قصة فيلم الريس عمر حرب المثيرة للجدل و التشبه بالاله

[MoHaMMeD EgYpT]

بسم الله الرحمن الرحيم

انا اليوم و بالضدفة زي عادتي بحب اقلب في مواقع الافلام العربية و الانجليزية علشان انزل لي كام فيلم و اتسالي بمشاهدتهم

النهارده لقيت فيلم الريس عمر حرب قولت اكيد فيلم تحفه روحت منزلها و يا ريتني ما نزلته لان بجد فيلم قمة في السفالة

انا هحكي وجهة نظري لكم و قصة الفيلم و عاوز اسمع ارائكم لان بجد الفيلم ده وصل لدرجة من السفالة و الحقارة عمري ما شوفتها

المهم الاول ده جزء منقول لقيه في احد المدونات و بصراحة راي حكيم عن الفيلم

وحده الرابح في هذا العالم الذي يديره .

وحده المتحكم بمصائر الناس العابث بها .

وحده الذي يمكنه أن يقول " هتروح فين . العالم دا كله بتاعي " .

وحده لأنه آمن أنه لا أحد سواه . أنه إله نفسه . ولتكون صفيه وتستحق هذه العبارة " أنا اصطفيتك " لابد أن تكون أنت أيضا إلها ... لنفسك .

إله ينفك عن كل عبودية في الدنيا إلا إيمانه بذاته . ينفك عن غرائز الناس التي يستغلها ليكون هو وحده الرابح . " مهما حصل ، مهما شفت . اتصرف كأنك حاجة في المكان "

مهما حصل !! .. في صالة قمار فيها كل أنواع البني آدمين . بكل عزائزهم التي تترا معا . لابد لك أن تكون جزءا لا يتأثر .

ولأنك ابن آدم الذي أخطأ قبلك . فلا تحاول أن تكون شيئا آخر سوى تكرار هذا الخطأ .

وما الدنيا إلا صالة قمار كبيرة .

.............

أطق أنا بقى ولا مطقش لما أشوف فيلم زي دا .. لما تقعد متحسش بالوقت طول ساعتين كاملتين علشان الليلة اللي فوق دي ..

طبعا بعيدا عن لعبة فك الرموز وأظنه أراد ويمكن كان عاوز يقول وبيتهيألي هو قصده فإن فكرتين ألحتا علي و جا على بالي أكتب حولها ..

حقيقة الخطيئة التي ارتبط بها وجود الإنسان والتي أهلكت أي حد يبحث في كنه هذا الكائن العجيب و إن كانت قدره الذي لا ينبغي له أن ينفك منه وهنا ينبغي النظر إلى الرواية الأدق حول أصل الخطيئة .

الله حين أعلن خلقه لآدم أعلن أنه خليفته في الأرض قبل أن يخلقه وقبل أن يخطئ آدم .. ما يعني أنه سواء أخطأ آدم أو لو يخطئ فإن الجنة لم تكن سكنه في الأساس . نازل الأرض نازل الأرض .

ثانيا هذه الخطيئة التي يغنّي عليها أبناء آدم غفرت له قبل أن تمس قدمه الأرض فنزل إلى الأرض نقيا منها مغفورا له مش محتاج اي حد من ولاده يحملها عنه .

طب لماذا إذا أخطأ آدم ( أو أراد الله له الخطيئة في الجنية ) . بظني أنه لم يكن لآدم أن ينزل إلى الأرض ( الوحشة ) دون تجربة قوية تؤهله للنزول للمكان الذي نعيش فيه الآن .. مش هينزل خام أكيد .

وحياة ربنا إذا بلاش نقعد نغني على خطيئة جدي العزيز آدم .

تاني حاجة كانت فكرة أن تكتشف فجأة أنك جزء من لعبة كبيرة حولك . لا يد لك فيها .. و إياك أن تفكر أن تتمرد عليها .. سواء حملنا الأمر على ( الحياة كاملة ) وفيها أكبر تجاوز عقدي يمكن تخيله . أو على الحياة بمنظور مادي .. ليصدمك الفيلم برأيه في النهاية : مش هتقدر تروح في أي حتة . يا تسحق . يا تبقى جزء من هذا النظام وفي عينيك نظرة الذهول التي لم تفارق عين هاني سلامة طول الفيلم . ونظرة الشفقة أو الخضة ربما التي تمثلت في عين سمية الخشاب في آخر الفيلم .

.

الفيلم عجبني . محستش بالوقت وأنا أشاهده

و لما خرجنا سألني صاحبي ايه رأيك في الفيلم ؟.. قلت له " وإن الشياطين ليوحون إلى أوليائهم ليجادلوكم وإن أطعتموهم إنكم لمشركون "

>

الفيلم دا وحي شيطان !

>

وهو للأمانة أكبر من السطرين دول قوي .. لكن دا مجرد خاطر صغير .

و الجزء ده منقول من موقع العربية للاخبار و ملخص معظم قصة الفيلم

"الريس عمر حرب": كازينو الحياة الدنيا

مشكلة خالد يوسف الأولى في فيلمه الأحدث "الريس عمر حرب" هي نفس مشكلته في فيلمه السابق "حين ميسرة"، وهي أنه يريد معالجة مجموعة من القضايا دفعة واحدة، إلى الحد الذي ينهك المشاهد لكثرة القصص المتشعبة والمتداخلة التي تثقل الفيلم، ففي "الريس عمر حرب" لا يكتفي خالد يوسف بتقديم صورة عن عالم كازينو القمار الغريب أساساً عن بيئته، والذي لا يشكل همًّا ولا يعتبر مشكلة تستحق فيلماً سينمائياً، بل يحاول تقديم صورة عن الوجود وخلق الكون مختصرة بعالم الكازينو، ليس إيحاءً وإنما صراحةً وعبر مشاهد واضحة، بدءاً من الحلم الذي يحلمه باستمرار موظف كازينو القمار خالد، وهو يذهب إلى بيت أبيه المطرود منه طارقاً الباب منادياً ولا من مجيب، إلى مشهد تعذيب السيد المسيح وصلبه الذي يظهر في فيلم سينمائي، إلى كاميرات المراقبة التي تملأ سقف صالة القمار لمتابعة ومراقبة حركات الموظفين والزبائن، إلى شخصية الريس عمر حرب الطاغية والمسيطرة، والتي تتحدث بخطاب أقرب إلى أستاذ في فلسفة الحياة والوجود أو مدرس في معهد إعداد قادة (إن لم أقل أكثر) منها إلى مدير يخاطب موظفين تنفيذيين بسطاء يديرون ألعاباً على طاولات القمار، إلى مشهد الفيلم الختامي الذي يكتشف فيه موظف طاولة القمار خالد -الذي لا يكف عن طرح التساؤلات ومحاولات التمرد طوال الفيلم- أن كل من في الكازينو من موظفين وزبائن مجرد بيادق يؤدون أدواراً في خطة متكاملة يديرها ويشرف على كل حركاتها الريس عمر حرب مدير الكازينو، وأن الجميع مجبرون وليسوا مخيرين، وفي هذا الجو الخليط بين الواقعي والمرمّز يتشعب خالد يوسف في القصص الجانبية لشخصياته، مستطرداً في التركيز على مشاهد الجنس الأثيرة لديه دائماً، وبدعوى الواقعية الجارحة يمر على قصص ميلودرامية تقليدية كقصة المرأة التي تضحي بكل قيمها في سبيل علاج زوجها، أو الأم التي تقدم ابنتها لأحد أثرياء الخليج لتحصل على نقود تلعب بها على طاولة القمار، ثم وبكل بساطة وبحل ساذج تشعر بالفرح وتعانق ابنتها لأن الفتاة أخبرتها بأنها لا تزال عذراء.

لكن، وعلى الرغم من الرؤية المرتبكة للفيلم بسبب إثقال كاهله بحالة من الترميز المفتعل في موضوع الخلق والوجود لمجرد إعطاء الفيلم بعداً ثقافياً، فإن فيلم "الريس عمر حرب" فيما لو قرئ على مستوى تصوير عالم القمار، بأحداثه وشخصياته (ومع بعض التخفيف من الخطابات الفلسفية لمدير الكازينو عمر حرب، وقصقصة عدد من المشاهد الميلودرامية المجانية في القصص الجانبية للشخصيتين النسائيتين الرئيستين في الفيلم) - فيلم مشدود الإيقاع مثير للمشاهد، وإن كانت أجواؤه أقرب لأجواء الأفلام الأمريكية، أداء ممثليه وإن شابه بعض المبالغة وخاصة في أداء خالد صالح لدور عمر حرب يقدم مستوى أرقى بكثير من الأداء الرديء، الذي وصل إليه عمل الممثل في السينما المصرية بعد سيطرة نجوم الكوميديا الشبابية عليها، أما عمل خالد يوسف فسواء اختلفنا أو اتفقنا في مستوى ورؤية الأعمال التي قدمها كمخرج، فإن ذلك لا يمنعنا من الاعتراف بحرفيته على المستوى التقني تحديداً، واختلافه الإيجابي عن مجايليه من المخرجين المطلوبين اليوم في سوق الإنتاج السينمائي المصري، لكن أية مقارنة له بأي من مخرجي الثمانينيات في مصر لن تصب في صالحه مطلقاً.

أخيراً، بطريقة ما وبمونتاج ذهني يستطيع المشاهد أن يقوم به وهو يتابع الفيلم، ومن دون أن يسأل نفسه ما الذي يريد قوله المخرج خالد يوسف، يمكن أن يتحول "الريس عمر حرب" إلى فيلم مناسب لتمضية ساعتين خاليتين من الملل، مستمتعاً بموسيقاه وإيقاعه السريع وبعض أداء ممثليه، وخاصة بالنسبة للشخصيات الثانية ليس أكثر.

المهم بقا انا راي الشخصي : ان ده احقر فيلم اتعمل في تاريخ السينما مين قال ان الدنيا و الحياة اشبه بكازينو قمار وخالد صالح اسواء ممثل في تاريخ السينما ازاي يفكر ولا يتجر انه يشبه نفسه بالاله و لو حتي ببليونات من الدولارات ده غير المشاهد الخارجة و المثيرة جدا والله انا شوفت افلام كتير للكبار فقط و انجليزي كمان و ممكن الانجليزي يبان فيه اشياء مش تمام و يمكن كمان بوس و تحس كانهم بيعملوا الحاجات دي حقيقي لكن الفيلم ده اقول ايه بس والله لقطات تحس انها حقيقية 100 % و اكثر اثارة من اي فيلم و لو حتي اجنبي و فيه الكلام ده حقيقي و المصيبة بقا ان فيلم الرس عمر حرب مش للكبار فقط يعني لو طفل شافه اظن انه هيفهم كل حاجة منه و هيفهم ايه بالضبط اللي بيحصل يعني قمة في السفالة و تشوف المشاهدة الخارجة بالضبط كانها حقيقية حتي ال ااااااااااهات :happy: ده حتي الاوضاع حقيقية 100 % و خصوصا وضع سمية الخشاب و هاني سلامة و وضع غادة عبد الرازق و هاني سلامة برده :lol: و الله انا مش عارف هو ناقص ايه تاني علشان الوضع ده يبقي صحيح و ازاي وصلت السفالة انه يتعرض في السينما المصرية ده بخصوص اللقطات الزبالة ندخول بقا بخصوص الفيلم و قصته فيلم من اسوء ما يمكن و قصته بتشبه الدنيا و الحياة بصالة القمار و بصراحة فيلم بيدعو للفجور من الاخر يعني لما يبجب شخص لاعب قمار و بيكسب فلوس زي ما هو عاوزه و ان الشر هو اللي بينتصر و صاحبه بيبقي ملك و ان الناس زي الخادم عند الشرير و الفجار و لاعب القمار يبقي فعلا فيلم من اسوء ما يمكن و بيحرض الشباب علي عمل الحاجات دي و لعب القمار و غير كده نهاية الفيلم ان الشر انتصر و لاعب القمار عمل كل اللي في نفسه ده غير التحريض علي الكفر بالله و اليعاذ بالله و ان الحياة بدون قيود و كل واحد حر يعمل اللي هو عاوزه

في الختام كنت عاوز اعرف هو الاسلام رايه ايه في الكلام ده بخصوص التشبه بالله و لو حتي تمثيل ؟؟ و كمان عاوز اسمع ردودكم لاني بجد :blink: و خصوصا من اللقطات الزفت اللي فيه مش مخلية الواحد عارف ينام ولا يبطل التفكير فيها :ninja: والله لقطات اسوء من الافلام الاباحية ذات نفسها

[مغتربة]

هوه ده كل الى انت طلعت بيه من فيلم الريس عمر حرب ؟؟؟؟؟؟؟؟؟؟؟

بتنحيه اللقطات الجنسيه التى لا يوافق اغلبنا عليها

فيلم الريس عمر حرب فيلم فلسفى من الطراز الاول و لكن يحتاج الى نمط تفكيرى معين هو الذى يستطيع ان يحلله و يتفهمه

و حقيقى خالد صالح تفوق على نفسه فى هذا الفيلم و ادى دوره باحترافيه نادرجدا ان نراها الان فى السينما

[محمد عيسى]

فيلم الريس عمر حرب فيلم فلسفى من الطراز الاول و لكن يحتاج الى نمط تفكيرى معين

طيب طرحه للجمهور ليه؟

[جويرية]

خالد يوسف انسان موهوب بس لو الظروف اللي حواليه صح كان ليقي فرصة انه يستغل موهبته في حاجة صح

[مغتربة]

فيلم الريس عمر حرب فيلم فلسفى من الطراز الاول و لكن يحتاج الى نمط تفكيرى معين

طيب طرحه للجمهور ليه؟

لان رساله الفن هى الارتقاء بافكارنا و ثقافتنا و ليس النزول الى مستواها

[محمد عيسى]

ما هو هيترقي بثقافة بلد فيها 17 مليون أمي بالطريقه المتميزه دي

لو حبيت اكرر عبارتك بما أره الأصح لكتبتها : لان رساله الفن هى الارتقاء بافكارنا و ثقافتنا و ليس النزول بمستواها

[MoHaMMeD EgYpT]

هوه ده كل الى انت طلعت بيه من فيلم الريس عمر حرب ؟؟؟؟؟؟؟؟؟؟؟

بتنحيه اللقطات الجنسيه التى لا يوافق اغلبنا عليها

فيلم الريس عمر حرب فيلم فلسفى من الطراز الاول و لكن يحتاج الى نمط تفكيرى معين هو الذى يستطيع ان يحلله و يتفهمه

و حقيقى خالد صالح تفوق على نفسه فى هذا الفيلم و ادى دوره باحترافيه نادرجدا ان نراها الان فى السينما

ممكن يكون فيلم الريس عمر حرب فيلم فلسفي زي حضرتك ما بتقولي لكن كام واحد في مصر و كام واحد من اللي شافوا الفيلم ممكن يقدر الحكاية دي و غير كده خالد صالح تفوق علي نفسه ازاي لما قال انه اله نفسه !! لما واحد يشبه نفسه بالله عز و جل يبقي ده اسمه ايه بالضبط ؟؟ تمثيل ؟؟ تمثيل يخلينا نتشبه بالله عز و جل و ممكن القصة تكون كويسة بس مش لدرجة التشابه بالله يعني مثلا يبشه مثلا انه خلي الناس خدم عنده بفلوسه مثلا لكن يشبه نفسه بالله سبحان و تعالي و يشبه الناس بعبيد عنده و انه المتحكم في مصارئرهم و ان بيراقب كل الناس و انه و انه ....الخ ده تشبه بصفات الله عز

