ارجو معرفة راي جميع الاعضاء فيا . هل جميع من في المحاورات يكرهني

[MoHaMMeD EgYpT]

بسم الله الرحمن الرحيم

اهلا بكل اعضاء المنتدي الكرام

انا بعتبر منتدي المحاورات بيتي الثاني و لما بحتاج نصيحة او اي شئ كل اللي بعمله اني بعمل موضوع و اطلب المساعدة و الصراحة الكل ما بيقصرش معيا في النصيحة و بصراحة في حاجات يمكن صعب عليا اسأل عليها اي حد في بيت الحقيقي اما في بيتي التاني المحاورات بسأل و بصراحة بلقي المساعدة من الكل و انا بشوف اي عضو طالب مساعدة والله لو اعرف اساعده ما بتأخرش و بحب اتصفح معظم المواضيع هنا الجديدة و القديمة لانها بجد مفيدة و بخصوص ردودي في بعض المواضيع يمكن ان ردودي عن مصر بتبين عكس ما في قلبي لمصر لكن انا بجد بحب مصر اما الحكومة هههههههههههه :) لكن احوال مصر بصراحة مش عاجبني فبقول الصراحة لكن انا عارف ان كل ده بسبب الحكومة مش اكتر اما بخصوص اني قولت قبل كده اني نفسي ابقي كويتي و الكلام ده هو فعلا حقيقي بس هو انا بقيت كويتي ولا عمري هبقي و حتي لو حظي ضرب انا برده مش هسيب الجنسية المصرية هو انا فعلا بحب الكويت لكن بحب مصر برده . بصراحة بقا انا حاسس اليوم دول و النهاردة بالذات ان الكل بينظر لي نظرة مش ولا بد هو انا قولت انا بكره مصر مثلا ولا غلطت فيها انا كل ما في الامر اني مش عاجبني احوالها و انا للمرة ال1000 بحب مصر

انا بقا لي حوالي 5 شهور هنا في المحاورات و عرفت اعضاء كتير هنا في المحاورات و بصراحة كلهم محترمين و بصراحة عمري ما شفت في يوم عضو سئ في المحاورات و بصراحة بعتبر المحاورات بيتي الثاني و ما اقدرش اعيش يوم واحد من غير ما ادخل المحاورات و بصراحة المحاورات احسن منتدي شوفته علي النت كله و الكل محترم من اول الادارة لحد اضغر عضو في المحاورات لكن بصراحة النهاردة حاسس ان الكل بينظر نظرة غريبة ليه يا جماعة انا فيا حاجة غلط طبعا مافيش واحد فينا كامل غير الله سبحانه و تعالي قول لي لو فيا حاجة غلط او حاجة مش عاجبكم فيا و انا ان شاء الله هحاول اضبط نفسي لاني بجد مش عاوز احس اني غريب بينكم

اهلا بكل اراء الاعضاء اللي يعرفني و اللي ما يعرفنيش

انا عاوز راي الكل بخصوصي لاني بجد زعلان جامد النهاردة من اللي حصل و الكل محسنني ان غريب ما بينكم انا عاوز اعرف الغلط فين و انا ان شاء الله هصلحه

و في الختام ارجو اني احس اني في بيتي الثاني مرة تانية و شكرا للادارة و شكرا لجميع الاعضاء

و السلام عليكم و رحمة الله و باركته

[capitshino]

انت بس تبطل الضحك اللى من غير سبب وان شاء الله هتبقى زى الفل ههههههههههههههههههه

يا اخى انا كرهت حرف ال هـ وبافكر اخلعه من الكى بورد

[qenawy]

ايه بس يا حاج محمد فيه ايه

خد المداخلة الهزار

دي

اخي الفاضل محمد رغم اني لا اعرفك الا اني اكرهك

يا صديقي دعك من الوسوسة كراهية ايه بعد الشر

[أحمد سيف]

سبقتني يا عم كبتشينو .... كنت عاوز أقولك يا بو حميد اني باحبك بس مش بحب ال ههههههههههههههههههههههههههه خصوصا لما الموضوغ ما يبقاش مستحملها

[MoHaMMeD EgYpT]

انت بس تبطل الضحك اللى من غير سبب وان شاء الله هتبقى زى الفل ههههههههههههههههههه

يا اخى انا كرهت حرف ال هـ وبافكر اخلعه من الكى بورد

حاضر مفيش ههههههههههههههه تاني و هخلع حرف ال ه

[MoHaMMeD EgYpT]

ايه بس يا حاج محمد فيه ايه

خد المداخلة الهزار

دي

اخي الفاضل محمد رغم اني لا اعرفك الا اني اكرهك

يا صديقي دعك من الوسوسة كراهية ايه بعد الشر

وانا والله بحبك يا دكتور قناوي بس و الله النهاردة بعض الاعضاء قالوا لي ردودي مش ولا بد و كل ما واحد يخلص اللي بعده يشتغل و علشان كده قلت الموضوع و لو حد بيكرهني يقول و لو حد بيكره حاجة فيا يقولها و انا ان شاء الله هصلحها

لاني بجد زعلت جامد النهاردة من الردود دي

[MoHaMMeD EgYpT]

سبقتني يا عم كبتشينو .... كنت عاوز أقولك يا بو حميد اني باحبك بس مش بحب ال ههههههههههههههههههههههههههه خصوصا لما الموضوغ ما يبقاش مستحملها

حاضر ولا يهمك حرف ال ه هشيله خالص :) و انا والله بحبك يا استاذ احمد

[الباشمهندس ياسر]

عندى احساس ان اخر مداخلة ليا ف موضوع انضمام مصر لاتفاقية التعاون الخليجى

ليها سبب رئيسى ف الموضوع ده

عموما

مبدئيا احنا هنا عبارة عن افكار بتناقش افكار مش اشخاص خالص

و نصيحتى ليك حاول تراجع نفسك وتشوف ايه الاسباب اللى خلت الاحساس ده يوصلك

تمنياتى بمراجعه للحسابات تكون منتجه ومفيده

[MoHaMMeD EgYpT]

عندى احساس ان اخر مداخلة ليا ف موضوع انضمام مصر لاتفاقية التعاون الخليجى

ليها سبب رئيسى ف الموضوع ده

عموما

مبدئيا احنا هنا عبارة عن افكار بتناقش افكار مش اشخاص خالص

و نصيحتى ليك حاول تراجع نفسك وتشوف ايه الاسباب اللى خلت الاحساس ده يوصلك

تمنياتى بمراجعه للحسابات تكون منتجه ومفيده

هو فعلا المدخلات اللي في موضوع انضمام مصر لاتفاقية التعاون الخليجى هي السبب و الموضوع كله بدل ما يناقش الموضوع ابتد الكل يقول لي حب مصر هو الجميع شايفني معلق علم اسرائيل ولا حاجة ولا اسمي ديفيد كوهين معرفش الكل ابتد يهاجم فيا انا ليه بالذات و سابوا الموضوع و الكل ابتدي يهاجم فيا انا و يقول لي حب مصر مع اني والله بحب مصر

ان شاء الله هراجع حسابتي تاني

[fatfouta]

يا أخ محمد هكلمك بصراحة لو هتقبل رايي

ايوه انا شخصيا ويمكن رايي مايهمكش فى حاجة بس انا زعلت جداااااااااااااااا انى لقيت مصرى بيقول انه عاوز يبقى من جنسية تانية ويمكن فى ذيك كتير مصريين مش بيحبوا مصر لانهم شافوا الظلم فيها

والله يا محمد كلنا لو ماكناش شوفنا الظلم فى بلدنا ماكناش سبناها واتغربنا بس فى الآخر الظلم مكانش من المكان يعنى من البلد لأ ده كان من الحكام الظالمين والحكومة الزفت اللى حكمانا يبقى ده مش سبب يخلينا نكره بلدنا ونخلى ناس اغراب يقراوا كلامنا ويشمتوا فينا وانت عاف يا ماكتر الشماتين اللى بيدخلوا هنا وبيدخلوا فى كل الاماكن اللى فيها مصريين لان انت عارف فيه ناس كتير اوى رغم كل ظروف بلدنا لكن بيحسدونا اننا مصريين تصدق ده وعاوزين يشوفونا بعاد عن بعضنا ومش بنحب بعض

وكمان كنت مستغربة جداااااا من ردودك اللى دايما ضد مصر بس مسمى نفسك محمد ايجبت قلت اذاى يعنى ؟

لكن فى الآخر فعلا ولاد بلدى بيبقوا جواهم حب لبلدهم غريب كده مهما شافوا فيها مش قادرين يكرهوها وربنا يديمها نعمة علينا يارب

وذى ماقالولك الاخوة بلاش ههههههههه

ويا ريت نفرق بين الحكومة ومصر نفسها

تم تعديل 7 مارس 2009 بواسطة fatfouta

[MoHaMMeD EgYpT]

يا أخ محمد هكلمك بصراحة لو هتقبل رايي

ايوه انا شخصيا ويمكن رايي مايهمكش فى حاجة بس انا زعلت جداااااااااااااااا انى لقيت مصرى بيقول انه عاوز يبقى من جنسية تانية ويمكن فى ذيك كتير مصريين مش بيحبوا مصر لانهم شافوا الظلم فيها

والله يا محمد كلنا لو ماكناش شوفنا الظلم فى بلدنا ماكناش سبناها واتغربنا بس فى الآخر الظلم مكانش من المكان يعنى من البلد لأ ده كان من الحكام الظالمين والحكومة الزفت اللى حكمانا يبقى ده مش سبب يخلينا نكره بلدنا ونخلى ناس اغراب يقراوا كلامنا ويشمتوا فينا وانت عاف يا ماكتر الشماتين اللى بيدخلوا هنا وبيدخلوا فى كل الاماكن اللى فيها مصريين لان انت عارف فيه ناس كتير اوى رغم كل ظروف بلدنا لكن بيحسدونا اننا مصريين تصدق ده وعاوزين يشوفونا بعاد عن بعضنا ومش بنحب بعض

وكمان كنت مستغربة جداااااا من ردودك اللى دايما ضد مصر بس مسمى نفسك محمد ايجبت قلت اذاى يعنى ؟

لكن فى الآخر فعلا ولاد بلدى بيبقوا جواهم حب لبلدهم غريب كده مهما شافوا فيها مش قادرين يكرهوها وربنا يديمها نعمة علينا يارب

وذى ماقالولك الاخوة بلاش ههههههههه

ويا ريت نفرق بين الحكومة ومصر نفسها

فعلا هي الحكومة السبب في ده كله مش مصر ولا المصريين و فعلا انا حاسس اني زودتها شوية في كلامي ضد مصر لكن كل كلامي ده مكانش علشان انا بكره مصر بالعكس انا بحب مصر لكن فعلا الحكومة هي السبب و شكرا لكي اختي العزيزة علي رايك و ان شاء الله هغير كلامي السالبي كله عن مصر و ان شاء الله الجميع يسامحني بخصوص كلامي السالبي اللي كنت قولته عن مصر

[capitshino]

بارك الله فيك اخى محمد .

الاخ محمد على ما اذكر فى الصف الاول الثانوى على ما اتذكر وقد تنقصه بعض خبرات الحياة

عالعموم انا احيك على رد فعلك فى هذا التوبيك خصوصا وعدك بالتغير

[الدكتورة أم أحمد]

بسم الله الرحمن الرحيم

اهلا بكل اعضاء المنتدي الكرام

انا بعتبر منتدي المحاورات بيتي الثاني و لما بحتاج نصيحة او اي شئ كل اللي بعمله اني بعمل موضوع و اطلب المساعدة و الصراحة الكل ما بيقصرش معيا في النصيحة و بصراحة في حاجات يمكن صعب عليا اسأل عليها اي حد في بيت الحقيقي اما في بيتي التاني المحاورات بسأل و بصراحة بلقي المساعدة من الكل و انا بشوف اي عضو طالب مساعدة والله لو اعرف اساعده ما بتأخرش و بحب اتصفح معظم المواضيع هنا الجديدة و القديمة لانها بجد مفيدة و بخصوص ردودي في بعض المواضيع يمكن ان ردودي عن مصر بتبين عكس ما في قلبي لمصر لكن انا بجد بحب مصر اما الحكومة هههههههههههه :) لكن احوال مصر بصراحة مش عاجبني فبقول الصراحة لكن انا عارف ان كل ده بسبب الحكومة مش اكتر اما بخصوص اني قولت قبل كده اني نفسي ابقي كويتي و الكلام ده هو فعلا حقيقي بس هو انا بقيت كويتي ولا عمري هبقي و حتي لو حظي ضرب انا برده مش هسيب الجنسية المصرية هو انا فعلا بحب الكويت لكن بحب مصر برده . بصراحة بقا انا حاسس اليوم دول و النهاردة بالذات ان الكل بينظر لي نظرة مش ولا بد هو انا قولت انا بكره مصر مثلا ولا غلطت فيها انا كل ما في الامر اني مش عاجبني احوالها و انا للمرة ال1000 بحب مصر

انا بقا لي حوالي 5 شهور هنا في المحاورات و عرفت اعضاء كتير هنا في المحاورات و بصراحة كلهم محترمين و بصراحة عمري ما شفت في يوم عضو سئ في المحاورات و بصراحة بعتبر المحاورات بيتي الثاني و ما اقدرش اعيش يوم واحد من غير ما ادخل المحاورات و بصراحة المحاورات احسن منتدي شوفته علي النت كله و الكل محترم من اول الادارة لحد اضغر عضو في المحاورات لكن بصراحة النهاردة حاسس ان الكل بينظر نظرة غريبة ليه يا جماعة انا فيا حاجة غلط طبعا مافيش واحد فينا كامل غير الله سبحانه و تعالي قول لي لو فيا حاجة غلط او حاجة مش عاجبكم فيا و انا ان شاء الله هحاول اضبط نفسي لاني بجد مش عاوز احس اني غريب بينكم

اهلا بكل اراء الاعضاء اللي يعرفني و اللي ما يعرفنيش

انا عاوز راي الكل بخصوصي لاني بجد زعلان جامد النهاردة من اللي حصل و الكل محسنني ان غريب ما بينكم انا عاوز اعرف الغلط فين و انا ان شاء الله هصلحه

و في الختام ارجو اني احس اني في بيتي الثاني مرة تانية و شكرا للادارة و شكرا لجميع الاعضاء

و السلام عليكم و رحمة الله و باركته

الفاضل محمد : حياك الله

مصر عبارة عن أرض وشعب ( المصريين)

الأرض لم تقصر أن زرعنا فيها خير أنبتته بأحسن ما يكون النبت وانتشر منها إلى على الأقل بلاد المسلمين والعرب

وإن زرعنا بها الشر كرهتنا ومع ذلك تظل تحملنا على ظهرها بلا خسف ولاكلل ولاحتى شكوى

يبقى لما يكون مصر بها مساويء وعيوب على من يقع اللوم؟؟؟؟؟؟

أكيد إحنا المصريين

يبقى على الأقل نتكسف من نفسنا ونسكت مادام عاجزين ولا نستطيع عمل شيء

وأيضا بلاش ههههههههههههه

وانا زعلت أيضا بس إن شاء الله لا يوجد كره

وربنا يعفو عنا جميعا

[الجدار]

الأخ العزيز محمد

بما اني واحد من اللي ضايقوك في التوبيك بتاع مجلس التعاون الخليجي

فأنا بعتذرلك عن اني ضايقتك

بس بجد احنا بدل ما نشوف حل لوضعنا العملية مش مستحمله اننا نألس على بلدنا

يعني نحاول نشوف حل إيجابي بدل ما نضحك على خيبة حكومتنا

وزي الأخت فتفوته ما قالت العيب من الحكومه مش من مصر

بجد يا اخي مصر استحملت كتير

مش حنيجي احنا كمان وندبحها بسكينه (تلمه) يا ريت مانقساش على مصر

مهما كنا فاحنا ان شاء الله حنرجعلها

واللي مالوش خير في بلده مالوش خير في اي بلد

تقبلني أخ لك

واعتذر لك تاني لو كنت ضايقتك

وانا برضو في الكويت زيك

واتمنى ان يدوم الود

واهلاً بيك في اي مكان

Peace :)

[فنان محتار]

اين كانت الكوين مش هانقول من 1000 سنة لا هنقول من 100 بس مكنتش على الخريطة عايز تسيب مصر وتبقى كويتى عايز تبيعنا يا ولدى وتعمل زى عواد اللى باع ارضه يا ولاد لا انت كده خسرت كتييييير لان الوطن هو روح الواحد واللى معندوش وطن او حاسس بغربة فى وطنه يا ويله من الالم والمرارة انا مريت فترة والحمد لله كانت صغيرة كنت بكل صدق حاسس ان الدنيا اديق من خرم الابرة بل دا مفيش ابرة من اساسه لكنى مبعتش مصر لا بالعكس دا كنت حزين علشان انا بحب مصر وحاسس ان مصر رفضانى زى اللى عايز يترمى فى حضن امه علشان خايف بس للاسف امه تزقه وايه وتزيد من خوفه بنظرتها الكارهه تصور لكن انتا للاسف لقيت البديل انك تكون كويتى لكن انا دورت ملقيتش بديل لانى مخلوق ومعجون مصر وبمصر اعيش وفى مصر هاموت واندفن علشان بكرة وبعده ابقى بترول يمكن ولادها اللى عايزين يطفشوا ويروحوا للبترول يستقروا هنا وقطع لسان اللى قال واللى يقول اى كلمة وحشة فيكى يا مصر يا ام الدنيا يا احلى الاوطان .

[ذهبية]

مصر يا محمد مش ارض و لا شعب و لا حكومة يا ابن مصر هاسالك سؤال بسيط يا محمد

احنا بنحب مصر لية ؟؟؟؟ اى واحد فىالدنيا بيحب بلدة لية الكويتى عمرة ما يحب اى بلد الا الكويت و كذلكالسعودى عندة السعودية احلى بلد فى الدنيا و كذلك الامريكى مفيش احلى من بلدة

عارف لية لان بلد الانسان لا هى ارض و لا حكومة بلد الانسان البذرة الى حضتنتك وكبرت فى حضنها بلد الانسان هى اول قطرة ماء شربتها او شمس اتظللت تحتها اول شارع مشيت فية و اول مسجد صليت فية و اول حب حبيتة فيها كل ذكريات الطفولة و مرح الشباب فيها كبر والدتك ووالدتك كل شارع فيها ذكرى اتحفرت فى خيالك بلدك هى الى حاضنها اهلك و اصحابك و ناسك هى اصل والدك و جدك وجد جدك

لما الانسان ينسى اصلة و يتنكر منة يبقى فية واقفة يبقى فية حاجة غلط

حلو انك تشاركنا وتقول انا غلطت و حلو اننا نفهمك اللى ما تعرفة يا محمد مهما لفيت و دورت و شوفت دايما فية حاجة جوة الانسان بتشدة الى اصلة الى ارضة لو سالت والدك وووالدتك اية احب البلاد اليكم هيقولوا مصر

[سهران]

المشكلة كبيرة جدا .......جيل صغير طالع( أغلبه ) بدون أدني احساس بالأنتماء ...... يستغرب جدا لمّا يسمع أن البلد دي فيه ناس ضحت بأرواحها راضية و قانعة في سبيل كرامتها و تحرير ترابها ..... و بيستغرب أكتر لما يسمع جمال الغيطاني مثلا بيقول أن في أيام شبابه و صباه كان الهم العام يسبق و بمراحل همومهم الخاصة .... مصر كانت عندهم أهم من أنفسهم ....... المصيبة أن المناخ العام و شلل الفساد و المنتفعين الموجودة مليء السمع و البصر تفرز جيلا بلا هوية و لا أنتماء ... و الضحية بلد عظيمة جدورها ضاربة في أعماق التاريخ و مذكورة في القرآن و علمت العالم و أنارته قرون طويلة بتتقارن بدويلات و قرى عمرها عشرات السنين ..... و كمان القرية تكسب!!!!؟؟؟

أكيد ما حدش بيكرهك ( أمر مفروغ منه ) لكن بالتأكيد كتير بيكهوا أفكار عدم الأنتماء و الرؤية القاصرة لقيمة كيان يجهل الكثيرين قيمته الحقيقية ..... بالمناسبة مين من عندكم قال أن تمن المصري أقل من قيمة غسالة ( هاف أوتوماتيك ) مشيرا الى تعويضات الوفاة ؟؟؟؟ تفتكر معاه حق ؟؟؟؟ و حسيت بأيه ساعتها ؟؟؟

[MoHaMMeD EgYpT]

شكرا لكم جميعا علي ردودكم المشجعة و انا اسف بخصوص ردودي السلبية عن مصر في السابق و فعلا مصر احلي بلد في الدنيا و مهما لفيت عمري ما هلقي وطن زي مصر

:blush2:

[nizza la bella]

شكرا لكم جميعا علي ردودكم المشجعة و انا اسف بخصوص ردودي السلبية عن مصر في السابق و فعلا مصر احلي بلد في الدنيا و مهما لفيت عمري ما هلقي وطن زي مصر

:blush2:

طب ونيوزلندة

[اسماعيل امين]

الاخ العزيز محمد ...علي ماذا تعتذرمعظم المصريين يحبون المحروسه ويتمنون ان تأخذ مكانها الذي تستحقه بين دول العالم .واحيانا يأخذنا الضيق منها والزعل علي حالها فنقوم بتجريحها وتجريح انفسنا ولكن لا نقبل ان يجرحها غريب .عارف لما بنشتم علي مصر بنبقي عاملين زي الام تدعو علي ابنها وداخله تقول استر يارب .تابعت كل مداخلاتك في هذا الموضوع وراجعتها عدت مرات وجدت انك مصري خالص 100 ./. ولو لا قدر الله انك حصلت علي الجنسيه الاسرائيليه غصب عنك ستعمل كعميل مزدوج تعمل لصالح مصر .انت عارف ان فيه عيب في محاورات المصريين (رغم كل ميزتها )انها موقع افتراض (لا تسمع ولا تري من يكتب )وتحدد مشاعرك تجاهه من خلال ما يكتب اقتباس من زميله محترمه لا اذكر اسمها الان .سوف اعطي لك مثال :-

الاخ سي السيد تصادمت معه مره في موضوع (كنت متضايق من حالنا وعكست ضيقي علي المحاورات وهذا خطأ)قام بمهاجمتي بأسلوب قاسي .زعلت منه ومن اخرين رغم انني البادئ بالخطأ.حاولت ان اتصيد له اخطاء وشلتها في نفسي .حدث غزو غزه ورأيت تكالب الاخرين علي مصر والرغبه في توريطها في نكسه مثل 1967 ومهاجمه السفارات المصريه .هل تعرف ان مشاعري قد تغيرت تجاهه وتجاه اخريين محترمين (نتجه دفاعهم عن مصر) مثل م.بدران وnewcomer واحمد السيد ومحمد فايق(اعتذر لعدم ذكر بقيه الاسماء ...).عارف يا... محمد مصر عامله ذي ايه ام ربت اولادها وتطاول احد الابناء عليها نتيجه الفقر والمرض والجهل الذي يراه في اخواته(تهجم قائلا ليه خلفتي كل دول ...ربنا يحرصهم في سري )ردت تعبت وربيت وخلفت علشان اعملك عزوه تسند ظهرك لكن طلعتم اخوات قلوبكم مش علي بعض ...غنيكم بخيل ...وفقيرك ياأس او حاقد ...واحنت راسها ...وقالت اضرب كمان ...ياريت ..يوم ما ولتدك كنت قعدت عليك فتصطك . مصر حلوه يامحمد وانت مصري قلبك ابيض وذي الفل اشتم ذي ماأنت عاوز بس ما تسمحش لغريب يتطاول عليها .اهديك هذه الكلمات (اقتباس )

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب.

توقيع (دفيد بن عازر )عميل مزدوج يعمل لصالح مصر .مصر محتاجه مجانين بحبها (علي مايه بيضه مش منقوع صرم ).

هل تحلم معي اذا استمرت محاورات المصريين في تسجيل نجاحات ...سوف تنتقل من الواقع الافتراضي ...الي واقع طبيعي تتحقق فيه روابط اجتماعيه ....ثم يظهر كحزب اجتماعي ناجح ....ثم حزب سياسي (مشوار طويل مجنون ).