سمك بالطحينة .. والليمون والأعشاب

[بندق أفندى]

السمك .. كان حمام عربى .. ويمكن استخدام أى نوع سمك يمكن خليه بنفس الطريقة ..

تم نزع عظام العمود الفقرى مع الشوك من الظهر .. وعمل شرحات فى اللحم على بعد1 سم وصولا للجلد مع الحفاظ على تماسك السمكة .. ثم توضع فى صينية مدهونة زيت

تقطع ليمونة شرائح توضع داخل السمكة مع كم عود شبت اخضر أو بقدونس حسب الرغبة

تتبل بخل وليمون وزيت زيتون وملح وفلفل أسود وكسبرة مطحونة من الداخل والخارج .. ثم نجهز الطحينة .. ملعقتين طحينة مع ملعقيتن خل مع التقليب والدعك .. ثم يضاف عصير ليمونتين .. و3 ملاعق من زيت الزيتون .. وتتبل بالملح والفلفل الأسود .. وتفرد بالمعلقة على السمكة .. وتوضع فى فرن حامى لمدة من 40 الى 50 دقيقة حسب حجم السمكة وبالهنا والعافية

ما يتبقى من الطحينة يضاف له زبادى مع زيت زيتون ليعطى سلطة طحينة رائعة

[بندق أفندى]

من حلاوتها شكلها مستفز صح؟

نسيت أقول انه السمكة دى وزنها 750 جرام وده الوزن المثالى لهذا النوع

[بندق أفندى]

95 مشاهدة وولا تعليق .. مع انها تحفة مطبخية ينفع كده؟

[زعلان]

يا دي السمك ابو طحينة الي ماشي بيه من منتدى للتاني ده يا عم بندق طب انا جعان دلوقتي اعملك ايه :wub: :lol:

حبيبي الشيف بندق اكلك حلو وطعم في الصور لأننا ما دقناش لحد النهرده وانت مش محتاج شهادة حد

[بندق أفندى]

يا دي السمك ابو طحينة الي ماشي بيه من منتدى للتاني ده يا عم بندق طب انا جعان دلوقتي اعملك ايه :wub: :lol:

حبيبي الشيف بندق اكلك حلو وطعم في الصور لأننا ما دقناش لحد النهرده وانت مش محتاج شهادة حد

تعالى .. دوق ..

[زعلان]

هي عزومة مركباية اجي فين بس

[بندق أفندى]

هي عزومة مركباية اجي فين بس

مش عزومة مراكبية طبعا .. هو مش بتعمل عمرة خالص؟

يا اما أنا آجى ..

المشكلة كل ما أرتب رحلة تكون الدنيا زحمة أوى ومراتب أنزل وأرجع فى نفس اليوم .. ما هى مش فسحة

[osmel33]

يا عم انت هاتلففنا وراك ليه ؟

انت تشوفلك حل أنا اقترح عليك اقتراح أنت تعمل توبيك واحد وتلم فيه كل الكلام الجامد

ده مش انا لسه سايبك عند الشوربة البحرية أيه اللى خلاك تجيب السمك وتيجي هنا :wub:

[بندق أفندى]

يا عم انت هاتلففنا وراك ليه ؟

انت تشوفلك حل أنا اقترح عليك اقتراح أنت تعمل توبيك واحد وتلم فيه كل الكلام الجامد

ده مش انا لسه سايبك عند الشوربة البحرية أيه اللى خلاك تجيب السمك وتيجي هنا :blush2:

ما ينفعش يبقى موضوع واحد يا أوسميل بك .. مش زى السندوتشات .. لازم التنوع والتغير

[se_ Elsyed]

يا معلم يا معلم يا معلم

أخوك س س مِشى على خُطاك بالامس في الأكلة المفتكسة دي يا باش شيف ..

وأستغليت إن زوجة أخي لسه واصلة من مصر وجايبه سمك حجمه كبير من عند الريس حميدو - إنت ما بتعرفش سويسي ؟ - من السويس ... شوفت الجبروت ؟

وروحت نافحهم واحد صينية سمك بالطحينة في الفرن إنما إيه ... إوععععععى وشك .. والله إتهبلوا عليها .. وهانكمل بقيتها النهاردة على الغدا .. لدرجة إنهم هجموا عليها وضربوها ضربة رجل واحد وعلى ما روحت أجيب الكاميرا .. لقيتهم تحرشوا بها وفرتكوها ...

بس إسمح لي أضع بعض اللمسات السين سينة على الطريقة البندقية في المرة الجاية أيها الشيف العظيم بندق يا خير من أنجبت المطابخ المصرية في الألفية الثالثة .. ..

