كيف تهاجر بدون محامي (فيدرال) نسخة 2009

[ابن سيناء]

كتر خيرك يا دكتور على المعلومات القيمه وبعد غذنك ليه شوية أسئله :

1- أولا : حضرتك قلت تعمل كشف طبى قبل ما تقدم طيب ايه الأمراض اللى بتمنع من السفر ؟ وايه اللى مطلوب بالظبط وكمان حضرتك قلت كشف فيروسات ؟؟ طيب والعياذ بالله الإيدز زى فيروس سى الله يحفظنا جميعا ؟

دى برده نقطه عاوزه إيضاح .

2- حضرتك قلت انهم حيبعتولى بعد شهرين علشان أبعت المستندات للسفاره هنا فى مصر طيب الأيلتس ده مدته سنتين وانا بسمع انى الفيزا بتيجى فى خلا خمس سنين ؟ طيب الواحد حيمتحن تانى ولا ايه ؟ ولا الواحد يعمل ايه بالظبط انا مش فاهم ولا لو الواحد بعت المستندات خلاص ؟

3 - فى حاجه كمان انا مستغربها فى لستة الوظايف دى مثلا المحاسب انه محاسب بالظبط ما فيه واحد معاه بكالوريوس تجاره واسمه محاسب لكن عمره فى حياته ما اشتغل بالمحاسبه وشغال فى المبيعات او فى الشئون الإداريه طيب الراجل موقفه ايه ؟

وبفرض انه قدر يجيب شهاده من شغله بأعمال محاسبيه هو حيفيد كندا إزاى طالما انه مش محاسب وحيزاول المهنه إزاى هناك ؟؟؟

انا مش فاهم همه حيتأكدوا إزاى بس من انه محاسب ؟ وكمان هل مطلوب إعتماد جواب ممارسة المهنه من جهة العمل فقط ولا من جهة العمل ومن الوزاره التابعه لها الجهه ؟

4- حضرتك لمحت الى ان اللسته دى ممكن تتغير وبصراحه انا كنت ماشى فى الموضوع على مهلى بس كلمتك فلقتنى عاوز بس شوية توضيح ؟

5- فى حاجه مهمه قوى بالنسبه لى :

انا مستوفى كل الشروك بس فاضل الأيلتس ومش ضامن أجيب الدرجه المطلوبه ففكرت فى حاجه عاوز آخد رايك فيها ةهى هل ينفع أبعت الورق بتاعى لو درجة الأيلتس مكملتليش 67 درجه وأكون أخدت ماجستير فى خلال السنتين اللى جايين يرفعوا السكور بتاعى ولا لازم أكون مستوفى ال67 وأنا بقدم ؟ مش عارف انا وضحت السؤال ولا لأ

مره تانيه لك ألف شكر على التوبيك الرائع ده

وفى انتظار وقت حضرتم يسمح بالرد

لك أرق تحياتى

[dcfarouk]

انا ليه استفسار من حضرتك

انت كاتب

country code 0020

area code 2

اعتقد ان الصح

country code 002

area code 02

ياريت حضرتك تعقب

[Nassarlink]

انا ليه استفسار من حضرتك

انت كاتب

country code 0020

area code 2

اعتقد ان الصح

country code 002

area code 02

ياريت حضرتك تعقب

ايوه كده زي حضرتك ماقلت مضبوط

[qenawy]

لا باه مصر كودها 20 :wub: :blush2:

[omaraziz]

دكتو قناوي الف شكر علي تعبك و انت دايما سباق بالخير و بكل جديد ربنا يارب يجازيك خير و يجعل كل ده في ميزان حسناتك...

[dcfarouk]

اخر كلا م عشان الناس تستفيد

country code (0020)

area code (3)

[moheltohamy]

طالما لماضة بلماضة بأه - بعد إذن د. قناوي طبعاً - ومحدّش يتكلّم بعدي فيها...

Country code: 20 (مصر)

Area code: 2 (القاهرة)

وبعدين باقي الرقم...

أمّا بالنسبة للصفرين اللي في الأول دول مالهومش لزوم... دول مش في كود البلد أصلاً حضراتكو!

ولو لازمن ولا بد تكتبو حاجة... يبقى ممكن تحطوا (+)...

وده الـ International access code ، وبيكون 00 في أماكن معيّنة (العالم كلّه تأريباً) ، و 011 من داخل أمريكا وكندا! :P

يبقى يا تلغوها خالص (وده الأصح) ، يا تحطّوا الزائد ، ونخلص على كده! :sad:

[ابن سيناء]

يعنى انتم هريتوا 002 و 02 بحثا ومشاركات ومحدش هنت عليه يرد على الأسئله اللى انا سالتها

يا جماعه فعلا كتر خيركم

[saad badr]

يعني ما ينفعش أقدم الورق الا لما امتحن الايلتس صح كده ولا ايه ؟؟؟

طيب لو امتحنت ودرجاتي طلعت اي كلام يعني مش 7777 يبقى ايه العمل ؟؟؟والفرنساوي عندي زي الهنجاري بالظبط

فيه حاجة كمان انا لو متزوج وعندي طفل او اتنين اي كان عدد الاطفال .... لو حبيت أقدم لنفسي من غير هم هل با خد الاربع نقط بتوع الزوجة ولا لازم أقدملها معايه ؟؟؟

[qenawy]

يعنى انتم هريتوا 002 و 02 بحثا ومشاركات ومحدش هنت عليه يرد على الأسئله اللى انا سالتها

يا جماعه فعلا كتر خيركم

لا اله الاالله

الزعل مرفوع هنا

معلش سهو ما هي اسئلتك؟

[qenawy]

يعني ما ينفعش أقدم الورق الا لما امتحن الايلتس صح كده ولا ايه ؟؟؟

طيب لو امتحنت ودرجاتي طلعت اي كلام يعني مش 7777 يبقى ايه العمل ؟؟؟والفرنساوي عندي زي الهنجاري بالظبط

فيه حاجة كمان انا لو متزوج وعندي طفل او اتنين اي كان عدد الاطفال .... لو حبيت أقدم لنفسي من غير هم هل با خد الاربع نقط بتوع الزوجة ولا لازم أقدملها معايه ؟؟؟

شوف انت عاوز كام عشان تكمل 67 نقطة وخليك للاليتس علي الحد الادني

طبعا بما انك متزوج يبقي هتاخد الاربع نقاط سواء مراتك سافرت او ماسافرتش معاك

لانك كده كده هتكتبها فيالطلب

ونصيحة اكتب انها هتسافر معاك لان ده افضل لحضرتك اجرائيا

بالنسبة للتقديم ثانية لا ادري ان كان حد قدم وكان مرفوض بس الناس بتحاول تظبط الوظيفة علي القائمة والرك علي الورق السليم بعد كده

تحياتي

[moheltohamy]

حاضر يا عم الزعلان... أجاوبك أنا - بعد إذن صاحب القهوة طبعاً - :

كتر خيرك يا دكتور على المعلومات القيمه وبعد غذنك ليه شوية أسئله :

1- أولا : حضرتك قلت تعمل كشف طبى قبل ما تقدم طيب ايه الأمراض اللى بتمنع من السفر ؟ وايه اللى مطلوب بالظبط وكمان حضرتك قلت كشف فيروسات ؟؟ طيب والعياذ بالله الإيدز زى فيروس سى الله يحفظنا جميعا ؟

دى برده نقطه عاوزه إيضاح .

أحاول افتكر... بتعمل 3 اختبارات...

1. كشف باطني عند الدكتور اللي هتروح له بجواب السفارة... بياخد منك الهيستوري (التاريخ الطبي) لو كنت تعبت في يوم من الأيام أو بتشتكي من أي مرض ، أو فيه أمراض نفسية أو وراثية في العيلة! وبعد كده بياخد الوزن والطول ، وبيكشف على القلب بالسمّاعة ، وبيقيس لك ضغط الدم ، وكشف نظر ع السريع بتاع العلامات دي (Snellen Chart). وبيسأل مراتك لو كانت حامل. (لو كان فيه حمل بتؤجل الإجراءات حتى الولادة ، والاطمئنان إن البيبي تمام)! وبس على كده... أو ده اللي حصل معانا!

بعد كده بيدّيك جوابين منفصلين ، بتروح تحلل بيهم في معملين هوّه بيحددهم!

2. معمل تحاليل قديم أوي ؛ بياخد منك عينة بول وعينة دم... بيدوّر على الـ Hepatitis B & C ، والزهري (Syphilis) ومش فاكر الإيدز ولاّ لأ! وبيشوفوا كمان أخبار الكلى والسكر!

3. دكتور قديم جداً بتاع أشعة ، بيعمل لك أشعة عادية (Plain X-ray) بفيو واحد (A-P) ، عشان لو كان عندك درن رئوي (TB)...

وبس!

2- حضرتك قلت انهم حيبعتولى بعد شهرين علشان أبعت المستندات للسفاره هنا فى مصر طيب الأيلتس ده مدته سنتين وانا بسمع انى الفيزا بتيجى فى خلا خمس سنين ؟ طيب الواحد حيمتحن تانى ولا ايه ؟ ولا الواحد يعمل ايه بالظبط انا مش فاهم ولا لو الواحد بعت المستندات خلاص ؟

المفروض في موعد تقديم الأوراق ، يكون مر على تاريخ الآيلتس سنة بحد أقصى... بخلاف كده مش فارقة ، ومالكش فيه!

3 - فى حاجه كمان انا مستغربها فى لستة الوظايف دى مثلا المحاسب انه محاسب بالظبط ما فيه واحد معاه بكالوريوس تجاره واسمه محاسب لكن عمره فى حياته ما اشتغل بالمحاسبه وشغال فى المبيعات او فى الشئون الإداريه طيب الراجل موقفه ايه ؟

وبفرض انه قدر يجيب شهاده من شغله بأعمال محاسبيه هو حيفيد كندا إزاى طالما انه مش محاسب وحيزاول المهنه إزاى هناك ؟؟؟

انا مش فاهم همه حيتأكدوا إزاى بس من انه محاسب ؟ وكمان هل مطلوب إعتماد جواب ممارسة المهنه من جهة العمل فقط ولا من جهة العمل ومن الوزاره التابعه لها الجهه ؟

المفروض إنه من جهة العمل بس ، وهمّه هيتصلوا بجهة العمل ويتأكّدوا منهم (وموضوع الاعتماد من الوزارة أو من التأمينات ده بيدّي Support لورقك لا أكثر!)... وموضوع تفيد البلد أو ما تفيدش ده مش بتاعك! همّه دي قواعدهم... Take it or leave it !

4- حضرتك لمحت الى ان اللسته دى ممكن تتغير وبصراحه انا كنت ماشى فى الموضوع على مهلى بس كلمتك فلقتنى عاوز بس شوية توضيح ؟

محدّش يضمن أي حاجة في الموضوع ده... بس هيّه الدنيا عمّالة بتقفّل يوم عن التاني ، وبصراحة معاهم حق!

وبالتالي هنا ينطبق المثل... خير البر عاجله!

وهوّه يعني من طول العمر عمّال بتضيّع فيه وبتأجّل التقديم؟

ولاّ مستمتع بالقعدة في مصر؟ لو كده يبقى خليك ، ولا تشغل بالك بكندا م الأساس!

5- فى حاجه مهمه قوى بالنسبه لى :

انا مستوفى كل الشروك بس فاضل الأيلتس ومش ضامن أجيب الدرجه المطلوبه ففكرت فى حاجه عاوز آخد رايك فيها ةهى هل ينفع أبعت الورق بتاعى لو درجة الأيلتس مكملتليش 67 درجه وأكون أخدت ماجستير فى خلال السنتين اللى جايين يرفعوا السكور بتاعى ولا لازم أكون مستوفى ال67 وأنا بقدم ؟ مش عارف انا وضحت السؤال ولا لأ

هوّه مبدئيّاً ... الله أعلم...

بس على ما أعتقد... المفروض لمّا يبعتولك ، تروح تبعت أوراقك اللي بيثبت الكلام اللي قلته في استمارة التقديم! والتقييم بيكون وقت تقديم الاستمارة! يعني ما ينفعش تقدّم ومعاك خبرة 3 سنين ، على اعتبار انهم على ما يبعتولك تكون كمّلت الرابعة!

ما تهرّجش مع الناس دول!

مره تانيه لك ألف شكر على التوبيك الرائع ده

وفى انتظار وقت حضرتم يسمح بالرد

لك أرق تحياتى

الكلام ده ليك يا د. قناوي

[qenawy]

الكلام ده ليك يا د. قناوي happy.gif

Go to the top of the pageReport Post

+Quote Post

العفو يا دكتور انتم اهل الفضل كله

انا مجرد تلموذ في مدرستكم

النقراشي الثانوية العسكرية

[moheltohamy]

العفو يا دكتور انتم اهل الفضل كله

انا مجرد تلموذ في مدرستكم

النقراشي الثانوية العسكرية

حبيبي انتا يا د. قناوي brth)

يا عم تلموذ إيه بأه؟! دانتا خلاص فتحت مدرستين ولاّ تلاتة وآيم بيهم لوحدك من غير أعضاء هيئة تدريس

إنتا خلاص عدّيت bv:-

إنتا بس تعمل لاندنج ، وترجع تفتح لك مكتب هجرة في مصر ، وتعملهم بأه ، وتدعيلي

ما تيجي يا عم تفُك الخناقة اللي مولّعة ع الأهوة دي! تؤ سفاهم قلب بزعل ، ومالوش داعي الحوار ، وكلام كبير كده ، وحريقة ، ولّعت من غير ولا عود كبريت حتى!

