كحة الامتحانات

[impossible]

كحة الامتحانات

مش عارفة ابدا الموضوع ازاى بس .........................

ايام الامتحانات او قبل الامتحانات باسبوعين تلاتة ديما يبقى عندى كحة فزيعة فزيعة

وانا بقى فى اللجنة بكون جبت اخرى

الامتحانات اى امتحان وبنمتحن على ابع مرات اعمال سنة وشفوى وعملى وتحريرى

يعنى من شهر 11 لشهر 6 على فترات متقطعة

وعلى حسب اهمية الامتحان بتبقى فية اعراض تانية

يعنى او المادة تقيلة تبقى كمان معدتى و ظهرى وعنيااااااااا

بس الحمد للة مبيجيليش ارق انا بس امسك الكتاب وارووووووووح فى سابع نوووووووووومة

طيب قلنا بنرتاح فى الاجازة طلعلى امتحانات الدور التانى فى شهر 9 يوم 13 هو نحس

وبدات حالة الكحة من كام يوم

صيف شتا مش فارقة وخد عندك تعليقات تجيب الفرسة

متغير الصنف يا اسطى(على اخر الزمن بقى يتقالى اسطى)

سارس دخل مصر يا رجالة( بعد الشر عليا ان شاللة اللى فى بالى)

ومرة قاعدة مع قرايبنا خلاص يا ستى عرفنا انك موجودة

وغيررة كتيرررر

اعمل اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ragab2]

الأخت امبوسيبل

يبدو أن العصب الحائر vagus nerve عندك نشيط شوية وسهل الاثارة

وهذا العصب هو ضمن الجهاز العصبى الباراسيمبثاوى الذى يتفرع من الجهاز العصبى اللاارادى Autonomic Nervous System والذى يشمل

الجهاز العصبى الباراسيمبثاوى Parasympathetic nervous system والسيمباثاوى Sympathetic nervous system

ماعلينا ودعينا لا ندخل فى تفريعات

هذا العصب الحائر عند اثارته فى حالات الخوف والقلق فى الامتحانات أو التعرض لأى فزع يؤثر على الجهاز التنفسى والمعدة وحدقة العين ويعمل على تهيج المعدة وأعلى الأمعاء فيشعر الشخص بالميل للترجيع وغممان وهبوط وربما مغص وتهيج الرئتين يحدث الكحة المتكررة

والعلاج هو تعاطى الأدوية التى تثبط عمل العصب الحائر والتى منها مركبات الأتروبين وغيرها وربما أى عقار مهدئ للمعدة أو المغص عند اللزوم يفيد فى هذه الحالة

وألف سلامة

[disappointed]

والعلاج هو تعاطى الأدوية التى تثبط عمل العصب الحائر والتى منها مركبات الأتروبين وغيرها وربما أى عقار مهدئ للمعدة أو المغص عند اللزوم يفيد فى هذه الحالة

وألف سلامة

بالطبع ما تفضّل به دكتورنا العزيز رجب هو العلاج الأمثل ولكن أرجو أن يسمح لى باثارة انتباه العزيزه "امبوسيبل" الى أنه يفضّل عدم تعاطيه فى فترة الامتحانات لوجود هامش احتمال لحدوث بعض التأثيرات الجانبيّه التى من الممكن أن تؤدّى الى حالة استرخاء عام زائدة عن الحد ومن الممكن أن تنال هذه الأعراض الجانبيّه من التركيز (وهو أهم شيئ بالطبع فى فترات الامتحانات)

وبالمناسبه...فان الكحّه الجافّه التى تعانى منها العزيزه "امبوسيبل" قد تستفيد من مثبّطات الكحّه كالــ"توسيلار" والــ"سيلومات" ولكنها للأسف تؤثّر أيضا على التركيز ولذلك لا ينصح باستخدامها فى فترة الامتحانات......ومعلش بقى يمكن يكون من الواجب عليكى اللجوء الى الطب الشعبى وطب العطاره واللجوء الى الاكثار من تناول الينسون الساخن (مع ملاحظة أن أكبر استفادة من الينسون تكون بتغطية الكوب لمدة ثلاثة دقائق بعد صب الينسون الساخن به قبل احتساؤه مع مراعاة تغطية الكوب بعد كل مره يتم ارتشاف رشفة منه حيث يؤدى ذلك الى تركيز المادة الفعالة فى الينسون عن طريق منع تبخرها)

[impossible]

شكراا د.رجب

وdr.disappointed

شكراا جزيلا

فى الحقيقة انا فعلا بحاول ماخدش اى ادوية فترة الامتحانات

و زى ما dr.disappointed

اتهريت طب شعبى وينسون بيجب نتيجة كويسة

شكراا

[impossible]

الا هى الكحة دى مش معدية

عمالة بكح بقالى شهرين فى البيت

ومفيش حد حتى بيعطس ولا حتى مجاملة