس

بس بقى كمان ايه رايكم فى الممثلات اللى بتظهر ادامه فى اى فيلم ليه وبعد كده لما يستضيفوها فى برنامج تقول انا ليا الشرف ان استاااااااااااذ عادل اماااااااااااااااام اخدنى معاه فى فيلمه الاخير وكانها خلاص يعنى داخله الجنة بكده

انا مش فاهمه واحدة ذى دى بقى بتفتخر بايه يعنى ؟ انها طلعت فى مشهد مش محترم وادام واحد مش محترم ذى ده

عامل نفسه ال ايه زعيم ماهو طبعا ماهو زعيمنااااا.....هتبقى انت ايه يا زعيم السيييييييييما لامؤاخذة

فعلا فى كل افلامه لازم يضرب خمسة سته بالقلم والمشكلة انهم بيقولوا لينا الشرف اننا طلعنا مع الفنان الكبير

انا اصلا بصراحة مش بحترم اى واحد من الفنانين لانهم منافقين

واللى يجننك بقى انهم يقولوا على نفسهم اخ يا ربى ده احنا بنتعب اوى فى شغلنا هو فين التعب ده ده الواحد يشوف الميكينج بتاع الافلام يلاقيه كله هظار وضحك وكمان سفاله واحضان بينهم بلا حرج ولا ادب مش فاهمة ايه ده

وفى الاخر عادل امام زعيم كل الانحطاط ده يبقى صح هو الزعيم

شكرا يا اخ سهل اصلى كنت كاتمة فى قلبى وساكته عن السينما وزعيمها

شكرا مدام فتفوتة على المشاركة الجميلة ديه

[سهل جدا]

أعتقد أن بعض أفلامة ( بدءا من التسعينات ) بها أفكار تستحق التأمل و بها أحيانا و بشكل مباشر صرخات ضد الفساد و أن كانت المعالجات بها بالطبع أشياء غير مقبولة ذكرها الأخوة مثل تناول خمور أو مشاهد عري كان من الممكن الأستغناء عنها .... ليست كل أعماله في سلة واحدة .

الأخ الفاضل سهران

فيلم الإرهاب و الكباب .. اللعب مع الكبار ... المنسي .. النوم في العسل...طيور الظلام... وغيرها من الأفلام

لم تتناول علاج أي مشكلة من المشاكل , إنما هي فقط إظهار وتوصيف للمشكلات التي يعاني منها الشعب والتي هي أصلا ظاهرة عيانا ولا تحتاج لفيلم كي يشرحها لنا..

وأنا أسأل حضرتك دلوقتي سؤالا: هل ترى أن هذه الأفلام التي ذكرتها لعادل إمام غيرت من واقع الناس, أو حلت مشكلة في حياة الشعب المصري؟!

الشيء الوحيد الذي فعلته (كما أرى) هي أنها جمعت أموالا من جيوب الشعب المصري من خلال إيرادات الفيلم الممتلئ بالمناظر الخارجة وإثارة الغرائز..

أتمنى ألا نختزل الموضوع في حكاية اللحى فقط وأن تكون نظرتنا أوسع. لو قرر عادل إمام فجأة تقديم فيلم يمجّد فيه الجماعات الإسلامية مثلا واستخدم فيه نفس الحركات المستهلكة والإيماءات التافهة والاستهبال المجاني فإن ذلك لن يجعله ممثلا عظيما.

المشكلة ليست فقط في الانتقاص من الملتزمين بالمظهر الإسلامي (وإن كان ذلك وحده طامة كبرى لأن الرسول صلى الله عليه وسلم كان ملتحيا كما هو معلوم لكل مسلم وغير مسلم أيضا)

إنما المشكلة أعم بكثير من ذلك وقد بينت بعضه وبينه بعض الأخوة كذلك في تعليقاتهم

[سهل جدا]

بغض النظر عن رأيى فى عمر الشريف..............!!!.....ليس هذا مجال حديثنا ...!!

بدأ يتحدث عن اخلاق عمر الشريف كانسان وانه كريم وانه كان بيصمم يعزمهم فى اثناء التصوير وكان يصر على دفع الفاتورة ...ووووو...وووو....

وقلت لنفسى ...((( كويس انه بيمدح فى حدغير نفسه ده يتحسد )))..

ولم تكمل ....فرحتى ..!!!

قال...

---------.

انا بقى فى مرة صممت وقلت له ياعمر انا اللى لازم ادفع انهاردة ....

واكلنا كلنا وطلبت الفاتورة ...فوجئت انها كام الف جنيه ...!!

صرخت...وقلت للراجل ليه يعنى ؟؟ ...قاللى لان زجاجة النبيذ اللى طلبها عمر الشريف باربع الاف جنيه ..وهو ده النوع اللى بيطلبه دايما ..

رحت انا بقى قلت له ...ليه يعنى ؟؟ خلاص بقى ..يبقى يدفع هو ...انا مدفعش اربع الاف جنيه فى قزازة نبيذ ..

و..هههههه...

على فكرة , من المعروف عن عادل إمام إنه بخيل جدا.. هذا ما علمناه من أناس مقربين له ويعرفونه شخصيا..

وأهو الراجل فضح نفسه بنفسه ..

وكلام حضرتك اللي فات له دخل بالموضوع لأن إذا كان واحد بالأنانية ديه, فكيف سيصلح الناس عبر أفلامه المليئة بالإسفاف..

فاقد الشيء لا يعطيه

شكرا مدام سلوى

[أحمد سيف]

المشكلة ليست فقط في الانتقاص من الملتزمين بالمظهر الإسلامي (وإن كان ذلك وحده طامة كبرى لأن الرسول صلى الله عليه وسلم كان ملتحيا كما هو معلوم لكل مسلم وغير مسلم أيضا)

ما فيش حاجه اسمها المظهر الإسلامي ... فيه حاجه اسمها المظهر السعودي الذي يتم الترويج له حاليا على أنه المظهر الإسلامي رغم إنه على حسب علمي ما كانش على ايام الرسول اثواب بيضاء منشيّه واشمغة حمراء (مصنوعة في بريطانيا!!) زي اللي السعوديين بيلبسوها دلوقتي .... أما بخصوص اللحية فالرسول صلى الله عليه وسلم كان ملتحي وأبو جهل كان ملتحي وكسرى كان ملتحي وجون كالفن كان ملتحي وكارل ماركس كان ملتحي والحاخام كاهانا كان ملتحي ... دلوقتي ممكن تكون مسلم أو مسيحي أو يهودي أو حتى ملحد وبرضه ملتحي ... فالموضوع ما فيهوش مخالفة لحد زي ما كان على ايام الرسول صلى الله عليه وسلم

[سهل جدا]

أما بخصوص اللحية فالرسول صلى الله عليه وسلم كان ملتحي وأبو جهل كان ملتحي وكسرى كان ملتحي وجون كالفن كان ملتحي وكارل ماركس كان ملتحي والحاخام كاهانا كان ملتحي ...

آه فهمت , يعني حضرتك عاوز تقول إن الملتحين اللي كانوا بيطلعوا في أفلام عادل إمام وهم أغبياء ومش فاهمين حاجة وحرامية ونصابين وولاد ستين في سبعين و.....

عاوز تقول إن كل دول ما كانوش مسلمين بس وإنما كانوا مسيحي وشيوعيين وغيره..

:lol: :blink:

تعرف حضرتك اللي بيعملوا عادل إمام ده , عامل زي التجربة المكارثية الأمريكية في أيام الحرب الباردة

عموما ما أحبش إن احنا نحصر الموضوع في انتقاص (عادل إمام) بمن يظهرون بمظهر إسلامي فقط.. كما قلت ياريت نخلي كلامنا أعم من كده..

الراجل ده بيدعي إنه مصلح ..

وأصدق وصف عليه كما قال رب العالمين سبحانه وتعالى:

{وإذا قيل لهم لا تفسدوا في الأرض قالوا إنما نحن مصلحون * ألا إنهم هم المفسدون ولكن لا يشعرون}

شكرا لك

[أبو محمد]

لكل مرحلة فى السينما وربما فى الفن عموما عرَّابها .. كان العراب فى فترة ما قبل عادل إمام هو فريد شوقى .. وكانوا يطلقون عليه لقب "الملك" .. كان قديما وأثناء وجود العمالقة يلقب ب "ملك الترسو" .. أى ملك الدرجة الثالثة .. وبعد أن ازداد نفوذه المادى وتحكمه فى عملية "الإنتاج" سواء بنفسه أو من خلال ابنته ، أصبح الجميع يتملقه وينافقه .. وغيروا لقب "ملك الترسو" إلى لقب "الملك"

بعد وفاة فريد شوقى كان لابد من ملأ الفراغ .. وكان "ملك الترسو" وقتها هو عادل إمام .. فسيطر وتحكم تحت لقب "الزعيم" ..

هكذا هى طبيعة الوسط الفنى .. كان عبد الوهاب مسيطرا .. وكانت أم كلثوم مسيطرة .. وقبلهما كانت منيرة المهدية .. وبعدهما عبد الحليم حافظ ، وهكذا .. كل نجم من هؤلاء تلتف حوله منظومة من المنتفعين تعمل باسمه

ما سبق ليس استهلالا لابد منه ولكنها أفكار اندفعت إلى رأسى أثناء الكتابة .. أخلص منها أن الاستبداد ليس سياسيا فقط ، ولكنه ظاهرة تلتحف مرة بعباءة الفن ومرة بعباءة البيزنس ومرة بعباءة الدين .. والعباءات على قفا من يشيل .. المهم أن تكون عباءة جذابة .. تجذب جمهور الترسو .. فهو المستهدف من أى استبداد

