الجدار بتاريخ: 12 مارس 2009 تقديم بلاغ مشاركة بتاريخ: 12 مارس 2009 كنت بقرا خبر عن الحكم بتاع ممدوح اسماعيل وان الحكم غيابي يعني يسقط بعد 3 سنين وماينفعش نبلغ الأنتربول علشان الحكم مش نهائي يعني برضو طلع براءة ولقيت واحد معلق على الخبر بأبيات شعر طالعه من واحد متمرمط والدنيا طاحناه الراجل بيقول "ازاى احبك يا بلد وانت مش حبانى ازاى اعيش واموت واندفن فى ارض رفضانى بنام وأحلم ببكرة الأقي بكرة زود أحزاني أة يا بلد لو بإيدي كنت أهدك وابنيكى من تانى بيقولك تعديل دستوري إحنا عايزين تعديل إنساني كل إنجازات البلد أنفاق وكباري بلد بتموت و شعب فى حالة سكوت وكانها لعبة اتارى من كتر الظلم والضلمة بقول ياريت ايام الملك والانجليز ترجع تانى أة يا بلد مليت بحبك الدفاتر مع العلم أنك قتلاني مين اللي قال أن عبارة السلام غرقت ومين اللي قال أن ممدوح إسماعيل قاتل وجاني اللي غرقت مصر واللي غرق ما بيطلعش حى تانى هو يطلع من صالة كبار الزوار وأنا اتحبس في سجن المطار واتعرض علي البحث الجنائي انا اللي من صغري أخترتك سكتي أتريها سكة أحزاني أنا اللي من صغري أخترتك كلمتي ألاقيكي مقيداني أه يا بلد نفسي قبل ما أموت الاقي زمانك وزمانى إتغربت أكتر من سبع سنين ورجعت لاقيت الغربة هنا شكل تاني بلد بتعاني بكل المعاني وأنا أملي أحس بكياني عشرين سنة مُخلٍص محبوس بين جدران دكاني نفسي أعيش من غير ما أنافق السلطان والسلطاني نفسي أعيش من غير ما أنافق ولا حتي أبويا اللي رباني بكرة نتحاسبو علي السكوت وعلي العيشة العميانى إبني مكملش سنتين نايم جنب مني بيشد في شعري ويحط صبعة في وداني ويضربني بالقلم ولسان حالة بيقول لية يابا خلفت تاني وأنا في سري بأقول ياريتك يا أحمد يابني ياباني إبن ياباني مع إن وجودك في الدنيا عمل فيا وخلاني أحب البلد أكتر وأهد جدران دكاني شيخ الازهر بيقول المعارضة حرام وانا نفسى اعرف اية الحلال فى بلد الميت مليون حرامى وحياة وشك السمح وعمتك البيضة وكوكالاتك البدنجانى قولّنا بالمرة اية رايك فى النهب والتزوير وتصدير الغاز والمعونة الامريكانى" بجد نفسي أعرف الراجل ده طلع الكلام ده ازاي كل كلمه حسيت بيها طالعة من كل خلية في جسمه بجد ياما في ناس مساكين أهو ده عرف يقول حاجه وغيره مش عارفين عندنا عباقرة والله بس الحظ فين سبحانه وتعالى قال "فإن مع العسر يسراً إن مع العسر يسراً" واحنا مستنيين اللهم فرجك يا رب رابط هذا التعليق شارك المزيد من خيارات المشاركة
الباشمهندس ياسر بتاريخ: 13 مارس 2009 تقديم بلاغ مشاركة بتاريخ: 13 مارس 2009 التجربة تولد انفعال يخرج فى صورة بيانية رائعة هو ده كل الموضوع الراجل حس الكلام فكتبه تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان