عودة لانسلوت.

[Lancelot]

مين الناس ديه ..

لا بجد .. مين الناس ديه ..

كده برضه .. أسيب المنتدي 3 سنين .. أرجع ألاقي ناس جديدة .. بتتكلم عن الأمل وعايز تحل مشاكل ومصر المارد النائم و الكلام الفارغ ده كله .. مين إدارة المنتدي علشان تفهم الناس إن موضوع الأمل ده مش نافع .. تختصر عليهم الطريق اللي إحنا مشيناه ..

لسه فيه ناس جديدة كده .. بتجيب أفكار جديدة وبتناقش ..

أهلا بيكم .. (ديه بس محاولتي اليائسة إني أؤسس أقدميتي) ..

وبعدين السادة في إدارة المنتدي ... هو علشان أغيب تلات سنين يبقي خلاص كأني مش موجود ... تشيلوني من الإدارة بالسهل كده .. ولا علشان غيرت تليفوني ووظيفتي وإيملاتي وعنواني والبلد اللي أنا عايش فيها .. يبقي خلاص تقولوا مش هيرجع تاني .. القانون بيقول أربع سنين يا أستاذة .. أربع سنين قبل ما أكون مفقود قانونيا .. ولا القانون ملوش إعتبار علي الإنترنت ..

وبعدين هو أنا رحت فين يعني .. ده هم 10 ألاف كيلو و 21 ساعة طيران و أقل شوية من 36 شهر من الإنقطاع عن الكتابة ... وبعدين أنا كنت بأدخل كل ستة شهور مرة ... وبأقرأ من بعيد لبعيد (قصدي من قريب لقريب) كل شهرين علي الأقل ..

بس من فترة .. خلاص مش قادر ... أنا عارف إن الكلام مش بيأثر ... بس بينفس عن الضغط شوية .. الإنتخابات خلصت وأوباما كسب (قصة طويلة) .. وماعدش فيه حاجة تتفرج عليها في التلفزيون .. والضغط بيزيد .. شوية تنفيس بقوا مطلوبين .. أوامر الدكتور ..

بس قبل الرجوع .. اللي ما أوعدش بيه .. يمكن ديه بس تبقي نزوة سريعة لأن الساعة دلوقتي إتنين ونص الصبح بعد يوم طويل من السماع لهيكل ومشاهدة مني الشاذلي وحمدي قنديل وغيرهم ..

قبل الرجوع .. لازم أعمل الواجب ..

أنا عرفت متأخر .. وعارف إنه مش عذر .. لكن أسف ..

الأفاكاتو وإخناتون .. أساتذتي .. ربنا برحمكم يتقبلكم في فسيح جناته .. هتوحشونا كلنا ..

أما إنتم ... س س .. إبن مصر .. أستاذ عادل .. فيروز .. وليد .. سكوربيون .. كلكم جميعا يا أهل المحاورات .. رفقاء الكفاح الإنترنتي والمناقشة الهادفة والتافهة وإجتماعات جنينة مول .. بدون ذكر أسماء علشان ما أنساش حد ...

وحشتــــــــــــــــــــــــــــــــــــــــــــــــــــــــــــــــــــــــوني ..

[se_ Elsyed]

شكلك روحت أستراليا يا كنجرو .. قصدي يا نُصه ؟

[عصام]

ألف حمد لله على السلامة يا معلمى

ما تغيبش علينا تانى B)

رفيق الكفاح المحاوراتى

عصام

عصام شوقى من فترة

Esso The Great سااااابقا

:lol:

[Lancelot]

كنكا يا معلم س س ... كنكا .. لما البرد كسر عضامي خلاص

إسو حبيبي ... إزيك يا معلم .. والله واحشني كلكم جدا جدا

فين باقي الناس .. إظهر وبان عليك الأمان

[se_ Elsyed]

كندا !!!

خلينا نشوفك بقى في باب كندا ..

إيه اللي عمل فيك كده يا بني ؟

بقى من عباس العقاد والسفارات ومشاريب جنينه مول والسنكحة ومعاكسة البنات - قبل ما يسموها تحرش - في مكرم عبيد إلى حيث الثلوج والجليد والآيس كريم ...

