قصة فيلم الريس عمر حرب المثيرة للجدل و التشبه بالاله

[مغتربة]

هوه ده كل الى انت طلعت بيه من فيلم الريس عمر حرب ؟؟؟؟؟؟؟؟؟؟؟

بتنحيه اللقطات الجنسيه التى لا يوافق اغلبنا عليها

فيلم الريس عمر حرب فيلم فلسفى من الطراز الاول و لكن يحتاج الى نمط تفكيرى معين هو الذى يستطيع ان يحلله و يتفهمه

و حقيقى خالد صالح تفوق على نفسه فى هذا الفيلم و ادى دوره باحترافيه نادرجدا ان نراها الان فى السينما

ممكن يكون فيلم الريس عمر حرب فيلم فلسفي زي حضرتك ما بتقولي لكن كام واحد في مصر و كام واحد من اللي شافوا الفيلم ممكن يقدر الحكاية دي و غير كده خالد صالح تفوق علي نفسه ازاي لما قال انه اله نفسه !! لما واحد يشبه نفسه بالله عز و جل يبقي ده اسمه ايه بالضبط ؟؟ تمثيل ؟؟ تمثيل يخلينا نتشبه بالله عز و جل و ممكن القصة تكون كويسة بس مش لدرجة التشابه بالله يعني مثلا يبشه مثلا انه خلي الناس خدم عنده بفلوسه مثلا لكن يشبه نفسه بالله سبحان و تعالي و يشبه الناس بعبيد عنده و انه المتحكم في مصارئرهم و ان بيراقب كل الناس و انه و انه ....الخ ده تشبه بصفات الله عز

و ايه اللي يمنع الشباب انه يقلدوا الريس عمر حرب بعد كده ما هو كسب في النهاية بالقمار و ما خسرش اي شئ خالص بالعكس ده بيكسب فلوس زي ما هو عاوز و بيعمل اللي هو عاوزه و نهاية الفيلم تثبت الكلام ده انه انتصر و الشر انتصر

اخى الكريم بالنسبه لعدد الذين يستطيعون فهم المغزى الفلسفى للفيلم فى مصر فهم كثيرون و لله الحمد

و ليس معنى انهم ليسوا الاغلبيه ان نهمش اهتماماتهم و توقهم الثقافى

المفترض ان يلبى الفن كافه الاحتياجات الثقافيه لمختلف الشرائح

و كما نرى و لله الحمد ان الموسم السنمائى دائم ما يمتلىء بالافلام التى معظمها الا ما رحم ربى تعتمد على الاسفاف او التهريج و الاستخفاف بعقول المشاهدين فهل نستكثر عليه ان يقدم لنا فيلم او اثنين بالكثير ذو معنى حتى ان اتفقنا او اختلفنا عليه

كل الاحتياجات يجب ان تلبى و كما اننا فى بعض الاحيان نحب مشاهده افلام خفيفه بسيطه تقدم لنا وجبه ترفيه مباشره فاننا فى احيان اخرى ايضا نحتاج لمثل هذه النوعيه من الافلام التى تستفز تفكيرنا و تنشط عقلنا فى محاوله تحليلها و فهمها

فالعقل كاعضاء الجسد الاخرى يعطل اذا لم نستخدمه و لو على الاقل من حين لاخر

[مغتربة]

لان رساله الفن هى الارتقاء بافكارنا و ثقافتنا و ليس النزول الى مستواها

لسه فيه ناس بتصدق الكلام ده....رسالة إيه بس يا إخت مغتربة

الفن أو ما يسمى بالفن فى مصر الأن هو ليس إلا مزيج من السفالة و الإستخفاف بعقول الناس...و الهدف الوحيد للمدعويين بالفنانين هو جمع المال و الشهرة.. و كنا نتقبل أعمالهم على سبيل التسلية ..أم عندما يحاول هؤلاء المخمورن أن يكونوا فلاسفة فلا..ففى عقل أكثر المخرجين أو الممثلن المصرين ثقافة حاليا لا يوجد أى أفكار...و إن وجد فقد تكون فكرة وحيدة قابعة خائفة فى ظلام عقولهم ولا يسليها إلا الكتاكيت الموجودة معها فى نفس العقل.

