هل فعلا فى مس من الجن للانس ؟

[drTOTA]

يا جماعه الخير

يا مشرفين

الظاهر ان اخونا اللى بالى بالكم مش عاجبهم كلامى

تتصوروا انى باكتب لكم من غير ما اقرا الردود؟؟؟

اللينك بدخل عليه ما بشوفش غير اسماء المشاركين ؟؟

طب ايييييييييييييه؟؟

انت ليه غيرت المكان يا مشرف بس ؟ حلو لى الموقف الله يكرمكم

عزيزتى انا عندى نفس مشكلتك على الجهاز الخاص بى والمشكلة غالبا من الكمبيوتر لان من جهاز تانى بيفتح معايا عادى, الا اذا كانو قاعدين معايا انا كمان..ادعو الله ان يعافيك ويفرج همك.

[الجدار]

نعم هناك مس من (الشيطان) للإنســـــــــــــــــــــــــــان بلا جدال ولا شك..............

وهذا موجود في كل الثقافات والديانات

و((الغرب)) الاميركي والاوروبي تحديدا اكثر المجتمعات ايمانا بهذه (الحقائق) وكثيرا ماشاهدت قنوات غربية (مسيحية) لرجال دين يقومون بطرد الارواح الشريرة من اجساد بعض البشر.............

ولكن

هل(جميع) حالات الاضطراب النفسي هي من الارواح الشريرة(جن و شياطين)؟؟؟؟؟؟؟؟؟

هل(جميع) من يتصدى لطرد تلك الارواح (صادق) في دعواه ومؤهل لعمله ذاك؟؟؟؟؟؟؟؟؟

وجود (الدجالين والمشعوذين) (المدعين زورا وكذبا) حقيقة لا مراء فيها لكن

(هل) ينفي ذلك حقيقة الامر؟؟؟؟؟؟؟؟؟؟؟؟؟

.............

الا يوجد (دجالين و كذابين) في جميع فروع العلوم فلكيا او (طبيبا او صيدلانيا او عطارا) او محلل اقتصادي او تاجر او سياسي؟؟؟؟؟؟؟؟؟؟؟ لكن ذلك لا ينفي (حقيقة تلك العلوم)

ولكن للاسف بعض مدعو (العقلانية والعصرنة) و نصيرو العلوم التجريبية التجريدية يدعون لنبذ الغيبيات بالجملة

((رغم)) ان العلوم الطبيعية (فيزياء و كيمياء مثلا) نسبة الغيبيات فيها اكثر بكثير من نسبة المشاهدة.........

عموما على السائلة ان تبحث عن اهل العلم و تبتعد عن المدعين والافاقين والمشعوذين و عادة من يسأل عن الماديات و يقوم بتمتمات و صياح و حركات بهلوانية يكون من اؤلئك المشعوذين

والسلام

الأخ العزيز

ألا تعتقد كما اعتقد انه ما من خير الا ودلنا عليه الرسول صلى الله عليه وسلم وما من شر الا وحذرنا منه

أليس كذلك ؟؟

لماذا لم تحدث حالة لبس جن لإنسان في عهد الرسول ولماذا لم يعلمنا الرسول ماذا نفعل

اذا لبسنا الجن

انك تستشهد برجال الدين المسيحيين الذين يطردون الأرواح في الغرب

وحركات الأكشن من الملبوس من رعشه ورجفة واهتزاز

يا راجل حد بيصدق الكلام ده دلوقتي ؟؟

طيب وايه اللي يخلي جن يلبس انسان

يعني ايه الداعي ؟؟

دلق الميه السخنه على العفريت المسكين

او نام على السرير واخينا العفريت كان مش حاسس بالدنيا ومالحقش يقوم

طيب سؤال يعني الأرض مليانه اماكن فاضيه الجن حيسيبوا الدنيا دي كلها ليه وييجوا يسكنوا معانا في بيوتنا ؟؟

يا جماعة خلينا عقلانيين

مش كل الأمور مسلم بيها لازم نفكر شوية

[محمد عيسى]

يا جماعة خلينا عقلانيين

مش كل الأمور مسلم بيها لازم نفكر شوية

إذا تكلمنا عن عالم الغيب و عن عالم الشهاده

فعالم الشهاده أمرنا الله بالتفكير

و عالم الغيب لا يعلمه إلا الله

و ما عندكش معطيات للتفكير فيه

[مسافر زاده الخيال]

اهلا بكل الاخوة والاخوات

واهلا بالاخ الجدار,

اخي الجدار المسألة ليست بالبساطة التي تذكرها ..........