معليش يا لنس .. شدة وتزول

[الباشمهندس ياسر]

حمدا لله ع السلامة

انت فين يا عم السندباد من بدرى

طب تصدق يا راجل..كنت بدخل اقلب ف المواضيع القديمة و اقول الناس دى راحت فين

عموما اول الغيث قطرة... عقبال كليو كمان و بقيت الناس الكويسة

شرفت مكانك و نورت يا غالى

[أسد]

لانس

حمد لله على سلامتك ..

نورت ..

في انتظار تحكي لنا عن السنوات الثلاث دي حصل فيها ايه

ربنا يوفقك

[somayasaleh]

حمد لله علي السلامة استاذ لانسلوت

من الواضح ان حضرتك لك شعبية كبيره في المحاورات.....

بدليل ان طقم الاشراف بنفسه بيرحب بك..... :P

في انتظار حضرتك في قسم كنكا.........كندا سابقا

[MoHaMMeD EgYpT]

اهلا بالBiG BoSs معنا تاني :lol:

هو بصراحة ما اعرفش حضرتك بس بدام س س و الاستاذة الافاضل كلهم رحبوا بحضرتك يبقي انا كمان لازم اقوم بالواجب معاك :P

[أبو محمد]

عدت والعود أحمد يا لانسلوت

أعتقد إنى انضميت للمحاورات فى الوقت اللى كنت بتحضر فيه شُـنَطك .. عشان كده لم يسعدنى الحظ بالحوار معك فى أى موضوع .. الجايات أكتر من الرايحات بإذن الله

على العموم أنا فاكر إنى اتكلمت مع عصام مرة عن "سيف لانسلوت" .. عندما كنا نتكلم عن كاميلوت وفرسان المائدة المستديرة ..

"المحاورات" نوَّرت برجوعك :lol:

[osmel33]

يا مراحب يا مراحب بالعضو القديم أنا قريت عنك وليك كتير فى المحاورات

والكل بصراحة كان بيشكر فى تفاعلك وشغلك فى المحاورات

ونرجوا أنك ما تغيبش تاني عن المحاورات لأن هنا هو بيت المصريين

واللى مش مصريين كمان عشان ما نزعلش حد مننا

وأخيراً عوداٌ أحمد لانسيلوت

[فــيــروز]

سبحان الله :)

بقالى فتره مش باعرف أدخل المحاورات و النهارده بس عرفت أدخل من غير مشاكل لأفاجأ بالموضوع الجميل ده

حمدلله على السلامه يا رفيق أخبار "الأوسكار" إيه ..

أيوه يا عم دلوقت هتشوف الأفلام طازه بطازه -على رأى "ملك الجمل" فى مسرحية "سكّة السلامه"- و هنحتاج نستنّى بالشهور قبل ما نعرف نناقشك فيها :lol:

مرحبا بك يا "لانس" و شكرا على تذكرتنا بالأيام الحلوه .. wst::

[Modest]

يااااااااااااااااااه .. حمد الله على السلامة يا لانس :)

أنا قلت كان وشي وحش عليك (أو على المحاورات ) علشان إنت اختفيت بعد ما إتقابلنا مباشرةً wst::

أتمنى ماتكونش زيارة واحدة كل فين و فين و أدي وش الضيف زي واحد صاحبنا لا داعي لذكر إسمه (موديست) اللي مختفي بقالُه فترة بالرغم من حبه الشديد للمحاورات و أهل المحاورات :wub:

[محمود تركى]

مين الناس ديه ..

لا بجد .. مين الناس ديه ..

كده برضه .. أسيب المنتدي 3 سنين .. أرجع ألاقي ناس جديدة .. بتتكلم عن الأمل وعايز تحل مشاكل ومصر المارد النائم و الكلام الفارغ ده كله .. مين إدارة المنتدي علشان تفهم الناس إن موضوع الأمل ده مش نافع .. تختصر عليهم الطريق اللي إحنا مشيناه ..

لسه فيه ناس جديدة كده .. بتجيب أفكار جديدة وبتناقش ..

أهلا بيكم .. (ديه بس محاولتي اليائسة إني أؤسس أقدميتي) ..

وبعدين السادة في إدارة المنتدي ... هو علشان أغيب تلات سنين يبقي خلاص كأني مش موجود ... تشيلوني من الإدارة بالسهل كده .. ولا علشان غيرت تليفوني ووظيفتي وإيملاتي وعنواني والبلد اللي أنا عايش فيها .. يبقي خلاص تقولوا مش هيرجع تاني .. القانون بيقول أربع سنين يا أستاذة .. أربع سنين قبل ما أكون مفقود قانونيا .. ولا القانون ملوش إعتبار علي الإنترنت ..

وبعدين هو أنا رحت فين يعني .. ده هم 10 ألاف كيلو و 21 ساعة طيران و أقل شوية من 36 شهر من الإنقطاع عن الكتابة ... وبعدين أنا كنت بأدخل كل ستة شهور مرة ... وبأقرأ من بعيد لبعيد (قصدي من قريب لقريب) كل شهرين علي الأقل ..

بس من فترة .. خلاص مش قادر ... أنا عارف إن الكلام مش بيأثر ... بس بينفس عن الضغط شوية .. الإنتخابات خلصت وأوباما كسب (قصة طويلة) .. وماعدش فيه حاجة تتفرج عليها في التلفزيون .. والضغط بيزيد .. شوية تنفيس بقوا مطلوبين .. أوامر الدكتور ..

بس قبل الرجوع .. اللي ما أوعدش بيه .. يمكن ديه بس تبقي نزوة سريعة لأن الساعة دلوقتي إتنين ونص الصبح بعد يوم طويل من السماع لهيكل ومشاهدة مني الشاذلي وحمدي قنديل وغيرهم ..

قبل الرجوع .. لازم أعمل الواجب ..

أنا عرفت متأخر .. وعارف إنه مش عذر .. لكن أسف ..

الأفاكاتو وإخناتون .. أساتذتي .. ربنا برحمكم يتقبلكم في فسيح جناته .. هتوحشونا كلنا ..

أما إنتم ... س س .. إبن مصر .. أستاذ عادل .. فيروز .. وليد .. سكوربيون .. كلكم جميعا يا أهل المحاورات .. رفقاء الكفاح الإنترنتي والمناقشة الهادفة والتافهة وإجتماعات جنينة مول .. بدون ذكر أسماء علشان ما أنساش حد ...

وحشتــــــــــــــــــــــــــــــــــــــــــــــــــــــــــــــــــــــــوني ..

عزيزى الأستاذ لانسلوت,

أتذكر مشاركتكم مع المرحوم الأفوكاتو فى بعض الموضوعات القانونية الخفيفة, و التى كانت تتضمن بعض القضايا الإفتراضية , و حلولها.

و أتذكر أنه كان لك باع فى أكثر الحلول.

مرحبا بالعودة.

نقبل أسمى التحيات.

[Lancelot]

شكرا لكم جميعا واحد واحد بالإسم ...

مفتقدكم كلكم جميعا ... ومنتظر الحوارات النارية ترجع تاني

[صفاء]

والله يعنىىىىىىىى

الحقيقة يعنىىىىىىىىىىى

انا كمان كنت غايبه من سنتين تلاته كده ولسه راجعه قريب بس مش فاكراك قوى لكن على أية حال وخدلى بالك من أية دى ... حمد الله عالسلامة يا عرب

[Salwa]

الف حمدلله على السلامة يافارس الفرسان ..

اشرقت الانوار كلها ..

يارب تكون بخير ويكون الغياب ده له اسبابه المقنعة .

مطلوب وعد بالتواجد الدائم ..

ايه اخبار التفاؤل ؟؟ ..يارب يكون ملازمك زى زمان ..

نورت بيتك بجد ...ده اسعد خبر الاسبوع ده .

[Lancelot]

صفاء وماما سلوي

مبسوط جدا برجوعي

ومبسوط أكتر بتحياتكم الرقيقة

التفاؤل .. مش زي زمان

بس أدينا شغالين في الموضوع ده إن شاء الله

:happy:

[وليد صفوت]

سلامات يا لانس

أخبارك ايه يا راجل واحشنى :happy:

اتمنى تكون بخير يا عمور و بتكافح زيى كده عشان ناخد مكان وسط الغابــ... قصدى الحياة العملية :lol:

تم تعديل 15 مارس 2009 بواسطة وليد صفوت

[Lancelot]

وليد .. إزيك يا كينج .. واحشني والله يا راجل

إيه أنا مش شايف ليك كتابات كتيرة ليه ..

ولا أنا اللي ما قرأتش كفاية

مبسوط إني سمعت منك يا وليد والله

فين إبن مصر أحمد محمود .. إظهر وبأن عليك الأمان يا أبو حميد