كيف تهاجر بدون محامي (فيدرال) نسخة 2009

[adamdec]

شكرا يا مدام adamdec

بس دلوقتى انا اللى اعرفه ان مفيش ورق يتقدم غير الابليكيشن والشيك وصور جواز السفر داه فى الاول

ولما يترد علينا نبعت اوراقنا الرسمية المترجمة وشهادات الميلاد والجواز والجامعة وشهادة الايلتس والكشف الطبي والفيش والتشبيه وكل الاوراق دي

معلوماتى صح ولا غلط

صح

بس يا مدام دلوقتى موضوع الشيك ال معطلنى ازاى ادفعه

يعنى اكتب ان الشيك لصالح/ باسم Receiver General for Canada

وبعدين ارفقه مع الابليكشن وهما يصرفوه لما يوصلهم ؟؟؟؟

لكن ايه فورم الFee Payment Form - Application for Permanent Residence – Federal Skilled Worker Class (IMM 5620

دي ال الفورم اللى بيديهالى البنك املاها ولا داه ابليكيشن جديد كمان تانى

ارجو التوضيح - معلش ازعجتك

http://www.cic.gc.ca/english/information/a...ons/skilled.asp

ده فورم بداء العمل بيه 1 سبتمبر.

الفورمز والجايدو التشيك ليست اتغيروه نصحتى ان حضرتك تنزليهم من الأول.

وبعدين مفيش ازعاج ولا حاجة انا برده كنت محتاسة كدة :wub: :unsure:

[أكسيلانس]

خالص تحياتي لكم جميعا علي صدق نواياكم في المساعده , لدي سؤال عاجل

أنا أكملت حميع الابليكاشن لكن لم أستخرج جوازات سفر للاولاد و لا الزوجه ,, فهل يمكن ارسال الاوراق بدون ارقا م الجوازات

كما أود ان اعرف رأيك يا د/ قناوي هل أمتحن الاول اللعة و لا ارسل الملف و بعدين امتحن علما ان تقيم كلاتي

السن 41

المؤهل ماجيستير في أدارة الاعمال ( من جامعة كولومبيا باللاباما أمريكا )

الزوجه ليسانس أداب

و هل أرسل صوره من شهادة الجامعه الامركيه تفيد المؤهل و اللغه و لا امتحن و اشوف المستويي هنا ايه

و لكم مني جزيل الشكر و جزاكم الله خيرا علي صدق نوايكم

و لكم مني جزيل الشكر

[adamdec]

حضرتك ممكن ترسل من غير رقم الباسبور (تكتب n/a) و ترفق ورقة بتقول فيها أنك بتعمل لهم الباسبورتات مع ان الأفضل انك تعملهم الأول.

اما بخصوص اللغة اترك د. قناوى يرد بس عايزة اضيف ان انا جوزى كمان عامل MBA و برده حايمتحن IELTS. اكيد حضرتك امتخنت GMAT و TOEFL او GRE يعنى ال IELTS مش حيبقى مشكلة بالنسبة لك. هما اصلا يفضلوا ان اى شخص لغته الأولى مش English اته يمتحن بغض النظر عن المؤهل و لغة أو مكان الدراسة

تم تعديل 11 نوفمبر 2009 بواسطة adamdec

[eaglsson]

نصيحة لكل من يحضر IELTS

موقع رائع ومجاني وفيه امتحانات كاملة وارشادات وكل اللي انت عاوزه عن امتحان IELTS عام واكاديمي

http://www.ielts-exam.net

لا تنسونا بالدعاء

[green bird]

شكرا لكل من ساهم فى هذا الموضوع الرائع ...

عندى سؤال وهو هل يوجد تاريخ معين لأرسال الأوراق او تاريخ لأنتهاء الأرسال ؟

والثانى هل ممكن ارسال الأوراق ثم الأبتداء فى موضوع الأليتس علما بأنه ممكن يخلص فى 6 شهور ... ولما الرد ييجى بعد شهريين مثلا المقابلة بتكون امتى ... وعذرا على الأزعاج ...

[ehabtaher]

يا جماعه المكتوب في الويب سايت ان الدفع للفيدرال اللي من بره كندا يكون عن طريق الدفع للفيزا اوفيس.

طيب انا هادفع ازاي للفيزا اوفيس وانا اصلا مقدم الطلب للCIO في كندا؟؟

ولا استخدم نفس اللينك اللي للناس اللي جوه كندا؟؟

من فضلكوا اقروا الصفحه دي كويس.

http://www.cic.gc.ca/english/information/fees/index.asp

ودمتم

In Canadian funds only, you may pay:

• by certified cheque, bank draft or money order made payable to the “Receiver General for Canada” or
  
• with a credit card (Visa, MasterCard, American Express)In Canadian funds only, you may pay:
  • by certified cheque, bank draft or money order made payable to the “Receiver General for Canada” or
    
  • with a credit card (Visa, MasterCard, American Express)
    

this is from the link the you mentioned

no any word about those outside and those inside canada

you pay to general receiver of canad with the form mentioned

and send to him inside canada

they will refere you to their visa office who is appropriate for your current residence

[eaglsson]

[precanadian]

خالص تحياتي لكم جميعا علي صدق نواياكم في المساعده , لدي سؤال عاجل

أنا أكملت حميع الابليكاشن لكن لم أستخرج جوازات سفر للاولاد و لا الزوجه ,, فهل يمكن ارسال الاوراق بدون ارقا م الجوازات

كما أود ان اعرف رأيك يا د/ قناوي هل أمتحن الاول اللعة و لا ارسل الملف و بعدين امتحن علما ان تقيم كلاتي

السن 41

المؤهل ماجيستير في أدارة الاعمال ( من جامعة كولومبيا باللاباما أمريكا )

الزوجه ليسانس أداب

و هل أرسل صوره من شهادة الجامعه الامركيه تفيد المؤهل و اللغه و لا امتحن و اشوف المستويي هنا ايه

و لكم مني جزيل الشكر و جزاكم الله خيرا علي صدق نوايكم

و لكم مني جزيل الشكر

اخي الفاضل:

جوازات السفر للاولاد والزوجه (جوازك صوره منه مهمه عند الارسال) ليست مهمه عند التقديم ل CIO نوفاسكوتشيا . لكن هتكون مطلوبه بعد ذلك.

يفضل تاجيل الايلتس لحين التاكد من الحصول علي النقاط المطلوبه لان الامور سريعه في النظام الجديد يعني من تاريخ ارسال ملفك سهرين هيقولوا لك ابعت صور واصول اوراقك لسفاره كندا في القاهره او لندن او غيره فلو مش مجهز نفسك ب اليلتس هتكون مشكله لا هيكون امامك فرصه 120 يوم منههم شهر راحو في البريد علي ميجيلك الخبر ده غير ان حجوزات ال يلتس قد تكون غير متوفره في ميعاد قريب

فهمت انك خريج جامعه امريكيه ومعاك ماجستير وسنك 41 ان شاء الله هتكون محتاج سكور 5 حسب مانا فاكر لكن الاهم اعتقد انك هتجيب سكور كويس لكن بعد التدريب علي عامل الزمن والنركيز قبل المتحان

اخيرا لا مفر من اليلتس وبالتوفيق.

[precanadian]

شكرا لكل من ساهم فى هذا الموضوع الرائع ...

عندى سؤال وهو هل يوجد تاريخ معين لأرسال الأوراق او تاريخ لأنتهاء الأرسال ؟

والثانى هل ممكن ارسال الأوراق ثم الأبتداء فى موضوع الأليتس علما بأنه ممكن يخلص فى 6 شهور ... ولما الرد ييجى بعد شهريين مثلا المقابلة بتكون امتى ... وعذرا على الأزعاج ...

تاريخ معين لأرسال الأوراق او تاريخ لأنتهاء الأرسال

الحقيقه السؤال غامض لكن لو بتسال علي ارسال الورق ل نوفا سكوتشيا ابعت لما ورقك يكون كمل وراجعته كذا مره وقريت ال guid اما انتهاء الارسال فمش فاهم اعذرني

اما لو بتتكلم عن ارسال الورق بعد موافقه نوفا سكوتشيا فطبعا في 120 يوم بيبداوا من المافقه علي طلبك وغالبا مرتيطه بتاريخ صرف الشيك علما انك هتعرف الكلام ده متاخر حوالي شهر

هل ممكن ارسال الأوراق ثم الأبتداء فى موضوع الأليتس علما بأنه ممكن يخلص فى 6 شهور

لا ينصح بذلك لان المعدل الزمني ارسال الطلب لنوفاسكوتشيا شهرين ويقولوا لك ابعت ملفك كامل شامل ال ايلتس ومعاك مهله 120 يوم.

المقابلة بتكون امتى

في الهجره الفيدرال لا توجد مقابله عكس كيبك . والله اعلم

[اغابي]

شكرا على المجهود الرائع والله يباركلكم يارب وكل اللى نفسه فى امنية تتحقق - واشكرجدا اخى صاحب موقع امتحانات الايلتس لانى كنت محتاجه ليه جدا جدا

تحياتي

[eaglsson]

الشكر لله يا اغاني ربنا يوفقك

[ehabtaher]

ماعلينا

بعد ارسال الطلب تنتظر الرد خلال شهر شهرين في هذه الحدود

سيتم ارسال خطاب لك يفيد بقبول طلبك مبدئيا يعني انت كده مهيا للقبول ومطلوب منك ساعتها انك تتعامل بقي مع مكتب الهجرة الخاص بمكان اقامتك لو في مصر هيبقي في سفارة كندا بالقاهرة

لو في الخليج هيبقي مكتب لندن وهيدولك مهلة اربع شهور لانجاز المهمة او حسب الخطاب

في الخطاب هيطلبوا منك انك تبعت ورقك كامل الي السفارة في مصر مثلا مرفق معه الاثباتات والشهادات واثبات اللغة والدراسة والزواج والفيش والتشبيه وشهادات خبرة العمل وشهادات التعليم (بكالوريوس والدرجات لك لزوجتك )

المطلوب كل الشهادات ان تكون باللغة الانجليزية او مترجمة عند مترجم رسمي معتمد مثل فؤاد نعمة مثلا امام الحرية مول او الطوبجي في جوار وزارة الصحة المصرية

شهادات الميلاد تحصل عليها من الدور الثاني في وزارة الصحة وتملاها في الطوبجي وتاخدهاالوزارة تناني مختومة تروح الوزارة وانت معاك الشهادات الميلاد الرقم القومي الكومبيوتر عشان تخلص

قسيمة الزواج تطلع واحدة من اي سجل مدني بالرقم القومي غصب عن عين بتوع السجل لانهم بيستعبطوا احيانا ويقولوا طلع من المحكمة تكاسلا منهم حاولوا يغلسوا علي بس علي مين والبركة في مدام سمية هي اللي دلتني وبعدها تطلع علي وزارة العدل في لاظوغلي الدور مش فاكر كام العاشر واللا الاتناشر مش فارقة تترجمها

شهادات الكلية اما تطلع اساسا بالانجليزي او تترجمها لك ولزوجتك

شهادات الخبرة اما تطلعها انجليزي من الاول او تترجمها والشهادة المهم يكون فيها بداية العمل تاريخا ومهام عملك فيه ومؤرخة حتي يوم انتهاء عملك يعني

تشهد شركة كذا بان السيد فلان يعمل محاسب في الفترة من الي (مهم جدا ) وانه يقوم بالعمل الاتي كذا وكذا

التوقيع وعنوان الشركة والتليفون

التوثيق في الخارجية مش مهم

خطاب التامينات مش مهم

لا تنسي صورة الاليتس

علي فكرة برضه الورق اللي هيتبعت السفارة كله صور

الاصول عند المقابلة او عندما يطلبوها منكم ( هتاكد ثواني ولو مدام سمية تفيدنا يكون افضل)

واخيرا لا ننسي مدام نونا الاوائل ربنا يكرمها ويسمعنا عنها خير

يتبع

طيب انا بعت ليهم من اسبوعين بس طريقه الدفع هى بالخصم من كارت الفيزا ولم يتم الخصم حتى الان يا استاذ قناوى هل معنى هذا ان الخطاب لم يصل والا معناه انهم لن يخصموا الا لما يشوفوا الورق ده ينفع يكمل معاهم والا مش حاينفع والا ايه باظبط

افيدونا لو عندكم فكره او خبره سابقه عن الخصم من الفيزا اى حد يعنى يقول لو استعمل الفيزا خصموا بعد ارسال الخطاب بكام يوم

[adamdec]

الحقيقة موضوع الفيزا ده لسة جديد بس من الى انا فهماه ان لما الورق بيوافق عليه يتم سحب الفلوس من الكرديت. و ده غالبا بيكون بعد شهر أو شهرين من استلامهم للفايل وبعدها باربع خمس ايام يبعتولك ايمايل ان فايلك اتقبل و حيتحول لل local visa office.

فى ناس تانية الفلوس اتسحبت على طول زى حضرتى كده :lol:

تم تعديل 22 نوفمبر 2009 بواسطة adamdec

[ام يمنى]

سلام عليكم

انا بديت في كتابة الابليكيشن و عندي كام سؤال يا ريت تجاوبوني عليها

اولا في استمارة الفاميلي انفورميشن طالبين نكتب الاسماء بالعربي مع الانجلش حاولت اكتبها بس مرضيش يقبل كتابة العربي و لو طبعتها و كتبتها بخط اليد ده فيه مشكله.

تاني حاجه في نفس الاستماره هما طالبين العنوان للعيله طب ممكن ينفع نكتب مثلا القاهره مصر و لا لازم العنوان كامل لان فيه بعض العناوين مش موجوده مضبوطه يعني مافيش اسم شارع و رقم و بعضها عناوين مؤقته فايه الحل في ده

بعدين بس للتاكيد احنا بنبعت استمارات بس اول مره مش صور شخصيه صح كده.

معلش حتعبكو معايا و عاوزاكم تمشو معايا خطوه خطوه الواحد مش عاوز يغلط

و شكرا لتعاونكم

[adamdec]

عليكم السلام ام يمنى

اولا: ممكن تكتبى بخط اليد لكن يستحسن تطبيعيها على ورقة و ترفقيها بالملف (الورقة دى طبعا تكتبى فيها من فوق اسم ال applicant و رقم السؤال)

ثانيا: العناوين لازم تكون مزبوطة لأن أعتقد انهم بيستخدموها بالsecurity check و الله أعلم

أخيرا: ايوة اول application بتكون من غير صور

[ehabtaher]

الحقيقة موضوع الفيزا ده لسة جديد بس من الى انا فهماه ان لما الورق بيوافق عليه يتم سحب الفلوس من الكرديت. و ده غالبا بيكون بعد شهر أو شهرين من استلامهم للفايل وبعدها باربع خمس ايام يبعتولك ايمايل ان فايلك اتقبل و حيتحول لل local visa office.

فى ناس تانية الفلوس اتسحبت على طول زى حضرتى كده

ربنا يطمنك روحى ياشيخه

يعنى الاول تطمنينيى وفى الخر تخلينى ما نامش لمده شهرين

لازم يعنى تجيبى سيره السطر الاخير يعنى

طيب اجيب منوم منين لحد الشهرين ما يخلصوا دلوقت :waving:

[tiopf]

ممممكن كام سؤال على الماشى

اولا مش المقابلة اتلغت فى الفيدرال؟

ثانيا الورق اللي هيتبعت السفارة صور + اصل الفيش + اصل الايلتس ولا كلوه اصووووووووووول؟

ثالثا الابلكيشن اللي هيتبعت السفارة هنلزق عليه صور ام لا

رابعا انا شغال فى وزارة الصحة وطلعت شهادة خبرة باننى طبيب مقيم بس من غير مهام الوظيفة ولا عنوان منطقة شغلى

الشهادة دى تمشي ولا تترفض......؟

[ام يمنى]

عليكم السلام ام يمنى

اولا: ممكن تكتبى بخط اليد لكن يستحسن تطبيعيها على ورقة و ترفقيها بالملف (الورقة دى طبعا تكتبى فيها من فوق اسم ال applicant و رقم السؤال)

ثانيا: العناوين لازم تكون مزبوطة لأن أعتقد انهم بيستخدموها بالsecurity check و الله أعلم

أخيرا: ايوة اول application بتكون من غير صور

شكرا مدام ادم على اهتمامك انا حعمل زي مقولتي فعلا و اطبع الاسماء في ورقه خارجيه اكيد احسن من الكتابه بخط اليد.

بس معلش سؤال تاني بالنسبه لو انا كتبت عنواني على عنوان اهلي حتى بعد الزواج ده حيكون فيه مشاكل و لا عادي انا لسه عنواني في البطاقه و جواز السفر عنوان اهلي و برضه زوجي بما انه مش من القاهره في المعاملات الرسميه بيكتب عنوان اهلي. احنا معندناش عنوان ثابت في مصر حيث ان احنا مش مستقرين فيها و اتنقلنا في كذا مكان و صعب اني افتكرهم كلهم. فيا ترى الموضوع ده فيه مشاكل و لا عادي.

[adamdec]

والله مش عارفة.

انا شخصيا عنوانى فالبطاقة و الباسبور عنوان أهلى بس برده كتبت عنوانى الحالى (شقة ايجار) على اساس ان المراسالات بتيجى عليها.

أعتقد ممكن احنا الاتنين نستفيد من خبرات السابقين فى الموضوع ده

[safaalabana]

والله مش عارفة.

انا شخصيا عنوانى فالبطاقة و الباسبور عنوان أهلى بس برده كتبت عنوانى الحالى (شقة ايجار) على اساس ان المراسالات بتيجى عليها.

أعتقد ممكن احنا الاتنين نستفيد من خبرات السابقين فى الموضوع ده

اخواتى الفضليات أم يمنى وأم ادم اولا تمنياتى لكم بكل التوفيق ....ثانيا من خبرتى المتواضعه فى الموضوع ده اقر اقول ان موضوع السكن ده ما فيهوش مشكله حضارتكم بتختاروا العنوان اللى انتوا عاوزينه ...بالنسبه لى كان عنوان مكتب المحامى ...وعلى فكره بعد شويه لما يطلع الفايل نمبر ح تقدروا تدخلوا بيه على موقع الcic.gc.ca

وساعتها فى اوبشن انكم تغيروا العنوان لو عاوزين ..يارب الكلام ده يفيدكم ...