للمقيمين في جدة

[سماسعد]

:) السلام عليكم ورحمة الله وبركاته :lol:

انا زوجي جاله فرصه للنقل علي كفيل جديد

الراتب 2750 وهيديله 12000 بدل سكن والعمل هيكون في جده

وطبعا احنا عوائل وبسمع ان تكاليف المعيش عاليه قوي

واحنا لسة شباب في بدايه حياتنا

هل هنقدر نلاقي سكن ببدل السكن ده ولا هندفع عليه

بس احنا مشجعين جده لانها قريبه من مكة

لكني خايفه نتنقل ونلاقي نفسنا يدوب علي قد السكن و تكاليف المعيشه

هو ممكن يرووح ابها علي نفس الكفيل

تنصحوني بأيه جده ولا ابها احسن لان تكاليف المعيشه فيها اقل

:lol: ولكم مني كل تقدير :lol:

[سهل جدا]

تنصحوني بأيه جده ولا ابها احسن لان تكاليف المعيشه فيها اقل

ولكم مني كل تقدير

بالنسبة لأبها ما اعرفش أفيدك بصراحة أختي سما

بس بالنسبة لجدة فمميزاتها كثيرة منها:

1- القرب من الحرم المكي , يعني ممكن كل أسبوع مثلا تروحي انتي وزوج حضرتك تصلوا في الحرم أو تعملوا عمرة

2- الجو معتدل طول العام, تقريبا مافيش برد خالص

3- انتشار مطاعم (البيك) في كل مكان :)

بالنسبة للإيجار في جدة فهناك تفاوت كبير في الأسعار , حسب المنطقة

الشمال غير الجنوب

بس عموما 15 ألف ريال في السنة يجيبو ساكن لا بأس به غرفتين وصالة ومطبخ وحمام..

وعموما الأخ الفاضل أو زو زو ممكن يفيد حضرتك أكثر

لأن هو ساكن في جدة وأبها في نفس الوقت مش عارف ازاي , بس هو كاتب كده في الملف بتاعه

ونسأل الله الكريم أن يقدر لكي ولزوجك الخير حيث كان

[capitshino]

[

2- الجو معتدل طول العام, تقريبا مافيش برد خالص

ونسأل الله الكريم أن يقدر لكي ولزوجك الخير حيث كان</div>

جو ايه يا عم سهل اللى معتدل فى جدة .. الجو فى جدة سئ جدا حيث الحرارة الشديدة والرطوبة العالية

بالنسبة لبدل السكن ممكن تلاقو سكن مناسب بس هيكون بعيد شوية عن ويط المدينة..

انما حضرتك شايفة ان المرتب ده كويس؟؟؟

بالنسبة للقرب من الحرم فدى احسن حاجة فى جدة

ربنا يوفقكم

[ابو سامى المصرى]

الاخت الفاضلة سما سعد

انا مقيم بجدة بالنسبة لموضوع بدل السكن 12000 ريال هو يدوب يكفى عشان تاخدو شقة غرفتين بمنافعها وممكن يكفيش كمان لان السكن هنا وصل 14000 ريال كحد ادنى لكن ممكن تلاقة ب 12000 ريال ودة طبعا فى بعض الاماكن فى جدة زى حى بنى مالك وحى الصفا وممكن السلامة ودة بيتوقف على مكن شغل زوجك اما بالنسبة للراتب 2750 هو طبعا بالنسبة لمعدل الرواتب يعتبر اقل من عادى

ممكن توضحى وظيفتة اية ولة فى اطفال ولا لأ عشان اقدر اقولك ممكن يلاقى رواتب نقل كفالة كام وتكاليف المعيشة الشهرية تقريبا كام

وشكرا

ابو سامى المصرى

[بندق أفندى]

انا كنت مقيم فى جدة حتى وقت قريب .. وأرجح الذهاب اليها بدلا من أبهى حتى لو كانت التكلفة أعلى من أبها .. على أن تكون هناك خطة للتطور والبحث عن فرصة افضل وكذلك على أن يشترط على الكفيل الجديد انه فى حال الرغبة يوافق على النقل الى كفيل آخر وتكون مكتوبة .. وموقعة ومن صورتين ويحتفظ بنسخة منها ..