فكيف عرفت انه لم تكن هناك حادثة لتلبس جني بانسي في عهد الرسول صلى الله عليه وسلم؟؟؟؟؟؟؟؟؟

الم يصف القران اكلة الربا بانهم كالذي (يتخبطه الشيطان من المس)؟؟؟؟؟؟؟؟؟

وسبب ايرادي لتجذر تلك الثقافات في الغرب و برجال الدين المسيحي هناك بسبب ان( بعضنا ) يعتبر الغرب المسيحي (وحده) مثل (العقلانية الاوحد) الذي لا يؤمن بالغيبيات (رغم ان العلم الحديث اكثره غيبيات كما اسلفت)

فنحن لا نرى الموجات الكهرومغناطيسية و تداخلاتها ولا الالكترونات وهي تدور في مجالات طاقاتها (لكننا امنا بشكل مطلق) بوجودها وامنا بوجود الاشعة فوق الحمراء و تحت البنفسجية ((باستدلالنا باثارها ليس الا)) و ليس جديدا القول باننا نؤمن بوجود ((الروح)) التي لا نراها ولا نسمعها و لا نشمها في الكائنات الحية.....

واحب ان اضيف علينا ان نفرق بين (خيالاتنا الشخصية) عن عالم الجن والشياطين وبين ماهي على حقيقتها (فان خيالنا) اسبغ وعكس الكثير من الامور غير الحقيقية

والى تعقيب اخر

[قلب ابيض]

ا جماعة تاخير

انتم اصدقائى واخوانى فى الدنيا دى مش معقول كأنكم عزلتونى عنكم

انا باكتب لكم ومش باعرف اقرا الردود الموقع فى حاجه غريبه مش بيفتح الا المشاركه الاساسيه للموضوع انما كل الردود رؤس اقلام

حد يقولى وده طلبى لاخر مره اعمل ايه ؟ ورجاءا ابعتولى على الخاص عشان اعرف اقرأه

وشكرا للاستاذ عصام المشرف لكن الرابط بيؤدى لنفس الشىء

فى انتظاركم بجد وحشنى المنتدى وعاوزه اعرف الحلول اللى اقترحتوها لمشكله اخوانا اياهم

[somayasaleh]

ا جماعة تاخير

انتم اصدقائى واخوانى فى الدنيا دى مش معقول كأنكم عزلتونى عنكم

انا باكتب لكم ومش باعرف اقرا الردود الموقع فى حاجه غريبه مش بيفتح الا المشاركه الاساسيه للموضوع انما كل الردود رؤس اقلام

حد يقولى وده طلبى لاخر مره اعمل ايه ؟ ورجاءا ابعتولى على الخاص عشان اعرف اقرأه

وشكرا للاستاذ عصام المشرف لكن الرابط بيؤدى لنفس الشىء

فى انتظاركم بجد وحشنى المنتدى وعاوزه اعرف الحلول اللى اقترحتوها لمشكله اخوانا اياهم

الاخت قلب ابيض

في اعلي الصفحه علي الشمال فيه خانة مكتوب عليها اوبشن بالانجليزي طبعا

دوسي بالماوس عليها واختاري طريقة العرض من اسفل.....حتلاقي مكتوب

ملخص

عادي

تدريجي

دوسي علي العادي سوف تظهر لك الصفحة عادية

===========================

اكثري من قراءه القران وخاصة سورة البقرة

علي طول شغليها في البيت في كاست حتي لو انت بره البيت....في السيارة كذلك

مهم جدا اذكار الصباح والمساء

داومي علي النصيحتين دول وان شاء الله كل شيء ح يتغير للافضل

[fatfouta]

ربنا يشفيكى لان انتى بجد حاطة دماغك فى الحاجات دى اوى وكده غلط اوى اوى

ذى ما قالولك كل الاخوة حافظى على الصلاة وقراءة القرآن الكريم واكثرى من سماعه كمان جداااااااا

وربنا يشفيكى

[قلب ابيض]

hاخيرا احبائى ظهرت لى الردود وجزاك الله الف الف خير اخى الفاضل ابو محمد على حلك لمشكله التصفح والتى بدورها قطعتنى عن التواصل مع احبتى واحبائى اعضاء المنتدى الموقر

اما بعد

فأسمحوا لى ان اعقب على مشاركتم الرائعه والتى اثلجت صدرى وان كان لى تحفظ على البعض

بدايه اقسم بالله انها مش مشكلتى الشخصيه ولكنها مشكله لآحب وأقرب انسانه الى قلبى وروحى هى ابنتى ومن اغلى من الضنى؟؟؟

لله الحمد والله اعلم انى دائمه الاستغفار والتسبيح ولدى نفس لوامه ولله الحمد والقران لا ينقطع من بيتى سواء استماع او قراءه ولكن هذا من جانبى ولكن للاسف واكرر للاسف ابنائى الشباب مولعين بالآغانى عافاهم الله وقدرنى على المواصله فى تقويمهم

اما عن صاحبه المشكله فكما ورد فى مشاركه اخى الفاضل سهران وكما اشار للسطور المحدده من قبله بالفعل نفس ماتشعر به مع الفارق انها ليست متزوجه ولم يسبق لها الزواج 000ولذلك خطر على بالى ان يكون احد قام بسحر لها كونها جميله ومرغوبه ولكن لها شخصيه مستقله ومميزه ولاتجارى احد فى مرامه سواء من ارتباط او حتى مجراة الحديث