عادل إمام ظاهرة استبدادية فنية .. وهو ومن حوله يستغلون نجوميته الطاغية فى أوساط الترسو ليمرروا إفلاسهم الفنى .. فهم يعيشون على سرقة أفلام أجنبية وتمصيرها .. عندما أشاهد فيلما لعادل إمام غير مأخوذ عن رواية لكاتب معروف مثل رواية علاء الأسوانى "عمارة يعقوبيان" أعرف (بنسبة 80%) أن الفيلم مسروق من فيلم أجنبى

شمس الزناتى هو "العظماء السبعة" The Magnificent Seven بطولة يول براينر وستيف ماكوين وتشارلز برونسون

أمير الظلام هو "عطر امرأة" Scent of a Woman بطولة آل باتشينو (حتى سرق رتبته العسكرية فىالفيلم)

عريس من جهة أمنية هو Meet the Parents بطولة روبرت دى نيرو

عادل إمام نتاج مرحلة ما بعد الهزيمة .. وهى مرحلة لازلنا نعيش آثارها .. حيث بدأ الإسفاف الفنى بأغانى السح الدح امبو ، والطشت قاللى ، والإسفاف المسرحى بمسرحيات كوميديا الفارس (الضحك للضحك) والتى نجحت فى تمرير الفساد إلى أجيال متعاقبة بمسرحيات مثل مدرسة المشاغبين والعيال كبرت .. وهى نفس المرحلة التى انتجت التطرف والإرهاب حيث ظهرت جماعات التكفير والهجرة وجماعة صالح سرية بعملية الفنية العسكرية ...

عادل إمام حرامى "فنى" مثل حرامية البيزنس ومثل أى نجم يترزق على حساب البسطاء .. فهو يبتز جمهور الترسو بإفيهات مستهلكة تعتمد على الألفاظ الجنسية ، وإهانة من حوله من الممثلين بضربهم على قفاهم ، ومشاهد البطولة الزائفة التى يضحك بها على عقول العيال

لا يُلام عادل أمام وأمثاله بقدر ما يُلام جمهورهم الذى يسمح لهم باستغفاله .. وهذا ينسحب على كل من يستغفلون جمهور الترسو وإن اختلفت العباءات التى يستغفلون بها جمهورهم

[أحمد سيف]

آه فهمت , يعني حضرتك عاوز تقول إن الملتحين اللي كانوا بيطلعوا في أفلام عادل إمام وهم أغبياء ومش فاهمين حاجة وحرامية ونصابين وولاد ستين في سبعين و.....

عاوز تقول إن كل دول ما كانوش مسلمين بس وإنما كانوا مسيحي وشيوعيين وغيره..

إذا كنت فهمتها كده فاسمحلي اهنئك على خيالك الواسع.

عموما عادل إمام ما سابش حد ما اتريقش عليه وصوّره في صورة حرامي ونصاب وغبي وابن ستين في سبعين ... بدءا بالحكومة ومرورا بالصعايده والفلاحين والموظفين ورجال الأعمال وليس انتهاء بالشيوعيين والقوميين (شوف مثلا فيلم السفارة في العمارة).

ألحق اجري بقى لإني شايف أبو عمر جاي في السكة.

تحياتي لك.

تم تعديل 6 مارس 2009 بواسطة أحمد سيف

[abaomar]

السلام عليكم

الاخوه الكرام جزاكم الله خيرا

اخى سهل بارك الله فيك

إيه الكلام الكبيرة ده يا عم

مش كلام كبير و لا حاجه و انما رصد متواضع لجيل يقود الان و منذ زمن قاطره الاعلام و الثقافه فى مصر و العالم العربى من ورائها

و النتيجه كما ترى وصلنا الى القاع و الى ادنى مستوى فكرى و اخلاقى على يد هؤلاء الماركسيين سابقا و الليبراليين حاليا

بل ان منهم الان من صار المفكر الاسلامى ..تخيل رافع لواء الثوار بنى الثوار اصحاب المنجل و المنشار و مجاهدى الحركات النقابيه راضعى افكار تروتسكى و الزعيم الملهم الان امتلاءت بهم الفضائحيات و بسطت لهم المؤتمرات و الندوات ليتكلموا و يفتوا فى الدين بل ان الان تجد من يسوق لما يسمى بالليبراليه و العلمانيه الاسلاميه ..و رز بالمهلبيه ......هزلت.

.اخى العزيز احمد سيف

ما فيش حاجه اسمها المظهر الإسلامي ... فيه حاجه اسمها المظهر السعودي الذي يتم الترويج له حاليا على أنه المظهر الإسلامي رغم إنه على حسب علمي ما كانش على ايام الرسول اثواب بيضاء منشيّه واشمغة حمراء (مصنوعة في بريطانيا!!) زي اللي السعوديين بيلبسوها دلوقتي .... أما بخصوص اللحية فالرسول صلى الله عليه وسلم كان ملتحي وأبو جهل كان ملتحي وكسرى كان ملتحي وجون كالفن كان ملتحي وكارل ماركس كان ملتحي والحاخام كاهانا كان ملتحي ... دلوقتي ممكن تكون مسلم أو مسيحي أو يهودي أو حتى ملحد وبرضه ملتحي ... فالموضوع ما فيهوش مخالفة لحد زي ما كان على ايام الرسول صلى الله عليه وسلم

الاكيد انه ليس المظهر السعودى الذى يتم الترويج له على الاقل بالنسبه لمتصدرى مهمه الدعوه و الاكيد ان هناك سمت اسلامى لا ينحصر فى الاثواب او الاشمغه فتفاصيل ذلك موجود فى كتب الفقه ليس هنا مكانها .

اما بالنسبه للحيه و لتشابه مطلقيها ظاهريا على الاقل جاء النهج النبوى بالاتى .

( عَنِ ابْنِ عُمَرَ رَضِيَ الله عَنْهُ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: "أَحْفُوا الشَّوَارِبَ وَأَعْفُوا اللِّحَى"، وفي رواية: "اعْفُوا اللِّحَى وَقُصُّوا الشَّارِبْ، وَخَالِفُوا اليَهُودَ والنَّصَارَى". أخرجه أحمد (2/16 ، رقم 4654) ، ومسلم (1/222 ، رقم 259) ، والترمذي (5/95 ، رقم 2763) وقال : صحيح. والنسائي (1/16 ، رقم 15). ايضا

http://www.islamweb.net/newlibrary/display...3&startno=4

( وحدثناه قتيبة بن سعيد عن مالك بن أنس عن أبي بكر بن نافع عن أبيه عن ابن عمر عن النبي صلى الله عليه وسلم أنه أمر بإحفاء الشوارب وإعفاء اللحية )

إذن هناك توجيه نبوى بحف الشارب و اعفاء اللحى مخالفه لاصحاب اللحى و ليكون هناك سمت خاص بالمسلم .

.اؤكد ان القضيه ليست فى الاستهزاء باللحيه و انما لمنهج حامل اللحيه.

.

اخى العزيز سهران

أعتقد أن بعض أفلامة ( بدءا من التسعينات ) بها أفكار تستحق التأمل و بها أحيانا و بشكل مباشر صرخات ضد الفساد و أن كانت المعالجات بها بالطبع أشياء غير مقبولة ذكرها الأخوة مثل تناول خمور أو مشاهد عري كان من الممكن الأستغناء عنها .... ليست كل أعماله في سلة واحدة .

ليس بالنوايا الطيبه وحدها يعيش الانسان ..

من ناحيه المبدأ تكون هناك فكره اساسيه للعمل الدرامى و لكن التناول المبتذل و الذى هو سمت اساسى لذلك الممثل و الذى يعتمد بشكل اساسى على الجنس و الاباحيه و بذاءه اللسان تؤدى فى النهايه ان ما يعلق فى الاذهان هو ذلك الافيه البذى او المستهزئ

بالدين الاسلامى و منتسبيه او صدر تلك الممثله او المنظر الاباحى و اسأل اى شاب خارج من احد افلام هذا الممثل و اسأله ما الذى علق فى ذهنه من مشاهدته و ستجد العجب و هكذا ..

و قدرا و منذ اقل من اسبوعين و كان لدى زياره من اداره الشركه التى اعمل بها و هى مصريه و كان الوفد يضم اعلى مستوى ادارى

المهم اثناء حديث جانبى بيننا ذكرت اننى اتكلم اللغه الالمانيه و التى درستها اثناء المرحله الثانويه فالتفت الى المدير الكبير قائلا ************** مازحا و معلوم ان تلك الجمله وردت فى احد افلام عادل امام اثناء حوار بينه و بين بطله الفيلم التى تؤدى دور عاهره .....

(.. فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ كَذَلِكَ يَضْرِبُ اللَّهُ الْأَمْثَالَ) 17 الرعد

تم تعديل 6 مارس 2009 بواسطة أبو محمد
حذف تلميح غير لائق ولو أنه ليس على لسان كاتبه

[Virus]

لا يُلام عادل أمام وأمثاله بقدر ما يُلام جمهورهم الذى يسمح لهم باستغفاله .. وهذا ينسحب على كل من يستغفلون جمهور الترسو وإن اختلفت العباءات التى يستغفلون بها جمهورهم

بل يُلام من عمل جاهدا -سيدي- طوال 28 عاما على تفريغ عقول شعبه وتسطيحها حتى يستطيع مواصلة النصب عليهم...وأصبح شعار العصر ..الجنيه غلب الكارنيه!!

[أبو محمد]

لا يُلام عادل أمام وأمثاله بقدر ما يُلام جمهورهم الذى يسمح لهم باستغفاله .. وهذا ينسحب على كل من يستغفلون جمهور الترسو وإن اختلفت العباءات التى يستغفلون بها جمهورهم

بل يُلام من عمل جاهدا -سيدي- طوال 28 عاما على تفريغ عقول شعبه وتسطيحها حتى يستطيع مواصلة النصب عليهم...وأصبح شعار العصر ..الجنيه غلب الكارنيه!!

