ارجو النصيحة

[masrawy for ever]

السلام عليكم انا مسافر الرياض الأسبوع القادم أن شاء الله لكن عندي بعض الأستفسارات من فضلكم:

1 - طبيعة الجو يعني الواحد يجيب الواحد شتوي ولا العملية على اد بلوفر وجاكت وخلاص (علشان الوزن 20 كيلو بس) علشان في ناس قالولي ان البرد مش زي مصر اقل بكتير واننا المصريين جسمنا ممكن نستحمله.

2 - ماصافات السكن الخاص بالأساتذة داخل جامعة الملك سعود (قالو لي انهم سيوفرون لي سكن لمدة ثلاثة شهور حتى اجهز سكني الخاص) هل الغرفة مشتركة ام مفردة هل بها حمام ام الحمام مشترك هل بها ثلاجة صغيرة (علشان الواحد يجيب شوية تذكارات من ريحة مصر) هل بها وصلة نت وهل يوجد اسواق ومحلات اكل قريبة من المدينة الجامعية .

3- معلش سوال ساذج بس علشان عمري ما سافرت قبل كدا هل في رسوم بتتدفع في المطار هنا او هناك غير الوزن الزائد.

وفي النهاية جازكم الله عني خير و شكرا.

[masrawy for ever]

مفيش حد عارف اي معلومة ياجماعة معلش ممكن تكون معلومات بدائية بالنسبة ليكم لكن الغريب اعمى ولو كان بصير وبيتعلق بقشاية.

تم تعديل 13 مارس 2009 بواسطة masrawy for ever

[Alrefaey]

اهلا بيك فى الرياض يادكتور

اولا الجو الان معتدل تقدر تقول زى مصر فى شهر ابريل انا شايف بلاش تجيب جواكيت شتوى الان مرحلة البرد القارص خلاص عدت ابقا اشترى من هنا فيما بعد

بالنسبة لجامعة الملك سعود ماعندى معلومات كافية عن السكن لكن كان فيه توبيك من اسبوعين بيناقش موضوع السكن ممكن تبحث عنة لكن هنا عموما لو هما وفرو لك سكن فلا تقلق هتجد الثلاجة والمكيف وكل شىء

مفيش اى مصاريف بتدفعها سواء فى مطار مصر او الرياض

[زعلان]

بالنسبة للجو الجو عادي بلوفر خفيف وجاكيت علشان الشتا كفاية وباقي اللبس صافي

بالنسبة للسكن طالما استاذ جامعي على الاقل حيوفرولك سكن خاص مؤثث (فيلا- بالميت شقة- لكن معنديش معلومات اكيده) ممكن شقه مفروش وممكن فندق المفروض انك تسأل

بالنسبة للمطار تذكرة السفر شاملة كل المصاريف

[masrawy for ever]

جازاكم الله خيرا وشكرا .