اخى الكريم ما نعلمه جيدا ان القيم و المعانى النبيله عامل ثابت بالنسبه للزمن و بالتالى يجب ان يكون تصديقنا لها نابع من ثبوتيتها كعامل ثابت و لا نرجعه للزمن كعامل متغير بطبيعته

لذلك اعذرنى لا ارى الستفهامك الاول محل من الاعراب

و كون ان الفن فى مصر وصل الى الصورة القاتمه التى انت بنفسك رسمتها له تلك فليس هذا لعيب فى الفن نفسه بل فى القائمين عليه

و بالنسبه لانهم مخمورون ام لا فهذا سلوكهم الشخصى و لا يعنينا من الموضوع الا المنتج الاخير المقدم لنا

و الا فهل مثلا ممكن الا نذهب لدكتور شاطر جدا لمجرد اننا تناهى الى سمعنا انه مدمن كحول ؟؟؟؟؟؟

العبره بانتاجه و ليس بمنظومته الشخصيه

[مغتربة]

فيلم الريس عمر حرب فيلم فلسفى من الطراز الاول و لكن يحتاج الى نمط تفكيرى معين

طيب طرحه للجمهور ليه؟

لان رساله الفن هى الارتقاء بافكارنا و ثقافتنا و ليس النزول الى مستواها

ينفع اتفق مع الاستاذه مغتربه ف كلامها

بس ينفع برده اقول كلمتين كده ع الماشى بلاش ع الواقف

بيقولوا ان القافلة تسير على قدر اضعفها

يعنى حتى الارتقاء بالمجتمع من نقطة معينة لازم يتراعى فيه المستوى الحقيقى للناس

كمان نقطة مهمة جدا و هى ان توظيف المناظر الخادشة صعب و مش كل المخرجين بينجحوا ف ده

و خصوصا المخرجين بتوعنا

الواحد بيحس انهم حاطين الكام لقطة عشان يشدوا المشاهد اللى ف سن معين

مبتلقيش ليها اى دور ف خدمة الحوار خااااااااااااااااااااااااالص

طب شفتوا فيلم القديس the saint بصوا كده على طريقة استخدام المخرج للمناظر الخادشة فيه

تعالى قارن بقى مع استخدامها ف مشهد زى بتاع سمية ف الحتة الكوبيه

تخلف ... اسف ع اللفظ بس فعلا ملقتش لفظ تانى ينفع يتقال

كمان نقطة مهمة خالص

انى انا بقول كل الكلام ده و انا لم اخد ف اعتبارى اى احتكام للعرف ف المجتمع

و ف النهاية.. انا ضد المناظر الخادشة على طول الخط

&&&&&&&&&&&&&

نيجى بقى لخالد صالح

عايز اسال سؤال

حد فينا حس بممثل زى ما حس بخالد صالح؟؟

تقريبا الاحساس ده موصلنيش غير مع احمد زكى بس ف بعض ادواره

برافو ...خالد و من نجاح لنجاح اشد

اتفق معك اخى الكريم و انا ارفض تماما المشاهد الجنسيه التى فى الفيلم

لانها تثير الاشمئزاز و ليس الانبهار و مقحمه فى الفيلم كتوابل بصريه فقط لا غير

و سميه الخشاب و غادة عبد الرازق سيئين جدا فى هذه المشاهد و لا يصلحوا لها اساسا

و انما النقد الموضوعى لاى فيلم يتطلب منا ذكر الايجابيات و السلبيات بحياديه و عدم التركيز على جانب واحد فقط دون الاخر

[مغتربة]

أنا شفت الفيلم وتقريبا فكرة الفيلم مقتبسه من فيلم أمريكي مش فاكر إسمه بالظبط تقريبا one man show حاجه زي كده ..

فلسفة الفيلم " الأمريكي " كانت تدور حول إنسان طبيعي جدا له وظيفة وعمل واصدقاء وزوجه المهم أنه في لحظة من اللحظات إنتابه الشك في كل من حوله وابتدى يسير وراء شكوكه التي انتهت به أمام احد الكاميرات المزروعه كي تراقب تفاصيل حياته التي كانت تبث في برنامج تلفزيوني يومي كان هو البطل وباقي من حوله عباره عن كومبارس يحركهم شخص واحد وهو صاحب البرنامج التلفزيوني الذي كان يتحكم في حياته ويراقبها خطوة بخطوة دون أن يعلم ...

...

القصة دي اتكررت في فيلم تاني مش فاكر اسمه بطولة طلعت زين و احمد رزق و علا غانم

فعلا الفيلم المقتبس منه هو فيلم احمد رزق حوش الى وقع منك

اما الريس عمر حرب فلا يتشابه معه فى اى معنى او مضمون اطلاقا

[moumen]

فعلا الريس عمر حرب ليس مجرد فيلم عادي بيه بعض المشاهد المثيرة و ممثلين موهبين الفيلم له اطار فلسفي يبدو في بدايته غامض لكن بعد بعض التفكير و مراجعة احداث الفيلم نجد ان خالد صالح او الريس عمر حرب هو مثال للشيطان او شيطاين الأنس (اي البشر التابعين للشياطين) و هذا يظهر نتيجة لقدرات الريس عمر حرب الخارقة و المتجاوزة حدود تفكير البشر و كما يظهر في المشهد القبل الأخير قدرة الريس عمر حرب علي التحكم في لعبة القمار و قدرته علي اعطاء او سلب هذه القدرة لبعض الأشخاص و هذا يؤكد فكرة ان عمر حرب هو شيطان او عابد للشيطان و الذي يسعي لضم اكبر عدد من الضحايا في شبكة الخطيئة المتمثلة في الجنس و الرغبة و المال و السلطة و هذا يظهر في المشهد الأخير حيث ان خالد يوسف كشف لهاني سلامة حقيقة الكازينو و الذي هو نسخة مصغرة ومن هذا العالم و هذه الدنيا و مثل رغابات البشر المختلفة من خلال كل شخصية من هذا الفيلم و مما ساعد علي اعطاء فكرة القائد او (اعوذ بالله ) الألة هو اداء خالد صالح الواثق المدبر و الذي اعطي وحي لهاني سلامة ان الريس عمر حرب هو اله لا يمكن الهروب من عالمه الأ فسيكون العقاب هو السحق و ذلك من خلال جملته "حتروح علي فين العالم ده كله بتاعي " وتهديده في جملة " حسحقق"

لكن من سلبيات الفيلم مشاهد الجنس التي تبدو من شدة تفاصيلها واقعية و التي اكثر منها خالد يوسف في افلامه الأخيرة مما قد ساعد علي معرفة اسمه بصانع سينما الجنس و شكرا

[MoHaMMeD EgYpT]

فعلا الريس عمر حرب ليس مجرد فيلم عادي بيه بعض المشاهد المثيرة و ممثلين موهبين الفيلم له اطار فلسفي يبدو في بدايته غامض لكن بعد بعض التفكير و مراجعة احداث الفيلم نجد ان خالد صالح او الريس عمر حرب هو مثال للشيطان او شيطاين الأنس (اي البشر التابعين للشياطين) و هذا يظهر نتيجة لقدرات الريس عمر حرب الخارقة و المتجاوزة حدود تفكير البشر و كما يظهر في المشهد القبل الأخير قدرة الريس عمر حرب علي التحكم في لعبة القمار و قدرته علي اعطاء او سلب هذه القدرة لبعض الأشخاص و هذا يؤكد فكرة ان عمر حرب هو شيطان او عابد للشيطان و الذي يسعي لضم اكبر عدد من الضحايا في شبكة الخطيئة المتمثلة في الجنس و الرغبة و المال و السلطة و هذا يظهر في المشهد الأخير حيث ان خالد يوسف كشف لهاني سلامة حقيقة الكازينو و الذي هو نسخة مصغرة ومن هذا العالم و هذه الدنيا و مثل رغابات البشر المختلفة من خلال كل شخصية من هذا الفيلم و مما ساعد علي اعطاء فكرة القائد او (اعوذ بالله ) الألة هو اداء خالد صالح الواثق المدبر و الذي اعطي وحي لهاني سلامة ان الريس عمر حرب هو اله لا يمكن الهروب من عالمه الأ فسيكون العقاب هو السحق و ذلك من خلال جملته "حتروح علي فين العالم ده كله بتاعي " وتهديده في جملة " حسحقق"

لكن من سلبيات الفيلم مشاهد الجنس التي تبدو من شدة تفاصيلها واقعية و التي اكثر منها خالد يوسف في افلامه الأخيرة مما قد ساعد علي معرفة اسمه بصانع سينما الجنس و شكرا

تمام :rolleyes: المشاهد الجنسية فعلا كانها حقيقية و انا شاكك انها تكون حقيقية اساسا :rolleyes: