كيف تهاجر بدون محامي (فيدرال) نسخة 2009

[somayasaleh]

واعتقد في الفيدرالي ما بقاش فيه مقابلة.

:)

السلام عليكم

حضرتك متأكدة يامدام سومية من ان مافيش مقابلة فى النظام الجديد

ولو انا قدمت من الامارات والزوجة فى مصر دة فيها مشاكل ولا لازم تحضر الى الامارت ولا اية

وينفع بعدين اسافر من غير الزوجة

ارجو التوضيح ممن عندة معلومة

وشكرا

انا قلت..اعتقد.....لان اخر اعضاء سافروا من المنتدي.....قالوا انهم ما دخلوش مقابلة.....

وجود الزوجة في مصر مش مشكلة،،،،، بس لو فيه مقابلة لازم تكون معاك في الامارات تحضر المقابلة

وطبعا ينفع تسافر من غير الزوجة الاول........بس تخلص كل الاوراق المطلوبة وتنجح في الاليتس.....والكشف الطبي.....وصحيفة الحالة الجنائي......

وبعد كده لما التاشيرات توصل... ممكن حضرتك تسافر الاول وترتب امورك الاول

وبالتوفيق ان شاد الله :happy:

[walaa]

ربنا يجازيك خيرا بس معلش عندى سؤال

الان اللى حيقدم علىالهجرة زوجى و انا معه و نحن لدينا طفلين و هو لديه بنتين يبقى حندفع تقريبا 1700 دولار كندر تقريبا يعملوا 10000 جنه و طبعا دا كتير اوى فهل ينفع نقدم انا و هو و الولاد نبقى نجيبهم بعد كده او حتى نقدم بطفلين و نبقى نبعت للبنتين يجوا بعد السفر

ولا ايه راى حضرتك؟؟

و بالنسبة له انا ارفة انه لازم امتحان الايلتس للانجليزى و الامتحان الاخر للفرنسى انا كمان لازم اعمل الامتحانات دى ولا ايه؟؟

[qenawy]

هو حضرتك لازم تكتبي الاسرة كاملة وسواء هيسافروا معاكم او مش هيسافروا برضه عليهم بروسيسنج في شوفي

هو موضوع يستحق التضحية المالية فلا تبتئسي وما تحسبيش 7 الاف جنب 10 الاف

الاليتس للمقدم الرئيسي فقط

[walaa]

شكرا لحضرتك جدا

تقصد بعليهم بروسيسنج ان كدا كدا عليهم فلوس صح؟؟

طب هو امتحان الفرنسى مهم ولا ايه هو الفرنسى بتاعه ممتاز و معلش اسم الامتحان ايه؟

اسف لو بطول عليك بس ربنا يجعله فى ميزان حسناتك

[hadisy]

السلام عليكم

بعد انتظار دام و الحمد لله فقط أربع أشهر من تقديمي لأوراقي في السفارة السورية أتاني الرد بالموافقة على أوراقي و الطلب من لاستكمالها ز تقديم الاوراق الثبوتية لذلك يرجى التكرو و مساعدتي بما يلي:

1- هل هناك شرح عربي لتعبئة الفورمات imm0008egen.pdf و imm8Schedule1.pdf و imm8Schedule3.pdf

2- ليس لدي حساب بنكي لأنه و كما تعلمون لا داعي له هنا و لكن لدي و الحمد لله ما يكفي من المال لأفتح حساب اليوم ووضع المبلغ الكامل فيه و يزيد و المشكلة ان عمر هذا الحساب سيكون صغير جدا و لا يحقق الست اشهر المطلوبة و ثانيا ساضع ما يقارب 20 الف دولار فيه دفعة واحدة مما سيؤدي الى حاجتي الى وضع مصدر الاموال و هو معظمه جمع شهري و هدية من والدي و اخوتي فهل مثل هكذا مبررات مقبوله لدى السفارة.

3- في حال التقدم لإمتحان اللغة و عدم حصولي على العلامة المطلوبة هل هذا يعني خسارتي لفرصة السفر نهائياص أم تأخير الموافقات حتى غعادة الامتحان و حصولي على العلامة المطلوبة

أرجو من جميع اخوتي مساعدتي في هذا الموضوع و تذكيري بأي ملاحظات قد اكون سهيت عنها .

و لكم جزيل الشكر

[Bustami]

مبروك

موضوع الشرح العربي للفورمات قناوي يساعدك

الفلوس والبنك , افتح حساب اليوم وخد من البنك شهادة بالرصيد مش مهم كشف حساب بالحركات ( لو عايزين حيطلبوا )

موضوع اللغة احجز امتحانك من اليوم وجهز نفسك لو حاسس انك مش حتجيب المطلوب احجز لامتحانين بينهم اسبوعين مثلا

ولو ما حصلتش على المطلوب يكفي ان ترسل لهم وصل التسجيل في الاختبار الثالث كاثبات مع طلب مهلة

كم تحتاج في الاختبار ؟

[الأهلاوي الأصيل]

شكرا لحضرتك جدا

تقصد بعليهم بروسيسنج ان كدا كدا عليهم فلوس صح؟؟

طب هو امتحان الفرنسى مهم ولا ايه هو الفرنسى بتاعه ممتاز و معلش اسم الامتحان ايه؟

اسف لو بطول عليك بس ربنا يجعله فى ميزان حسناتك

أيوه كده كده عليهم فلوس حتى لو مش هيسافروا معاكوا

امتحان الفرنسي مهم لو كنتوا محتاجين درجات اللغة الفرنسية عشان تكملوا ال 67 نقطة ، والامتحان اسمه TEF

[damanhooryyy]

يعني ما ينفعش أقدم الورق الا لما امتحن الايلتس صح كده ولا ايه ؟؟؟

طيب لو امتحنت ودرجاتي طلعت اي كلام يعني مش 7777 يبقى ايه العمل ؟؟؟والفرنساوي عندي زي الهنجاري بالظبط

فيه حاجة كمان انا لو متزوج وعندي طفل او اتنين اي كان عدد الاطفال .... لو حبيت أقدم لنفسي من غير هم هل با خد الاربع نقط بتوع الزوجة ولا لازم أقدملها معايه ؟؟؟

شوف انت عاوز كام عشان تكمل 67 نقطة وخليك للاليتس علي الحد الادني

طبعا بما انك متزوج يبقي هتاخد الاربع نقاط سواء مراتك سافرت او ماسافرتش معاك

لانك كده كده هتكتبها فيالطلب

ونصيحة اكتب انها هتسافر معاك لان ده افضل لحضرتك اجرائيا

بالنسبة للتقديم ثانية لا ادري ان كان حد قدم وكان مرفوض بس الناس بتحاول تظبط الوظيفة علي القائمة والرك علي الورق السليم بعد كده

تحياتي

ياريت يا د. قناوي توضح

هل الزوجة تعطي أربع نقاط بكل الأحوال و لا فقط في حالة معها شهادة جامعية؟

شكرا على جهدك المبذول

[znaty]

ياريت يا د. قناوي توضح

هل الزوجة تعطي أربع نقاط بكل الأحوال و لا فقط في حالة معها شهادة جامعية؟

شكرا على جهدك المبذول

لا طبعا موش كل الاحوال

فقط لو شهادة جامعية او دبلوما مع 14 سنة اجمالي سنوات التعليم او اكتر

14 سنة ناجحة طبعا موش تسقط 3 سنين في المعهد والا المدرسة تحسبهم ؟؟ :lol:

[elmadysm]

. معمل تحاليل قديم أوي ؛ بياخد منك عينة بول وعينة دم... بيدوّر على الـ Hepatitis B & C ، والزهري (Syphilis) ومش فاكر الإيدز ولاّ لأ! وبيشوفوا كمان أخبار الكلى والسكر!

طيب ايه اللى يحصل لو عندى اجسام مضادة لفيروس ال سى؟ ( Hepatitis C )؟

رغم انى عملت الاختبار التالى PCR وكانت النتيجة سلبية ؟

[moheltohamy]

. معمل تحاليل قديم أوي ؛ بياخد منك عينة بول وعينة دم... بيدوّر على الـ Hepatitis B & C ، والزهري (Syphilis) ومش فاكر الإيدز ولاّ لأ! وبيشوفوا كمان أخبار الكلى والسكر!

