انا مصري ( اول قصيدة ليا ) ادخل و قول رايك

[MoHaMMeD EgYpT]

دي اول قصيدة لي صراحة هو انا بحب اكتب بس طبعا private :lol: و كلامها عن الحب لكن دي عن مصر smk: انا عارف انه مش شعر 100 % لكن كل واحد علي حسب قدرته ولا يكلف الله نفسا الا وسعها و اديني قولت اكتب و انتوا احكموا و قولوا لي رايكم بكل صراحة :P

اروح شرق اروح غرب

اروح شمال اروح جنوب

اشوف بلاد اشوف ناس

و مهما الف و الف و ادور و ادور

و ريح تخدني و ريح تجبني

و اشوف ناس الابيض الاسود

و اعرف حاجات عمري ما عرفتها

و اشوف حاجات عمري ما شفتها

و اعرف ناس عمري ما عرفتها

و اعرف اماكن عمري ما عرفتها

و اكسب فلوس عمري ما كسبتها

و أكل اكل عمري ما اكلته

و اعيش حياة عمري ما عشتها

و اتغرب و اهجر و اروح سياحة

حاجة واحدة هي اللي عرفتها من الاول

و هي انا مصري و من مصر

و طول عمري مميز طلما انا مصري

و مهما لفيت هفضل مميز علشان انا مصري

انا مصري من بلد الحضارات و اجدادي هم بناة الحضارات

انا مصري من بلد الالف مأذنة

انا مصري من بلد الخير

انا مصري من بلد النيل

انا مصري من بلد اللي مهما الواحد لف و مهما كان من اي بلد هيحبها

انا مصري و ابويا مصري و جدي مصري

انا مصري و طول عمري مصري

مهما اخدت جنسيات و مهما اتغربت هفضل مصري

مهما لفيت و مهما هجرت هفضل مصري

مصري من بلد الاصلة و العراقة مصر

مصري من بلد المصريين

مصري و مهما لفيت و روحت اي بلد هلقي مصريين يساعدوني في وقت شدتي

مصري و مهما لفيت هفضل طول عمري مميز

مهما صعبت الامور في مصر هفضل مصري

مهما ضاقت الدنيا بيا عمري ما هنسي مصر و اني مصري

مهما حصل لي هفضل مصري

مصري بروحي و دمي

[لولا]

طيب رغم نى دخت شويه :P

بس لا زم اشجع :lol:

طب دى قصيده ولا بيان فى حب مصر بعد مشاكل الموضوع اياه smk:

ربنا يوفقك ..

كل ما نكتب اكتر كل ما نوصل للمعانى بشكل اعمق وابسط ..

المهم بس اننا نكتب .

تحياتى

لولا

[MoHaMMeD EgYpT]

طيب رغم نى دخت شويه smk:

بس لا زم اشجع :P

طب دى قصيده ولا بيان فى حب مصر بعد مشاكل الموضوع اياه bv:- لا الحمد لله الموضوع اتحل و فعلا راجعت نفسي

ربنا يوفقك ..

كل ما نكتب اكتر كل ما نوصل للمعانى بشكل اعمق وابسط ..

المهم بس اننا نكتب .

تحياتى

لولا

شكرا لك استاذة لولا علي تشجيعك و انا والله حسيت اني نفسي اكتب شعر عن حاجة تانية غير اللي بكتبه عن الحب فقولت اكتبه هنا و انا حاسس فعلا كل مرة بكتب شعر بيتطور و بيبقي افضل من المرة اللي قبليها و يا رب فعلا يكون شعري كويس لاني لسا مبتدا خالص :lol:

[bentmasria]

محمد

اقرا كتير

واحفظ كتير

واسمع كتير

وارجع تانى جرب حتحس بتغيير كتير برضه

ربنا يوفقك

البنت المصرية

[الباشمهندس ياسر]

انا لو اعرف ان الموضوع اياه هيخليك تكتب شعر

كنا كتبناهولك من بدرى

عموما

احساس جميل بالانتماء للوطن

بس انت مش شايف انها عايزه تظبط عشان تبقى قصيدة

[MoHaMMeD EgYpT]

محمد

اقرا كتير

واحفظ كتير

واسمع كتير

وارجع تانى جرب حتحس بتغيير كتير برضه

ربنا يوفقك

البنت المصرية

شكرا علي تشجيعك اختي الغالية :lol:

[MoHaMMeD EgYpT]

انا لو اعرف ان الموضوع اياه هيخليك تكتب شعر

كنا كتبناهولك من بدرى

عموما

احساس جميل بالانتماء للوطن

بس انت مش شايف انها عايزه تظبط عشان تبقى قصيدة

انا لسا مبتدا اساسا و دي اول مرة اكتب عن حاجة تانية غير الحب :lol: انا تخصص شعر حب بس طبعا شعر الحب private for my love :P و ان شاء الله هبقي احاول اتضبط في الشعر و كتابته

[عاشق]

طالما ابتديت تبقي هتوصل

وطالما مسكت القلم يبقى هتكتب

[se_ Elsyed]

أهم من الكتابة التي لا تُكلف شيء .. يا ريت نترجم ده لعمل إيجابي .. مهما كان صير فبالتأكيد هافيد بلدنا ..

[MoHaMMeD EgYpT]

طالما ابتديت تبقي هتوصل

وطالما مسكت القلم يبقى هتكتب

شكرا لك استاذي العزيز علي تشجيعك

[MoHaMMeD EgYpT]

أهم من الكتابة التي لا تُكلف شيء .. يا ريت نترجم ده لعمل إيجابي .. مهما كان صير فبالتأكيد هافيد بلدنا ..