فأمبارح والسموكة بتستوي روحت مقطع حواليها طرنشات طماطم .. وإنت عارف مذاق الطماطم المشوية بقى ... آممممممممم

كمان عملت غلطة وهو إني كنت مستعجل ورجعت من صلاة الجمعة ومالحقتش أتبل السمكة أو بمعنى اصح ما أخدتش وقتها في التتبيلة .. المرة الجاية هانقعها في التتبيلة من بالليل

كمان المرة الجاية هاقطع حواليها طرنشات بطاطس وبصل مع الطماطم .. وانا متاكد غن الحاجات دي هاتعمل شغل عالي قوي .. .

وإوعى من قدام السريععععععععع

[بندق أفندى]

يا معلم يا معلم يا معلم

أخوك س س مِشى على خُطاك بالامس في الأكلة المفتكسة دي يا باش شيف ..

وأستغليت إن زوجة أخي لسه واصلة من مصر وجايبه سمك حجمه كبير من عند الريس حميدو - إنت ما بتعرفش سويسي ؟ - من السويس ... شوفت الجبروت ؟

وروحت نافحهم واحد صينية سمك بالطحينة في الفرن إنما إيه ... إوععععععى وشك .. والله إتهبلوا عليها .. وهانكمل بقيتها النهاردة على الغدا .. لدرجة إنهم هجموا عليها وضربوها ضربة رجل واحد وعلى ما روحت أجيب الكاميرا .. لقيتهم تحرشوا بها وفرتكوها ...

بس إسمح لي أضع بعض اللمسات السين سينة على الطريقة البندقية في المرة الجاية أيها الشيف العظيم بندق يا خير من أنجبت المطابخ المصرية في الألفية الثالثة .. ..

فأمبارح والسموكة بتستوي روحت مقطع حواليها طرنشات طماطم .. وإنت عارف مذاق الطماطم المشوية بقى ... آممممممممم

كمان عملت غلطة وهو إني كنت مستعجل ورجعت من صلاة الجمعة ومالحقتش أتبل السمكة أو بمعنى اصح ما أخدتش وقتها في التتبيلة .. المرة الجاية هانقعها في التتبيلة من بالليل

كمان المرة الجاية هاقطع حواليها طرنشات بطاطس وبصل مع الطماطم .. وانا متاكد غن الحاجات دي هاتعمل شغل عالي قوي .. .

وإوعى من قدام السريععععععععع

بالهنا والعافية .. عاوزين بقى نحول الكلام ده لكلام مفيد .. اعملنا شركة مساهة لفتح مطعم للغلابة brth)

[se_ Elsyed]

بالهنا والعافية .. عاوزين بقى نحول الكلام ده لكلام مفيد .. اعملنا شركة مساهة لفتح مطعم للغلابة wst::

إنت بتقول فيها ؟

طب شاور لي كده على عدد المطاعم اللي في مصر اللي بتقدم أطعمة بيتي مختلفة ... غير بتوع الفول والطعمية والكشري والحواوشي والفشا والممبار ؟

يعني خلينا نفتح مطعم طبيخ وحركات في مصر .. بس نختار الموقع .. ويكون في ديليفري يا معلم ونعين طيارين - العيال اللي بتسوق موتوسيكلات - وهاتشوف النتيجة ..

- أهم حاجه موقع المطعم .. يعني ما تختارليش حته الناس بياكلوا فيها الطعمية بالعافية وتقول لهم هانعمل لكم طواجن ومحاشي وحركات ؟

- وكمان توضيب المحل وديكوراته تبقى كويسة

- النضافة النضافة النضافة ... مليون مرة .

- الأستاف المحترم اللي نعلمهم الإبتسامة وكيفية معاملة الزبون .. وإن الزبون دائماً على حق ولو طلب لبن العصفور برضوا بيبقى على حق ...

- الإدارة الجيدة طبعاً الشيف بندق ومساعدة س س كومباني ليمتد ..

- المكان الملائم والمحترم اللي الناس هاتاكل فيه داخل المحل ضروري ( السُفرة ) ... بأروح محلات كتيرة في مصر يا بندق ياخويا وبالذات في الصيف والمجرمين يبقى عندهم تكييف ويستخسروا يشغلوه وتقعد إنت تسيح في الحر وحاجه تقرف ... يبقى أحنا عايزين نكيف الزباين :lol: ..

تخيل إن معظم محلات الأسماك ماعندهاش غير المشوي والمقلي وسلامو عليكم ..

