يا جماعه انا عايز اسأل الناس الى فى ابوظبى ؟؟؟؟؟؟ارجو الردددد؟؟؟؟؟؟؟؟؟؟؟؟؟

[ahlawy]

انا جتلى فرصه للشغل فى شركه صحه ابوظبى عايز اعرف الراتب كام يا جماعه وكمان عايز اعرف المصاريف فى ابوظبى قد ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ارجو الرددددد

[زعلان]

هما قالولك تيجي المحاورات تسأل على الراتب !!؟؟ يعني حتى حط شوة معلومات اي كلام فوق السطر اليتيم يعني شركة ايه و حتشتغل ايه و خبرتك ايه و ساعتها ممكن نكلم الشركة ونعرف الراتب كام اقضصد يعني نقولك تقريبا المفروض تاخد كام من وجهة نظرنا ووفقا للمعطيات والي مش ضروري ينطبق على الواقع

[محمد عيسى]

الراتب ده لازم تكون عارفه بكل تفاصيله احنا نعرفه ازاي ؟؟

و بالنسبة للمصاريف نقولهاك على اي اساس؟؟ ما احنا مش عارفين ظروف العقد من حيث السكن و المواصلات و التذاكر و البدلات و ناوي تقعد لوحدك و لا مع اسرتك

عموما لو اسره صغيره المصاريف الشهريه ما عدا السكن و المواصلات و المدارس لن تقل عن اربعة آلاف درهم

تم تعديل 10 مارس 2009 بواسطة محمد عيسى

[ahlawy]

يا جماعه انا امتحنت ولسه العقد مجاش لسه انا بسال لو حد بيشتغل هناك فى نفس الشركه (صحه ) وكمان عايز اعرف من الناس الى هناك فى ابوظبى يقولولى الحياه صعبه ولا تمام ؟؟؟؟؟؟

[سهيلة]

يا استاذ اهلاوى على الاقل قولنا هتشتغل اية ف هيئة الصحة وخبرتك كام

وبالتقريب مرتبك كام ووفى سكن تبع الشركةولالا

وعدد افراد الاسرة

واحنا هنجاوبك ان شاء اللة

[حسن أبوجنى]

الأخوة الأحباب فى المنتدى وخاصة محمد عيسى

العبد لله نجح فى اختبار شركة صحة فى مجال مراقب صحى ودراستى كانت بالمعهد الفنى الصحي بالأسكندرية يعنى مؤهل فوق متوسط وكنت التالت على الدفعة بتقدير جيد جدا ومعى خبرة 6 سنوات فى مجال شغلى (رعاية صحية _ مكافحة أمراض معدية _ الاشراف على حملات التطعيم ـ التفتيش على أعمال صحة البيئة ومراقبة الأغذية ) وطلبوا مننا بعد الموافقة تحضير بعض الأوراق مثل شهادة المعهد وترخيص مزاولة مهنة من وزارة الصحة والباسبور و5 صور خلفية بيضاء ، وبالاتصال بالشركة عرفنا ان الاوراق تم ارسالها الى أبوظبى من 20 يوم تقريبا والى الآن لم يتم الرد علينا

عايزين نعرف الراتب كام للمراقب الصحى صاحب المؤهل فوق متوسط وأخبار بدل السكن ايه خاصة ان أحد الأشخاص أخبرنى ان البدلات فى شركةصحة تبدأمن الدرجة السابعة فيا ترى احنا هنتعين على الدرجة الكام ؟ مع العلم ان انا فى مصر على الدرجة التالتة وهناك زمايل لينا لسة رايحين الشارقة على راتب 5300 درهم والسكن عليهم.ويقال ان رواتبنا ستبدأ من 7000 درهم فهل هذا صحيح؟

على فكرة احنا أربعة مراقبين صحيين ومعانا فنى معمل من محافظة البحيرة وجيران وناويين نسكن مع بعض مؤقتا لحد منظبط الأمور ونعمل استقدام للزوجات ان امكن

ياريت يا اخوانا تردوا علينا بأجوبة شافية كافية خاصة بعد ما قرأنا كلامكم بخصوص غلو السكن والمعيشة

برجاء المشاركة الجادة من كل المقيمين فى أبوظبى وخاصة محمد عيسى

[ahlawy]

ايوه كده انا برده ده الى كنت بسـأل عليه يا استاذ حسن انا برده الحمدلله نجحت ولسه برده مردوش مع انى بعت ال cd وكل حاجه بس قالولى ياعنى بيخدو وقت وسألت على المرتب محدش رد انا عايز بس حد يكون بيشتغل هناك يعرفنا كل حاجه مع العلم انى مراقب صحى ومعايا خبره 15 سنه وكل تقديراتى طول السنسين فى العمل جيد جدا ؟ نرجو الافاده

[ahlawy]

انت قدمت تبع شركه ايه؟؟؟؟؟؟؟؟؟؟؟؟؟؟؟؟؟؟؟؟؟

[ahlawy]

ياريت يا استاذ حسن تبقى معايا لو تعرف اى حاجه جديده تقولى ؟ وانا فى انتظار ردك

[حسن أبوجنى]

الأخ العزيز أهلاوى

انا امتحنت تبع شركة بايونير فى مدينة نصر

وهذا هو اميلي للتواصل hassan_sahaba@yahoo.com

[ahlawy]

هو مافيش حد من الامارات يرد علينا ولا ايه ؟؟؟؟ اى حد يعرف اى حاجه يا جماعه

[زعلان]

بصراحة انت بتسألوا عن معلومات محددة مش متوفرة لأي حد

[AboAsem]

أخى الكريم

أولاً ادعوا الله أن يوفقك لكل خير

ثانياً : انا بعيد تماما عن مجال الصحه ، لكن ممكن افيد بخبرتى فى ابوظبى لأتى عايش فيها من خمس سنوات تقريبا

بصفه عامه ، أهم شىء السكن ، لأنه غالى جدا فى ابو ظبى .

طبعا عدد الغرف يعتمد على عدد افراد السرة و أعمار أولادك . و أهم من هذا كله مكان الشقه

على سبيل المثال فقط ، شقه غرفه و صاله داخل مدينه ابوظبى لن تقل عن 110 الف درهم فى السنه (مئه و عشرة الاف درهم) ده لو لاقيتها

أما خارج أبو ظبى ، يعنى فى بنى ياس ، الشامخه ، الشوامخ ، الوثبة ، الرحبه و غيرها من المدن التى تبعد عن ابوظبى حوالى 50 كم تقريبا فالأسعار أقل كثيرا ، ممكن تلاقى نفس الشقه على 60 الف فى السنه

طبعا فيه أماكن ابعد زى مدينه زايد ، الأسعار فيها اقل كثيرا لانها بعيدة و لا توجد كثافه سكانيه بها

فى دبى إيجارها يختلف حسب المكان لكن من 60 إلى 90 ألف درهم سنوياً

غرفه وصاله فى عجمان ممكن 35 ألف درهم سنوياً و فى الشارقه أكثر قليلاً ، طبعاً السعر يعتمد على الموقع و حاله الشقه و البنايه و غيرة

يعنى مكان شغلك هو اللى هيحدد إيجار الشقه

بالنسبه للمدارس السنه تكلف من 10 الى 15 ألف درهم للطفل الواحد فى المدارس الجيده

هل الشغل يوفر تأمين صحى؟

لأن العلاج هنا غالى جداً سواء الكشف أو الدواء ، و خصوصاً إن شاء الله لما يكون فيه حمل و تبدأ المتابعات و الأشعات و التحاليل و الذى منه ، فلوس بالهبل .

وجود تأمين صحى مهم جدا ، و هو حالياً إجيارى فى أبوظبى ، كل الشركات تأمين على موظفيها

الأكل و الشرب و الإتصالات و الأشياء اليوميه إعملها 4 ألاف فى الشهر لأاسرة معها طفل واحد

طبعا الفسح و اللبس و الأمور الشخصيه أنت أدرى بها

المفيد ، لو قلنا إن الراتب من 5 إلى 7 الاف درهم فى الشهر ، نصيحه تعالى وحدك بدون الأسرة ، على الأقل لأول سنة . كدة ممكن تحوش حاجه و تتعرف على البلد براحتك و بعدين تقرر الأنسب لك

، و إحسبها بالنسبه لظروفك الحاليه ، طبعاً فى ناس رواتبها ألفين درهم فى الشهر و أخرين رواتبهم فوق الخمسين ألف شهرياً

الأمور نسبيه جداً ،

بالتوفيق

أبو عاصم