قادم للرياض

[aboueyad alex]

أرجو من سيادتكم التكر ومساعدتى فى معرفة جو الرياض خلا أشهر السنة ونوعية الملابس التى يجب أن تكون معى هل صيفى ولا شتوى ولا أيه بالظبط

سؤال أخر أفضل خطوط الجوال ...؟؟؟

[aboueyad alex]

24 مشاهدة ولا رد واحد أفيدونا يا أهل الرياض

[aboueyad alex]

70 مشاهده ومحدش بيبدى أى مساعدة

[ابو محمد المصري]

أرجو من سيادتكم التكر ومساعدتى فى معرفة جو الرياض خلا أشهر السنة ونوعية الملابس التى يجب أن تكون معى هل صيفى ولا شتوى ولا أيه بالظبط

سؤال أخر أفضل خطوط الجوال ...؟؟؟

اولا الف مليون اهلا وسهلا

الملابس المطلوبه اكيد صيفي قوي ومتشلش هم وتجيب معاك هدوم كتير كل حاجه موجوده وبكل الاسعار

خطوط الجوال كلهم بيدبحوا في بعض سواء اشتركت في الاتصالات او موبيلي انت كسبان وكل يوم هتلاقي عرض احسن

[Abu Reem]

أضحكتني يا اخي الحبيب

يعني كل همك على الجو هناك ايه ، وما هي الملابس التي تأخذها ، وهل هذه المعلومات محتاجة رواد المنتدي، هناك على النت مواقع تجعلك تعرف الجو ، والأماكن السياحية ، ومعلومات أخرى ، دون الانتظار لرواد المنتدي، وخصوصا في سؤال سهل قوي زي سؤالك

على العموم ، ربنا يوفقك ،

[aboueyad alex]

بجد نفسى أعرف ليه دايما المصريين مش بيحبه يساعدوا بعض يعنى ولا منهم ولا كفاية شرهه الأخ أبو ريم بدل ميتفضل بالمساعدة بيقول أضحكتنى يا أخى الحبيب

يا أخى إما أن تساعد و إما أن تصمت عافاك الله

أى شيىء أخر سهل معرفته أما الملبس والهاتف أشياء أحب معرفتها حتى لا أحمل مالا ينفعنى

[se_ Elsyed]

بجد نفسى أعرف ليه دايما المصريين مش بيحبه يساعدوا بعض يعنى ولا منهم ولا كفاية شرهه

فعلاً ده يء مُلاحظ على المصريين إنهم ما بيحبوش يساعدوا بعضهم وولا منهم ولا كفاية شرهم .. عشان كده سيادتك مسجل عندهم في محاورات المصريين ..

هاسألك سؤال يا ابو إياد : لو إنت في موقع زي موقعنا كده ... وفي ناس إخوة بيدخلوا يسألوا أسئلة وأخرين بيقتطعوا من وقتهم ويجاوبوا على الأسئلة دي بكل ترحاب ولوجه الله ... يقوم بقى ناس تانية تدخل تسألة نفس الأسئلة اللي لسه متجاوب عليها من دقائق والموضوع لسه سخن ويبعُد سنتيمتر واحد عن الموضوع الجديد ( زي موضوع مصاريف المدارس بتاع حضرتك ) .. على اساس يعني إنهم بيكسلوا يقرأوا أو يكسلوا يعملوا سيرش أو هو مسجل لهدف واحد وهو إنه يضع سؤال ويتلقى إجابته ويولي الأدبار .... هل هذا يُفرحك ويدل على تعاون المصريين وذكاء المصريين وتعب المصريين في الحصول على المعلومة ؟

بص كده على الموضوع المثبت في أعلى باب المغتربين بعنوان " ملف كامل عن المعيشة في السعودية " او عن موضوع البصمة في السعودية .... أهو موضوع واضح للعيان ومع ذلك كل 5 دقائق يدخل مصري من اللي بيقول ليه المصري مش بيحب يساعد أخوه المصري وولا منه ولا كفاية شره يقول " من فضلك هو موضوع البصمة إيه ظروفة بقى ؟ زي مسرحية " إلا خمسة " إنتي جايه تشتغلي إيه ؟

تعمل إيه لو إنت مكاننا يا أخ أبو إياد ؟

وصدقني لو أقترحت إقتراح بناء ستأخذ به الإدارة بحيث نشعر إن مجهودنا لا يذهب أدراج الرياح ... وبحيث نشغل مخنا شويه .. وبحيث ما نشنعش على أنفسنا - خلي بالك إنت لسه مصري وما أخدتش جنسية تانية .. وبتتهم المصريين اللي إنت منهم إنهم بيكرهوا الخير لبعض .. كل ده وإنت لسه ما سافرتش ... أومال لما تسافر بقى وتختلط بنماذج مختلفة من البشر هاتوقل إيه ؟

[aboueyad alex]

الأخ الكبير / سى السيد أنا مصرى وأعتز بكونى مصرى

لكن أنا بتكلم عن نوعية المصريين اللى بيتهكموا على الواحد بدل مايساعدوه أنا للعلم قارىء جيد للموقع ويمكن فصصته حته حته بس أنا قليل المداخلات يعنى لحد ما

لكن أنا كنت بستفسر عن شوية حاجات نظرا لأن اللى بيسأل بيسأل عن جزء معين كمثال المدارس بتسأل عن مدرسة أو إثنين مش عن المدارس ككل وبالنسبة للمعلومات الموجودة بباب كل ماتحب معرفته بالمملكة هى غير محدثة بعض الشيىء

[aboueyad alex]

بالنسبة للإقتراحات ممكن أتقدم بإقتراحين للإدارة

1. عمل تحديث للمواضيع مثلا المدارس وضع دليل كامل للمدارس كدليل المدارس اللى بتقدمه وزارة التربية والتعليم المصرية خاص بمدارس كل محافظة ومصروفاتها وأرقام التليفونات والمدير المسئول.

بالنسبة لموضوع البصمة ونوع التأشيرة هو موضوع منتهى ...

بالنسبة لموضوع المعيشة يرجى تحديثه نوعا ما...

بالنسبة لموضوع الإستقدام والزيارة هو أيضا موضوع منتهى...

بالنسبة لقانون العمل السعودى لا جدال عليه ...

لكن بالنسبة لطريقة العقد مثلا نرجو التركيز عليها نوعا ما ( العقد بين العامل والمؤسسة أو الكفيل )..

أ2.يمكن عمل أيقونة صغيرة بجوار أيقونات الرد السريع والرد و موضوع جديد تسمى ( إبلاغ عن تعليق غير لائق ) وبناء على ذلك تقوم الإدارة ببحث التعليق و القيام بتعليق عضوية المحاور او المحاروة المصرية لمدة معينة وفى حال تكرار الخطأ يتم إلغاء العضوية وكذا للمبلغ فى حال حدوث العكس وأن يكون الإبلاغ كيدى ..

شاكر لسيادتك حسن العاون

[aboueyad alex]

أرجو معرفة مستوى المعيشة بحى النسيم بمدينة الرياض ومدى توافر الخدمات الأساسية به

و أسعار السكن فيه ؟؟؟