شخصية محيرة

[esocial]

ترفنا على شخص منذ عامين وعرفناه بمرحه وحبه للناس وحبه للخير وطيبته وتوطدت علاقتنا به حتى عرض علينا مشروع جيد أرباحه قدتصل الى 100 % دخل معه صديقى بمبلغ وبعد شهر رد له المبلغ مضاعف وبعدها دخلت انا أيضا وحصلت على راس مالى خلال شهرين وتركت معه المبلغ الذى بدأت به فقط وتوالت الأيام وسمعنا بأن عدد هائل من الناس قد دخلوا معه بمبالغ كبيرة أصبحت الأرباح كل شهرين ثم كل 3 أشهر ثم 4 أشهر وثقتنا به كانت كبيرة فليس لدينا مانع طالما الأموال تتضاعف ولا نجد أى عمل اخر يحقق لنا ربع هذه الأرباحوكان كل شخص يتصرف معه بطريقته البعض يزيد الأرباح على المبلغ والبعض يأخذ الأرباح والأخرون ينسحبون بمبالغهم كلها وبعد عامين من العمل معه فوجئنا بأن شيك لبعض الأصدقاء قد رجع من البنك وكان رد هذا الشخص الذى يستثمر اموالنا لا تقلقوا انا بأنتظار مبلغ سوف يغطى كل هذا ولأنى لا أترك الموال بالبنك بل أستثمرها ومن فترة ليست طويلة وعند موعد أستحقاق الأرباح عن الأربع أشهر الماضية قال لنا أنه سوف اصفى الجميع ولم استثمر فى التجارة بها وأن الجميع سيحصل على أموالها كلها بشهر 4 فالأغلبيه كان ردهم الطبيعى لا مانع من ترك الأرباح وزيادتها على رأس المال وأخذ المبلغ كامل بشهر 4 فلا يتبقى الا شهر ونحصل على كل شىء وبالتحديد يو 1 - 3 جائنى تليفون من صديق يعلن لى خبر وفاة هذا الشخص فى ظروف غامضة تركنا فى حالة سيئة من الحزن على وفاته والحيرة من توقيت وفاته وسببها و لا نعلم اين حقوقنا فعلا شخصية محيرة فةى حياتها ولغز بعد موتها

أريد مشاركتكم بالرأى المبالغ التى فى ذمته للناس ليست بسيطه بل تصل الى 30 مليون دولار ؟

[esocial]

أين الردود؟ فكروا معى؟

هل هذا الشخص نصاب ؟ أم كان مجنون ؟ أم ان أمواله قد نهبت قبل وفاته ؟

هل وفاته يوم 1-3 طبيعية أم أنتحر؟

[adrianocrespo]

هو في مشروع برده ارباحه 100 % يا راجل يا بركه

[esocial]

هو في مشروع برده ارباحه 100 % يا راجل يا بركه

لا من ناحية فى ولا مفيش دى مش هى المشكلة لأن فعلا الشغل اللى بنتكلم عنه هو تجارة الأسمنت فى فترة تشترى الشكارة ب جنيه مثلا وتبيعها ب 5 جنيه ده أكيد وشفت بعينى ناس بتعمل كدة

[SoSo R]

الجزء الأول من الحكاية فى شبه كبيير من حكاية البوشى

مش معايا بردة؟؟؟

[سامح بيه]

ترفنا على شخص منذ عامين وعرفناه بمرحه وحبه للناس وحبه للخير وطيبته(لكن مش بزنس مان ولا تاجر ) وتوطدت علاقتنا به حتى عرض علينا مشروع جيد (ما هو المشروع) أرباحه قدتصل الى 100 % (هل هذه النسبه طبيعيه )دخل معه صديقى بمبلغ وبعد شهر رد له المبلغ مضاعف(كلام تانى مش طبيعى) وبعدها دخلت انا أيضا ( على اساس دخلت )وحصلت على راس مالى خلال شهرين (كلام مش طبيعى تانى) وتركت معه المبلغ الذى بدأت به فقط وتوالت الأيام وسمعنا بأن عدد هائل من الناس قد دخلوا معه بمبالغ كبيرة(السبب انتم فى تسويقكم له) أصبحت الأرباح كل شهرين ثم كل 3 أشهر ثم 4 أشهر وثقتنا به كانت كبيرة(علشان بيوزع ارباح وخلاص) فليس لدينا مانع طالما الأموال تتضاعف ( و اى تضاعف كلام مش طبيعى) ولا نجد أى عمل اخر يحقق لنا ربع هذه الأرباح وكان كل شخص يتصرف معه بطريقته البعض يزيد الأرباح على المبلغ والبعض يأخذ الأرباح والأخرون ينسحبون بمبالغهم كلها وبعد عامين من العمل معه فوجئنا بأن شيك لبعض الأصدقاء قد رجع من البنك وكان رد هذا الشخص الذى يستثمر اموالنا لا تقلقوا انا بأنتظار مبلغ سوف يغطى كل هذا ولأنى لا أترك الموال بالبنك بل أستثمرها ومن فترة ليست طويلة ( وهذه هى بدايه الكارثه وانتهت بمماته ) وعند موعد أستحقاق الأرباح عن الأربع أشهر الماضية قال لنا أنه سوف اصفى الجميع ولم استثمر فى التجارة بها وأن الجميع سيحصل على أموالها كلها بشهر 4 فالأغلبيه كان ردهم الطبيعى لا مانع من ترك الأرباح وزيادتها على رأس المال (على اساس كانت هذه القرارات....طبعا العاطفه) وأخذ المبلغ كامل بشهر 4 فلا يتبقى الا شهر ونحصل على كل شىء وبالتحديد يو 1 - 3 جائنى تليفون من صديق يعلن لى خبر وفاة هذا الشخص فى ظروف غامضة تركنا فى حالة سيئة من الحزن على وفاته والحيرة من توقيت وفاته وسببها و لا نعلم اين حقوقنا ( طبعا فى البلوشى لان الى بيجيى بالساهل بيروح كذلك بالساهل ) فعلا شخصية محيرة ( هولاء هم من يوظفون الاموال ) فةى حياتها ولغز بعد موتها

أريد مشاركتكم بالرأى المبالغ التى فى ذمته للناس ليست بسيطه بل تصل الى 30 مليون دولار ؟

دا كان تعليقى على موضوعك

وبصراحه لا تلومن الا نفسك ...واستغفر الله وربنا يعوض عليك بالحال ان شاء الله

[الباشمهندس ياسر]

هو في مشروع برده ارباحه 100 % يا راجل يا بركه

لا من ناحية فى ولا مفيش دى مش هى المشكلة لأن فعلا الشغل اللى بنتكلم عنه هو تجارة الأسمنت فى فترة تشترى الشكارة ب جنيه مثلا وتبيعها ب 5 جنيه ده أكيد وشفت بعينى ناس بتعمل كدة

اظاهر كلام الاستاذ ادريان صح

يا راجل يا طيب

الموضوع من اوله لاخره نصباية جميلة اوى اوى

و الارباح دى مبنحصلش خالص مالص بالص

و عمر الاسمنت ما يكسب كده تحت اى ظروف

انت ممكن تكسب فى الاسمنت لما الاسعار تنط بس

و كمان ف كميات قليلة لان الاسمنت بضاعة لا يتم تخزينها خااااااااااالص

بالمناسبة انا ابويا عنده مكتب مقاولات صغير كده

و ياما خسرنا ف تقلبات الاسعار

عموما

ربنا يعوض عليكم بقى

[eslam elmasre]

الاخ الفاضل

لا توجد تجاره في العالم تدر ربحا 100% بعد اربعة اشهر سوي تجارة المخدرات او تجارة السلاح او اي تجاره مشبوهه لان جميع السلع معروف هامش ربحها الادني والاقصي ولا تتعدي ال 20% خلال العام بعد خصم المصاريف

هذا الاسلوب قديم قدم الانسان

اغراء الناس وتطميعهم والناس تنجرف وتنزلق

وهذه دائما هي النتيجه الطبيعيه والمتوقعه

ولا اخفيك سرا انني وقعت في هذا المطب في احد المرات ولكن كان مبلغ زهيد لا يتعدي الالف جنيه وتيقنت ان لا يصح الا الصحيح وان الطمع يقل ما جمع

[se_ Elsyed]

هو في مشروع برده ارباحه 100 % يا راجل يا بركه

لا من ناحية فى ولا مفيش دى مش هى المشكلة لأن فعلا الشغل اللى بنتكلم عنه هو تجارة الأسمنت فى فترة تشترى الشكارة ب جنيه مثلا وتبيعها ب 5 جنيه ده أكيد وشفت بعينى ناس بتعمل كدة

يا راجل قول كلما غير ده ؟

أومال لما تاجر الإسمنت بيكسب 500 % ... بيشتري الشكارة بجنيه ويبيعها بخمسة ... يبقى المصنع بيكسب كام ؟

عفواً كلام غير صحيح بالمرة ...

طن الأسمنت في 2005 كان بحوالي 300 ج

والان بـ 550 تقريباً

فالنسبة معروفة ومافيش حاجه اسمها يشتري بجنيه ويبيع بخمسة

ولو كنتوا وضعتوا فلوسكم مع واحد ولا تدرون فيما يعمل عشان تريحوا دماغكم .. يبقى حرام حرام حرام ..