شكرا لك يا س س علي تشجيعك

[بنت بلد]

:happy:

الحــــــب دا كــــلـــمـة

ومـصـــر تـَـوْلـِــيـفـــة

أمـــيــرة فـي قــصــرها

لــطــــــــيـفـة وعــنـيـفة

غـجـــــرية فــي حـبــها

وعـظــــيـمـة وعـــفـيفـة

قــــــامــة وهـــــــامـــة

ســــلـطـان وتــشــريفة

جــمعـت خصال الزعامة

وعــيــالـهــــا حــَــرِّيفـَة

حــكــمة وطــــب وفـــلك

وألـــــــف تـــوصـــيفـة

شـــعـــرا وأدبـا ونـاس

في الفــــن كَــيِّــيـفـَــة

المهم يا محمد انك بتحاوووووووول

لو فضلنا اعدين حاطين ايدينا على خدودنا

عمرنا ما هنوصل لاى حاجه

عموما سير الى الامام ونحن نشجع بعضنا البعض

تقبل مرورى اخى المصرى

تحيــــــــــــــــــاتى

[MoHaMMeD EgYpT]

:happy:

الحــــــب دا كــــلـــمـة

ومـصـــر تـَـوْلـِــيـفـــة

أمـــيــرة فـي قــصــرها

لــطــــــــيـفـة وعــنـيـفة

غـجـــــرية فــي حـبــها

وعـظــــيـمـة وعـــفـيفـة

قــــــامــة وهـــــــامـــة

ســــلـطـان وتــشــريفة

جــمعـت خصال الزعامة

وعــيــالـهــــا حــَــرِّيفـَة

حــكــمة وطــــب وفـــلك

وألـــــــف تـــوصـــيفـة

شـــعـــرا وأدبـا ونـاس

في الفــــن كَــيِّــيـفـَــة

المهم يا محمد انك بتحاوووووووول

لو فضلنا اعدين حاطين ايدينا على خدودنا

عمرنا ما هنوصل لاى حاجه

عموما سير الى الامام ونحن نشجع بعضنا البعض

تقبل مرورى اخى المصرى

تحيــــــــــــــــــاتى

شكرا لك اختي العزيزة علي تشجيعك :lol:

[ابو حودة]

انا كمان لما شفت كلامك جه على بالي الكلام ده

وأول مرة اسجله بالكتابة

بحبك وحبك عاوزه حَب ينزرع في ترابك

اطهر تراب يمكن يكون شجرة تضلل على احبابك

يمكن يكون نخلة عالية الهامة زيك

او يكون عمود نور ينور طريقنا ويهدينا كضيك

بعيد او قريب حبك مليني

شاغلني نهاري ومالي لي ليلي

يمكن يكون مجرد كلام لكن حقيقي الكلام ده مليني[وسط][/وسط]

[سهل جدا]

يا سلام يا محمد إيجبت

إيه يا عم الحلاوة ديه

أنا كل يوم بكتشف فيه مواهب جديدة

إلى الأمام يا معلّم :happy:

بس حسب معلوماتي إن الشعر بيكون فيه حاجة اسمها أوزان وبحور وترعة (بس خذ بالك من البلهارسيا) :lol:

الشعر الجميل ده بقى على وزن أي ترعة قصدي على وزن أي بحر من بحور الشعر :lol:

[tarek hassan]

طيب رغم نى دخت شويه :blink:

بس لا زم اشجع :unsure:

طب دى قصيده ولا بيان فى حب مصر بعد مشاكل الموضوع اياه :lol:

ربنا يوفقك ..

كل ما نكتب اكتر كل ما نوصل للمعانى بشكل اعمق وابسط ..

ب .

تحياتى

لولا

فعلا المهم إننا نكتب

الفكرة بس هي الموجودة

وهي فعلا مش قصيدة بمعنى القصيدة

والتشبيه موفق في كلمة إن دا بيان

وبما أن المعاني سطحية فأتفق أن تجربة الأخ محمد تحتاج للعمق

والموسيقى الظاهرة أوالخفية

والوزن أو القافية أو هما معا

عموما المرة الجاية هتبقى أحسن

بس استمر

[MoHaMMeD EgYpT]

يا سلام يا محمد إيجبت

إيه يا عم الحلاوة ديه

أنا كل يوم بكتشف فيه مواهب جديدة

إلى الأمام يا معلّم :unsure:

بس حسب معلوماتي إن الشعر بيكون فيه حاجة اسمها أوزان وبحور وترعة (بس خذ بالك من البلهارسيا) :blink:

الشعر الجميل ده بقى على وزن أي ترعة قصدي على وزن أي بحر من بحور الشعر :lol:

والله ما انا عارف ابقي اوزنه انت و قول لي طلع كام كيلو و شكرا لك يا باشا علي التشجيع :D

[MoHaMMeD EgYpT]

طيب رغم نى دخت شويه :lol:

بس لا زم اشجع :unsure:

طب دى قصيده ولا بيان فى حب مصر بعد مشاكل الموضوع اياه :D

ربنا يوفقك ..

كل ما نكتب اكتر كل ما نوصل للمعانى بشكل اعمق وابسط ..

ب .

تحياتى

لولا

فعلا المهم إننا نكتب

الفكرة بس هي الموجودة

وهي فعلا مش قصيدة بمعنى القصيدة

والتشبيه موفق في كلمة إن دا بيان

وبما أن المعاني سطحية فأتفق أن تجربة الأخ محمد تحتاج للعمق

والموسيقى الظاهرة أوالخفية

والوزن أو القافية أو هما معا

عموما المرة الجاية هتبقى أحسن

بس استمر

ان شاء الله المرة الجاية هتكون احسن و ان شاء الله هحاول اتعمق اكتر في مجال الشعر و انا لقيت كلام في قلبي عاوز اقوله يبقي اسمه ايه بالضبط اكيد شعر :blink: