عضوة جديدة

[cleopatra]

السلام عليكم

دي اول مشاركة لية و حبيت اني اعرفكم بنفسي

و يارب اكسب صداقتكم

:roll:

و شكرا

[freefreer]

أهلا و سهلا و الف مرحبا .. كان عندنا عضوة قديمة اسمها كليوباترا .. بعدين زعلت مننا و هجت .. و فى كل الأحوال مرحبا بك ..

احنا هنا بنحب كل الناس .. و اكتساب صداقتنا من اسهل ما يكون ..

و نرجو لك اقامة طيبة و مشاركات مفيدة ..

تحياتى ..

[أسامة الكباريتي]

حيلك يافري

يخلق من الكيوباترا أربعين

دي كليوباترا 2003

مرحبا بك في بيت المصريين على السايبر ..

والملاذ الآمن للأقلام النظيفة ..

فالصالونات الثقافية والأدبية والسياسية تشرع لك أبوابها ..

فهل يكون لقلمك بصماته في القريب ..

طبعا حاترتاحي هنا في المناخ الزملكاوي اللي بيضفيه الحاج محمد أبو زيد ..

لكن يبقى "الأهلي حديد لا يصدأ"

[White heart]

ما شاء الله .. ما شاء الله

المنتدى عمال يزيد فية "الفكيهات" ... و اية؟

ما هماش "روميات" لأ .... دول "فرعونيات"

دلوقت بقى عندنا العزيزة "Cleo "

و أدى قريبتها العزيزة "cleopatra" شرفتنا....فأهلا بصداقتك و مرحبا بك بيننا.....

[فــيــروز]

معلش يا كليوباترا

انا فعلا لم ار هذا الموضوع غير اليوم ولذا تاخرت فى الترحيب بك

اهلا بك اخت عزيزه و ضيفه غاليه .. تحياتى و سعاده كبيره بوجودك معنا ..

[ragab2]

أهلا

بك يا أخت كليوبترا

عاوزين الهمة فى الكتابة واظهار رأيك المستنير

ان شاء الله

تحياتنا

[se_ Elsyed]

تحتمس .... مسلة .... آمون ...رع

طبعاً لازم أترجم لكم الكلام ده ، ده بالهيروغليفي يعني مرحباً بيكي فى المنتدى يا كليوباترا

وممكن حد يحب يحرجني ويقولي طب جبت كلمة منتدى منين يا فالح ، هو كان فيه منتديات أيام الفراعنة ... أقوله أيوه كان فيه وبالأمارة كان الفراعنة الثورجية اللى زيينا بيتجمعوا فى ساحات المعابد ويقعدوا يشتموا فى الحكومة ( الفرعونية طبعاً ) بس فى الآخر كان أمن الدولة الفرعوني بيلمهم ويظبطوهم فى المعتقلات الفرعونية .

[ابو خليل]

"Cleo " "cleopatra" - اخناتون ...

و بذلك صار منتدي (محاورات المصريين ) منتدي ايه .. تحفة !!

تحفة فنية طبعا !

[farasha79]

اهلا بيكي بينا يا كلو

منوره المنتدى

[cleopatra]

:shock: :shock: :shock:

ياااااااااااااااااااااااا

كل دي ترحيبات بي انا

اخجلتم تواضعي :oops:

اشكركم جميعا

اما انت يا اسامة الكباريتي

طبعا حاترتاحي هنا في المناخ الزملكاوي اللي بيضفيه الحاج محمد أبو زيد

علي الاقل في هنا ناس كتير زملكاوية

[شيشة]

انا بجد مرعوبة مش خيفة بس 

مع الاعتذار للاخت نورا

دى اول مرة اشترك في اي حاجة على الانترنت وانا اشتركت مخصوص علشانك يا نورا                :oops:  انتى زي العسل  وعلي راي الاغنية يا نورا يا نورا يا حلوة يا امورة 

معلش بئي لو كنت طولت عليكم

[se_ Elsyed]

يا مراحب يا مراحب

دي القاعدة كملت يا رجالة .. كان عندنا حشيش ودلوقت بقى عندنا شيشة .. ناقص حتتين فحم والعملية تتظبط.

أهلاً بيكي عضوه جديدة يا شيشة وان شاء الله تكوني إضافة جديدة وقوية لحزب النسوة الأحرار .

شيشة كتبت

يا نورا  انتى زي العسل وعلي راي الاغنية يا نورا يا نورا يا حلوة يا امورة

أيوه الله يخليكي قوليلها كلمتين حلوين أحسن نورة روحها المعدنية بقت فى الحديد خالص .

[شيشة]

بجد في اية في حد سمعنى ورد عليا

دة كمان مش اي حد دة المارد الازرق

حقيقي ربنا يخليك يارب ويجبر بخاطرك ويطعمك ما يحرمك قادر يا كريم

دلوقتى مش عارفة اتكلم خالص

هسكت حبة علي ما استوعب الموقف وكمان امى بتندهلي علشان اقلي السمك واطفي علي الرز