عاصفة رملية غير مسبوقة تهُب على مدينة الرياض

[se_ Elsyed]

من نصف ساعة بالظبط المدرسة إتصلوا بي عشان أخد الولد لإنه تعبان شويه فقولت أروحه ينام ويرتاح ..

وصلته البيت ووصلت المكتب وبأبص من خلال الزجاج .. حسيت إني إتنقلت عالم تاني ..

عاصفة رملية صفرا غير مسبوقة ولم أرى مثلها في حياتي حتى في الصحراء

وفي عيال كانوا سايبين الشبابيك مفتوحة . فالشركة إتردمت وبؤنا كله إتملى تراب

وأنخفض مجال الرؤيا لأقل من 10 امتار وما بقاش حد شايف اللي جنبه ..

كل ده في خلال ثواني ...

سبحان الله

وسبحان الذي يُغير ولا يتغير

[ناوية ع الهجرة]

حتى احنا عندنا في الكويت عاصفة ترابية وغبار فظيع وهواء بارد ربنا يستر

[عاشق]

بجد الموضوع صعب جدا

محدش شايف حاجة خالص

ربنا يستر ويجيب شوية مطر

[fatfouta]

وانا كمان يا س س حصل معايا نفس الموقف السواق بتاع الباص قاللى تعالوا خدوه علشان هما خايفين يطلعوا بالولاد من الجو ده

يعنى حتى لو ماكنش تعبان كانوا هيتصلوا بيك يقولولك تعالى خده

هو مين اللى تعبان عمر ولا علىلا الف سلامة عليه وكمان ابنى من الصبح كان هيسخن والجو يخوف على الاولاد اوى ولو فضل كده لبكره مافيش داعى يروحوا بقى

الف سلامة تانى

[خالد شحاته]

فعلا اول مره في حياتي من 20 سنه في السعوديه اشوف المنظر ده بس الحمد لله كنت رجعت البيت

الطريق مظلم جداااا الله يستر علي الجميع

[pink rose]

ايوة يا جماعة سبحان الله

انا اترعبت صحيت من النوم كان الجو عادي و فجأة لقيت البيت ضلم و ريحة تراب فظيعة

ربنا يستر و يعدي اليوم دا على خير و بنتي ما تنزفش هي اصلا الجو هنا جاف و على طول بتنزف ما بالكم بقى الردم اللي احنا فيه دا

سبحان الله ربنا يزرقنا شوية مطرة محترمين ينزلوا التراب دا

[بندق أفندى]

أنتم السابقون ونحن اللاحقون ..

[سهل جدا]

قلبنا معاكو يا أحبابنا ياللي في الرياض

الغبار فعلا كثير .. الله يحفظكم بحفظه الجميل ويحفظ باقي المدن

وأدي شوية صور عشان اللي عايش برة الرياض يعرف

دي كانت الصورة قبل الغبار

ودي صورتها بعد الغبار

[بندق أفندى]

أنتم السابقون ونحن اللاحقون ..

[سهل جدا]

ليه يا أستاذ بندق

ربنا يعافينا

إحنا عندنا في (جدة) ما شاء الله الجو كويس ما فيش أي مشكلة

مش عارف عندكم في الدمام الجو عامل إيه ؟؟

نتابع صور الغبار

[aimen]

استغفر الله استغفر الله

اللهم ارحمنا برحمتك يارب

[المر]

عاصفة شديدة جدا

سبحان الله

استغفر الله العظيم

[الباشمهندس ياسر]

الف سلامة يا س س على الولد ......طمنى عليه

يا اخوانا طمنونا عليكم

الجو عامل ايه عندكم دلوقتى؟؟؟

[abaomar]

السلام عليكم

الاخوه الكرام جزاكم الله خيرا

معاكم حق هذه العاصفه لم اشهد مثلها على الاقل منذ 13 عاما .

انا اليوم فى الرياض و الطائره نزلت تقريبا 11و نصف و بعد النزول و لمسافه حوالى 500 متر و كان الجو صافيا تماما و فجأه و سبحان الله

اظلمت الدنيا فجأه اعتقدت وقتها انه ربما حركه المحركات اثارت الرمال حول المدرج فى مطار الرياض و لكن توقفت الطائره و انتظرنا حوالى ثلث ساعه لندخل البوابه

و لقد اخذت المسافه من مطار الرياض الى مكتبنا فى شارع الضباب تقريبا فى ساعه و نصف بسبب الزحام الشديد و انعدام الرؤيه تقريبا و فى الطبيعى المسافه

لا تأخذ اكثر من نصف ساعه حتى ان متوسط سرعت السيارات لا يزيد عن 40 ك.

سبحان الذى يغير و لا يتغير فكرت لو اننا تأخرنا خمس دقائق او بكرت العاصفه خمس دقائق

كيف يكون الحال ........الحمد لله

حاليا الجو صار اكثر استقرارا من قبل و لازال باقى بعض التراب فى الجو و لكن فرق رهييييييب عن الفتره من الظهر و حتى اذان المغرب و اعتقد انه

على الصباح سيكون كل شئ تمام ان شاء الله .

تم تعديل 10 مارس 2009 بواسطة abaomar

[خالد شحاته]

السلام عليكم

الاخوه الكرام جزاكم الله خيرا

معاكم حق هذه العاصفه لم اشهد مثلها على الاقل منذ 13 عاما .

انا اليوم فى الرياض و الطائره نزلت تقريبا 11و نصف و بعد النزول و لمسافه حوالى 500 متر و كان الجو صافيا تماما و فجأه و سبحان الله

اظلمت الدنيا فجأه اعتقدت وقتها انه ربما حركه المحركات اثارت الرمال حول المدرج فى مطار الرياض و لكن توقفت الطائره و انتظرنا حوالى ثلث ساعه لندخل البوابه

و لقد اخذت المسافه من مطار الرياض الى مكتبنا فى شارع الضباب تقريبا فى ساعه و نصف بسبب الزحام الشديد و انعدام الرؤيه تقريبا و فى الطبيعى المسافه

لا تأخذ اكثر من نصف ساعه حتى ان متوسط سرعت السيارات لا يزيد عن 40 ك.

سبحان الذى يغير و لا يتغير فكرت لو اننا تأخرنا خمس دقائق او بكرت العاصفه خمس دقائق

كيف يكون الحال ........الحمد لله

حاليا الجو صار اكثر استقرارا من قبل و لازال باقى بعض التراب فى الجو و لكن فرق رهييييييب عن الفتره من الظهر و حتى اذان المغرب و اعتقد انه

على الصباح سيكون كل شئ تمام ان شاء الله .

اخي الفاضل لقد توقفت حركة الطيران في الرياض وحائل وبعض من مدن المملكه بسبب العاصفه والله يستر علي الجميع

تم تعديل 10 مارس 2009 بواسطة خالد شحاته

[ذهبية]

الف سلامة على عمر يا س س و الف سلامة على كل المصريين اللى فى الرياض ومن ضمنهم اخويا يارب كلهم يكونوا بخير

طمنونى عليكم يا جماعة اية الاخبار الان هل حالة الجو استقرت ؟؟

و سؤال على الماشى و النبى يا جماعة هل السعودية فى الحالات دى بتعمل اية يعنى اثار العاصفة الترابية دى بتروح من الشوراع بعد اية

اصل احنا فى مصر من اسبوعين كدة كان عندنا تلات ايام متتالية امطار رهيبة و طبعا مش عايزة اقولك شكل شوراع مصر كانت ازاى و فضلت كدة لحد ما شمسنا المحروسة فى مصر نشفت المية لان احنا فى مصر معندناش صفيات او بلوعات علشان المواقف دى

يعنى هنا بنعتمد ان الشوراع بتنظف نفسها تلقائيا او بتعتمد على شمسنا المحروسة تكمل الباقى

ياترى بقى الحال اية فى الرياض معلومة كدة على الماشى علشان الواحد يعيش معاكم برضة و يعرف الدنيا ماشية ازاى عندكم

[خالد شحاته]

الحمد لله الامور كلها استقرت ورجع الوضع كما هو عليه

تم تعديل 11 مارس 2009 بواسطة خالد شحاته

[بندق أفندى]

وصلت الدمام على المغرب لكن كانت خفت كتير .. لكن لا زالت رائحة التراب فى الأنوف

[osmel33]

روايح الذوبعة هلت النهاردة فى الدوحة وربنا يستر نعرف نروح

[wayfarerr]

وصلت المدينة المنورة ومن بعد الظهر وهي بتزيد بالتدريج والواحد عمال يقرقش في رمل من ساعتها

ربنا يستر