اللى عايش فى الرياض

[shabana]

برجاء الرد للناس اللى عايشه فى الرياض

كنت عاوز اعرف ماهى المصاريف الشهريه لفرد واحد وعازب وغير مدخن

المصاريف بون مواصلات وسكن

اى المصاريف اكل وشرب وتليفونات

[خالد شحاته]

السلام عليكم ورحمة الله وبركاته

اظن المصاريف ماحد يعرف يقدرها غير صاحبها لان كل واحد بيعيش حسب ظروفه

ممكن واحد يصرف الف وغيره خمسمائه وناس بتعيش في ميز مشترك ممكن مش يتكلف اكتر من 300

يعني حسب العيشه الا انت عايزها

تم تعديل 10 مارس 2009 بواسطة خالد شحاته

[shabana]

شكراياخ شحاته

بس انا عاوز اعرف متوسط المصاريف لفرد واحد غير مدخن وميش اكيل

يعنى متوسط المصاربف تقريبا ولكن اعيش مستريح

وجزاك الله كل خير

[زعلان]

بص يا سيدي المصاريف اكل و شرب و مسلتزمات الحياة اليومية حسب الشخص المقتصد ما بين 200- 300 ريال في الاسبوع تقريبا يعني حوالي 1000- 1400 ريال في الشهر ده تقريبا مصاريف شخص عازب بالنسبة للضروريات اليومية من اكل وشرب وخلافه

بالنسبة للتلفونات المصاريف شهريا حتكون ما بين 200- 300 ريال

وده متوسط المصاريف بالنسبة لشخص عازب

يعني اجمالا من 1200 ريال - 1700 ريال

طبعا ده مش شامل اي مصاريف علاج او مواصلات أو سكن او كهربا او اي شيء اخر

تم تعديل 10 مارس 2009 بواسطة زعلان

[زعلان]

ملحوظة انا ما عشتش في الرياض بس كنت عايش في جدة

[عاشق]

كلام الاخ زعلان مضبوط جدا

هو فعلا بالحدود دي 1500 الى 1700

بس موضوع المكالمات ممكن يزيد شوية

بس لو حابب جيب موبايلي وابعت شريحة لمصر

تكلمهم عليها بسعر الدقيقة 55 هلله

اما الاكل والشرب ربنا يعينك لان بجد مفيش طعم لاي اكل

بصراحة مصر بخير

وبالتوفيق

[metwallly]

السلام عليكم ورحمة الله وبركاته

أولا: أنا بقالى فترة بدخل المنتدى كقارئ بس لأن الواحد نفسيا مش مظبط

ثانيا: أنا دخلت النهارده مخصوص علشان أرد عليك لأن الأخوة هيعقدوك لو أنته بتأخد 1500 أهيف زى حلاتى

بس ياعم بالنسبة للأكل فى الرياض

العملية بسيطة بأذن الله ولو مجموعة وهتطبخوا مع بعض وتشتروا كميات من الهيبرات

لأنها بتكون أرخص التكلفة الشهرية هتكون فى حدود من 200 إلى 300ريال لاغير والكلام ده عن تجربه

أما لو هتقضيها تك أواى زى حالاتى حاليا هيكلفك الاكل فى حدود 500 - 600 ريال وأقولك الطريقة

أولا حجه الفطار 2أو 3كيك أو لوزين مع شاى وده هيكلفك 3 ريال

الغداء هيكون ربع كبسة(أرز مع ربع دجاج) أو مربع من مطعم مصرى(أرز مع خضار مع قطعة لحم أو ربع دجاج) وده هيكلفك 7 ريال

نيجى للعشاء هتجيب من أى مطعم مصري فول مع طعمية مع بطاطس أو 2سندوتش مشكل وده هيكلفك 5ريال

بالنسبة للأتصالات

ياريس كفاية عليك كرت من أبو مية هيعملك 60 دقيقة دولى ولو للرقم المفضل هيبقوا 80 دقيقة

والوصفة دى للناس الغلابة اللى زى حلاتى علشان ما حدش يتريق!!!!!!!!!!!!!!!!!!!!!!!

تم تعديل 10 مارس 2009 بواسطة metwallly

[زعلان]

كويس كده بقى عندك اكثر من رأي وكل واحد بيقيس بنظرة مختلفة

يعني بحسبة الاستاذ متولي وهي حسبة ممكنة ومجربة من البعض بس لازم تلتزم بيها وما تخرجش عنها يعني كأنك في معسكر وطبعا الي ظروفه بتقيده معاه حق لأنه معندوش حل ثاني

لكن لو عايز تعيش زي ما كنت عايش في مصر فأكيد حتحتاج اكثر من كده شويه قول شويتين

زائد ان 500-600 ريال يدوب يغطوا حسبة اكل الشهر حسب معطيات الاستاذ متولي فطار - غدا عشا في حدود 15 ريال *30 يوم يعني 450 ريال +100 ريال تلفون بقوا 550 ريال

انا رديت وقلت انك للاكل و مستلزمات الحياة اليومية فانا حسبت تقريبا واحد عايش لوحده راح السوبر ماركت و اتمشى شوية و جاب شوية فاكه على شوية اكل جاف معلب مجمد زيت سكر شاي شكلاته مكسرات ما يضرش ونثريات اخرى مناديل شامبو صابون معجون اسنان امواس حلاقة منظفات معقمات حجات للمطبخ او للحمام وحجات تانيه نفسك فيهاايا كانت والحجات ده لفرد واحد بعضها بتجيبه الاسبوع ده و ما تجيبوش غير لما يقرب يخلص في المجمل حيصرف 200- 300 ريال براحة

تم تعديل 10 مارس 2009 بواسطة زعلان

[metwallly]

كويس كده بقى عندك اكثر من رأي وكل واحد بيقيس بنظرة مختلفة

يعني بحسبة الاستاذ متولي وهي حسبة ممكنة ومجربة من البعض بس لازم تلتزم بيها وما تخرجش عنها يعني كأنك في معسكر وطبعا الي ظروفه بتقيده معاه حق لأنه معندوش حل ثاني

لكن لو عايز تعيش زي ما كنت عايش في مصر فأكيد حتحتاج اكثر من كده شويه قول شويتين

زائد ان 500-600 ريال يدوب يغطوا حسبة اكل الشهر حسب معطيات الاستاذ متولي فطار - غدا عشا في حدود 15 ريال *30 يوم يعني 450 ريال +100 ريال تلفون بقوا 550 ريال

انا رديت وقلت انك للاكل و مستلزمات الحياة اليومية فانا حسبت تقريبا واحد عايش لوحده راح السوبر ماركت و اتمشى شوية و جاب شوية فاكه على شوية اكل جاف معلب مجمد زيت سكر شاي شكلاته مكسرات ما يضرش ونثريات اخرى مناديل شامبو صابون معجون اسنان امواس حلاقة منظفات معقمات حجات للمطبخ او للحمام وحجات تانيه نفسك فيهاايا كانت والحجات ده لفرد واحد بعضها بتجيبه الاسبوع ده و ما تجيبوش غير لما يقرب يخلص في المجمل حيصرف 200- 300 ريال براحة

كل إنسان أدرى بظروفه ودخله ولازم نديله كل الإحتمالات وهو يشوف نفسه على أى نظام يقدر يعيش عليه

ويشوف راتبه يسمح بكده ولا لا!!!!!!!!!!!!!!!! صح ولا أنا غلطان

تم تعديل 10 مارس 2009 بواسطة metwallly

[زعلان]

طبعا معاك حق يا استاذ متولي وده الي اشرت اليه طبيعي الا تتطابق اراء الناس ولا اسلوب حياتهم ولا معالجتهم للأمور وطبا انه يكوت في وجهات نظر مختلفة شيء ايجابي

يا ريت عمو سي السيد يجي ويدلي برأيه لأنه له خبرة كويسه ايضا

[se_ Elsyed]

الزملاء كفوا ووفوا وكان في موضوع قريب بيتكلم عن نفس الشيء ..

لكن عايز أنصح أي واحد وأذكره بقوله تعالى " ولا تجعل يدك مغلولة إلى عنقك .. ولا تبسطها كل البسط فتقعد ملوماً محسوراً "

وأهم حاجة يضعها الإنسان في باله إن الإعتدال في كل شيء مطلوب ..

يعني ما ينعفش إنسان يضع في باله إن جمع الفلوس هو هدفه الوحيد .. وبالتالي يقضيها عيش وجبنه ورز وفجاة نلاقيه مات من الانيميا ..

والله كان معنا زميل هنا عايش على البطاطس المقلية ليل نهار لحد ما كان قرب يتكلم ألماني من كتر أكل البطاطس - الألمان بيحبوا البطاطس بس البيك بوتيتو اللي بتتعمل صحيحة في المايكرويف وبتبقى شبة البطاطس المسلوقة اللي بنأكلها للعيال اللي عندهم جفاف وإسهال :wub: - ويرفض تماماً الإنضمام للـ " ميز " اللي كنا عاملينه نحن العُزاب وبنشارك فيه مالياً وبأعمال المطبخ ... ونزل مصر ييجي من 10 سنوات وأنا متتبع أخبارة لإنه شغالة في أحد الوزارات وأعرف ناس هناك وبيقولوا لي دلوقت إن جاله السكر وبقى حالته حاله وتقريباً إنتهى ... فالحياة مش مستاهله قرطمة وشد حزام زيادة عن اللازم لإني إن ماعشتش النهاردة وأستمتعت بنعم الله اللي منها الأكل .. يبقى هاستمتع لما أكبر في السن أو أموت أو يحصل لي حاجه وساعتها فلوس الدنيا مش هاتنفعني ؟

ولا واحد عمال يبعزق يمين وشمال زي واحد قريبي هنا هو المفروض يقول لي يا خالي لإنه إبن بنت خالتي .. وبقى له 5 سنوات متواصلة ما نزلش مصر .. بس مش فارقه معاه لإنه أعزب .. ومرتبه كويس جداً جداً يعني شاب لسه صغير او كان صغير وبيتحصل على 4000 ريال صافي شهرياً فده كويس .. ومع ذلك تنفضه في أي وقت ما تلاقيش معاه ريال واحد ومقضيها سرمحه وسجاير وموبيلات غريبة وحديثة على طول بيبدلها ... فده هايندم ويبكي بدل الدموع دم قريباً لإنه لا يستمع إلى النصيحة ..

وبرضوا العيشة مع جماعة بتبقى موفرة ومشجعة على تحمل مصاعب الحياة وبتهون على الواحد كتير ..

اول ما جيت كانت الشركة مخصصه لنا شقة عُزاب وكنا تقريباً 5 او 6 في الشقة وكلهم شباب زي الفُل وإتعملت منهم الطبيخ وكنا بناكل احلى اكل وبأقل تكاليف لإننا بنشتري كميات عشان عددنا ومعانا ناس بتتفنن في الأكل بس ما وصلوش لدرجة الشيف بندق ... لكنها كانت ماشية .. وأكتر حاجه فاكرها من أيام العزوبية - الله لا يعودها ايام - كنا بننزل نشتري فاكهة من سوق الجُملة اللي في حي عُتيقة .. وبعدين أقوم أنا بالليلة بتاعت تقطيع الفاكهة شرايح واحطها في حلة كبيرة وأعمل أحلا فخفخينا ولا تقولي فرغلي بتاع جامعة الدول ولا زيزو نتانه اللي في السبتية .. دلوقت شباب الأيام دي ومنهم عيالي طالعين لي في الكمبوت والفروت سالاد الجاهز والبتاع ده بالذات بيفكرني أيام ما كانت العلب دي بتيجي متهربة من السوق الحرة ببروسعيد في السبعينات والثمانينات .

ومصاريف التليفونات بقت رخيصة جداً جداً مش زي أيامنا لما كانت الدقيقة بستة ريال لمصر وتقف قدام تليفون العُملة اللي في الشارع لما يبان لك أصحاب ...

وما كانش في إنترنت زي دلوقت ولا سكاي بي ولا مازنجر :lol:

وربنا يعين كل واحد على حاله ...