بنت مصريه اشكر لك نصائحك الغاليه وجزاك الله خيرا عنها

سى السيد بقولك ايه اللى يخاف من العفريت يطلع له مابالك من اللى بيتمناه؟؟؟؟

اووعى لنفسك بقى

الجدار انا اللى اتقى الله ؟؟ الله يسامحك حكمت على انى بوحى للقراء وخايفه يمسحوا المشاركه ؟؟؟؟ده كلام

اكيد كانت دعابه منى لاصدقائى من المنتدى مش اكتر

وبرده شكرا لمرورك

[الجدار]

h

الجدار انا اللى اتقى الله ؟؟ الله يسامحك حكمت على انى بوحى للقراء وخايفه يمسحوا المشاركه ؟؟؟؟ده كلام

اكيد كانت دعابه منى لاصدقائى من المنتدى مش اكتر

وبرده شكرا لمرورك

يا أختي العزيزة

يعني التوبيك من واحدة منهارة ومعنوياتها في الأرض احنا نعرف ازاي ان دي كانت مداعبه ؟؟

انا كان قصدي ان لو ده فعل الجن كانوا لغوا المشاركة من الأساس طالما هما شاطرين كده

ويعلم الله اني ما أردت استهزاء

شكراً لتفهمك الموقف

وربنا يشفي بنتك ان شاء الله

[قلب ابيض]

الله اعلم بس انا روحت قبل كده لحاجة اسمها رقية شرعية هنا في الكويت و كان فيه شيخ و بيقرا قران و بيقرا ايات و سور معينة و كمان و هو بيقرا كان بيعدي علي كل واحد و يقرا القران و يقول ادعية و فعلا فيه واحد اترعش و جسمه اتنفض بس بصراحة ان اظن انه تأثير نفسي و خصوصا اللي قام باين عليه ضعيف بس انا بصراحة مش مصدق لان فعلا حسيت ان جسمي بيتهز بس ده كان من السماعات الكتير و ممكن اللي قام و اتنفض ده يكون اتاثر و افتكر ان في حاجة مسته و قام و اتنفض و خصوصا ان الشيخ ده بيبع زيوت و مياه و حاجات كتير و بيقول انها مقروا عليها قران و انها بتفيد و طبعا الشيخ بيستفيد و بيكسب من الحكاية دي بس بصراحة انا قولت راي لاني بصراحة انا شاكك انه كله تاثير نفسي مش اكتر و الشيخ ده بيعمل كده علشان الفلوس بس ارجع و اقول الله اعلم لاني بجد ما اقدرش احكم بس انا قولت اقول خبرتي في الموضوع ده يمكن تجربتي دي تقدر تساعد حضرتك و ان شاء الله ما يكونش فيه لا مس ولا حاجة

من اجمل الحاجات اللى عرفتها فى الكويت الديوانيات الدينيه بس للاسف هى للرجال فقط ولكن زوجى بيحكى لى الدروس اللى فيها دائما بس غالبا مش تجاريه زى ماحصل معاك

المهم : بالفعل يا اخى محمد الرقيه الشرعيه نتيجتها ماشاء الله وبالفعل جلست صاحبه المشكله تقرأها لمده ساعه ونصف وقد انتابها هى نفسها تلك الرعشه وتوقف نصفها الايسر كما لو كان اصابه الشلل والعياذ بالله ولهذا كان استفسارى عن موضوع المس ّّّّّّّّ!!!

وانا اشغلها على سى دى بمثابه يوم ويوم من باب التحصين واعتقد انه معترف بيها لاهى اقتراء ولاهى دجل

واعتقد ان الموضوع الافضل فيه كما نصح اخ فاضل ممن شاركو "سامحونى لنسيان الاسم " ان الجأ لأهل العلم بذلك من المشايخ او الازهريين وفقنى الله واياكم الى طريق الصواب وكفانى وكفاكم شر الغيب

[قلب ابيض]

h

الجدار انا اللى اتقى الله ؟؟ الله يسامحك حكمت على انى بوحى للقراء وخايفه يمسحوا المشاركه ؟؟؟؟ده كلام

اكيد كانت دعابه منى لاصدقائى من المنتدى مش اكتر

وبرده شكرا لمرورك

يا أختي العزيزة

يعني التوبيك من واحدة منهارة ومعنوياتها في الأرض احنا نعرف ازاي ان دي كانت مداعبه ؟؟

انا كان قصدي ان لو ده فعل الجن كانوا لغوا المشاركة من الأساس طالما هما شاطرين كده

ويعلم الله اني ما أردت استهزاء

شكراً لتفهمك الموقف

وربنا يشفي بنتك ان شاء الله

ماهى دى مشكلتى اللى بحبها انى متفائله جدا وباستمرار

فى عز النكد افتش بأبره على نقطه امل او ابتسامه تدينى باور لتكمله المسيره

يعلم ربنا حملى تقيل أد ايه ومسئولياتى وثقلها

الحمد لله انى لى اصدقء زيكم بيهونوا على

ومره اخيره صافى يالبن

[المهاجر لله]