و ايه اللي يمنع الشباب انه يقلدوا الريس عمر حرب بعد كده ما هو كسب في النهاية بالقمار و ما خسرش اي شئ خالص بالعكس ده بيكسب فلوس زي ما هو عاوز و بيعمل اللي هو عاوزه و نهاية الفيلم تثبت الكلام ده انه انتصر و الشر انتصر

[tantrum]

لان رساله الفن هى الارتقاء بافكارنا و ثقافتنا و ليس النزول الى مستواها

لسه فيه ناس بتصدق الكلام ده....رسالة إيه بس يا إخت مغتربة

الفن أو ما يسمى بالفن فى مصر الأن هو ليس إلا مزيج من السفالة و الإستخفاف بعقول الناس...و الهدف الوحيد للمدعويين بالفنانين هو جمع المال و الشهرة.. و كنا نتقبل أعمالهم على سبيل التسلية ..أم عندما يحاول هؤلاء المخمورن أن يكونوا فلاسفة فلا..ففى عقل أكثر المخرجين أو الممثلن المصرين ثقافة حاليا لا يوجد أى أفكار...و إن وجد فقد تكون فكرة وحيدة قابعة خائفة فى ظلام عقولهم ولا يسليها إلا الكتاكيت الموجودة معها فى نفس العقل.

[الباشمهندس ياسر]

يا محمد يا اخويا

روح ذاكر وسيبك م الكلام ده كله

ظبط نفسك فى تعليمك و بعدين نبقى نشوف موضوع الافلام والفن والليلة دى

اسمع منى انا زى اخوك الكبير

اللى انت فيه ده ملوش غير نتيجة واحدة بس و مش عايز اكتبها

و انا مش هكلمك تانى ف الموضوع ده

[الباشمهندس ياسر]

فيلم الريس عمر حرب فيلم فلسفى من الطراز الاول و لكن يحتاج الى نمط تفكيرى معين

طيب طرحه للجمهور ليه؟

لان رساله الفن هى الارتقاء بافكارنا و ثقافتنا و ليس النزول الى مستواها

ينفع اتفق مع الاستاذه مغتربه ف كلامها

بس ينفع برده اقول كلمتين كده ع الماشى بلاش ع الواقف

بيقولوا ان القافلة تسير على قدر اضعفها

يعنى حتى الارتقاء بالمجتمع من نقطة معينة لازم يتراعى فيه المستوى الحقيقى للناس

كمان نقطة مهمة جدا و هى ان توظيف المناظر الخادشة صعب و مش كل المخرجين بينجحوا ف ده

و خصوصا المخرجين بتوعنا

الواحد بيحس انهم حاطين الكام لقطة عشان يشدوا المشاهد اللى ف سن معين

مبتلقيش ليها اى دور ف خدمة الحوار خااااااااااااااااااااااااالص

طب شفتوا فيلم القديس the saint بصوا كده على طريقة استخدام المخرج للمناظر الخادشة فيه

تعالى قارن بقى مع استخدامها ف مشهد زى بتاع سمية ف الحتة الكوبيه

تخلف ... اسف ع اللفظ بس فعلا ملقتش لفظ تانى ينفع يتقال

كمان نقطة مهمة خالص

انى انا بقول كل الكلام ده و انا لم اخد ف اعتبارى اى احتكام للعرف ف المجتمع

و ف النهاية.. انا ضد المناظر الخادشة على طول الخط

&&&&&&&&&&&&&

نيجى بقى لخالد صالح

عايز اسال سؤال

حد فينا حس بممثل زى ما حس بخالد صالح؟؟

تقريبا الاحساس ده موصلنيش غير مع احمد زكى بس ف بعض ادواره

برافو ...خالد و من نجاح لنجاح اشد

[MoHaMMeD EgYpT]

يا محمد يا اخويا

روح ذاكر وسيبك م الكلام ده كله

ظبط نفسك فى تعليمك و بعدين نبقى نشوف موضوع الافلام والفن والليلة دى

اسمع منى انا زى اخوك الكبير

اللى انت فيه ده ملوش غير نتيجة واحدة بس و مش عايز اكتبها

و انا مش هكلمك تانى ف الموضوع ده

:lol: والله انا تمام في الدراسة و فعلا حضرتك زي اخويا الكبير :happy: و حضرتك شايفني مثلا بشرب سجائر ولا مقاضيها زي الناس التانية مخدرات ولا بقضي لي ليلة ولا اتنين في البحرين :rolleyes: ولا بتاع بنات :P و بخصوص المذاكرة هي هتطير اهي موجودة و انا بذاكر كل فين و فين ;) و ايه النتيجة اللي حضرتك عاوز تقولها لي يا ريت تقوله :blush2:

[Alshiekh]

لان رساله الفن هى الارتقاء بافكارنا و ثقافتنا و ليس النزول الى مستواها

نعم هذا هى مايجب ان يكون عليه الفن ، ولكـــــــــــــــــن

كم فى المائة ممن يعملون فى الفن يتبنون هذه الفكرة؟

كم فى المائة منهم يحذرون صغار السن والمراهقين من مشاهدة افلام لاتناسب سنهم؟

وكم فى المائة منهم لايحشرون المشاهد الجنسية او المثيرة بدون داع لشد صغار السن والمراهقين لمشاهدة افلامهم؟

تلك هى المشكلة.

[الجدار]

انا ماشفتش الفيلم علشان أحكم عليه

بس انا على اعتقاد تام ان مافيش فيلم مصري الواحد ممكن يخرج بعديه ويكون في حالة انه يقعد مع نفسه كده ويفكر في النقطة اللي الفيلم أثارها في مخه

تركيبة معظم الأفلام

لقطات اباحية يتبنى عليها قصه هايفة وقفشتين كوميدي وأقلب

وأضحك يا ريس وقلد يا ريس وتمام كده

أصل السينما انعكاس لحال البلد يعني البلد حتبقى ناجحة والسينما تبقى فاشلة ؟؟ مش معقول

المخطط مرسوم صح وماشي في طريقة وواحدة واحدة بنتعود علي السيء

لغاية ما حنصحى في يوم مش حنعرف نفسنا

وربنا يستر

[لولا]

اجد صعوبه حقيقة فى اسقاط كلمة فن على كم الإسفاف الذى يجتاح السينما المصريه.

نادرا ما اصبحنا نخرج راضين من السينما ونحن نحمل اضاءة جديده فى نفوسنا وعقولنا

او مستوعبين حتى للرساله التى اراد الفيلم ايصالها .

صناعه السينما اصبحت تجاريه بحته ولا يخفى ذلك على احد وهذا سبب حشر هذا الكم

من المشاهد الخارجه .

الفن حقا شيء شديد الرقى .. يفترض فيه ان يرتقى بالناس فكريا وحسيا لأقصى درجه

ولكن هذا الإرتقاء لا اشعره وبصدق سوى فى السينما الغربيه التى توفر للمشاهد

كافه عوامل الإبهار من فكره العمل والسيناريو والحبكه الدراميه والأداء المذهل جدا

واماكن التصوير والإضاءه المنتقاه بكل عنايه وحتى لو تضمنت افلامهم اى مشاهد

فستجدها جزء اساسي من الدراما القائم عليها العمل لا يمكن ان يتم الإستغناء

عنه لإكمال الصوره وليس ادخال المشاهد حشرا للفيلم كما يحدث عندنا ولا ادائها

بطريقه مبتذله ورخيصه او استفزاز المجتمع المحافظ بها وبشكلها الفج وهى

مشاهد تتعارض مع طبيعه مجتمعاتنا بشكل مطلق.

عندما تشاهد فيلم اجنبى جيد فانت فعلا تنقى حواسك كلها من هموم يوم طويل

لزج وثقيل وتخرج خارج حدود روتين اليوم لتبحر فى عالم يخلقه لك الفيلم بتمكن..

حاله كهذه هل توفرها لنا الأفلام العربيه المنشره فى الساحه حاليا ؟؟!!

تحياتى

لولا

تم تعديل 15 مارس 2009 بواسطة لولا

[الترجمـان]

أنا شفت الفيلم وتقريبا فكرة الفيلم مقتبسه من فيلم أمريكي مش فاكر إسمه بالظبط تقريبا one man show حاجه زي كده ..

فلسفة الفيلم " الأمريكي " كانت تدور حول إنسان طبيعي جدا له وظيفة وعمل واصدقاء وزوجه المهم أنه في لحظة من اللحظات إنتابه الشك في كل من حوله وابتدى يسير وراء شكوكه التي انتهت به أمام احد الكاميرات المزروعه كي تراقب تفاصيل حياته التي كانت تبث في برنامج تلفزيوني يومي كان هو البطل وباقي من حوله عباره عن كومبارس يحركهم شخص واحد وهو صاحب البرنامج التلفزيوني الذي كان يتحكم في حياته ويراقبها خطوة بخطوة دون أن يعلم ...

المهم أنني خرجت من هذا الفيلم " المصري " وانا معجب بأداء الممثل خالد صالح الذي قام بتشخيص دوره بشكل عالي جدا.. أما بالنسبة للقصة فأعتقد أنه كان بالإمكان تقديمها بشكل أفضل ...

فتيمة الخوف من ضعف الإيرادات والإعتقاد أن تقديم الفكره مهما كانت جديده دون الإعتماد على هذا الحشو الجنسي المستفز هو السبب في أعتقادي لخروج الفيلم ببهذا الشكل المستفز والقبيح للأسره العربية ...

[الجدار]

أنا شفت الفيلم وتقريبا فكرة الفيلم مقتبسه من فيلم أمريكي مش فاكر إسمه بالظبط تقريبا one man show حاجه زي كده ..

أعتقد ان الفيلم أسمه The Truman Show للممثل جيم كاري

تم تعديل 15 مارس 2009 بواسطة الجدار

[MoHaMMeD EgYpT]

أنا شفت الفيلم وتقريبا فكرة الفيلم مقتبسه من فيلم أمريكي مش فاكر إسمه بالظبط تقريبا one man show حاجه زي كده ..

فلسفة الفيلم " الأمريكي " كانت تدور حول إنسان طبيعي جدا له وظيفة وعمل واصدقاء وزوجه المهم أنه في لحظة من اللحظات إنتابه الشك في كل من حوله وابتدى يسير وراء شكوكه التي انتهت به أمام احد الكاميرات المزروعه كي تراقب تفاصيل حياته التي كانت تبث في برنامج تلفزيوني يومي كان هو البطل وباقي من حوله عباره عن كومبارس يحركهم شخص واحد وهو صاحب البرنامج التلفزيوني الذي كان يتحكم في حياته ويراقبها خطوة بخطوة دون أن يعلم ...

المهم أنني خرجت من هذا الفيلم " المصري " وانا معجب بأداء الممثل خالد صالح الذي قام بتشخيص دوره بشكل عالي جدا.. أما بالنسبة للقصة فأعتقد أنه كان بالإمكان تقديمها بشكل أفضل ...

فتيمة الخوف من ضعف الإيرادات والإعتقاد أن تقديم الفكره مهما كانت جديده دون الإعتماد على هذا الحشو الجنسي المستفز هو السبب في أعتقادي لخروج الفيلم ببهذا الشكل المستفز والقبيح للأسره العربية ...

و خصوصا ان الفيلم مش مكتوب عليه للكبار فقط لانه بجد مليان لقطات ماتصلحش للاطفال انهم يشاهدوها و اساسا الفيلم كله ما يصلحش للاطفال انهم يشاهدوه و بخصوص قصة الفيلم من المحتمل انها تكون مقتبسه :)

[MoHaMMeD EgYpT]

اجد صعوبه حقيقة فى اسقاط كلمة فن على كم الإسفاف الذى يجتاح السينما المصريه.

نادرا ما اصبحنا نخرج راضين من السينما ونحن نحمل اضاءة جديده فى نفوسنا وعقولنا

او مستوعبين حتى للرساله التى اراد الفيلم ايصالها .

صناعه السينما اصبحت تجاريه بحته ولا يخفى ذلك على احد وهذا سبب حشر هذا الكم

من المشاهد الخارجه .

الفن حقا شيء شديد الرقى .. يفترض فيه ان يرتقى بالناس فكريا وحسيا لأقصى درجه

ولكن هذا الإرتقاء لا اشعره وبصدق سوى فى السينما الغربيه التى توفر للمشاهد

كافه عوامل الإبهار من فكره العمل والسيناريو والحبكه الدراميه والأداء المذهل جدا

واماكن التصوير والإضاءه المنتقاه بكل عنايه وحتى لو تضمنت افلامهم اى مشاهد

فستجدها جزء اساسي من الدراما القائم عليها العمل لا يمكن ان يتم الإستغناء

عنه لإكمال الصوره وليس ادخال المشاهد حشرا للفيلم كما يحدث عندنا ولا ادائها

بطريقه مبتذله ورخيصه او استفزاز المجتمع المحافظ بها وبشكلها الفج وهى

مشاهد تتعارض مع طبيعه مجتمعاتنا بشكل مطلق.

عندما تشاهد فيلم اجنبى جيد فانت فعلا تنقى حواسك كلها من هموم يوم طويل

لزج وثقيل وتخرج خارج حدود روتين اليوم لتبحر فى عالم يخلقه لك الفيلم بتمكن..

حاله كهذه هل توفرها لنا الأفلام العربيه المنشره فى الساحه حاليا ؟؟!!

تحياتى

لولا

فعلا بخصوص الافلام الاجنبية مختلفة تمام عن العربية لان كل فيلم مختلف عن التاني اما الافلام العربي معظمها متشابهة و الممثلين هما هما ما فيش جديد الا نادر :)

[محمد عيسى]

أنا شفت الفيلم وتقريبا فكرة الفيلم مقتبسه من فيلم أمريكي مش فاكر إسمه بالظبط تقريبا one man show حاجه زي كده ..

فلسفة الفيلم " الأمريكي " كانت تدور حول إنسان طبيعي جدا له وظيفة وعمل واصدقاء وزوجه المهم أنه في لحظة من اللحظات إنتابه الشك في كل من حوله وابتدى يسير وراء شكوكه التي انتهت به أمام احد الكاميرات المزروعه كي تراقب تفاصيل حياته التي كانت تبث في برنامج تلفزيوني يومي كان هو البطل وباقي من حوله عباره عن كومبارس يحركهم شخص واحد وهو صاحب البرنامج التلفزيوني الذي كان يتحكم في حياته ويراقبها خطوة بخطوة دون أن يعلم ...

...

القصة دي اتكررت في فيلم تاني مش فاكر اسمه بطولة طلعت زين و احمد رزق و علا غانم

[مغتربة]

ما هو هيترقي بثقافة بلد فيها 17 مليون أمي بالطريقه المتميزه دي

لو حبيت اكرر عبارتك بما أره الأصح لكتبتها : لان رساله الفن هى الارتقاء بافكارنا و ثقافتنا و ليس النزول بمستواها

لا ارى اختلاف كبير بينها و بين ما عنيت فالمضمون واحد و ان اختلف اسلوب التعبير