فيزا مبرمج حاسب الى

[sokkary]

السلام عليكم ورحمة الله وبركاته

انا حاليا موجود بالسعودية والكفيل حضرلى الفيزا الدائمة بمبرمج حاسب الى

وعمل تفويض من مكتب عماله هنا الى لشركة عماله فى مصر عشان تخلص الاجرءاءات

البطاقة والباسبور مكتوب فيهم : حاصل على بكالرويوس حاسبات ومعلومات

والفيزا ب مبرمج حاسب الى ,, فهل بحتاج الى انى اغير البطاقة والباسبور لما انزل

انا معايا صورةا لتفويض

ومعايا صورة من تذكرة المراجعة ,, هلى بحتاج الاصل بتاعها

هل بحتاج ورق تانى وانا نازل باذن الله

الف شكر مقدما

[خالد شحاته]

السلام عليكم ورحمة الله وبركاته

اخي الفاضل مايحتاج اي شي تاني المؤهل يكفي حاصل على بكالرويوس حاسبات ومعلومات

ومن غير ماتغير الجواز بس اهم شي اخلاء طرف لو عايز تسافر علي نفس الجواز من كفيلك السابق

اما بالنسبه للتوكيل حتي من غير صوره الان التوكيل الاكتروني مريح الجميع واتمني لك التوفيق وتروح مصر وترجع بسلامه

[sokkary]

شكرا للدر السريع اخى

انا تاشيرتى الحاليه زيارة وهرجع باذن الله على فيزا دايئمة انفس الكفيل

فكده مش محتاج اخلاء طرف ولا حاجة مالحاجات دة ؟؟؟

وهل بحتاج اصل تذكرة المراجعة ولا صورة منها .؟

الف شكر

[خالد شحاته]

اخي الفاضل

صوره منها تكفي للشركه المعتمده في مصر

المهم زيارتك ساريه ولا منتهيه لو منتهيه هتكون كسرت التاشيره

وتكون كدا مخالف نظام الاقامه ممكن تعمل لك مشكله في الدخول من جديد

[sokkary]

لا لا الزيارة اخر مدة لها يوم الخميس المقبل

وانا باذن الله هنزل يوم الثلاثاء

والف شكر للرد يا غالى

[se_ Elsyed]

السلام عليكم ورحمة الله وبركاته

ومن غير ماتغير الجواز بس اهم شي اخلاء طرف لو عايز تسافر علي نفس الجواز من كفيلك السابق

اما بالنسبه للتوكيل حتي من غير صوره الان التوكيل الاكتروني مريح الجميع واتمني لك التوفيق وتروح مصر وترجع بسلامه

لازم تغير المهنة طبعاً ..

هل في مهنة إسمها " حاصل على كذا ؟ " ولا الفمروض تبقى المهنة منصوص عليها صراحة في جواز السفر ..

[sokkary]

السلام عليكم ازيك ياسى السيد

اانا احترت ,,

انا زمايلى هنا فالمكتب محاسبين مكتوب فالبطاقة والباسبور حاصل على بكالوريوس تجارة والفيزا بتاعتهم محاسب

منهم واحد لسه جاى بقاله اسبوعين

وليا ناس تانية زمايلى مبرمجمين جايين بقالهم اسبوع متخرجين من كليتى والفيزا بتاعته مبرمج حاسب الى

بس الباسبور والبطاقة متغييرين الى نفس المهنة

فانا دلوقتى مش عارف ناس تقولى طالما نفس التخصص يعنى هوا خريج حاسبات هيشتغل ايه ولا خريج تجارة هيشتغل ايه

وانا اتصلت بالمكتب البكرى فى مصر وقال ان شاء الله منضطرس الى تغيير المهنه

فهل من مفيد وراى حاسم فالموضوع

[خالد شحاته]

اخي الفاضل

جواز سفرك حاصل نفس المؤهل

والمؤهل ينطبق علي المهنه مش محتاج تغير شي

زي بعض المدرسين بيكون حاصل وبيخد تاشيره معلم عادي جداااااااااااااا

وانا متاكد من كلامي لان سبق وقولت انا صاحب شركة عماله في مصر

وتروح وترجع بسلامه ان شاء الله

[خالد شحاته]

السلام عليكم ورحمة الله وبركاته

ومن غير ماتغير الجواز بس اهم شي اخلاء طرف لو عايز تسافر علي نفس الجواز من كفيلك السابق

اما بالنسبه للتوكيل حتي من غير صوره الان التوكيل الاكتروني مريح الجميع واتمني لك التوفيق وتروح مصر وترجع بسلامه

لازم تغير المهنة طبعاً ..

هل في مهنة إسمها " حاصل على كذا ؟ " ولا الفمروض تبقى المهنة منصوص عليها صراحة في جواز السفر ..

الاخ الفاضل سي السيد

في ناس كتير جداااااااااااا جوازتها حاصل وبيدخل البلد عادي جداااااااا المهم يكون نفس التخصص

بكالريوس علوم وبيدخل معلم بس بيطلب شهاده خبره

زاي مدرس الحصه في مصر بيكون حاصل وميقدرش يعمل مدرس بيجيب شهاده خبره ويطلع معلم وهو في الجواز حاصل

تم تعديل 14 مارس 2009 بواسطة خالد شحاته

[Amr Radwan]

السلام عليكم

بص يا هندسة ..

خريج حاسبات و معلومات = مبرمج حاسب الي

و السعودية هنا بالنسبة لهم فاهمينها ..

ما تقلقش نفسك علي الفاضي

تحياتي لك و توصل بالسلامة ان شاء الله .. لو فيه اي استفسار علي السريع كلمني علي الخاص اتصل بيك ..

تم تعديل 14 مارس 2009 بواسطة Amr Radwan

[sokkary]

الف شكر لكل الناس على الرود

وربنا يقدم مافيه الخير