فلو فرضنا إنه إستغل فلوسكم - وهذا أكيد - في تجارة المخدرات أو السلاح أو البلا الأزرق .. هايبقى موقفكم أمام الله إيه عندما تُسألون عن مالكم من أين أكتسبتموه وفيما أنفقتموه ؟

أتفهم تماماً إني أشغل فلوسي مع واحد بيتاجر في الفول النابت مثلاً وانا شايف بعيني ده .. لكن في الخباثة هو بيشتغل في تهريب المخدرات ... فكده أنا بريء أمام الله ...

أما من اولها وأنا مريح الجمجمة ولا اسأل ... فهذا غير مقبول وحرام

[زعلان]

طبعا في تجارة بتجيب خمس اضعاف الفلوس الدعارة و المخدرات وبعدين انت فلوسك رجعتلك يعني اصل المال و الارباح الله اعلم جاية منين فراحت

يا راجل ده احنا بنزقطط لما حد يجيب ارباح 7% تقولي100% و 500%

[مصري أصيل]

للأسف نفس السيناريو بيتكرر بالحرف واحد يلم من الناس فلوس و يبدأ يدي في أرباح أو هذا ما يظن البعض و هي في الأساس من أصول أموالهم .

فالبعض يأخذ الأرباح و يبقي أصل المال و الآخر يضيف الربح الي رأس المال طمعاً في أرباح أكثر و آخر يضطر أن يأخذ أصل ماله و عليه الأرباح و في هذه الحالة لن يمانع النصاب فالفلوس كتير و الناس ممكن تتحايل عليه عشان ياخدها كمان.

و بالطبع يعيش هذا النصاب في رغد من العيش يركب أفضل السيارات و يسكن أغلي الفيلات ... طبعاً هوه دافع حاجه ؟ و يفضل ياخد فلوس ده يديها لده و فلوس التاني يديها للأولاني و طول ما العمليه ماشية هوه كمان عايش في نعيم و الفلوس بعد كده طبعاً هتخلص لأن معظمها أتوزع علي الناس كأرباح و الباقي طبعاً طار مع الملايين اللي عمال يبعزقها يمين وشمال .

و المصيبه أن حتي هذه اللحظه ما حدش من الناس بيتعظ من كل التجارب السابقة و آخرهم البلوشي .

عموماً ربنا يعوض عليك . بس لي رجاء يا ريت تطلع من دماغك أنه كان بيتاجر و بيكسب هذه المكاسب الخياليه و كونه مات منتحر أو مقتول أو مات موته طبيعيه لن يغير من الأمر شيء .

تقبل تحياتي

[esocial]

للأسف نفس السيناريو بيتكرر بالحرف واحد يلم من الناس فلوس و يبدأ يدي في أرباح أو هذا ما يظن البعض و هي في الأساس من أصول أموالهم .

فالبعض يأخذ الأرباح و يبقي أصل المال و الآخر يضيف الربح الي رأس المال طمعاً في أرباح أكثر و آخر يضطر أن يأخذ أصل ماله و عليه الأرباح و في هذه الحالة لن يمانع النصاب فالفلوس كتير و الناس ممكن تتحايل عليه عشان ياخدها كمان.

و بالطبع يعيش هذا النصاب في رغد من العيش يركب أفضل السيارات و يسكن أغلي الفيلات ... طبعاً هوه دافع حاجه ؟ و يفضل ياخد فلوس ده يديها لده و فلوس التاني يديها للأولاني و طول ما العمليه ماشية هوه كمان عايش في نعيم و الفلوس بعد كده طبعاً هتخلص لأن معظمها أتوزع علي الناس كأرباح و الباقي طبعاً طار مع الملايين اللي عمال يبعزقها يمين وشمال .

و المصيبه أن حتي هذه اللحظه ما حدش من الناس بيتعظ من كل التجارب السابقة و آخرهم البلوشي .

عموماً ربنا يعوض عليك . بس لي رجاء يا ريت تطلع من دماغك أنه كان بيتاجر و بيكسب هذه المكاسب الخياليه و كونه مات منتحر أو مقتول أو مات موته طبيعيه لن يغير من الأمر شيء .

تقبل تحياتي

شكرا على جميع الأراء وكلها سليمة وقريبة من الواقع الذى مر به هؤلاء وأنا منهم ولكنى أحمد الله لأننى لم اخسر شىء على الأطلاق ولكنى أردت ان أفهم هذا الشخص فلم أصل لحل معه لسبب واحد وهو ما هى الفائدة التى حصل عليها هل هى فقط الشهور القليلة التى عاشها فى نعيم يحاط به الناس من كل مكان يتمنون ان يطلب منهم شىء يؤدوه له هل هذه هى المتعة التى وصل من أجلها الى هذه النتيجة ؟

عجبنى الرد الأخير للاستاذ مصرى أصيل وهو أقرب للحقيقة المحيرة متعة أستمرت عدة شهور و بجوارها قلق نفسى من النتيجة المحتومة

فما هى الفائدة ؟

شكرا جزيلا على مشاركاتكم فلن يزدهر الرأى الا بالمشاركة الصادقة

مع تحياتى

[ناجي الدسوقي]

العوض عند الله - لسه فيه ناس بتفكر زيك كده بالرغم من عمليات النصب اللي بنسمع عنها يوميا

عن يقين القاتل هو المسؤول عن هذه الاموال واكيد شخصية مهمة ومسؤولة

[esocial]

العوض عند الله - لسه فيه ناس بتفكر زيك كده بالرغم من عمليات النصب اللي بنسمع عنها يوميا

عن يقين القاتل هو المسؤول عن هذه الاموال واكيد شخصية مهمة ومسؤولة

لكن هو مات منتحر مع انه كان نايم طبيعى فى سريره كما وجدوه لكن كما سمعنا من كثيرون بأنه كان يبحث عن شىء يوقف عضلة القلب او حبه تميت فى الحال دون اى الم

[doha]

عارف الغرب عندهم مثل حلو اوي بيقول " ان وجدت العرض رائعا بدرجة لا تصدق .. فلا تصدقه "

كده ببساطه لما يكون الموضوع روعه اوي مفيهوش اي تعب وكله مكسب كن على ثقة بان العملية نصب .. لو الفلوس بتيجي بالساهل كده مكانش حد غلب

اما حكايه انه شخصية لغز فده ببساطه لانه نصاب مهو النصاب بيكون شخصية مميزه دائما شديده الذكاء بتعرف تختار ضحيتها صح .. حتى في تعريف حلو اوي يفرق لك مابين الحرامي والنصاب وهو ان الاول بيروح لك عشان ياخذ فلوسك بينما النصاب انت بنفسك بتيجي تديله الفلوس بل وتتحايل عليه كمان عشان يقبلها .. ده غير ان الانواع الي زي دي مبتاخذش فلوس من اي حد بالعكس بتختار الناس الي سهل تصدق اي حاجه او بمعنى ادق سهل تقع تحت تاثيرها وبالتالي يقدر يقنعك وقت ماهو عاوز انه مات ولا انتحر ولا حتى تاه في مثلث برمودا .

عن نفسي لو مكانك هفكر انه يمكن مماتش انا مشفتوش بعيني وهو بيموت يبقى كل شيء جائز.. ببساطه باي مبلغ تافه يقدر يطلع شهاده وفاه له ويعيش حياته باسم جديد وبملايين لمها من الطامعين في الثراء السريع .. ممكن اصلا اسمه الي عرفكم بيه ميكونش هو الاسم وتكون من البدايه بطاقة مضروبه ده لو كنتم شفتوها اساسا ..

على كل حال متفرقش مات ازاي وليه يمكن مات فعلا موته ربنا ويمكن مات من القهر ويمكن انقتل لكن الاكيد انه كان بينصب عليكم طول الفترة الي كنتم فاكرينه عايش فيها..

على كل حال بالنسبة لمصير اموال الناس الي عنده فاعتقد ان اي شخص عاقل اكيد واخد عليه شيكات او اي اثباتات للحق ولو مكانش يبقى السؤال مش فلوسنا راحت فين وانما عقلنا الي كان فين ..

[esocial]

:lol:

كلامك حقيقى فعلا الى جانب انى ارى ان وراء الموضوع شخصية كبيرة ولا يشترط ان يقتل لكن قد يكون الأنتحار أقرب حلا له خوفا من مواجهة الناس الذين لم يتعودوا منه عدم مقدرتة على تسديد مستحقاتهم ولأننا سمعنا ذلك فعلا بأنه بعد أن فقد امواله قال لشخص يعرفه وهو بعيد عنا فى بلد أخرى (أول مرة اقابل الموقف ده وهعمل ايه مع الناس اللى منتظرين فلوسهم) يعنى واضح انه كان من الأول مدى الفلوس كلها لحد كبير كان بيشغلها بمزاجه ويديله كل شهر مبلغ يوزع منه على الناس ويصرف كمان ولما جه طلب منه يرجع للناس كل حقوقهم ابتدى يظهر بوجهه الحقيقى وقابله بالرفض اللى كان بداية المشكلة التى انتهت بالأنتحار .

:blink:

شكرا على المشاركة