توكلت على الله وقبلت العقد في مستشفى المفرق

[الكريم]

اخوانى جزاكم الله كل خير انا اعرف انى تعبتكم كثيرا مؤخرا في المنتدى في اسالتى عن ابوظبى و بعد الاستشارة و الكثيرر من الاستخارة ارسلت لهم موافقتي على العقد وتفاوضت معهم فقبلوا بدل التعليم 12 للطفل و بدل سكن200 كده كويس؟ ؟ انا كنت نويت استقر في الكويت و بالذات بعد ما اعلنوا انهم سيزيدوا الراتب للاطباء و لكن الخدمة المدنية رفضت المهم كمان الفترة الاخيرة حصلت 5 حوادث اغتصاب اطفال في الروضه فى الكويت و لا رادع طبعا اترعبت وجيت اركب الاسانسير مع مراتى في مول راحت مواطنة بصت لينا باحتقار على فكرة في سلالم على جنب رغم اننا حلوين و مستحمييتن ودكاترة بس تقول ايه و الطامة الكبري خناقة معتبرة مع مواطن كويتي :sad: (مؤدب جدا) عاوز يطرد مريضة من العيادة و سحبها من ايدها لانه كويتى وهى مصرية وهو احق بالدور رغم انه ليس له رقم و تحولت الخناقة الى عاركة ثم محضر طبعا حاول وكيل النيانة ان يجعلنى اتنازل عن حقي و طبعا متنزلتش المهم كرهت العيشه و اللى عايشنها و انا مروح من الشغل يوميها خلصت و خبطنى واحد من الحبايب في عربيتى ماشي بسرعة5000000 كيلو قلت في نفسي دة جواب الاستخارة كل البلاوي دى في اسبوعين امشى احسن و رجعت مفيش مناقشة قبلت العقد و توكلت على الله ممكن بقي بما ان الامر حسم تجاوبونى عن سؤالين الاول انا معى رخصة كويتى ممكن امشى بيها لحد ما اطلع الاماراتى ؟ و الثاني ممكن مراتي و الاولاد يلحقونى بعد قد ايه و شكرا للجميع

تم تعديل 11 مارس 2009 بواسطة الكريم

[زعلان]

ان شاء الله خير طبعا العرض كويس بالنسبة للسكن خاصة و التعليم كويس ايضا بالنسبة للرخصة يحق لك انك تحولها لرخضة امراتية و حتى تحصل على اقامة دائمة يحق لك استخدام الرخصة الكويتية

بالنسبة لزوجتك و اولادك يحق لك انك تجيبهم معاك طبعا بس لو حابب انه يكون في فترة انتقالية لحد ما تعرف البلد فممكن بعد ما توصل بشهر تكون رتبت السكن و لقيت مدارس قريبة و جبت سيارة وربنا يوفقك لو في استفسارات و اسئلة اتفضل

[HDarwish]

ربنا يوفقك

[HDarwish]

عندك حق البلد حتى بجانب كل المشاكل اللي انت قلتها دي بئت تخنق لدرجة لا تطاق

تمنياتنا بالسداد والتوفيق في الإمارات

وللحديث بقية

تحياتي

[سهيلة]

ربنا يوفقك يا دكتر ف الشغل الجديد هنا

والخيرة فى ما اختارة الله

[الكريم]

جزاكم الله كل خير على ردكم السريع علي اخي زعلان يعني ممكن كده اشتري سيارة بالقسط لما اوصل لاني سمعت ان لازم عربية عشان الشغل بعيد واسوق بالرخصة اللي معايا لحد ما اخد رخصة الامارات و بالنسبة للاستقدام سهل ولا خطواته غلسه و سؤال اخير عن السكن و التعليم جزاك الله خير 200 ينفع يجيبوا غرفتين و صالة و 12 تعليم يدخلوا مدرسة كويسة لغات يعنى .

اخي Hadrwish جزاك الله خير اكيد انت عرف الكويته زوق وادب واخلاق و الله الواحد بقى متضايق اوى في شغله ربنا يعين

اختي سهيلة ربنا يكرمك فعلا الخير فيما اختار الله و الواحد متوكل عليه اهى كلها غربة بس علي الاقل الواحد يكون بكرامته

[زعلان]

الرخصة مفيهاش اي مشكلة طبعا تقدر تستخدم رخصة الكويت لحد ما تعمل اقامة دائمة تحولها لرخصة اماراتية

العربية بالقسط سهلة موجودة ومتوفرة

بالنسبة لاستقدام الاسرة سهل جدا ومفيهوش اي تعقيد او تعب

انت تقصد 200 الف درهم في السنة مش كده لوكده تقدر تاخد شقة غرفتين او 3 غرف كمان في ابوظبي بسهولةوفي مكان ممتاز وممكن باقل من كده شوية او شويتين

12 الف درهم في السنة بالنسبة للمدارس حسب السنة الدراسية بس ممكن تلاقي مدارس بالسعر ده و اغلب المدارس اجنبية بالطبعوممكن تزيد شوية

تم تعديل 11 مارس 2009 بواسطة زعلان

[prince]

اخى د كريم اعتقدت انك ستتجه غربا الى كندا بعد سؤالك عن وضع الزمالة البريطانية فى كندا عموما اتمنى لك التوفيق فى اى مكان

[الكريم]

نعم اخى prince انا نويت ان شاء الله على الذهاب لكندا ولكنى باذن الله افكر في اخذ المعادلة قبل السفر لاني قريت فى المحاورات من الاخوة الاعزاء ان الهجرة تكون اسهل ووتوافر العمل اسهل اذا ذهبت و معي المعادلة انا اعرف ان الامتحانات تكون هناك و التدريب ممكن ان اعفي منه كما فهمت بسبب الزمالة mrcp وربنا ييسر و الجو هنا لا يشجع بسب الشحن النفسي و ايضا الموافقة على الهجرة تاخذ سنتان او ثلاث ممكن خلالها اقيم فى الامارات و ارتب وضعي ماديا قبل ان الهجرة الواحد بيحاول يوفر احسن الفرص لاولاده و ربنا معانا كلنا

[الكريم]

اخي زعلان جزاك الله كل خير على جوابك السريع على لانى كنت قلقان من موضوع الرخصة و السواقة جدا و كمان لانى سمعت ان السكن نار جزاك الله كل خير

[prince]

اخى العزيز تقريبا احنا نفس التفكير بس انا لسة مستنى نتيجة ال PACES بالمناسبة انا شغال فى السعودية فى مستشفيات وزارة الصحة

[محمد عيسى]

جزاكم الله كل خير على ردكم السريع علي اخي زعلان يعني ممكن كده اشتري سيارة بالقسط لما اوصل لاني سمعت ان لازم عربية عشان الشغل بعيد واسوق بالرخصة اللي معايا لحد ما اخد رخصة الامارات و بالنسبة للاستقدام سهل ولا خطواته غلسه و سؤال اخير عن السكن و التعليم جزاك الله خير 200 ينفع يجيبوا غرفتين و صالة و 12 تعليم يدخلوا مدرسة كويسة لغات يعنى .

اخي Hadrwish جزاك الله خير اكيد انت عرف الكويته زوق وادب واخلاق و الله الواحد بقى متضايق اوى في شغله ربنا يعين

اختي سهيلة ربنا يكرمك فعلا الخير فيما اختار الله و الواحد متوكل عليه اهى كلها غربة بس علي الاقل الواحد يكون بكرامته

الف مبروك للدكتور الكريم و هاتنور ابوظبي بجد

بالنسبه للعربيه ممكن ما تستعجلش عليها لان مستشفى المفرق ليه مواصلات كويسه و علطول فيه تاكسيات ادام الباب التاكسي بيروح ابوظبي بعشرين او 25 درهم

اما استقدام الاسره فهو سهل جدا لكن بعد ما تاخد الاقامه على جواز السفر و دي بتتم في خلال من اسبوعين لتلاته بالكتير من وصولك

بدل السكن يجيبلك غرفتين و صاله مستريح و بدل التعليم ممكن تحتاج تزود عليه شويه لو عايز مدرسة كويسة

اتمنى التواصل لما تيجي ان شاء الله و نكون معاك في خطواتك

تحياتي الخالصة

[الكريم]

اخي PRINCE جزالك الله خير انا برضه في وزارة الصحة بس الكويت و الله انا كنت اخدت MRCPالاول لتصورى انها حتفرق فى الشغل جدا هى فعلا ريحتنى لان الواحد بقى SEC -ONCALL بس الوشوش هي هي و البلد لا تتغير حتى و الواحد رايح الامارات ساعامل كاخصائي و لا قابيلية مطلقة للترقية الا بخبرة اوروبية لا تقل عن 3 سنوات وبعد ما احد زملائنا الطيبين في المستشفى هاجر بعت لي EMAIL ان الهجرة احسن في كل شيء قلت اسال و اقرا ووجدت ان MRCP حتقلل مشوارى بصراحة اصل الواحد اتهد حيله و عاوز يقصر مشوار المعادلة و انت طبعا ادري بغتاتهMRCP و خاصة PACES وفيها C. SKILL وCASE HISTORY اخر جمال انا خدتها بعد مرة في دبي و مرة في العين المهم ان وجدت الهجرة هي الحل الأكرم و ربنا ينجحك و يبشرك بالخير

اخى محمد عيسي ربنا يكرمك انا سالتك كتير قبل كده و بصراحة نعم الاخ ربنا يبارك لك انا باذن الله ححاول اجيب الاولاد بدرى اصل مراتي شيفة ان ذوقي فى العفش مش قد كدة و عاوزة تنقي ربنا يسهل و ييسر الحال و نلقاكم فى الامارات ان شاء الله

[زعلان]

ححاول اجيب الاولاد بدرى اصل مراتي شيفة ان ذوقي فى العفش مش قد كدة و عاوزة تنقي ربنا يسهل و ييسر الحال و نلقاكم فى الامارات ان شاء الله

بصراحة معها حق

:happy:

[tarek nokia]

انامش لاقي لفظ اصف فيه الكويتين

[الكريم]

PRINCE :happy:

[الكريم]

و الله يااخي طارق النهاردة ضربوا دكتورة مصرية في الصباح و لا تعليق

[روح الحياة]

أخي الكريم أهلا بك ومرحبا في بلدك الثاني ابوظبي نحن جيرانك بالعين وارجو أن ترسل تحياتي للمدام وأي مساعدة انا موجودة وللعلم انا مصرية لكن

من مواليد هذه البلد فاي استفسار احنا تحت امرك ، أهم شئ أخي تضع في اعتبارك ان بعض الفئات من الشعب المصري الكريم تكون هي من يسئ لنا كمصريين وتسبب النظرة الدونية التي ينظر بها اهل الخليج احيانا لابناء هذا الششعب وانت فاهم اكيد الأسبب !!!

لكنعموما تاكدتماما ان الشخصية المحترمة والتي تضع لنفسها اعتبارا من البداية تلقىكل الإحترام والتقدير في اي مكان . ولا تقق فأهل البلد هنا غاية في الإحترام والذوق ( غيييييييير الكويت بالمرة ) .

واهلا بك مرة أخرى .

[الكريم]

جزاكي الله كل خير اختى روح الحياة أكيد في البداية حنحتاج نعرف كتير عن البلد و الواحد معتمد علي الله ثم اخوانه في الامارات ربنا يكرمك و الله اهم حاجة شجعتنى مما سمعت منكم عن ان اهل البلد في الامارات محترمين يعنى الواحد يتعامل مع بنى ادمين و الله حتى المصريين هنا فيهم الكويس جدددا و فيهم اللى يطعن بس الكويته لا يفرقون كله خدامين.

اخي زعلان سامحك الله و الله زوقى حلو

اخي برنس انا حاسس بالقهر طول العمر مذاكرة و لاتنتهي ربنا يعينا

تم تعديل 13 مارس 2009 بواسطة الكريم

[الكريم]

اخوانى انا كنت عاوز اعرف اسماء مدارس لغات حلوة عشان احجز مكان للاولاد لاني سمعت ان التقديم في شهر 4 تقريبا و سؤال عن السكن ماهي اسماء المناطق المناسبة للسكن اللى ادور فيها شكرا لكم