السلام عليكم قرات موضوعك انك بكي مس وهذا دفعني اني اسجل في المنتدى للرد عليك

انا الحمد لله ارقي من السحر والجن والمس

فارجو التواصل لفهم المشكلة اكثر

وان شاء الله ما في داء الا وله دواء يقينا والله يشفيكي

هذا ايميلي الرجاء التواصل عليه ان شاء الله

نساعدك لوجه الله واحذري لان فيه ناس تعالج بالسحر والدجل وهذا كفر

YOUSEEF_12000@YAHOO.COM

[المهاجر لله]

السلام عليكم ورحمة الله وبركاته

اولا ارجو الله ان يفرج عنا و عن كل مبتلى من المسلمين

والذي دفعني لكتابة هذا الموضوع قرات بالصدفة موضوع لبعض الاخوات انها تعاني من مس جان او سحر

والغريب في الامر ان البعض ظل يتكلم بدون ادني شيء من العلم لا الشرعي ولا الطبي

فانكر ان الجن يستطيع ان يمس الانسان اين كلامه وقد كان ايام النبي من يعاني من ذلك وهذا ثابت في القران والسنة

فكيف ننكر ما هو ثابت

فالنبي نفسه قد سحر وهل السحر الا تسليط جن علي الانس بكلام وطلاسم من الساحر تكون بمثابة الاوامر للجان للتعرض للانسان بالاذي بكافة الوانه وانواعه سواء كان مرض او وجع او مصائب او تخيلات وقد ثبت في الحديث ان الرسول قد رقي بعض الصبيان الذين كان بهم مس من الجن وحديث العجوز التي قالت ادعوا الله لي ان يشفيني فاني اصرع فقال لها ان شئت صبرتي ولكي الجنة قالت نعم فادع الله الا اتكشف

وثبت باجماع اهل السنة وجود الجن واهم مسلطون علي بني الانسان بالوسواس والاغواء وقد يسلطوا علي احد بصفة خاصة بالسحر او المس

قال الله الَّذِينَ يَأْكُلُونَ الرِّبا لا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ}. فبيَّن جل وعلا أن آكل الربا يقوم يوم القيامة وكأنه يتخبط من الجنون بسبب ما مسِّ الشيطان، فدل ذلك على أن مس الشيطان أمر قائم، ولو لم يكن قائمًا ومعروفًا لما صحَّ أن يمثل الله تعالى به؛ لأن التمثيل بغير الموجود لا يقرب المعنى إلى الفهم والذهن، وإنما أراد الله جل وعلا أن يقرب لنا حال آكل الربا عندما يقوم، فذكر لنا أمرًا معلومًا وهو تخبط الشيطان للإنسي في هذه الحالة، فدل ذلك على إثباته شرعًا.

أما إثبات ذلك من جهة النبي - صلى الله عليه وسلم – فقد ثبتت في ذلك آثار عن النبي - صلى الله عليه وسلم – بل ثبت أنه عالج من أصيب بالمس؛ كما أخرجه ابن ماجه في السنن عن النبي - صلى الله عليه وسلم – أنه جاءه عثمان بن أبي العاص – رضي الله عنه – وهو غير عثمان بن عفان الخليفة الراشد، فعثمان بن أبي العاص هو أحد الصحابة الكرام – رضوان الله عليهم – فقال: "لما استعملني رسول الله صلى عليه وسلم على الطائف جعل يعرض لي شيء في صلاتي حتى ما أدري ما أصلي - أي يعرض له الشيطان حتى أصبح يلبس عليه صلاته - فلما رأيت ذلك رحلت إلى رسول الله صلى الله عليه وسلم. فقال صلى الله عليه وسلم: (ابن أبي العاص؟!) فقلت: نعم يا رسول الله. فقال: (ما جاء بك؟) قلت: يا رسول الله؛ عرض لي شيء حتى ما أدري ما أصلي. فقال صلى الله عليه وسلم: (ذاك الشيطان، ادنه) - أي اقترب - فدنوت منه فجلست على صدور قدميه. قال: فضرب صدري بيده وتفل في فمي وقال صلى الله عليه وسلم: (اخرج عدو الله) ففعل ذلك ثلاث مرات، ثم قال: (الحق بعملك).

قال عثمان بن أبي العاص – رضي الله عنه -: فلعمري ما أحسبه خلطني بعد" وهذا إسناد صحيح ثابت عن النبي - صلى الله عليه وسلم -. ومن ذلك أيضًا ما أخرجه الإمام أحمد في المسند عن النبي - صلى الله عليه وسلم – أنه أتته امرأة بابن لها قد أصابه لمم – أي طرف من الجنون - فقال له النبي صلى الله عليه وسلم : (أخرج عدو الله أنا رسول الله). قال : فبرأ بإذن لله عز وجل... الحديث.

وهذه بعض الآثار وهنالك غيرها، والمقصود إثبات ذلك من جهة الكتاب والسنة، فدل ذلك على إثبات المس، فإن أردت معرفة كيفيته فحاصله أن الشيطان قد جعل الله جل وعلا له القدرة على أن يرانا ولا نراه؛ قال تعالى: {إِنَّهُ يَرَاكُمْ هُوَ وَقَبِيلُهُ مِنْ حَيْثُ لا تَرَوْنَهُمْ}، وجعل له القدرة أحيانًا وبتقدير من الله وبإذنه أن يتلبس بالإنسي بحيث ينطق على لسانه وبحيث تخالط روحه نفس الإنسان ويدخل فيه بهذا الاعتبار فيصبح يتصرف ويتحرك ويتكلم والمتكلم والمتصرف إنما هو الشيطان الذي تلبس به؛ فهذا هو حقيقة المس وهذا هو عليه جماهير أئمة الإسلام – عليهم جميعًا رحمات الله تعالى السابغة - . فهذا إيضاح جلي لمعنى المسِّ الذي يقع بأبسط عبارة.

وقد راينا ذلك بام عيوننا فقد صدق الله ورسوله والواقع خير شاهد ودليل

كيف يتكلم المصاب بالجن بلسان غير لسانه وبلغة غير لغته بل وبلغه غير مفهومه وكيف يخبر عن امور لا يعلمها احد

وقولي دائما لمنكري المس لن ترجعوا حتي يدخلوا فيكم فتشهدون علي انفسكم انكم كنتم كاذبين

الله يجفظ جميع المسلمين بل ان من اصابه الجن تقلب حياته راسا علي عقب فالله لهم وكل شيء خلقه بقدر

اما بخصوص الاخت التي عرضت مشكلتها

ارجو بيان الامر وذكر التفاصيل وان شاء الله نساعدك قدر ما اعاننا الله

وابشري بخير يا امة الله

فهو ابتلاء ولا ياتي في الغالب الا لقوة في الايمان

الــمـــــهــــــــــــــــــــــــــاجــــــــــــــــــــــــر

[moheltohamy]

بغض النظر عن اقتناعي بالجن والعفاريت والحاجات دي...

ممكن أستفسر ليه حضرتك ما أضفتش ردك في الموضوع بتاع "بعض الأخوات" اللي بتقول عليه؟!

هل هناك داعي لتكرار فتح أكتر من موضوع كلها تتكلّم عن نفس الشيئ؟! :waf:

[doha]

من ناحية ان في مس من الجن والعياذ بالله طبعا موجود لكن هذا لايعني ان كل فشل او احباط او مشكلة عابرة او تعب نفسي نرجعه للجن والشياطين ..

على كل حال هفترض معاكي جدلا ان بنتك بتعاني من الحكايه دي فعلا وان الي فيها مش تهيؤات او مبالغات او خيالات فترة المراهقة . . هنفرض كده وفي الحاله دي مفيش مشكلة الحل باذن الله موجود برضه .

الجن ده اجمالا زي الفايروس لما بيصيب الجسم باي مرض عضوي .. وبرغم ان الانفلونزا لو اهملنا علاجها ممكن تموت البني آدم فمحدش عمره بيخاف من الانفلونزا ولا يقعد يلطم ويصرخ ويقول الحقوني انا مصاب ولا حتى بيدور على المشايخ والدجالين .. بياخذ العلاج وبيرتاح عشان ميزودش تعبه وبيصبر شويه على مالعلاج يجيب نتيجه ..وفي الآخر بيخف ..

التعامل مع امراض الجن بنفس الطريقة بالظبط ..

اول حاجه انتبهي من انك تروحي لشخص مهما كان سواء شيخ او ساحر .. لان الساحر مبيشيلش يافطه على صدره ويقولك انا ساحر .. ولاتغتري بانه مش بياخذ فلوس .. هو مش هياخذ في الاول لكن هياخذ بعد كده لما تبقي تحت ايده .. طبعا في المجال ده في ناس كتير صادقة وبتعالج لوجه الله فعلا لكن ايه يضمنك ان الشخص الي هتتعاملي معاه هيكون من الناس دي .. اوعي تصدقي الي تقولك تعالي اوديك لفلان مضمون .. لان في ناس للاسف بتتعامل مع السحره عادي وتقولك راجل ثقة وكله بركه .. وعشان اريحك خالص واقفل عليك الباب ده تخيلي لو رحتي لشخص بيتعامل بالسحر واوهمك انه بيعالج بالقرآن او اي طريقة تانيه وبدال مايعالجك راح ابتلاك بسحر تاني اقوى من الي رايحه له عليه ؟ ممكن تحصل ولا لاه ؟ فانتي اجتنبي السكة دي تماما ونهائيا مهما كانت حالة بنتك صعبة وطالما العلاج عندك في البيت وبنفسك متيسر يبقى توكلي على الله وابدئيه بنفسك افضل ..

عارفه الانفلونزا لما بتيجي لحد صحته حلوة غير لما بتيجي لحد ضعيف اصلا .. يعني تلاقي اثنين في بيت واحد ( لقطوا الدور ) من بعض ومع ذلك الاولاني ولا اثر فيه شويه زكام وخلاص والثاني راقد في السرير مش قادر يتحرك والم لا يطاق في جسمه كله .. مع ان الفايروس واحد .. لكن القوة البدنية في الاول ساعدته بينما ( ضعف ) الثاني ساعد ضده ..

فاول خطوة في العلاج ان الشخص المصاب يقوي الناحية الروحية عنده .. لان الجن بيصيب الروح او النفس زي بالظبط الانفلونزا مابتصيب الجسد .. وطالما الجسم جامد فمش بيتاثر كتير يبقى الروح ( الجامده ) مش هتتأثر برضه .. هتقوي روح بنتك او نفسك بقراءة القرآن كتير والصلاة في مواعيدها على قدر ماتقدري . تقدري تسمعي اغاني براحتك بس خلي بالك ده هيضعف الروح عندك يعني بالظبط زي واحد عنده برد وقام طالع يتمشى والدنيا بتشتي اكيد هيزيد عليه الدور .. يبقى الصح يقول ان خلي التمشية في الشتا لوقت تكون فيه سليم اما وقت العلاج يفضل انك تمنع كل مايزيد الطين بله لغايه ماتخف خالص عشان تختصر على نفسك الوقت ..

ثاني خطوة هتاخذي الانتي بيوتك .. شغلي سورة البقرة اربعه وعشرين ساعه في البيت .. وطبعا لما تقرايها بنفسك او تقرأيها على المصاب بيكون الاثر احسن .. لما تقرأيها لازم تكوني مركزه وتحاولي تتفكري في الكلام الي بقرأيه .. لما تركزي هتجبري شيطانك يركز معاكي وده هيضايقه فوق عن ان فيها تذكير ووعيد وتنبيه واقناع بالعقل والمنطق ان يامخلوق اتقي الله ولا تؤذي البني آدم الي ربنا محرم عليك ايذاؤه .. السورة مليانه عظه وعبرة وفعلا لو قريتيها بتركيز هتفرق معاكي كتير .. طبعا محتاج تقرايها يوميا لمده في الاول قد تكون صعبه عليك بالظبط زي الي بيلعب جيم اول يوم بينهد حيله ويقول مش هكمل لكن بعد كده بتبقى سهله بل وراحه كبيرة برضه زي الجيم الي بيبدأه مبيقدرش يستغنى عنه وسبحان الله بعد ماكان حصة الرياضه الواحد بيرجع بعدها مقتول من التعب تلاقي نفسك ومع التعود بتحسي بنشاط رهيب بعدها ومتقدريش تبدئي يومك من غير اكسرسايز ..

ثالث حاجه هي النظافة والطهارة .. يعني الجن والشياطين اعاذنا الله من شرهم عاشقين للقذارة .. فالشخص الي مش بيستحم او مش بيحافظ على الغسل من الجنابة او اي عذر شرعي بالذات ده كأنه بيقولهم هلموا تعالوا بيتكم ومطرحكم .. طول مالواحد متوضي لايستطيع ان يصل اليه شيطان او ييؤذيه باي صورة وطول ماهو ( نجس ) فمن العبث انه يحاول يطرد الشيطان فضلا عن انه يتخلص منه ..

نفس الشي البيت النظيف بيجيب الخير والبركه والبيت القذر والعياذ بالله بيبقى مأوى للجن والشياطين ..

اهتمي اوي بنظافتها ونظافة المكان حواليها والاهم عوديها تجدد وضوئها دائما خاصه قبل النوم ..

الجن بيتمكن من الانسان في اوقات ضعفه فالاحسن ان الشخص الي بيعاني من المشكلة دي ميغضبش اوي او ميزعلش اوي وبرضه ميسكرش وميشربش مخدرات لان في الفترات دي الانسان بيفقد عقله لو جزئيا وهنا بتكون فرصة الجن اكبر للسيطرة عليه والتحكم في تصرفاته .. وعشان كده هتلاقي الناس المدمنين عرضه اكتر من غيرهم لاعراض المس والانصراف عن عباده ربنا لان الشيطان بيتمكن منهم اسهل من غيرهم ..

برضه اوقات النوم من الاوقات الي سهل على الجن يتحكم فيها بالانسان عشان كده زي ماقلت لا زم تنام على طهارة وبرضه تحصن نفسها بالاذكار قبل النوم .. المعوذتين وقل هو الله احد . الآيتين الاخيرتين من سورة البقرة , آية الكرسي , ودعاء النوم .. الهم اني اسلمت نفسي اليك ووجهت وجهي اليك وفوضت امري اليك رغبة ورهبة اليك لا ملجأ ولا منجا منك الا اليك امنت بكتابك الذي انزلت وبنبيك الذي ارسلت .. وبس على كده .. لو مش حافظه الدعاء مش مهم تدعي باي حاجه بالمعنى وهو ان يارب انا هنام واحفظني الى ان استيقظ .. تستشعر المعاني دي وهي بتدعي خاصه اية الكرسي الي فيها تذكير بعظمه ربنا سبحانه وتعالى ومعتقدش ان اي مخلوق انس كان او جان يسمع الآية دي ويستجري يكسر نواميس الكون ويعتدي على حرمة انسان نايم ..