عزيزى Virus

ذلك الذى عمل جاهدا طوال 28 عاما هو من ضمن من يستغفلون جمهور الترسو بعباءة مختلفة .. ولكنه لا يختلف عنهم كثيرا .. بل ربما جميعهم متحالفون على ذلك الجمهور الذى يضحك كثيرا

[شاب مصري]

*

*

المتتبع لأفلام "عادم إمام" عن كثب يلاحظ تلك السمة المشتركة التي تظهر بها جميع أفلامه مهما كانت قصتها ومهما كانت القضية التي يعالجها الفيلم..

وهي في واقع الأمر علامات استفهام تحتاج إلى إجابة..

فما هو المبرر مثلا لإصراره الشديد على ظهوره (في كل أفلامه تقريبا) على أنه رجل خمورجي من الدرجة الأولى.. بل إن الخمر تظهر في أفلامه أكثر من ظهور الماء!

وما هو الداعي لأن يظهر (في كل أفلامه تقريبا) على أنه صاحب علاقات محرمة مع النساء, عن طريق الزنا الصريح..

حتى فيلم (السفارة في العمارة) الذي من المفترض أنه يعالج القضية الفلسطينية، كان منذ اللحظة الأولى من الفيلم يتنقل بطله بين أحضان العاهرات..

وكأنه يريد أن يوصل إلى عقل المشاهد الباطن أن هذه الشخصية المتحضرة (الخمورجي والزاني) هي التي ستقود الطريق إلى تحقيق النصر والأمل المنشود!!

(ويستثنى مما سبق فيلمه الأخير "حسن ومرقص" نظرا لطبيعة الشخصية الدينية المسيحية التي كان يمثلها والتي كان حريصا على إظهارها في أحسن صورة ممكنة!)

أما السمة التي كانت ظاهرة عيانا للجميع وفي كل أفلامه هي إظهار الملتزمين بأي مظهر إسلامي على أنهم:

إرهابيون.. متخلفون.. رجعيون .. مكفرون.. لا يفهمون.. لا يتحاورون..... إلى آخر كل الصفات المذمومة شرعا وعقلا وعرفا..

سواء كان الفيلم كله يدور عن ذلك (كفيلم الإرهابي) أو الاقتصار على بعض المشاهد فقط كما في باقي أفلامه الأخرى..

لا يوجد عاقل ينكر أنه يوجد بعض ممن يظهرون بمظهر إسلامي.. يسيئون للإسلام..

لكن هل كلهم كذلك ؟؟ أم هي قلة منحرفة لا تمثل الواقع الحقيقي ؟؟

إن الإنصاف يقول أن السيئة تخص.. وأن من أساء فإنما يسيء لنفسه

تماما كما لو أننا رأينا طبيبا ظالما مرتشياً يسرق الأعضاء البشرية من المرضى ليبيعها..

فإن هذا لا يجعلنا نحكم على جميع الأطباء بأنهم ظالمون ومرتشون ولصوص.. ؟؟

وهذا يقودنا إلى علامة استفهام جديدة ..

هل مسألة إظهار الملتحين أوالمحجبات بهذا المظهر المشين في أفلام عادل إمام يعتبر إرهابا فكريا لمن تسول له نفسه الدفاع أو حتى التعاطف مع أي مسلم يظهر بمظهر إسلامي وإن لم يكن من المتطرفين؟؟

*

متفق معاك تماما

وهو فعلا بيلعب على الـSubConscious بقوة شديدة

قمة سفالة عادل امام كانت في فيلم الارهابي

حطلك نموذجين اتنين لا ثالث لهما

اما تكون ارهابي تكفر كل الناس و تقتل الجميع

واما تكون منحل خلقيا وقرطاس جوافة تسيب اختك ووالدتك على حل شعرهم وتبقى كوووووووول ومش بعيد تكون ماركسي كمان مش مهم

وطبعا النموذج التاني هو اللي عادل امام عاوزك تكونه

لكن فين نموذج الناس المسلمين الملتزمين بالأخلاق واللي فاهمين الدين بشكل صحيح؟ الأسرة اللي بتلتزم بالحجاب والأخلاق الاسلامية

غير موجود

وده مقصود تماما من الفيلم

عاوز يخيرك بين الارهاب والانحلال الاخلاقي

ياربي ... ده ولا اليهودي دانييل بايبس :closedeyes:

ar.danielpipes.org

فنان عظيم

ومنافق كبير

وللحديث بقية

مستنيينك يا باشا

[شاب مصري]

بخصوصو الفنان عمر الشريف

هو كان مسيحي (لبناني او فلسطيني) لكنه اعتنق الاسلام واتجوز الفنانة فاتن حمامة

لكن في مسلمين بردو بيشربوا

دي معلوماتي .

[شاب مصري]

المشكلة ليست فقط في الانتقاص من الملتزمين بالمظهر الإسلامي (وإن كان ذلك وحده طامة كبرى لأن الرسول صلى الله عليه وسلم كان ملتحيا كما هو معلوم لكل مسلم وغير مسلم أيضا)

ما فيش حاجه اسمها المظهر الإسلامي ... فيه حاجه اسمها المظهر السعودي الذي يتم الترويج له حاليا على أنه المظهر الإسلامي رغم إنه على حسب علمي ما كانش على ايام الرسول اثواب بيضاء منشيّه واشمغة حمراء (مصنوعة في بريطانيا!!) زي اللي السعوديين بيلبسوها دلوقتي .... أما بخصوص اللحية فالرسول صلى الله عليه وسلم كان ملتحي وأبو جهل كان ملتحي وكسرى كان ملتحي وجون كالفن كان ملتحي وكارل ماركس كان ملتحي والحاخام كاهانا كان ملتحي ... دلوقتي ممكن تكون مسلم أو مسيحي أو يهودي أو حتى ملحد وبرضه ملتحي ... فالموضوع ما فيهوش مخالفة لحد زي ما كان على ايام الرسول صلى الله عليه وسلم

يحرق حريشك (مصطلح غامض عاوز تدور على معناه )

فعلا الكاراكتر السعودي ده مش فاهم ليه عمالين يروجوا ليه؟

شئ غريب لما تلاقي المسلم في أمريكا مثلا لما يعتنق الاسلام تلاقيه راح لبس جلابية

وفوق الجلابية يلبس جاكيت بتاع بدلة

وطبعا شماغ عربي(أحمر*أبيض)

أو طاقية بيضا

فتحس انه بياع خردة أو راعي غنم جاي طازة من صحراء الربع الخالي :closedeyes:

أنا مش فاهم ليه الناس بتعمل كده؟

والا الشيوخ بتوع قناة الناس والرحمةدول حكاية

يضرب الجلابية البيضا واللحية التمام و غطاء راس ابيض زي الايشارب

ويديلك البوز والتكشيرة

ويقعدوا يفتوا بقتل ميكي ماوس

وشوية وتلاقي اعلان عن طقم الحلل

وطقم الالحفة

وعسل حبة البركة

بصراحة ده تشويه للاسلام

ويستنوا غلطة او سهو لعمرو خالد عشان يشتموه ويبهدلوه

طيب لو في نيتك نصيحة روح انصح في السر

مش تفضح على الملأ زي ما عم محمد حسان مع عمروا خالد

هو طبعا اللحية سنة عن الرسول عليه الصلاة والسلام (نترك اللحية ونحف جوانب الشارب .. وان كان ترك اللحية مختلف عليه انه واجب ولا مستحب فقط)

لكن الكاراكتر السعودي ده ايه لزمته؟

ده مش سنة عن الرسول ولم يقم الاسلام بتحديد اي لبس واجب

ليه لازم نحسس المشاهد ان الداعية الاسلامي لازم يضرب جلابية وغطاء رأس وبيبقى ناقص يجيب شوية غنم حواليه في الاستوديو؟

بالاضافة الى العبوس والتكشير المنفر

(لو كنت فظا غليظ القلب لانفضوا من حولك)

شئ غريب .. ربنا يهديم .

[شاب مصري]

عريس من جهة أمنية هو Meet the Parents بطولة روبرت دى نيرو

أعتقد حضرتك تقصد فيلم Meet the Fockers

Fockers ده اسم عائلة العريس أو العروسة مش فاكر تحديدا .

[أبو محمد]

عريس من جهة أمنية هو Meet the Parents بطولة روبرت دى نيرو

أعتقد حضرتك تقصد فيلم Meet the Fockers

Fockers ده اسم عائلة العريس أو العروسة مش فاكر تحديدا .

Meet the Fockers هو إسم الجزء الثانى من الفيلم الأصلى .. Meet the Parents

والفيلمان بطولة روبرت دى نيرو .. Focker هو إسم عائلة العريس .. عادل إمام عكس المهنة فى فيلم عريس من جهة أمنية (لزوم التمصير .. وعشان ياخد حريته فى إفيهاته) .. روبرت دى نيرو فى الفيلم كان رجل CIA متقاعد ..

[التونسى]

*

*

هل مسألة إظهار الملتحين أوالمحجبات بهذا المظهر المشين في أفلام عادل إمام يعتبر إرهابا فكريا لمن تسول له نفسه الدفاع أو حتى التعاطف مع أي مسلم يظهر بمظهر إسلامي وإن لم يكن من المتطرفين؟؟

*

بالنسبه لتساؤلك .. عادل امام فعلا جند نفسه ((او جنده اخرون)) لمحاربة التيار الاسلامى المتشدد والذى وصل لذروته بالعمليات الارهابيه فى التسعينيات بداءا باغتيال المحجوب رئيس مجلس الشعب السابق عام 91 على ما اتذكر.. ونهاية بالماساة الكبرى المتمثله فى مذبحة الاقصر 1997

وفى خضم هذا العمليات الارهابيه ..كان حادث اغتيال المفكر العلمانى فرج فوده 1992 هو الفارق.. ليبدأ عادل امام ((الممثل ذو الكاريزما رغم انفنا.. مع مراعاة اختلاف اذواقنا الفنيه )) ليبدأ فى محاربة وانتقاد هذا التيار سواء بافلام مباشره مثل فيلم الارهابى .. او ضمن طيات افلام عديده .. فمن المعروف ان فرج فوده كان من اصدقاء عادل امام .. وقد صرح عادل فى اكثر من مناسبه بانه تبنى محاربة هذا التيار المتشدد بعد اغتيال صديقه بيد الارهاب .. وبعد ان بدأ التيار الاسلامى المتشدد بتكفير الفن والفنانين .. حتى ان لعادل امام واقعه شهيره عندما ذهب بمسرحيته ليعرضها فى اسيوط متحديا الجماعات الاسلاميه هناك .. وهو موقف قد يعطى انطباعا بشجاعته واقدامه وايمانه برسالته الفنيه بما يتناقض مع ما هو معروف عن عادل امام

ولكن...و الغريب ...وفى رايى الخاص ..و من خلال متابعتى لكثير من افلام عادل امام ((الخمس وعشرين عام الاخيره )) اجد انه يطبق فى افلامه ومسرحياته سياسة (( السم فى العسل)) .. ولكن بالعكس .. أى انه يطبق سياسة العسل فى السم .. اى انه يعتمد اساسا فى افلامه لجذب العامه والبسطاء والمراهقين على التوليفه المعروفه التجاريه الى جانب موهبته فى الاضحاك .. ووسط كل هذا الكم من الاسفاف والابتذال تجد نقطه او بقعه لامعه فى الفيلم او المسرحيه .. مثال لذلك .. فى فيلم عمارة يعقوبيان .. رغم ان الفيلم يشوه صورة مصر ((حتى لو كان بعض ما جاء فيه صحيحا)) لدرجة ان احد زملاءى وجنسيته هولندى لم بصدق ان اشياء مثل هذه التى تضمنتها احداث الفيلم قد تحدث فى مصر عندما شاهد الفيلم مترجما طبعا .. لكن فى خضم بحر السموم الذى يشغى به الفيلم ... كان هناك مشهد اعتبره تاريخى لعادل امام والممثله التونيسيه هند صبرى فى ميدان طلعت حرب .. ونقده اللاذع لمصر اليوم ومقارنتها بمصر الامس.. عندما ختم المشهد بجمله رنانه ولها معانى كثبر ومدلولات اكثر ((من وجهة نظرى المتواضعه )) .. وذلك عندما قال (( احنا فى زمن المسخ))..

لا انكر ان هذا المشهد وتلك الجملة قد اثرت فى كثيرا وهى ما بقيت فى ذاكرتى من هذا الفيلم الطويل

وهكذا دواليك .. تستطيع ان تستخلص قدر قليل من العسل من وعاء عادل امام الفنى المملوء بالسم الزعاف

ولكن السؤال الغامض .. هل هذا مقصود .. ولسبب ما .. تمرير ومضه ايجابيه خلال دفقات من الاسفاف والابتذال ؟

والامثله التى تؤكد وجهة نظرى كثيره فى افلام عادل امام واكتفى بهذا المثال فقط فلا تسعفنى ذاكرتى حاليا

يبقى ان اقول ان هناك ظاهره غريبه جدا لاحظتها وهو ان شعبية عادل امام ا فى الدول العربيه وعند العرب كبيره جدا .. وهو الممثل الوحيد الذى يشيد به ويفضل مشاهدته اى شخص عربى قابلته فى حياتى

مع خالص تحيتى

التونسى

[سهل جدا]

عادل إمام ظاهرة استبدادية فنية .. وهو ومن حوله يستغلون نجوميته الطاغية فى أوساط الترسو ليمرروا إفلاسهم الفنى .. فهم يعيشون على سرقة أفلام أجنبية وتمصيرها .. عندما أشاهد فيلما لعادل إمام غير مأخوذ عن رواية لكاتب معروف مثل رواية علاء الأسوانى "عمارة يعقوبيان" أعرف (بنسبة 80%) أن الفيلم مسروق من فيلم أجنبى

شمس الزناتى هو "العظماء السبعة" The Magnificent Seven بطولة يول براينر وستيف ماكوين وتشارلز برونسون

أمير الظلام هو "عطر امرأة" Scent of a Woman بطولة آل باتشينو (حتى سرق رتبته العسكرية فىالفيلم)

عريس من جهة أمنية هو Meet the Parents بطولة روبرت دى نيرو

وأحب أضيف كمان فيلم "واحدة بواحدة" بتاعه هو وميرفت أمين , والفيلم ده كان مقتبس بالنص من فيلم أمريكي, حتى بعض التعليقات والإفيهات, والفيلم ده أنا شوفتو أيام ما كنت بشوف الأفلام الأجنبي..

