وبعدين في اللي إسمها " إيناس الدغيدي " ؟!!

[se_ Elsyed]

الوليه دي مش لاقيه حد يلمها ؟

وهل هي ماسكه علينا ذلة وعشان كده سايبنيها تعيث في الأرض فساداً ... .ولا إيه ؟

بصوا الخبر ده في المساء اليوم

مجنون أميرة" أمام الرقابة

للمرة الثالثة

كتبت- إلهام عبدالرحمن:

للمرة الثالثة تشاهد الرقابة علي المصنفات الفنية فيلم "مجنون أميرة" بسبب المشاهد الجنسية الصريحة التي صورتها بطلة العمل المطربة والممثلة السورية "نورا رحال" مع الممثل الشاب مصطفي هريدي وايضاً تامر هجرس بناء علي تعليمات المخرجة المثيرة للجدل إيناس الدغيدي.

مشاهد جنسية صريحة ؟!!!!!!

خلاص التكه خلصت ووصلنا يا رجاله ...

فليسقط الفن والفنانين وكل من في هذا الوسط إذا كان فنهم مهما كانت أهدافه سيكون هكذا

قصدت أن أضع هذا الخبر في باب مكافحة الفساد لإن الواحد يستحمل الفساد الإقتصادي او السياسي .. أما ما نملكه ورأسمالنا وهو الأخلاق .. فلا نتحمل فساده ..

[pink rose]

بجد الست دي انا بكرهها جدا

بس ارجع اقول العيب مش عليها لوحدها

العيب على وزراة الاعلام اللي خلاص سايبة الناس تعمل اللي على كيفه تحت مسمى حرية الرأي و الابداع

و يطلع اي مسؤول يقولك و الله اللي مش عاجبه في زرار ممكن تدوس عليه تحول القناة او يقولك لموا عيالكم ما يروحوش سينيمات

و برضه العيب علينا اننا ساكتين و ماحدش بيتكلم و لا يعترض كله بياخد جنب و يسكت

فيها ايه لو عملنا اتحاد او منظمة نقول ان المصريين ضد التفاهه و الهيافة و الجنس و التعري و نقاطع كل الافلام اللي فيها تعري و جنس صريح او حتى مستخبي

لكن تعالى شوف الشباب امام دور السينما عشان فيلم للتافه عادل امام و لا المجنونة بالجنس ايناس الدغيدي و نجمة الجماهير نادية الجندي

لو كل واحد مننا منع الحاجات دي في بيته و ربى عياله على الدين و الاخلاق و تابع اولاده بيتفرجوا على ايه و منعه من الزبالة دي

اكيد في حاجه هاتتغير

مش هايقولوا ما هي الناس عاوزة كده و دا ذوق الشعب المصري

انا باقول اهو انا ضد افلام الجنس و التعري و الفيديو كليبات و افلام عادل امام و غيره من الفشلة و التافهين اللي بس مهمتهم افساد اولادنا

مين معايا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[hanzalah]

أنا معاك

[شاب مصري]

يا س س ما هي السينما المصري بقالها حوالي 5 سنين او اكتر بتقدم مشاهد جنس صريحة

ضربات حرة مباشرة

فيلم خيانة مشروعة و فيلم حين ميسرة وغيرهم كتيييييير

مش جديد ابدا

ربنا يهديكي يا ايناس .

[Alshiekh]

من موضوع " الفن كما اريده " اقتبست هذا الرد للفاضل / Virus'

أقوال مأثورة..

نحن نذهب للفن لكن الفن لا يأتي إلينا..

لايمكننا تفصيل الفن كما نحب...تماما كما لا يمكننا تفصيل شخصيات الناس وكلامهم كما نحب..

الإسفاف والهلس لا يطلق عليه فن من الأساس!!

فلتخرج ايناس الدغيدى ماتريد ، ولنتوقف نحن عن مشاهدة مالا يعجبنا.

شارع الهرم يعج بالــــــ الليلية والنهارية ايضا ، وعلى الرغم من ان شارع الهرم يرتاده اويستخدمه ربما اكثر من المليون شخص يوميا الا انهم ليسوا من رواد تلك الــــ الليلية.

[se_ Elsyed]

من موضوع " الفن كما اريده " اقتبست هذا الرد للفاضل / Virus'

أقوال مأثورة..

نحن نذهب للفن لكن الفن لا يأتي إلينا..

لايمكننا تفصيل الفن كما نحب...تماما كما لا يمكننا تفصيل شخصيات الناس وكلامهم كما نحب..

الإسفاف والهلس لا يطلق عليه فن من الأساس!!

فلتخرج ايناس الدغيدى ماتريد ، ولنتوقف نحن عن مشاهدة مالا يعجبنا.

شارع الهرم يعج بالــــــ الليلية والنهارية ايضا ، وعلى الرغم من ان شارع الهرم يرتاده اويستخدمه ربما اكثر من المليون شخص يوميا الا انهم ليسوا من رواد تلك الــــ الليلية.

أختلف معك يا عم محمد ... فالسينما والتليفزيون إنتشارهم أوسع من أماكن الفساد الثابتة زي الكباريهات وما إلى ذلك ..

ولما توصل إلى إننا في سنيماتنا العربية نلاقي مشاهد جنسية صريحة يبقى على الدنيا السلامة ...

نحن مجتمع شرقي مسلم ومسحي لدينا تقاليد ولدينا عيب وحرام ....

أما موضوع إننا نسمح بعرض جميع الأفكار حتى لاشاذة ونقول " والله إحنا اللي بنروح السيما مش هي اللي بتجيلنا " فده مرفوض ومستهجن تماماً ..

يكفي مسئوليتنا امام الشباب الصغير اللي بوصلته ضايعة أساساً .. فلما يتربى الشباب ده على افلام الجنس الفجة ومثل تلك التفاهات التي تقدمها إيناس الدغيدي وأمثالها من شياطين الإنس .. بالإضافة إلى عدم إعلاء قيمة العلم والعملاء والعمل في مجتماعنا .. يبقى بالله عليكم ماذا نتوقع بعد 10 سنين مثلاً ؟

ألا تتفق معي إن هايبقى عندنا جيل كامل من الشباب التافه الضائع ....

[mohamedyehia]

وانت متابع اخبارها لية اشغل نفسك بالاستغفار

[محمد عيسى]

في رأي مش القضيه في الكام منظر اللي هايتحذفوا قبل العرض السينيمائي بالتأكيد .. و إن تبقت حاجات غير صريحه فهي موجوده في جميع الأفلام

القضية في رأيي هي قيام السينيما بدور تشويهي متعمد لكل القيم و المبادئ التي تربينا عليها و حثنا عليها ديننا .. يعني مش كفايه مضمون فارغ و بس .. و كمان سيء .. و كمان له دور تشويهي في الكفر بكل القيم في حياتنا و إخراج أجيال من المسوخ تراها بوضوح عندما تمشي في شوارع مصر حالياً

[se_ Elsyed]

وانت متابع اخبارها لية اشغل نفسك بالاستغفار

حاضر وبالمرة هاخليني في حالي .. ولا لنا دعوة بالامر بالمعروف والنهي عن المنكر .. ولو شوفت فساد من حواليه مش هاشغل نفسي بمتابعة اخباره

شكراً على نصيحتك الايجابية الاصلاحية

[سليمان بك]

بلاش طعن في اعراض وشرف التاس

احنا مش عارفين هي ممكن تبقى ايه

نفسي الكلام ده كان بيتقال عن الست شمس البارودي من 30 سنة شوفوا هي الان ايه

مين عارف حضرتك ممكن حياتك كلها تتغير وهي تبقى مثال التقوى والورع

وعلى الاحبة لا تلوم فتبتلى وقم بنفسك ثم عقلك واستقم

فهناك حال والحال فيه مقامه وعطاء ربك لا حدود ولا زمن

[se_ Elsyed]

بلاش طعن في اعراض وشرف التاس

اي اعراض يا اخي الكريم ؟

الاعراض التي تنتهكها تلك الكائن مجهول الهوية وتجاهر بمعصيتها وتقول في لقاءتها التليفزيونية المسجلة بإنها " اول مخرجة اقتحمت غرف النوم لتصوير ما يدور فيها " ؟

هل تقصد تلك الاعراض ؟

وهل دورنا اذا رأينا هذا الفساد في المجتمع ان نسكت ونخشى الخوض في الاعراض ؟

[وليد صفوت]

السلام عليكم و رحمة الله و بركاته،...

أولاً و قبل الدخول بأى رأى فى الموضوع، هذة الشخصية لابد أن يكون هكذا انتاجها و هكذا فنها..... نعم هى فنانة و لكنها مريضة بأكثر من مرض ليس أقلهم الغرور و ليس أكثرهم الشذوذ الجنسى الذى تعانى منه. و تنعكس هذة الأمراض حتى على أسلوب و تكنيكات إخراجها لأفلامها... فيجب أن نتوقع الأسواء من هذا الفيلم مستقبلاً..

ثانياً... ياللعجب! كيف اقنعت هذة المطربة الشابة (نورا رحال) صاحبة الشخصية الطفولية الحبوبة بهذا الدور! إذن هى ليست مخرجة مريضة فحسب، بل و صياد ماهر يُجيد صيد فرائسه من النجوم التى توشك على الأفول و التلاشى حتى يعودوا الى عالم الشهرة (بفضيحة) إسمها... فيلم لإيناس الدغيدى.

ثالثاً... ما (يُذاع) فى القنوات الفضائية و السينيمات ليس كما (يُعرض) فى الكباريهات و البارات، فالثانى مكان مشبوه يكفى الشخص حرجاً و خجلاً و عاراً أن يراه أحد يدخل مثل هذة الاوكار، أما الحالة الأولى... فهى صالة عرض سينيمائى تسمح بدخول كل افراد المجتمع دون خوف من فضيحة او كسوف، أما التليفزيون (فى حالة عرض هذا الفيلم فى السينيمات و من ثم عرضه على شاشات التلفزة بعد فترة) فهذة الكارثة العظمى!

رابعاً... إنصافاً للحق، ليست إيناس هى المجرمة الوحيدة فى المجتمع، هناك مجرم أكبر منها فى رأيى، و هو من يسمح بعرض أفلام شبه بورنو لفتيات يظهرن بنصفهم العلوى عارى تماماً على قناة (*****) مساءً على النايل سات، و فى اوقات تعتبر من اوقات المشاهدة و ليس النوم!!!! حسبى الله و نعم الوكيل.

خامساً... أوافق الرأى الذى يقول بضرورة وقوف المجتمع فى وجه امثال هذة الشخصيات الحقيرة، التى - و إن تُركت - ستدمر اخلاقيات الشباب تدميراً، مع الاخذ فى الاعتبار ان الدين اصبح لا يدرس فى المدارس، فينمو الشاب أو الشابة و دينهم هو العرى و الجنس و أخلاقهم هى التمرد و الحرية و التفتح و التمدين (كلها الفاظ لكلمة تحرر)، و همهم الاول متابعة مثل هذة الافلام و حبهم لمثل هذة الحياة المتحررة من كل عادة و تقليد و خُلُق.

تحياتى

------------

تم إزالة إسم القناة

تم تعديل 17 مارس 2009 بواسطة وليد صفوت

[ابو محمود]

السلام عليكم و رحمة الله و بركاته،...

أولاً و قبل الدخول بأى رأى فى الموضوع، هذة الشخصية لابد أن يكون هكذا انتاجها و هكذا فنها..... نعم هى فنانة و لكنها مريضة بأكثر من مرض ليس أقلهم الغرور و ليس أكثرهم الشذوذ الجنسى الذى تعانى منه. و تنعكس هذة الأمراض حتى على أسلوب و تكنيكات إخراجها لأفلامها... فيجب أن نتوقع الأسواء من هذا الفيلم مستقبلاً..

ثانياً... ياللعجب! كيف اقنعت هذة المطربة الشابة (نورا رحال) صاحبة الشخصية الطفولية الحبوبة بهذا الدور! إذن هى ليست مخرجة مريضة فحسب، بل و صياد ماهر يُجيد صيد فرائسه من النجوم التى توشك على الأفول و التلاشى حتى يعودوا الى عالم الشهرة (بفضيحة) إسمها... فيلم لإيناس الدغيدى.

ثالثاً... ما (يُذاع) فى القنوات الفضائية و السينيمات ليس كما (يُعرض) فى الكباريهات و البارات، فالثانى مكان مشبوه يكفى الشخص حرجاً و خجلاً و عاراً أن يراه أحد يدخل مثل هذة الاوكار، أما الحالة الأولى... فهى صالة عرض سينيمائى تسمح بدخول كل افراد المجتمع دون خوف من فضيحة او كسوف، أما التليفزيون (فى حالة عرض هذا الفيلم فى السينيمات و من ثم عرضه على شاشات التلفزة بعد فترة) فهذة الكارثة العظمى!

رابعاً... إنصافاً للحق، ليست إيناس هى المجرمة الوحيدة فى المجتمع، هناك مجرم أكبر منها فى رأيى، و هو من يسمح بعرض أفلام شبه بورنو لفتيات يظهرن بنصفهم العلوى عارى تماماً على قناة (*****) مساءً على النايل سات، و فى اوقات تعتبر من اوقات المشاهدة و ليس النوم!!!! حسبى الله و نعم الوكيل.

خامساً... أوافق الرأى الذى يقول بضرورة وقوف المجتمع فى وجه امثال هذة الشخصيات الحقيرة، التى - و إن تُركت - ستدمر اخلاقيات الشباب تدميراً، مع الاخذ فى الاعتبار ان الدين اصبح لا يدرس فى المدارس، فينمو الشاب أو الشابة و دينهم هو العرى و الجنس و أخلاقهم هى التمرد و الحرية و التفتح و التمدين (كلها الفاظ لكلمة تحرر)، و همهم الاول متابعة مثل هذة الافلام و حبهم لمثل هذة الحياة المتحررة من كل عادة و تقليد و خُلُق.

تحياتى

ياعمنا تحيات ليك على كلامك السكر وردك الذى اثلج صدرى واللة لن اجداكثر من تلك الكلمات التى زينت بها الموضوع .....................................واخيرآ اقولك بالبلدى روح ربنا ينور طريقك وطريق امثالك ويكرمنا معاك

------------

تم إزالة إسم القناة

[لونا]

المشكلة مش بس في إيناس الدغيدي!!

المشكلة إننا يتم تعويدنا بالتدريج و ببطء شديد على الكلمات الخارجة و آسفة (مشاهد البورنو) !!

ارجعوا بالذاكرة فقط سنتين أو ثلاثة كان لا يمكن أن تسمع في الأفلام و المسلسلات الأجنبية على قنوات ال mbc مثلا ََكلمات خارجة,

في البداية كان الصوت يتم قطعه ,و بالتدريج لم يعد يقطع و لكن لم يكن يترجم, الآن يترجم ترجمة حرفية!!

من سنتين مثلاًََ لم تكن ترى مشاهد ساخنة أكثر مما نراه في الأفلام العربية القديمة مع إعتراضي الشديد عليها,

دلوقت أعتقد إنهم لا يقطعون من المشاهد الساخنة الكثير تمهيداََ لعدم قطع شىء على الإطلاق.

وكان أحد الأعضاء - مش فاكرة مين للأسف- أشار لأغنية قديمة لنانسى عجرم كانت عملت ضجة في وقتها بسبب ملابسها العارية ,

ولما رآها العضو المحترم قريبا رأى أنها لا تقارن بما يحدث الآن!!

و ما ينفعش نقول إن الريموت في إيدك تقدر تغير في أي وقت , أنا أقدر أعمل كدة لكن أولادي لأ !!

, مهما علمتهم كيفية إختيار ما يشاهدوه و راقبتهم حييجي وقت لما يكبروا مش حاقدر أعمل كدة.

مش حأقدر أراقبهم طول الوقت

[وليد صفوت]

السلام عليكم و رحمة الله و بركاته،..

جزاكم الله خيرا يا استاذ محمد على كلماتك الرقيقة.

أوّد أن أضيف بإعتقادى الشخصى انّ إيناس الدغيدى ستكون نهايتها أشبه بنهاية هالة سرحان الإعلامية (القديرة/ التافهة) التى ارادت فى احدى حلقاتها ان تجعلها ساخنة، و أن تكسوها بثوب الجدية (التافهة) لكى تجعل منها قضية رأى عام، و لكن الظاهر ان الحلقة من كتر سخونيتها ولعت فى وشها فاختفت من وشوشنا احنا و لله الحمد.

تحياتى،..

[زهرة الجبل]

المشكله أراها ليست في هذا الفيلم او في اللقطات الخارجه فيه فقط

و لا في حقيقة إن كان سيعرض كما هو عليه أم سيتم حذف البعض من براثنه المصوره أولاً

المشكله في ثقافة العُهر _ إن صح التعبير _ و التوجه الواضح لنشرها و تعميمها علينا

أعني أن المشكله في التوجه الفكري المسموم و الذي يحتويه الفيلم حتى و لو تم حذف كل اللقطات الخارجه منه

فلم تعد الكارثه هي في نـُدرة أقمشة الملابس .. و لا في المساحه الآخذه بالإنكماش بين الممثلين إلى حد التوحد

هناك من الأفلام ما لا يحمل منظر إباحي واحد و لا تجد به لقطه لممثله شبه عاريه .. لكنه يحمل من الألفاظ و المواقف ما يندى لها الجبين

و ما أشير إليه الآن بشكل أكبر هو طريقة حياكة المواقف و رسم الأحداث بشكل يحمل عادات غريبه علينا في إطار تعامل إنسيابي جداً معها و كأنها أصبحت هي الفطره و العادي جداً

و مدى تكرار ذلك في أغلبية الأعمال الفنيه بشكل عام سواء مسلسلات أو أفلام أو حتى أغاني و فيديو كليبات

بشكل يجعلني اعتقد أنني من جيل بعيد جداً و كأنني أحمل من السنوات ما لا يجب أن يقل عن نصف قرن مثلاً حتى اشعر بكل هذا الفرق بين ما كنت أراه على الشاشات في سن المراهقه مثلاً و ما تقع عليه عين إبنتي اليوم

يعني لما يكون فيلم كل ممثليه تقريباً يمارسون البغاء ( بدون و لا لقطه صريحه ) يبقى المشكله ليست مشكلة لقطات فقط .. بل هي مشكلة فرض بالقوه لثقافه ملوثه أقل ما يقال عنها هو وصفها بـ ( ثقافة العـُهر )

و عندما تتم الرذيله بشكل معلن تماماً فيما بينهم و لا يستدعي ذلك أي خجل يـُذكر أو حياء أو أي محاوله لإخفاء الأمر ..

و يتعاملون مع الأمر كأنه عادي و بديهي و كأنه كالمأكل و المشرب و الملبس .. بل على العكس قد يصل الحد إلى درجه التفاخر به و ليس المجاهره فقط تبقى دي حرب معتقدات و تشويه للفطر السليمه و إستماته و إصرار على محاولة إخراج الحالات الشاذه من شرنقة الندره إلى فضاء التغليب

و في رأيي الشخصي أرى أن هذه النقطه بالتحديد _ محاولة إخراج الحالات الشاذه من شرنقة الندره إلى فضاء التغليب _ هي رأس الحيه

و أيضاً حدث و لا حرج عن كم الألفاظ و المصطلحات و الإيماءات التي تشكل تقريباً لغه جديده

لغه تفرض على الجيل إستبدال لغتنا الطبيعيه بمستوى متدني جداً من الحوار للتداول و التخاطب به .. فتصبح حاجزاً جديداً بين الجيل الحالي و الجيل السابق له

و كأنهم يصنعون عائق جديد يضاف إلى قائمة طويله من المشاكل في التواصل بين جيل الأباء أو الأمهات و بين الجيل الحالي

و تجد الشخصيه الوحيده و النادره الملتزمه في الفيلم يتم رسمها كأنها شخصيه سيئة المظهر مبهدله ده من حيث الشكل .. أما من حيث المضمون فهي شخصيه مصطنعه ومتكلفه و منافقه !!! و كأنها شخصيه مهزوزه تعاني من أخلاقياتها و ليست مقتنعه بها بالفعل .. لكنها لا تستطيع التحلي بالشجاعه الكافيه للتحرر منها .

ففي النهايه تجد أن تلك الشخصيه عندما تخلصت من النفاق و التكلف و بالبلدي كده ( لما بقى صريح مع نفسه و تبع الفطره ) أصبح كالبشر العادين بقى و تخلص من الإلتزام و تحرر من قيود الأخلاق الخانقه و إنضم للمجتمع المتفتح العصري الصريح الجميل خالص !!!

و حتى لا يعترض البعض فأنا أتكلم عن فيلم بعينه و بدون ذكر إسمه .. لكنني أرى أنه صوره مكرره للسواد الأعظم من المطروح علينا الآن بغض النظر عن من هو حامل لواء الإخراج فيه و من هم الممثلون .. فالنتيجه واحده لأننا _ و بكل أسف _ في كل الأحوال متورطون .. فنحن و أبناؤنا المتفرجون .. نحن ساحة العرض .

شئ مؤسف للغايه و ليته مؤسف و حسب .. المشكله أن فكرة إنشاره الواسعه تخلق بداخلي الرعب و تشعرني بالعبء الثقيل

ليس فقط للعجز عن التصدي له أو لعدم القدره على منعه .. بل للخوف من تأثيره على أقرب الناس إلينا

فالتساؤل الهام الآن .. و هو مصدر هذا العبء .. كيف يمكننا حماية أبنائنا بنات و بنين من هذه الهجمه المسمومه ؟

و هل يفترض فعلاً بالرقابه على الأفلام إقتصار دورها على حذف المشاهد العاريه فقط دون الإعتراض على الفكره و المضمون ؟

أم أنه لا يحق لنا المطالبه بمصفاه للمضامين ؟

أتكلم لكنني أجد خاطري _ و مع الأسف _ يقول لي :

و ما الفائده بمصفاة المضامين الرقابيه إن كانت المناظر و المشاهد تخرج علينا بهذه البشاعه في هيئة لم يخدشها مقص الرقيب ؟؟

إذن فما هو الحل ؟؟

[وليد صفوت]

أتذكر كلمة لعمرو أديب حينما كان يقدم ممثلين و مخرج فيلم (حين ميسرة)فى برنامجه،.. قال:

"بسال إبنى انت روحت فين النهاردة يا حبيبى؟ يقولى: يا بابا انا روحت السينيما (نايل سيتى و كان حين ميسرة يُعرض فى هذة السينيما حينها). قولتله: يالهوى!! سينيما!! (عمرو قالها و كأنها كباريه)، و اتفرجت على فيلم ايه يا واد؟ قالى: فيلم أجنبى و الله يا بابا! قولتله: طب إحكهولى! "

أخشى ان تتم هذة المحادثة بيننا و بين ابنائنا يوماً ما عندما نكتشف عن طريق الصدفة (ربما بتفتيش جيوبهم و العثور على تذاكر سينيما) أنهم قد دخلوا - استغفر الله العظيم - سينيما!!!!

تحياتى،..

[زهرة الجبل]

يا ريتها على أد السينما بس يا أستاذ وليد

في السينما انت تذهب لرؤية الفيلم ..

لكن عندما ينتهي دور السينما في عرض الفيلم و يأتي دور التليفزيون ..سيصبح الفيلم جايلك لحد داخل بيتك

و الله العظيم فعلاً بيحصل لي حالة رعب لما بشوف الريموت كنترول في إيد بنتي

و عندي حالياً قانون في البيت .. ممنوع لمس الريموت .. أنا بس أو والدهم إللي بنغير القنوات رغم علمي إنها بتدور على mbc3 مثلاً أو space toon

لكن أنا مش ضامنه لو جابت فيلم عربي من دول بالصدفه و ثبتت على القناه هيكون إيه شكل العرض ساعتها

و طبعاً هي و نتيجه للحظر المفروض عليها لو شافتني و هي ماسكه الريموت بترميه من إيدها بسرعه..

و تبقى كده عرضت نفسها للقيل و القال و سئيل السؤال و تبقى خناقه بقى

و ربنا يرحمنا برحمته

[عنبو]

ايناس الدغيدى والله المره دى انا مش بحبها لا هى ولا خالد يوسف ولا اى مخرج عامل فيها ان السينما فيها اباحيه يعنى ايه اباحيه امال فين الحياء ؟؟ والمشكله انهم بيجوا على القنوات ويتكرموا وياخدوا جوائز والله العظيم بقى اقاعد هموت من الغيظ لما اشوق اى تافه او اى واحد من دول بياخد جائزه يعنى فيه ممثل انا مش بحب اشوفه لما بشوفه بموت من الغيظ كانوا بكروموه فى مهرجان من بتوعوهم الممثل ده ياشباب ايام النكسه طبعا كل النشاطات وقفة يقوم يعمل ايه الراجل بدل لما يروح يحارب ولا يشوف البلد عاوزه تعمل ايه يعمله ؟؟ الراجل لا ساب البلد وراح لبنان يعمل افلام تخدس الحياء افلام جنسيه صريحه وفى الاخر مصر بتكرمه على ايه معرفش ؟ظ لان الراجل ابدع فى هذا الفيلم ويقولك الفنانين ؟؟ بجد حاجه تغيظ بس برضه احنا السبب احنا اللى ادينا للناس دى اكبر من حجمهم والله العظيم ؟؟ انا لا انكر ان فيه منهم ناس محترمه وانا بحترمهم ودول مش بيتكرموا خالص ؟؟ وبتوع الافلام الجنسيه اليومين دول عاملين مبدعين يعنى هيحلوا مشاكل مصر ويطلعوا يتكلموا فى احوال البلد والله العظيم وانا كنت فى سن المراهقه كنت بدعى على كل الممثلات بالاسم لان اللى كان بيحصل فينا ده مش شويه ؟؟ وحسبى والله وعم الوكيل وياريت لو برضه ننتكلم على لبس البنات اليومين دول ده الواحد عاد بيمشى فى الشارع وشه فى الارض مع انى معرفش مين المفروض يتكسف ؟؟ وحسبى الله ونعم الوكيل

[بركة]

يا أخواني الاعزاء ان هناك ما هو أخطر وأدهى من المدعوة أيناس أو غيرها

ألا وهو مسلسلات كرتون الأطفال نفسها في قنوات الأطفال MBC3 , SPACETOON

والتي قمت بمسحهم من الريسيفر بالكامل لما بهم من اباحية ؟؟؟؟؟؟؟؟؟ نعم اباحية

ألا تلاحظون معي أن كل أفلامهم أو مسلسلاتهم بها فتيات كاشفات لمعظم أجسامهم

ويرسمون البنات بشكل ساحر وأنها واااو ومالهاش حل ؟؟؟؟؟؟؟ وعادي الحب بين الاولاد والبنات الصغيرين

هذه المسألة لاحظتها على جميع ما يعرض بلإضافة لما رأيته خارجا عن التوحيد والعقيدة من أمور السحر

والقوة المسيطرة على العالم من الشخصية الفلانية .. وهذا ما أراه جليا السم في العسل

+الألعاب اللي على النت والموجهه للبنات الصغيرات والمراهقات من كيفية تلبيس البنت الحلوة ملابس كاشفة

وعمل مكياج لها ........

ولقد لاحظت ذلك بوضوح على بنتي 5 سنوات وقولها لي( يا ماما أنا عايزة ألبس بلوزة بطني باينة حلوة ياماما )

وناهيكم عن الطريقة اللي حاولت أخليها تعدل اللي في دماغها من ناحية الحشمة بعد غسيل المخ اللي كان عندها

بطريقة غير مباشرة (لأن من شب على شئ )

وربنا يهديلنا اولادنا ويسترها معاهم من الزمن المنيل ده .......