سؤال عن فرصة عمل بلبنان

[فالكون]

السلام عليكم .. انا معروض عليا فرصة عمل فى لبنان فى محطة بنزين مع مصريين هناك (مع ان معايا ليسانس اداب ومعي لغة ايطالية وانجليزية بس انتو عارفين ظروف البلد ) :lol: فكنت عايز اخد رأيكم ورأى المصريين فى لبنان هل الاوضاع امنه فى لبنان للسفر والعمل ام انها غير مستقرة (زى مبنشوف فى التليفزيون تفجيرات وحروب ) ؟ :P .. وما هو الحد الادنى للمرتب الذى اقبلة هناك ؟ . وهل من هناك اقدر اسافر بسهولة الى اى بلد مثل استراليا او كندا ؟.. ياريت تنصحونى يشباب لانى جالى احباط من البطالة ومفيش قدامي غير لبنان.. وجزاكم الله خيرا

تم تعديل 14 مارس 2009 بواسطة فالكون

[se_ Elsyed]

أتقي الله في نفسك يا أخي

ليسانس أداب وبتتكلم لغات ورايح تشتغل عندهم في محطة بنزين ؟!!!!!!!!!!!

والله العظيم حرام

طب ما دورتش في محطة بنزين في مصر ليه ؟ أولى وأفضل طالما إنت غاوي كده ؟

[capitshino]

أتقي الله في نفسك يا أخي

ليسانس أداب وبتتكلم لغات ورايح تشتغل عندهم في محطة بنزين ؟!!!!!!!!!!!

والله العظيم حرام

طب ما دورتش في محطة بنزين في مصر ليه ؟ أولى وأفضل طالما إنت غاوي كده ؟

رغم انى اختلف مع صاحب الموضوع فى الوظيفة اللى بيسئل عليها ممكن يا س س تقولى ليه اولى وافضل؟

[osmel33]

أعتقد أن رأي سين سين فى موضوع أولى ده أنه طالما صاحب الموضوع تنازل فيتنازل فى بلده أولى

أما أفضل فده نسبي لأنه هناك هاياخد كام وفى مصر هاياخد كام

الأخ فالكون أعتقد أن هدفك أنك تطلع أوروبا أو زى ما قولت عايز تطلع أستراليا أو كندا صح ؟

فلو ده صح فيه طرق كتير أفضل من الطريق اللى انت اخترته يعنى مثلاً هل انت قريت شوية فى المنتدى

للهجرة لكندا ؟ أعتقد لأ لأنك لو كنت قريت كنت هاتلاقي نمازج مشرفة ومنهم ناس ممكن يكونوا ماعاهومش

لغة زى سعادتك وحاولوا ومنهم الكتير ربنا كرمه ونجح

فلو انت موافقنى الأول فى أنك عايز تسافر كندا أو استراليا نصيحتى خبط على باب تاني غير انك

تروح لبنان فى وظيفة زى دى ولك منى أفضل تمنيات بالتوفيق

[se_ Elsyed]

ممكن يا س س تقولى ليه اولى وافضل؟

يعني بالله عليك عامل بنزينة حتى لو في الخليج ... هايبقى دخله كام ؟

يبقى طالما مرمطة في مرمطة يبقى يدور على صنعه حرفية في مصر إن شا الله لو في مطعم فول وطعمية أهو على الأقل مش هايدخل له أقل من 1000 ج شهري بس هو يستحمل ...

[HassanAboali]

لا تهين نفسك حاول تاتخد دورة سكرتارية ودورة محاسبية مع اللغة الانجليزية وقدم لوظيفة إدارية وإن شاء الله ربنا يكرمك

[capitshino]

ممكن يا س س تقولى ليه اولى وافضل؟

يعني بالله عليك عامل بنزينة حتى لو في الخليج ... هايبقى دخله كام ؟

بس الاخ ماذكرش انه هيشتغل عامل فى البنزينة .. طبعا لو هيشتغل عامل فعندك حق..

[الباشمهندس ياسر]

انا عايز معلومة صغيرة لاخوانا اللى مش قادرين بفكروا اصلا

انا اعرف مقاول بيدى لمساعد النجار يومية 35 جنيه و عاملهم كام غرفة كده بيناموا فيها

و الانتقالات و الغداء ع المقاول

كل ده لمين ... لصبى النجار

النجار نفسه بياخد كام ؟؟؟؟؟

النجار بياخد 70 جنيه ف اليوم

و بيشتغل من 15 الى 20 يوم ف الشهر

احسبها انت بقى كام

و برده الانتقالات و الغداء ع المقاول

و بيشتغل حوالى 8 ساعات بس ف اليوم

السؤال بقى

ايه المانع ان الجامعيين اللى مش لاقيين فرص يتحولوا الى حرفيين داخل مصر

اولا : الجامعى بطبيعة تفكيره هيقدر يستوعب المهنه بسرعه و كمان هيطور فيها

ثانيا : الجامعى هيعرف ينظم خطواته احسن م اللى مش جامعى

ثالثا و دى اهم نقطة

انت فارس هذا الزمان الوحيد ..فليس سوى ان تريد ( امل دنقل بس بتصرف )

و بالتوفيق ف البنزينة ولا ف اى حتة تانية

[فالكون]

السلام عليكم ...انا بشكر كل الاعضاء اللى نصحونى( كأخ ) بس حبيت اشرحلكم الاسباب اللى وصلتنى لكده اولا انا اشتغلت بتخصصى فى السياحه والمرتب كويس بس الفلوس حرام لان داخل فيها خمور غير ان السائحون انتو عارفين جايين بالفساد بتاعهم(من الصعب جدا شخص يتعامل مباشرة مع السائحون ولا يعصى الله ) ده غير ان مرتبي وعملى لازم ان اتعامل فى خمور( ليس تقديم) ولكن الحساب واشياء اخرى لأنى مسئول عن كل شيء يخص السائحون فى الفندق او الرحلات ( بحر طبعا ) حتى تنتهى رحلتهم ..وجربت اسيب مجال السياحه لقيت ان اكبر مرتب ليا ممكن اخده 700 ج وده ميكفيش اكل ومواصلات ... ففكرت فى لبنان لان مرتبي كان هيكون من 3000 الى 5000 ج مصرى ( وده كلام الناس اللى هناك ) ولكن العمل لفترة محددة مؤقتا حتى استطيع السفر الى اى دولة اخرى بتخصص محترم ...... واخيرا كلامكم أثر فيا جدا وفعلا انا بحاول اشيل الفكرة من دماغى( بس الشيطان عمال يزن فى دماغى ) لانى حسيت ان المهنه مهينه فى دولة عربية (قصدى حرام السنين اللى ضيعتها فى الدراسه )..

انا اسف على التطويل بس حبيت اشرحلكم الموقف وجزام الله خيرا

تم تعديل 14 مارس 2009 بواسطة فالكون

[الباشمهندس ياسر]

وجربت اسيب مجال السياحه لقيت ان اكبر مرتب ليا ممكن اخده 700 ج وده ميكفيش اكل ومواصلات ..

. ففكرت فى لبنان لان مرتبي كان هيكون من 3000 الى 5000 ج مصرى ( وده كلام الناس اللى هناك ) ولكن العمل لفترة محددة مؤقتا حتى استطيع السفر الى اى دولة اخرى بتخصص محترم ...

يا اخى ابدأ بالنرتب الضعيف ده و صدقنى هتنط مع الوقت

هتشتغل هنا 6 شهور مثلا ب 700 جنيه و هوبه تغير الشركة على 1500 جنيه و بعدها بسنة ولا اتنين تغير

و كده يعنى

كمان نقطة مهمة عايز افهمها منك

انت قلت ف لبنان من 600 $ الى 1000 $

ينفع اسالك ازاى؟؟

الكلام ده مبيحصلش

اجعص مرتب للمهن هناك و كمان صنعه يعنى حرفة قوية زى اللحام و فنى مكابس و الليلة دى

لا يتخطى حاجز 400$باى شكل من الاشكال

حاول متصدقش اى كلام تسمعه و خلاص

و ربنا يوفقك لصلاح الحال