ممكن ترقي بنتك لو هي مش من النوع المحافظ اوي على صلاتها او اعمالها الروحانية .. هاتي كتيب اذكار من الي فيه رقية المس والسحر وماشابه .. هتتوضي وهتقراي عليها البقرة وتمسحي على راسها وانتي بتقرأي .. مهم اوي انك تكوني متدبرة لكل آية بتقرأيها .. وبرضه هينفعها اوي لو ركزت معاكي في الي بتقوليه .. اقرأي عليها الاذكار وايات الفك وماشابه وحاولي تخاطبي مافيها بالحسنى .. يعني كأنك بتسمعيهم كلام ربنا .. طبعا ميكونش نيتك ابدا وانتي بتقرأي ان تعذبي حد فيهم او تؤذيه بالقراءة لان لو وجد فيها شيء فاكيد هو بيتعذب او بيتألم بالقراءة دي ( على حسب كلام المتخصيين في المجال ده ) فمتكونش نيتك اللعب او الاذية لهم انما اقناعهم بالتي هي احسن ان الي بيعملوه ده غلط والاهم انك بتعالجي بنتك .. طبعا وانتي بترقيها بايدك عماله تسحبي منها طاقة سلبية وهي بتاخذ منك طاقة ايجابية .. فكل ماكان ايمانك انتي قوي وبتقرأي قرآن كتير وماشابه هتكون طاقتك اكبر فهتجيبي معاها نتيجه افضل وكل ماكانت هي ايمانها ضعيف او مشكلتها كبيرة يعني عندها سحر جامد لاقدر الله مش مجرد حسد مثلا او حاجه عابرة كل ماهتتعبي انتي وهتحسي بوهن او الام احيانا .. بسيطه اذا لقيتي الوضع كده فاقرأي لنفسك كتير وحصني نفسك اكتر وبرضه هتجيبي معاها نتيجه في الآخر باذن الله ..

طبيعي جدا مع بداية العلاج ان تحصل ردة فعل عكسية وتبدأ الاعراض تزيد عليها او تحصل لها مشاكل مكانتش موجوده .. ده مؤشر على قرب الشفاء .. بالظبط زي الي عنده برد ويقولوا له متاكلش سمك لانه ( بيفش ) البرد .. يعني بيظهر اعراضه اكتر لكن بتكون النتيجه ان بتخفي من البرد اسرع لو اكلتي سمك .. جربيها ..

طبيعي جدا ان الجن المستولي على جسد مش عاوز يفرط فيه بالساهل .. فطبيعي ان مع بدايه العلاج قد يظهر في حلم او يوسوس ويهدد ويتوعد ان هينتقم وان وان . . طبعا كل ده مش صحيح لان الجن اساسا اضعف من البني آدم وبيحرق بذكر الله . .فاذا ساورتك اي وساوس من النوع ده تاكدي ان التهديد حجة الضعيف وان لولا شعور الشيطان بانك هتبقي اقوى مكانش كلف نفسه وهدد وان الي في ايده شيء مبيهددش بيعمل على طول ..

داومي على العلاج البسيط ده واهم شيء ان تكون قناعتك من الداخل انك بتستنجدي بربنا الي هو اقوى من اي شيء في الكون .. وانك بتسعيذي من الجن بخالقة يعني انتي في حصن وامان لانك لجأتي للي يقدر ينجدك فعلا .. بس اهم حاجه تكوني قريبة من ربنا وتقربي منه اكتر عشان يغيثك اسرع وابكر ..

وطبعا زي مالاانفلونزا مش بتخف في يوم وليلة فبرضه الامراض الروحية مش هتتعالج في يوم وليلة لكن اكيد زي مامريض الانلونزا بيرتاح اوي لما ياخذ العلاج وبيصبره ده على مايخف فبرضه ابدئي باسرع وقت في رقيتها وعلاجها ( بنفسك ) اقل مافيها هترتاح شويه وفي النهايه الشفاء مضمون باذن الله طالما انك داومتي على العلاج .. شوية وقت وصبر وباذن الله هيبقى الي فيها ذكرى ملهاش اثر ..

ش

وربنا معاك ويعينك ونسمع منك الاخبار الكويسه ..

[الجدار]

طيب بما أن الحوار دخل في تفسير الآيات والأحاديث اسمحولي احط مقال منقول من منتدى تاني

من المس

بقلم: بسام جرار

جاء في الآية 275 من سورة البقرة:" الذين يأكلون الربا لا يقومون إلا كما يقوم الذي يتخبطه الشيطان من المس ".

