الروشتة السحرية للراحة العصبية

[Thunderbird]

عكس ما اى حد توقع دى مش الروشتة لكن سؤال عنها ؟؟؟؟

نفسى اعرف ازاى الواحد يهدى اعصابه فى البلد دى :mad: ، كل حاجة تعصب ، كل المواقف تستفز الواحد من اول ما يصحى على الدوشة الى عاملينها الجيران :twisted: ، مرورا بالسيرك المنصوب فى الشارع و لا كانك فى احد سباقات العربة الطائشة و الشغل و سخافات الشغل :twisted: :twisted: :twisted:

فجأة لقيت نفسى خلاص على الاخر و ما بقيتش حاجة نافعة خالص حد عنده حل سحرى لنهاية شيطان الاعهصاب ده :?:

[فــيــروز]

شوف يا سيدى

اول شئ ممكن تكثر من الاستغفار ..

ثانى شئ تروح يوم الاجازه تقعد على النيل و تتفرج و انت ساكت خالص .. لو عاوز حل اقوى يبقى تاخد مركب فى النيل احسن

ثالث شئ تقرا قصص اطفال عشان اى ماده للقراءه غيرها هتشدك غصب عنك للواقع من غير ما تشعر

رابع شئ تبطل تشترك فى منتديات

خامس شئ تمارس رياضه ولو المشى

لو افتكرت حاجه تانى هابقى آجى اقول لك ..

[Thunderbird]

والله كله تم تجريبه الا حكاية النيل دى اصل انا لو قعدت على النيل لوحدى مش حاخلص من الغلاسة بتاعت خلق الله ثم انا اصبحت من مدمنى ميكى ده طبعا قبل قرار مؤسسة الهلا انها تنكد علينا و تلغى صدورها فى مصر

[فــيــروز]

والله كله تم تجريبه الا حكاية النيل

طيب جرب بقى و ادعى لى

اصل انا لو قعدت على النيل لوحدى

فيه مرسى مراكب عند الميريديان فيه مراكبى ظريف اسمه سماره .. الراجل ده بيحترم الهدوء و رغبة من حوله فى الصمت .. ولو حبيت تتكلم هتلاقيه حكيم جدا و كلامه مسلى اوى ..