إستفسار عن تأشيرة الزيارة العائلية

[mcdo]

السلام عليكم ورحمة الله

اولا احب ان اشكر الاستاذ (سي السيد) علي اخلاصه وتفانيه في الرد علي كل سؤال و المجهود الذي يقوم بيه من اجل اخوانه انا قرئت كل اجباتك وعلي جميع الاسئله ودي اول مشاركة وحبيت اشكرك جدا علي مجهودك الرائع واللي بياخد منك وقت ومجهود طبعا ربنا يجعله في ميزان حسناتك ان شاء الله :lol: :) wst::

والان سؤالي هو انا شاب اعمل بالسعودية وبقالي سنه وان شاء الله نازل علشان اتجوز وعاوز طريقه اجيب بيها زوجتي علما انا شغال Operator في شركة كبيرة وشهادتي دبلوم فني صناعي

والمهنة في الاقامه مشغل خلاطه اسفلتيه (اياك تفكر اني بسفلت الشوارع الموضوع غير كده خالص) المهم ذاميلي قلولي لازم تدفع من تحت الطربيزة بس انا عاوز حل يكون من فوق الطربيزة وكمان اوفر 14000ريال

خصوصا اني قرأة في احد الموضوعات ان ساعة التجديد الاقامه بيبصو في المهنة علشان يعرفو مين اللي اخذ الرشوةطبعا انا عريس جديد عاوز ادخل دنيا مش عاوز ادخل السجن

والله لو زوجتي جت هجبلك من مصر ياسيدي لب وكل اللي انت عاوزه وهتاكل اكلة سمك تحلف بيها معلش بقي اصلي انا اسكندراني

تقبل مروري ولك مني اجمل التهاني

[se_ Elsyed]

إدخل على موقع وزارة الخارجية

www.mofa.gov.sa

وجرب تقدم على تأشيرة زيارة حتى وإن لم تكن متزوج ... وبعدين إطبع النموذج وإختمه من شركتك وإذهب به للغرفة التجارية وإحفظ رقم الطلب وإدخل تابع به كل يوم لحد ما تشوف قبلوها ولا لأ ..

تأشيرة الزيارة تُتيح لزوجتك الإقامة في السعودية لمدة 9 شهور حد أقصى ... وبعدين تعمل زيارة تاني وهكذا ..

[ام مصعب]

السلام عليكم ورحمة الله وبركاته،،

سؤال,,,

هل الزيارات العائلية مفتوحه الآن لاني عندما قدمت الطلب وشفت في النت كتب لي (يتم التقديم بعد موسم الحج) وشكرا

ارجو الرد