طيب ايه اللى يحصل لو عندى اجسام مضادة لفيروس ال سى؟ ( Hepatitis C )؟

رغم انى عملت الاختبار التالى PCR وكانت النتيجة سلبية ؟

المفروض حسب كلامهم إنهم هيبعتولك ويطلبوا المزيد من التحاليل...

الرفض ده مش بيدّوه للناس وش كده والسلام... هذا والله أعلم.

[somayasaleh]

مبروك

موضوع الشرح العربي للفورمات قناوي يساعدك

الفلوس والبنك , افتح حساب اليوم وخد من البنك شهادة بالرصيد مش مهم كشف حساب بالحركات ( لو عايزين حيطلبوا )

موضوع اللغة احجز امتحانك من اليوم وجهز نفسك لو حاسس انك مش حتجيب المطلوب احجز لامتحانين بينهم اسبوعين مثلا

ولو ما حصلتش على المطلوب يكفي ان ترسل لهم وصل التسجيل في الاختبار الثالث كاثبات مع طلب مهلة

كم تحتاج في الاختبار ؟

الاخ الفاضل البسطامي

ياريت حضرتك تشرفنا في التوبيك ده

وتضع بياناتك معانا،،،،، حتي نكون قاعدة بيانات جديدة خاصة بالفيدرالي بعد اللسته

وشكرا

[ahmed hamdi]

ارجو المساعدة ياجماعة طيب انا هاقدم من قطر وليس من مصر ولا يوجد سفارة لكندا هنا هابعت لأي عنوان وعايز العنوان بالكامل والشيك هيكون بأسم مين ولكم جزيل الشكر

[ناوية ع الهجرة]

ارجو المساعدة ياجماعة طيب انا هاقدم من قطر وليس من مصر ولا يوجد سفارة لكندا هنا هابعت لأي عنوان وعايز العنوان بالكامل والشيك هيكون بأسم مين ولكم جزيل الشكر

يا استاذ احمد حضرتك اقرا التوبيك ده كويس من اوله

الدكتور قناوي جزاه الله خير كاتب العنوان اللي هتبعت عليه الأبليكشن فورم وكيفية تعبئته والشيك هيتبعت باسم مين

وكل استفساراتك

ولو في اي استفسار بعد كده تحت امرك

[alaashabana]

السلام عليكم

ازيكم يا جماعه وبجد جزاكم الله خير

بس بصراحة اقولكم على حاجة بعد ما قرات الموضوع دة اتلغبطت 260 درجة والله .. معلش بقى اعذرونى واستحملونى وجاوبونى

انا دلوقتى كانت متايع موضوع الهجرة بدون محامى 2008 وكنت ناوى اقدم على الهجرة الايام دى ان شاء الله لكن لما شوفت موضوع الهجرة 2009 مش عارف اعمل اى حاجة

دلوقتى انا نزلت الابليكشن بتاع الهجرة اللى كان فة موضوع الهجرة بدون محامى 2008 والحمد لله وظيفتى محاسب وموجودة فى اللستة الجديدة

دلوقتى عندى مليون سؤال ومعلش محدش يقولى اقرا المواضيع تانى لانى بلاقى والله تناقض شديد جدا ..

دلوقتى انا محاسب فى الامارات عندى سنتين خبرة وماشى فى الثالثة

وخطاب بنت جامعية والحمد لله

دلوقتى فية ناس قالتلى ممكن تقدم عادى وتكتب انك متجوز عادى او كابيلز ..

الاسئلة بقى هى :-

هل فعلا الكلام دة صحيح انى اكتب فى الابليكشن انى متزوج او كابيلز وان شاء الله خطيبتى هى اللى هتعمل معايا الانترفيو ويمكن ساعتها نكون اتجوزنا ان شاء الله .. ولا لو انا كتبت اننا متجوزين دلوقتى يبقى انا بكذب عليهم ولا اية ؟؟

مع العلم ان فى الابليكشن القديم مكتوب فية خانة علشان اكتب فيها تاريخ الزواج ..

دة السؤال الاول وطبعا دة كلة على الابليكشن القديم

دلوقتى انا بقى متلغبط

علشان الابلكيشن القديم كان 3 صفحات لية ولزوجتى صفحتين لية واخر صفحة لبيانات زوجتى

دلوقتى لاقيت فى الموضوع الجديد كذا ابلكيشن وبتقولو 4 صفحات لية وزيهم لزوجتى ونسخة لية ونسخة لزوجتى وكلام كتير انا بجد اتغلبطت منة كتير

كمان فية حاجة انا على كلام السادة الافاضل انى بملئ الابليكشن وببعتة على مكتب لندن علشان انا مقيم بالامارات بعد كدة باخد رقم الفايل وببعتلهم صور للشهادات

طبعا الشهادات موجودة بس ناقص زى ما قولتلكم شهادة الزواج لانى لسة خاطب ثانيا الايلتس

علشان انا فاكر موضوع الايلتس دة فى الاخر يعنى اكتب فى الابلكيشن مستوايا فى الانجليزى ووقت ميعاد المقابلة اكون اخدت شهادة الايلتس ويشوفها

لكن دلوقتى وعلى كلامكم فى الموضوع دة انى لازم اكون اخدت بالفعل الايلتس وابعتلهم صورة الشهادة ..هل انا فهمت صح

بالله عليكم يا جماعه تفهمونى كدة واحدة واحدة من اول الابليكشن لغاية موضوع الشهادات ومضوع الايلتس والكلام دة وابعت الفلوس منين وعلى اى مكتب بتاع لندن ولا بتاع كندا اللى انتم كتبتوة فى الموضوع دة

انا متلغبط بجد ..

[qenawy]

اهلا بالفاضل

تابعالموضوع الجديد فقط

نزل الاستمارات لك فقط فانت لست متزوج يا سيدي حتي الان

تكتب وضعك الاجتماعي الان وهو انك اعزب

تبعت الورق علي مكتب نوفا سكوتشيا بكندا مرفق به الحوالة البنكية للجنرال ريسيفر اوف كندا

الاليتس مش مهم قوي دلوقتي

اكتب الدرجات اللي توصلك ل67 نقطة وبعدين تفرج ان شاء الله

لو ورقك مقبول هيبعتولك انك تتابع مع سفارتهم في لندن تقريبا او احتمال الامارات مش فارقة دلوقتي

[Bustami]

الافضل ان تنتظر حتى تكمل خبرة 4 سنوات

الافضل ان تنتظر حتى تنهي خطيبتك الجامعة

الافضل ان تنتظر حتى تعقد قرانك

لانه كل ذلك سيزيد من نقاطك لتصل الى 67

بعد ذلك يجب عليك الحصول على 6.5 6.5 5.5 5.5 في ختبار الانجليزي والتي تعتبر ليست سهلة

عدم توفر اي طلب من الطلبات الي ذكرتهم اعلاه سيجعل اختبار الانجليزي اصعب لانه عليك الحصول على 6.5 6.5 6.5 7.5 للوصول الى 67 نقطة

[goodnewss]

بالنسبه لشهاده الخبره انا صاحب ومدير الصيدليه اللي باشتغل فيها اكتب شهاده الخبره لنفسي ؟ اشهد انا فلان إني باشتغل عندي من تاريخ كذا؟

[safar]

بالنسبة للطلب المسمى ADDITIONAL FAMILY INFORMATION في القسم المخصص للأخوة والأخوات.

سؤالي هو: إذا كان اسم الأب يختلف بيني وبين أخوتي هل أضع اسم ابي الذي في جوازي أم أضع اسم أبي المختلف عن جوازي والمكتوب في جوازاتهم ؟

والسؤال الثاني هو: يوجد في شهادة الماجستير في اسمي الأول فرق حرف واحد فقط ، وهي شهادة من السودان وكما تعلمون أنه في الجامعات السودانية لتعديل الشهادة ربما تحتاج إلى سنة لكي تأخذ شهادتك المعدلة فأنا أفكر أن أرسل صورة عن الشهادة حتى ولو موجود هذا الخطأ في أسمي في الشهادة فهل سيكون هنالك تأثير؟

يرجى الإفادة .

مع تحياتي للجميع

[kaza]

والله انا من رأيي خليك في السليم وغير الشهادة انا امبارح استلمت شهادتي كان اسمي ناقص حرفين @@ كان الوضع مسخرة بس مشى الحال خد معايا الموضوع اسبوع