لسنا هنا في مقام تفسير الآية الكريمة، ولسنا في مقام مناقشة القول بأنّ الشيطان من مسببات الجنون، ولكننا في مقام التأكيد على أنّ الآية الكريمة لا تصلح دليلاً لمن يقول بأنّ المس ناتج عن فعل الشيطان. وقد دعانا إلى هذا ما رأيناه من مساجلات بين القائلين بانحصار تأثير الشيطان في الوسوسة- مستندين في ذلك إلى ما ورد في الآية 22 من سورة إبراهيم: " وقال الشيطان... وما كان لي عليكم من سلطان إلا أن دعوتكم فاستجبتم لي.." - والقائلين بأنّ له تأثيراً يتعدى الوسوسة، مستندين إلى هذه الآية وأدلة أخرى.

عندما تقول: "مات فلانٌ من العطش"، فإنك تقصد أن تقول إنّ العطش كان مسبباً للموت، أي أنّ العطش مقدمة والموت نتيجة، وهذا كما ترى في غاية الوضوح. فإذا أعدنا النظر في فهم الآية الكريمة على ضوء هذا الكلام، يتضح لنا أنّ المس مقدمة والتخبط نتيجة، انظر قوله تعالى:"يتخبطه الشيطان من المس"، أي يتخبطه الشيطان بسبب ما به من مس.

فالتخبط إذن مسبوق بالمس. من هنا لا يكون الشيطان فاعلاً للمس ولكن فاعلاً للتخبط، والذي هو سير على غير هدى ومن غير اتزان. وعندما تضعف الضوابط العقلية يسهل على القوى الشيطانية أن تتخبط الإنسان وتجعله يسير على غير هدى، سواء كانت هذه القوى الشريرة من الجِنّة أو من الناس. وكلما قوي العقل وانتشر العلم والوعي الحقيقيان كلما زادت المناعة ضد تلاعب القوى الشريرة في الفرد أو الجماعة أو المجتمع. وإذا كانت التقوى ضمانة وحصانة من التخبط فإنّ الوعي والعلم وسلامة العقل ضمانة أخرى، بل إنّ التقي الجاهل عُرضة لتلاعب أهل الشر به من جهة جهله لا من جهة تقواه.

أعتقد رد مفحم ومش محتاج كلام تاني

[المهاجر لله]

السلام عليكم الاخ المشرف الله يغفر له طبعا كعادة جميع المنتديات تحكم بدون مراجعة صاحب الموضوع

اما اخي كلامي فلم يكن ردا بل عنيت به موضوعا غفر الله لك

ثانيا انا افرت له موضوع لبيان اثبات بالدليل الشرعي علي وجود الجن ومدى تسلطهم علي الانس اما كونك تقتنه او لا فهذا لا يعنيني

لان حسابك عند ربك وهذا من مسلمات العقيدة لمن كان يعرف عقيدته طبعا انا لا اتهمك بالجهل فكل منا قد تخفي عليه اشياء ويعلم اخري لكن الداهية تكون عند تعمد الجهل او ما يسمي بالجهل المركب

فالله المستعان

تعقيب اخر اكثر الردود طبعا بعد شكر حسن نية الاعضاء تنم عن عدم فقه شرعي للمسالة واكثرها كلام متخبط واحد يقول نقفل الباب واخر يقول لا مشايخ ولا دجالين

ولو عرفوا الشرع وضوابطه في هذه المسالة لعرفنا ان شرعنا كامل بكمال الله

شرط الرقية كما ذكرها العلماء سلفا وخلفا

ان تكون باللغة العربية او بلغة مفهومة لان الغير مفهومه عبارة عن طلاسم

ان تكون بصوت مسموع بدون ان يكون فيها همس لان الهمس قد يكون سحرا وانت لا تسمع

ان تكون من كتاب الله وسنة نبيه والدعوات الصالحات

لا يعتقد المريض في ذات الشخص المعالج وانما الشافي هو الله

طبعا بعد هذه الشروط وياتي شخص ويقول نقفل باب الرقية لانه ممكن يكون ساحر

لقد حجرت واسعا يا هذا

قال النبي عن بعض الناس لما افتوا رجلا بشي قتله .قتلوه قتلهم الله انما شفاء العي السؤال هل سالوا اذ لم يعلموا

العي المقصود به الجهل

فالله المستعان

[قلب ابيض]

الاخت الفاضله ضحا جزاك الله الف خير عن مشاركتك القيمه جدا والتى افادتنى خير افاده وانا بالفعل قمت بما تفضلتى وسردتيه بل ولله الحمد ان ابنتى فى تحسن ولكن بطىء ولكن بفضل الله اولا بعد العسر يسر ان شاء الرحمن

الفاضل المهاجر لله : اتمنى يمن الله علينا بالشفاء التام واشكرلك كل ماقدمت وابديت استعدادك بتقديمه والموضوع فعلا اعتبره تم ثقله بمشاركتك انت والاخوه الافاضل وبخاصه الاخت ضحا والاخوه الافاضل الذين شرفونى بأرائهم المفيده

مع تحفظى لبعض المشاركات

اشكركم جميعا