حتى بالأمارة الفيلم ده بطولة ممثل أمريكي (مش فاكر اسمه) وشاركته البطولة ممثلة (بردو مش فاكرها) أما المخرج بقى (فبردو مش فاكرو)

المهم إن موضوع الاقتباس من الأفلام الأجنبية ده دليل على الإفلاس

[سهل جدا]

فعلا الكاراكتر السعودي ده مش فاهم ليه عمالين يروجوا ليه؟

شئ غريب لما تلاقي المسلم في أمريكا مثلا لما يعتنق الاسلام تلاقيه راح لبس جلابية

وفوق الجلابية يلبس جاكيت بتاع بدلة

وطبعا شماغ عربي(أحمر*أبيض)

أو طاقية بيضا

فتحس انه بياع خردة أو راعي غنم جاي طازة من صحراء الربع الخالي

أنا مش فاهم ليه الناس بتعمل كده؟

والا الشيوخ بتوع قناة الناس والرحمةدول حكاية

يضرب الجلابية البيضا واللحية التمام و غطاء راس ابيض زي الايشارب

ويديلك البوز والتكشيرة

ويقعدوا يفتوا بقتل ميكي ماوس

وشوية وتلاقي اعلان عن طقم الحلل

وطقم الالحفة

وعسل حبة البركة

بصراحة ده تشويه للاسلام

ويستنوا غلطة او سهو لعمرو خالد عشان يشتموه ويبهدلوه

طيب لو في نيتك نصيحة روح انصح في السر

مش تفضح على الملأ زي ما عم محمد حسان مع عمروا خالد

هو طبعا اللحية سنة عن الرسول عليه الصلاة والسلام (نترك اللحية ونحف جوانب الشارب .. وان كان ترك اللحية مختلف عليه انه واجب ولا مستحب فقط)

لكن الكاراكتر السعودي ده ايه لزمته؟

ده مش سنة عن الرسول ولم يقم الاسلام بتحديد اي لبس واجب

ليه لازم نحسس المشاهد ان الداعية الاسلامي لازم يضرب جلابية وغطاء رأس وبيبقى ناقص يجيب شوية غنم حواليه في الاستوديو؟

بالاضافة الى العبوس والتكشير المنفر

(لو كنت فظا غليظ القلب لانفضوا من حولك)

شئ غريب .. ربنا يهديم .

إيه يا عم شاب مصري, انت فتحت النار عالكل ولا إيه ؟؟

بالنسبة للحية فهي هيئة رسول الله صلى الله عليه وسلم, وأمر بيها في كذا حديث

وديه احنا متفقين عليها

لكن بالنسبة للملابس فمن المعروف إن الأصل في اللباس إن كله مباح طالما انه بيستر العورة وما فهوش تشبه بغير المسلمين..

وكان هدي الرسول صلى الله عليه وسلم أنه يلبس ما يتيسر له من ملابس

لكن بالنسبة لموضوع الجلابية ده بصراحة لو واحد بيلبسها وفي نيته إنه بيلبسها حبا في رسول الله صلى الله عليه وسلم (لأن ده كان أغلب لبسه) فمش معقول هانلومه على كده

إذا كان الشباب بيلبسو هدوم مقطعة وإنسيال وسلسلة ومش عارف إيه حبا في بعض المغنيين والناس بتسكت، فمن باب أولى اللي يلبس لبس زي ده ما نلوموش عليه..

وخصوصا إنه لبس الجالبية يعتبر لبس عربي أصيل , مش بس لبس سعودي..

(أقول عربي وليس شرعي مأمور به, عشان ما حدش يقولي كلمة مالهاش لازمة)

أما بقى بالنسبة للقنوات الدينية فمش كل اللي بيطلعوا فيها كشرية زي ما بتقول , بالعكس في منهم دمهم خفيف جدا وعندهم علم كبير

وبعدين إيه علاقة الشيوخ بالإعلانات أنا مش فاهم

يعني القناة هاتعمل إعلان عن طقم صيني ولا حلة طبيخ , الشيخ اللي بييجي في البرنامج ماله بالكلام ده , المفروض إنه مالوش دعوة ..

أما بالنسبة لعمرو خالد فهو بصراحة له مميزات وله سلبيات

فما فهاش حاجة لو واحد من أهل اعلم جيه ونبه على بعض أخطائه اللي ما ينفعش يتسكت عليها

لأن المشكلة إن له كلام كثير خطأ ومشهور ومنتشر بين الناس إنه صح

وكل يؤخذ من كلامه ويرد عليه إلا رسول الله صلى الله عليه وسلم

أما تحليلك لفيلم الإرهابي فهو تحليل في منتهى الروعة , يدل إنك راجل مية مية

حطلك نموذجين اتنين لا ثالث لهما

اما تكون ارهابي تكفر كل الناس و تقتل الجميع

واما تكون منحل خلقيا وقرطاس جوافة تسيب اختك ووالدتك على حل شعرهم وتبقى كوووووووول ومش بعيد تكون ماركسي كمان مش مهم

وطبعا النموذج التاني هو اللي عادل امام عاوزك تكونه

لكن فين نموذج الناس المسلمين الملتزمين بالأخلاق واللي فاهمين الدين بشكل صحيح؟ الأسرة اللي بتلتزم بالحجاب والأخلاق الاسلامية

غير موجود

وده مقصود تماما من الفيلم

عاوز يخيرك بين الارهاب والانحلال الاخلاقي