أبها جوها جميل فى الصيف وبارد فى الشتاء وبها فرصة للتوفير لكن لا طموح ولا فرص جيدة هناك .. أول ما هينزل جدة هيتكشف انه ال 2750 ريال كلام فاضى .. ويمكن الضغط على الكفيل لجعلها 3000 على الأقل .. أعتقد انه محاسب وهذا الرقم قليل .. أما لو كان فى المبيعات وهناك عمولة فالرقم جيد .. وربما يوفقكم

[سماسعد]

اشكركم علي معلوماتكم المفيدة

وجزاكم الله خيرا

انا زوجي يعمل فني بصريات وبائع للنظارات

الميزة الوحيده لجده بلنسبه لنا هيا قربها من الحرم

هو الراتب قليل بس اهم حاجه البركه

هنا في الرياض دخلنا اعلي بس سبحان الله مفيش بركة

بلنسبه اننا نشوف عقد تاني بعد فترة

لا لاننا عايزين نستقر ونتمني من الله انها تكون اخر مرة ننقل فيها

واحنا عندنا طفل وحامل وبولد قيصري

انا بسالكم لاننا خايفين نتنقل ونلاقي تكاليف المعيشه عاليه علينا

ومش هنعرف نوفر حاجه

B) وجزاكم الله خيراااااا :lol:

[Amr Radwan]

الجو في جدة فعلا ممتاز معظم شهور السنة ماعدا اشهر الصيف بتكون حر و رطوبة شديدة في بعض الايام .. بس طبعا مكيف السيارة و مكيف المنزل و مكيف العمل يكفي B)

اما بالنسبة للسكن فممكن تلاقو سكن في حدود 12000 ريال بس يعني ممكن يكون بناية قديمة و بعيدة شوية .

الراتب ده قليل جدا جدا و خاصة ان الحياة في جدة مليئة بالمحافل .. يعني اي خروجة برا البيت هتكلف ..

و ممكن تقعدو سنة في العقد الجديد لحد الحج و بعد كده تشوفو عقد تاني في جدة برده ..

ادعو لكم بالتوفيق

تم تعديل 9 مارس 2009 بواسطة Amr Radwan

[بندق أفندى]

شركات النظارات والبصريات فى جدة كثيرة .. وأعتقد الراتب ضعيف لولا انه يكون هناك عمولة تسند القصة ..

جدة ليست بلد توفير .. فيها ونس وضيوف رايحين وضيوف جايين حجاج ومعتمرين .. وحضرتك تعرفى الباقى

المهم يكون فيه تأمين صحى محترم يغطى كل شئ .. وبالنسبة للاستقار نادرا ما يحصل أحدهم على تعديل جيد فى الراتب اذا لم ينتقل من مكان لمكان

[سماسعد]

اشكركم علي معلوماتكم المفيده

ولكن نقل الكفاله مش سهل ومش هينفع ننقل تاني

احنا عايزين نستقر في شركه واحده

والله انا عايزاها بس علشان قربها من الحرم

لكن مش عايزين نورط نفسنا في عقد ويطلع مش مجزي

خصوصا ان الكفيل الجديد مش راضي علي التأمين االشامل للعائلة

وبيقول التامين للزوج فقط

[Amr Radwan]

موضوع التامين في السعودية او دول الخليخ من الحالجات الاساسية اللي لا غني عنها و لا تنازل ..

اختي الكريمة .. التامين الصحي هنا ضرووووووووووووووورة ضروووووورررررررررررة فكري كده .. لا قدر الله .. تعبتي فجأة و محتاجة عملية و خاصة ان مرتب زوجك الكريم صغير .. اية اللي هيحصل ؟؟

افضل لو الكفيل مش هيامن علي حضرتك .. خلي الكفيل يدفع التامين ليكي و زوجك يدفعه كاقساط من المرتب و اتوقع ان القسط لن يزيد عن 170 ريال شهر

و انا عارف ان موضوع نقل الكفالة و الانتقال مكلف و لكن انصحكم بعدم التسرع في القرار ..

ربنا ييسر لك الخير و يبارك لكم و يبارك فيكم .. اعملوا صلاة استخارة و ان شاء الله خير ..

[ozoozo]

لا باعم سهل انا كنت في جده وبعدين غضبوا عليا قالك ننقله اسوان وبعدين اكتشفوا ان مفيش اسوان في السعوديه قاللك يبقي مفيش غير ابها يهيص هناك مع القرود

بالنسبه للمرتب ده بلاش جده بلاش جده بلاش جده بلاش جده