تخيل لو إفتكسنا لهم حاجات من عينة أوب طحينة ده أو الفيليه الهلامي اللي إنت عامله ... يـــــــــــــــــــــاه .. ده أحنا نكسر الدنيا يا معلم ... ومش بعيد يختاروك طباخ الريس ... وتعدي يا معلم وأنا معاك وندخل لعبة السياسة ويا بووووووووووووووويا

ويا سلام بقى لو حاجات تيك آواي .. زي الساندوتشات الخفايف بتاعت الفطار والعشا .. او السريع سريع بس ما يكونش جنك فوود ..

بس في نفس الوقت ما تكونش حاجات تعور زي مطعم البرج مثلاً أو الحاجات اللي بنخاف نعدي جنبها دي .. يعني نتبنى الفكر الإشتراكي .. بس في نفس الوقت نكسب يعني مش هاتبقى تشاريتي يا معلم .. والمسائل الحسابية هاسيبها لك ... وبرضوا اللمسات المطبخية هاسيبها لك .. وأنا إدارة العُمال وشراء الماتيريال والمتابعة اليومية والتعامل مع الصابلير ..

إدرس الموضوع .. وعيل اللي يرجع يا معلم ...

[بندق أفندى]

يا سلام يا فاهمنى يا سى السيد يا خويا .. انا بأفكر فيها أبسط من كدة .. تخيل انت والعيلة تشترو اكلة سمك ب 100 جنيه طيب ايه رأيك تيجى تاكل نفس الكمية بشغل مخلف ب 130 الو 140 جنيه مع السلطات والرز والذى منه .. يعنى فرق سعر الجملة هو اللى تكسبه ويكون المطعم بسيط جدا فى مكان خارج القاهرة لكن فى منتهى النظافة .. والموظف اللى يغلط يعرف انه دى آخر غلطة ..

لو تعرف مطعم سفارى اللى أول طريق الاسكندرية الصحراوى .. صاحبه صديق قديم .. ترك العمل فى البنوك واتجه لهذا المطعم وما شاء الله عليه .. ماشى زى الفل ..

أما لو حكاية الديليفرى ... ممكن يبقى محل تجهيز وبيع فقط فى منطقة زى ش الجامع فى مصر الجديدة أو حوالين الميريلاند .. للأسف الشديد كان فيه محل من كم سنة مساحته 170 متر .. وكان سعره تحفة وقتها وعلى ما دبرت المقدم رحت لقيت مفيش ولا متر باقى ..

[Virus]

بس في نفس الوقت ما تكونش حاجات تعور زي مطعم البرج مثلاً أو الحاجات اللي بنخاف نعدي جنبها دي ...

من غير قطع كلامكو..

بس أرجوكوا.. محدش يجيب سيرة البرج أدامي...أنا ماصدقت نسيت تحويشة العمر اللي ضيعتها هناك

البرج ده اختراع كبير قوي قوي بصراحة

ولا الكاستن ولا حسني ولا الجندوفلي..البرج والبرج فقط

واكتشاف البرج كان أكبر انجازات الأجازة اللي فاتت..

يا خوانا..نحن قوم نعيش لنأكل.. ولو في وقت باقي ممكن نشتغل!

[se_ Elsyed]

.. للأسف الشديد كان فيه محل من كم سنة مساحته 170 متر .. وكان سعره تحفة وقتها وعلى ما دبرت المقدم رحت لقيت مفيش ولا متر باقى ..

قصدك المحل اللي بابا الليه يرحمه كان مأجرة في أواخر البسعينات أمام الميرالند بإتنين جنيه ونصف .. ومع ذلك سابوه من غير ما يطلع بولا مليم !!!! :lol:

-------------

تخيل انت والعيلة تشترو اكلة سمك ب 100 جنيه طيب ايه رأيك تيجى تاكل نفس الكمية بشغل مخلف ب 130 الو 140 جنيه مع السلطات والرز والذى منه

كده هانقفلها تاني يوم

إنت ناسي عندنا مرتبات ومصاريف تشغيل وإستهلاك .. ونسبة ربح ... كل ده هاييجي منين يا مان ؟

[بندق أفندى]

.. للأسف الشديد كان فيه محل من كم سنة مساحته 170 متر .. وكان سعره تحفة وقتها وعلى ما دبرت المقدم رحت لقيت مفيش ولا متر باقى ..

قصدك المحل اللي بابا الليه يرحمه كان مأجرة في أواخر البسعينات أمام الميرالند بإتنين جنيه ونصف .. ومع ذلك سابوه من غير ما يطلع بولا مليم !!!!

-------------

تخيل انت والعيلة تشترو اكلة سمك ب 100 جنيه طيب ايه رأيك تيجى تاكل نفس الكمية بشغل مخلف ب 130 الو 140 جنيه مع السلطات والرز والذى منه

كده هانقفلها تاني يوم

إنت ناسي عندنا مرتبات ومصاريف تشغيل وإستهلاك .. ونسبة ربح ... كل ده هاييجي منين يا مان ؟

شوف يا عم .. القصة انه كيلو السمك (مثلا البورى) اللى بيتباع ب 26 جنيه .. أصل سعره حوالى 10 جنيه .. يعنى لو قلنا واحد هو وولاده هباكل 3 كيلو مع شوية رز وسلطة ب 100 جنيه .. طيب انا هأبيع له نفس ال 3 كيلو ب 120 الى 140 .. اللى أصلهم فى الأساس 30 جنيه مع تكلفة السلطات والرز كمان 10 الى 15 جنيه ..

يطلع الاجمالى 45 تقريبا .. ما هو الأساس على حد تعبير الشيف أسامة السيد .. اضرب التكلفة * 3 عند تسعير الوجبات فى المطاعم .. شفت الحسبة بسيطة ازاى؟

وبعدين خلى الغلابة تاكل ..

ايه رأيك انا فى العبور (فى الجولف) وانت فى العبور .. تنفع العبور؟

[هدوء الليل]

طبق شهي ولذيذ فعلا

شكرا لك .

[se_ Elsyed]

ايه رأيك انا فى العبور (فى الجولف) وانت فى العبور .. تنفع العبور؟

شغال قوي

وهاناخد اعفا من الضرايب 10 سنين .. وهانبقى جنب الصورص بتاع السمك كله من السوق المركزي رأساً اليك ... وكمان الخضار اللي بالجملة .. ولو فتحنا فرع للعصاير او على راي السعوديين " عصيرات " يبقى سامحني بقى .. هاتلاقيني باكل البضاعة كلها واقولك " دي منبا يا معلمي منبا "

بس خلي بالك كده هانبقى محسورين في العبور فقط وهذا ما لا احبذه

لكن لما تقولي حاجه في جسر السويس قُرب نادي الشمس ... شوف بقى هاتغطي كام منطقة ؟

العملية دي عايزه لها ارنب مستريح يا شيف ... على اساس ان المحل هايبقى تمليك مش إيجار

[بندق أفندى]

ايه رأيك انا فى العبور (فى الجولف) وانت فى العبور .. تنفع العبور؟

شغال قوي

وهاناخد اعفا من الضرايب 10 سنين .. وهانبقى جنب الصورص بتاع السمك كله من السوق المركزي رأساً اليك ... وكمان الخضار اللي بالجملة .. ولو فتحنا فرع للعصاير او على راي السعوديين " عصيرات " يبقى سامحني بقى .. هاتلاقيني باكل البضاعة كلها واقولك " دي منبا يا معلمي منبا "

بس خلي بالك كده هانبقى محسورين في العبور فقط وهذا ما لا احبذه

لكن لما تقولي حاجه في جسر السويس قُرب نادي الشمس ... شوف بقى هاتغطي كام منطقة ؟

العملية دي عايزه لها ارنب مستريح يا شيف ... على اساس ان المحل هايبقى تمليك مش إيجار

هههههههههههه .. وتخيل لو انت الناحية التانية من نادى الشمس .. ش النزهة .. تفرق قد ايه؟ بس الأرنب هناك يا دوب يجيب عشة .. صدقنى لما تتعرف هيجيلك ناس من كل الدنيا .. وعلى فكرة سوق العبور بالنسبة للسمك والخضار ليس مصدر جيد .. انما المصدر هو انه المنتج اللى جاى يبيع فى العبور يعدى عليك ينزللك طلباتك قبل كا يدخل السوق .. لأنه داخل السوق مافيا لديها فكر عن انه لا يجب ان تنزل الأسعار أبدا ..

[se_ Elsyed]

بس بقى يا بندق الله يكرمك أحسن أفكارنا تتسرق

وكما ما تعيشنيش في الوهم وأحس إن أنا المعلم " عباس الزِفر " وأتخيل نفسي وأنا قاعد أكل جمبري وأستكوزا ببلاش .. ما هو المحل بتاعي .. قصدي بتاعنا ..

واتخيل أكوام الفلوس اللي قاعد ألمها وأنا قاعد عالكيس ... مانا هاشتغل كاشير برضوا

أقعد أرغي معاك وأعيش في الخيال .. وما أصحاش إلا على صوت مراتي وهي بتقولي " إصحي يا س س عشان تروح الشغل .. أتوبيس 125 بتاع إمبابة هايفوتك وتاخده مشي لحد المصلحة ...

أقعد بالعافية