تم تعديل 15 مارس 2009 بواسطة moheltohamy

[ابن سيناء]

متشكر جدا جدا ليكم كلكم مش الدكتزر قناوى وبس

:blush2: :rolleyes:

[ناوية ع الهجرة]

حاضر يا عم الزعلان... أجاوبك أنا - بعد إذن صاحب القهوة طبعاً - :

2. معمل تحاليل قديم أوي ؛ بياخد منك عينة بول وعينة دم... بيدوّر على الـ Hepatitis B & C ، والزهري (Syphilis) ومش فاكر الإيدز ولاّ لأ! وبيشوفوا كمان أخبار الكلى والسكر!

ليه اشمعنى السكر هو في مشكلة في السكر ؟! :rolleyes:

الله يخليك يا دكتور تهامي طمني لحسن انا عيلتي كلها مسكرة وانا وارثة منهم التلزيق :blush2:

[somayasaleh]

علي فكرة برضه الورق اللي هيتبعت السفارة كله صور

الاصول عند المقابلة او عندما يطلبوها منكم ( هتاكد ثواني ولو مدام سمية تفيدنا يكون افضل)

واخيرا لا ننسي مدام نونا الاوائل ربنا يكرمها ويسمعنا عنها خير

يتبع

الاوراق التي قدمتها كلها اصول مش صور.

وده سهله انك تحصل علي اصول تانيه من شهادات الميلاد والزواج والتخرج والخبره......الخ

واعتقد في الفيدرالي ما بقاش فيه مقابلة.

علشان كده من الافضل ان تضعوا اصل المستندات المطلوبة

وشكرا للدكتور قناوي علي التوبيك المفيد للناس الجديدة

وربنا يوفق الجميع :)

[ناوية ع الهجرة]

الأخت الفاضلة سمية اخبارك ايه؟ يا ترى الكتور امتحن الأيلتس ولا لسه؟؟

انا زوجي امتحانه يوم السبت القادم وربنا يوفقهم جميعا

[moheltohamy]

ليه اشمعنى السكر هو في مشكلة في السكر ؟! :happy:

الله يخليك يا دكتور تهامي طمني لحسن انا عيلتي كلها مسكرة وانا وارثة منهم التلزيق :lol:

مش عارف بصراحة همّه بيدوّروا عليه ليه! الكلام ده من بؤ الواد الفني في معمل التحاليل اللي روحناله!

وما تقلقيش خالص!

السكر - على ما سمعت بيدوّروا عليه في عينة البول (يعني لو وصلت نسبته وقت أخذ العينة لفوق الـ 180) ، وبالتالي ما تخافيش... ظبّطي نفسك انتي قبلها وبس (والمفروض أساساً تظبّطي السكر عشان نفسك حتى) !

دول حتى تحليل الزهري بيعملوه بأسلوب قديم مش فاكر حتى اسمه إيه! الكل دلوقتي بيحلله باستخدام الإليزا (ELISA) ، ودول لسّه شغالين في التحليل اللي عفى عليه الدهر!

وحتى المعمل نفسه لمّا تروحيه... هتستغربي من تعامل السفارة مع المعامل القديمة دي اللي شوية وتكون آيلة للسقوط! مالهم البرج والمختبر مثلاً؟!

دماغ الناس بتوع كندا دول!

[كرم احمد]

واعتقد في الفيدرالي ما بقاش فيه مقابلة.

:)

السلام عليكم

حضرتك متأكدة يامدام سومية من ان مافيش مقابلة فى النظام الجديد

ولو انا قدمت من الامارات والزوجة فى مصر دة فيها مشاكل ولا لازم تحضر الى الامارت ولا اية

وينفع بعدين اسافر من غير الزوجة

ارجو التوضيح ممن عندة معلومة

وشكرا