investment in canada and how

[mohamed omar]

يعني ايه كريدت بيرو يا استاذ/سامح؟ياريت توضح علشان انا مافهمتش حاجة من ايلي قالوها و بأختصار لو تكرمت؟و تشكر ياذوء :P

تقريبا و الله اعلم هو سجل بتاريخك الائتماني و اللي بيكون متصل باغلب المصالح الحكومية و البنوك و الخدمات التي تقدم للجمهور

يعني لو عندك تقصير في دفع شيكات او فاتورة كريديت كارد ....الخ كل ده بياثر على سجلك الائتماني و بالتالي ممكن يترفض طلبك

في حالة كنت مقدم عل قرض مثلا او عايز تركب خط تليفون او ................الخ

كانه فيش و تشبيه مالي مش جنائي

ممكن الاخ سامح يراجع اللي ذكرته و يصححلي لو انا غلط في حاجة

تحياتي يا ذوء :sad:

الف شكر ياغالي..ربنا ما يحرمك مني.

[nona alawaal]

https://www.freecreditreportsincanada.com/f...cri/lp/83-d721/

للحصول على credit report مجانى... للمقيمين بكندا

[samehelassad]

السلام عليكم ورحمة الله وبركاتة:

انا هرد على اسئلتكم على قد ما اقدر بس ياريت لو فية حد من اللي عايشين في كندا يصححلي لو انا غلطان.

بالبلدي كدة الكريدت بيرو دة عامل زي كشف الحالة الجنائية. بس مش بوليس ازاي؟ اقولكم.

بص ياسيدي: انت اول مابتخش كندا بتعمل كارتين اسايين في حياتك في كندا الاولاني اسمة ال PR ودية كارت الاقامة الدايمة او ال permanent residenceوالتاني كارت ال SIN او ال Social Insurence Number ودة عبارة عن رقم ليك بيوضح تاريخ حياتك في كندا من ناحية تعاملك مع الناس وهو اللي منة بيتعرف الكريدت بيرو بتاعك اي اسلوبك في الحياة في كندا وتاريخك نظيف ولا لاء يعني لو طنشط تدفع فاتورة التليفون هتروح شركة التليفون تكتب دة في الشكوى ضدك وبالتالي لما تقدم على تليفون تاني مع شركة تانية ويطلبو منك رقم ال SIN ويعرفو انك نصبت على الشركة التانية من الكريدت بيرو بتاعك ومش هيدوك تليفون وعيش ياريس. على كدة وتلاقي كل الابواب متقفلة في وشك. كل غلطة بتعملها بتتكتب في الكريدت بيرو بتاعك وبالتالي اي حاجة عاوزها من حد ويطلب منك رقم ال SIN ويعرف ان الكرديت بيرو بتاعك مش مريح ويوم كذا عملت كذا مع بتاع الكاوتش ويم كذا عملت كذا مع البنك ويوم كذا عملت كذا مع شركة التليفونات وهكذا تلاقية بيكبر دماغة من التعامل معاك. ويقلبك بكل ذوق ويقولك معلش معندناش طلبك ياريس روح شوف حتة تانية تعملك اللي انت عاوزة.

النقطة التانية ان كل غلطة ليها عدد من النقاط وعدد النقاط اللي انت بتحصل عليها بترفع مدى خطورة التعامل معاك زي مثلا عندنا في مصر ممكن تبقى مسجل خطر تلاقي محدش عاوز يتعامل معاك لابنك عاوز يفتحلك حسب ولاشركة انترنت ولا تليفون --- الخ.

النقطة التانية زي مابيتكتب انك وحش بيتكتب انك كويس بتاخد سكور على كدة برضة. دة طبعا لو تاريخك مع فترة حياتك في كندا كويس ومفيش مشاكل. ودة لية مميزات زي مثلا لو حدك الائتماني كان الف دولار في الاول في البنك تلاقي البنك رفع حدك الائتماني الى 5000 مرة واحدة من غير مايقولك كمان ودة عشان تاريخك حلو وانت مش ممكن تخمهم او تدحك عليهم بناء على تاريخك النظيف. نفس الحكاية لو عاوز قرض ممكن بتاريخك الحلو تقدر تاخد قرض كبير وممكن بتاريخك الوحش متاخدش قرض اصلا. ولو عاوز تشتري بيت نفس الحكاية. عشان كدة كل واحد هناك لازم يخاف و يخلي بالة من الكريدتي بيرو بتاعة والا فعلا ممكن يروح في ستين داهية ومايعرفش اصلا يعيش في كندا.

[mohamed omar]

السلام عليكم ورحمة الله وبركاتة:خطر تلاقي محدش عاوز يتعامل معاك لابنك عاوز يفتحلك حسب ولاشركة انترنت ولا تليفون --- الخ.

النقطة التانية زي مابيتكتب انك وحش بيتكتب انك كويس بتاخد سكور على كدة برضة. دة طبعا لو تاريخك مع فترة حياتك في كندا كويس ومفيش مشاكل. ودة لية مميزات زي مثلا لو حدك الائتماني كان الف دولار في الاول في البنك تلاقي البنك رفع حدك الائتماني الى 5000 مرة واحدة من غير مايقولك كمان ودة عشان تاريخك حلو وانت مش ممكن تخمهم او تدحك عليهم بناء على تاريخك النظيف. نفس الحكاية لو عاوز قرض ممكن بتاريخك الحلو تقدر تاخد قرض كبير وممكن بتاريخك الوحش متاخدش قرض اصلا. ولو عاوز تشتري بيت نفس الحكاية. عشان كدة كل واحد هناك لازم يخاف و يخلي بالة من الكريدتي بيرو بتاعة والا فعلا ممكن يروح في ستين داهية ومايعرفش اصلا يعيش في كندا.

يوجد شركات حتي لو تايخك المالي منيل بستين نيلة يبظبطولك كل حاجة في مقايل الف دولار..كاش..اخواني الكمال لله وحده و كندا فيها فساد برده..دول بنى آدمين..