الدراسة فى كندا

[waleedss88]

السلام عليكم

كلام فارغ جدا عن التعليم هناك

الدراسه في كندا لن تصقلك اذا لم تكن تمتلك الموهبه خصوصا اذا كان مجال الجرافيك ومصر مليئة بمواهب كتير كلهم تعلمو البرنامج مع نفسهم وبالممارسه

دا عنوان اشهر مدرسة

http://www.vfs.com/

الكورس سنتين ستحتاج في حدود 250 الف جنيه لازم يكونو معاك عشان فرص الشغل هناك للطلبه لن تغطي حتى اكلك

[م.سامح المصرى]

السلام عليكم ورحمة الله وبركاته

آخي العزيز waleedss88

الله يفتحها عليك يا اخي

ما انا عرفت المعلومة دي بس متأخر

بس انا بتكلم علي مراكز التدريب مش علي المصممين وعلي فكرة حضرتك لو دققت في خبرة الي اتعلمو مع نفسهم هاتلاقي ناقسهم خبرات وحاجات كتيرة تعتبر جوهر البرنامج

ودا شوفته من الناس الي بيجو بيعملو انتر فيو هنا في الشركة

بس واحد وصفلي مركز تدريب ما يعتبرش مركز

دي شركة كبيرة جدا جدا جدا بس في امريكا

ودا اللنك

www.thegnomonworkshop.com

ومش مكلفة زي السنتر الي حضرتك جبته

١٦ الف دولار بس علي ما اعتقد

وجزاك الله خيرا

[waleedss88]

نومون طبعا مشهوره ولا غبار عليها

ولكن شهرتهم الاساسيه في دي فيدهات التعليم الرائعة

ممكن تحصل عليها كلها من مصر بتراب الفلوس

[Lembic]

يا حبيبي , الموقع هايعرفك الكليات و فقط , انت تدخل و تبحث داخلها عن اللي انت عاوزه و بعدين تراسل

انت لما تاخد تاشيرة دراسة مش ههيكون مسموح لك بالعمل و اذا خالفت القانون ممكن يلغى اقامتك , العمل مع الدراسة مسموح في حدود ضيقة , راجع لوائح الكلية التي تتقدم لها

أضافة بسيطة وهى أن الطالب ممكن يقدم على تصريح عمل بعد ستة شهور من الاقامة وهذا سوف يسمح له بالعمل Part Time" أثناء الدراسة وFull time فى الصيف و طلب تصريح العمل ممكن أى واحد يملئه ويتكلف على ما أعتقد 150 دولار ويكون صالح مدة الدراسة. المهم أن يتأكد الطالب من أن الجامعة التى يدرس بها من الجامعات المسموح لطلبتها بالحصول على إذن عمل. طبعا ممكن بعد الحصول على إذن العمل إن يشتغل الواحد أى شغلانة طبعا إلا أشغال معينة (حكومية مثلا). على فكرة إذا كان الطالب معاه مراته مثلا فهى ممكن تقدم على إذن عمل و تشتغل Full Time فى أى وقت مش الصيف بس.

[Ghost]

شكرا يا لمبك

[م.سامح المصرى]

السلام عليكم ورحمة الله وبركاته

مشكورين جدا اخواني (waledss88 - ghost - lembic) علي تفاعلكم وافدتي

اخي وليد

(نومون طبعا مشهوره ولا غبار عليها

ولكن شهرتهم الاساسيه في دي فيدهات التعليم الرائعة

ممكن تحصل عليها كلها من مصر بتراب الفلوس)

كلامك مزبوط

وكمان ممكن انزلها حاجتها من علي النت من التورنت

بس في حاجة في حاجات ما تنفعش اساسا تتشرح كدة وخلاص من غير ما تفهمها يعني مثلا

انا دلوقتي بعمل سفينة فضائية اوكي بس دي من شركة ديجيتال توترز

في التعليم دا بالسي دي انا فوت حاجات كتيرة جدا من غير ما افهمها علشان دا سي دي

واغلبية الدرس ببقي عايز اسال في حاجات كتيرة جدا ومهمة جدا بس بسيبها

ودا غلط وانا عايز اتعلم البرنامج صح بكل ما فية يعني ببقي عايز اتابع مع حد وسمعت ان تعتبر افضل شركة نومن

فلو تعرفو طريقة يبقي كتر الف خيركم

وجزاكم الله خيرا علي افادتي

[Abo Marwan]

أخي الأستاذ تورنتو .. الأخوة المقيمين في كندا ...السلام عليكم ..

شكراً لسعة صدركم وللأيضاحات الهامة التي قدمتومها لنا بهذا المنتدى الرائع ...

أخي لو سمحتم التوضيح في موضوع دراسة أولاد العرب المهاجرين الجدد في المدراس الأبتدائية والثانوية الكندية .. و هل جلب شهادة من المدرسة مصدقة من الوزارة باللغة العربية كفاية لأستمرار دراستهم وترجمتها في كندا ؟ طيب بالنسبة لشهادة الثانوية ( ثاني ثانوي ) ناجح لثاث ثانوي تحتسب أيه في كندا ؟ ثم عند قدوم الآولاد الى كندا كيف سينتظموا في المدارس هل مباشرة أم يجب الأنتظام في صفوف اللغة وبعدها المدرسة ؟ وكم المدة ؟

طيب دخول الجامعة في كندا للطالب الحاصل على شهادة الثانوية العامة المصرية يحتاج الى مجموع كم كحد أدنى وكيف يتم معادلتها؟

وماهو بحسب أعتقادكم المدة الكافية لتكيف وتأقلم الأولاد في المدرسة والمجتمع في كندا ؟

وماهي النصائح التي تقدمونها للعائلة العربية المهاجرة حديثاً الى كندا ؟

معلش ياأخي أسئلة كثيرة - بس أتمنى عليكم الأجابةبشئ من التفصيل لأهمية الموضوع لي وأعتقد للكثير من الأخوة المهاجرين الجدد ؟

مع خالص شكري وتقديري... أبو مروان

[Toronto]

أخي الأستاذ تورنتو .. الأخوة المقيمين في كندا ...السلام عليكم ..

شكراً لسعة صدركم وللأيضاحات الهامة التي قدمتومها لنا بهذا المنتدى الرائع ...

أخي لو سمحتم التوضيح في موضوع دراسة أولاد العرب المهاجرين الجدد في المدراس الأبتدائية والثانوية الكندية .. و هل جلب شهادة من المدرسة مصدقة من الوزارة باللغة العربية كفاية لأستمرار دراستهم وترجمتها في كندا ؟ طيب بالنسبة لشهادة الثانوية ( ثاني ثانوي ) ناجح لثاث ثانوي تحتسب أيه في كندا ؟ ثم عند قدوم الآولاد الى كندا كيف سينتظموا في المدارس هل مباشرة أم يجب الأنتظام في صفوف اللغة وبعدها المدرسة ؟ وكم المدة ؟

طيب دخول الجامعة في كندا للطالب الحاصل على شهادة الثانوية العامة المصرية يحتاج الى مجموع كم كحد أدنى وكيف يتم معادلتها؟

وماهو بحسب أعتقادكم المدة الكافية لتكيف وتأقلم الأولاد في المدرسة والمجتمع في كندا ؟

وماهي النصائح التي تقدمونها للعائلة العربية المهاجرة حديثاً الى كندا ؟

معلش ياأخي أسئلة كثيرة - بس أتمنى عليكم الأجابةبشئ من التفصيل لأهمية الموضوع لي وأعتقد للكثير من الأخوة المهاجرين الجدد ؟

مع خالص شكري وتقديري... أبو مروان

الموضوع مهم و ممكن يفيد بشر كتير.انا صاحبي جزار لبناني لسة جاي البلد من اربع شهور عنده ماشاء الله عيال كتير و كلهم في مدارس حسألهولك و اجيبلك الخبر النضيف قريب ان شاء الله.

[Abo Marwan]

شكراً ياأخي الكريم / تورنتو / وبارك الله فيك على سرعة الرد والأهتمام بموضوع التعليم في كندا ..

مع خالص تقديري وأمنياتي لك بالتوفيق....

أخوك أبو مروان

[Toronto]

شكراً ياأخي الكريم / تورنتو / وبارك الله فيك على سرعة الرد والأهتمام بموضوع التعليم في كندا ..

مع خالص تقديري وأمنياتي لك بالتوفيق....

أخوك أبو مروان

اخي ابو مروان المعلومات ايلي انا عرفتها للمرحلة الابتداءية الاطفال بيدخلوا المدرسة بنفس السنة ايلي كانوا فيها و كل يوم فيه فصل للغة .صاحبي اولاده كلهم في المرحلة الابتداءية,,بس الكلام ده اكيد .

[moab]

الأخوة الكرام

يا ريت كمان لو نوضح الوضع للأطفال اللي بيدرسوا في مدارس عربي بمراحلها المختلفة لما بيروحوا كندا هل بيبتدوا معاهم بتعليمهم اللغة الأول ؟ ولا التعامل معاهم بيكون ازاي بالضبط ؟ وهل ده بيكون صعب على الأولاد اللي اتعودوا طول عمرهم على العربي ؟ يا ريت لو في حد عنده تجربة يتفضل ويفيدنا بيها

تم تعديل 7 أبريل 2008 بواسطة moab

[Abo Marwan]

الأخ تورنتو ..

الاخوة في المنتدى...

السلام عليكم ..

شكراً للأجابة والأهتمام بالسؤال ...بارك الله فيكم ..

طيب هذا بالنسبة للأبتدائية .. بالنسبة للدراسة الثانوية راح يكون وضعهم أيه..وخاصة أنهم في مدارس عربي مش لغات؟

وهل مجموع الثانوية العامة المصرية يهتموا فيه لدخول الجامعات الكندية ؟

معلش ياأخي عندي أولاد وبنات ماشاء الله وهم في أكثر من مرحلة دراسية ..

وياريت لو يكون في أجابة وشوية تفاصيل ..

مع خالص شكري..

[somayasaleh]

السلام عليكم جميعا

انا عضوة جديدة ويشرفني الانضمام لكم

واتمني لو اي احد من الاخوة الكرام يخبرنا عن الدراسه الجامعية في كندا

لان ابنتي تدرس النظام الانجليزي الان IGCSE

وشكرا للجميع

[elrantisi]

الاخوة والاخوات

السلام عليكم ورحمة الله وبركاته

يعلم الله مدى سعادتى عندما وجدت هذا المنتدى الرائع اثناء تصفحى لجوجل فجزاكم الله كل الخير عل كم المعلومات القيم والرائع الذى وضعتموه هنا

ولى عندكم استفسار ورجاء ارجو ان تلبوه لى

لقد انهيت الفرقة الرابعه من كلية الطب البشرى واريد ان اكمل ما تبقى لى من سنين الدراسة(سنتين)فى احدى كليات الطب الكندية فهل هذا ممكن وما شروطه ان امكن وما التكلفة المادية

وتفضلوا بقبول فائق احترامى وتقديرى

[Bassam El Sayed]

دكتور رنتيسى

افضل شىء انك تدخل على كل جامعة وتشوف Contact details وتبعت لهم Email تسال فية على الى انت عايزة . ما تخافش هيردوا عليك على طول بكل التفاصيل الى انت عايزها . انا عملت كدة اول ما تخرجت كنت بدور على وسيلة سريعة اروح بيها كندا قلت اروح احضر ماجستير وكنت ببعت للجامعات بالاستفسارات الى عايزها وكانوا بيردوا عليا تانى يوم على طول . خد اللينك دة هيساعدك . دة List بكل مواقع الجامعات الكندية على النت http://www.iamnext.com/academics/canadianu.html

بخصوص التكلفة فهى هتختلف من جامعة للتانية وكمان اذا كنت هتسكن فى الجامعة ولا برة علشان تاخد فكرة عن التكلفة مثلا فى جامعة ترورنتو لاقيتك المقال دة ك فكرة عامة

Costs

The cost of attending university varies according to your program of study and place of residence during the academic year (September to May). Students living at home can expect to have costs of at least $9000; Canadian citizens and permanent residents living away from home can anticipate costs in the $16,000 to $17,500 range. These include domestic tuition fees, incidental fees, faculty or college fees, books, boarding and lodging, local transportation and miscellaneous expenses.

http://www.prospective.utoronto.ca/Money_Matters.htm

ان شاء الله اكون افادتك ولو بجزء بسيط

[elrantisi]

الاخ الفاضل بسام

جزاك الله كل الخير على الاهتمام وعندى سؤال والله

بالنسبة للسكن فى كندا تكلفته فى السنة كام وبالنسبة للجامعات الكندية يا ترى ايه افضل الجامعات الكندية

وتفضل بقبول فائق احترامى وتقديرى

[مهاجرة]

الاخ elrantisi الصيف الماضي راجعت السفارة الكندية في سوريا وطلبت منهم عناوين الجامعات الكندية لأنني اريد استكمال دراستي في كندا فأعطوني شيت فيه كم ورقة وفيها عناوين الجامعات وكل ماهو مطلوب للذهاب للدراسة في كندا وقد سحبتها على السكانر وجمعتها في ملف ورد وارفقتها مع ردي هذا عسى ان ينفعك

تحياتي

________________.doc

[Bassam El Sayed]

دكتور رنتيسى

لا شكر على واجب

من حيث افضل الجامعات الكندية , خد اللينك دة هتلاقى افضل 10 جامعات فى كندا وكمان افضل 10 فى كليات الطب

http://i.cs.hku.hk/~tse/topten.html

من حيث تكلفة السكن فى كندا دة يختلف بردة . ممكن تسكن مع اسرة كندية فى بيتهم يعنى هيدوك غرفة فى البيت عندهم تقعد فيها والجامعة هتوفرلك الاسرة دى هيتراوح سعرها من 700 الى 800 دولار شهريا . ولكن لا ادرى فى حالة انك مقيم لفترة طويلة فى كندا وليس فقط شهرين او تلاتة دة متاح ولا لازم تقعد فى سكن الجامعة نفسة. على العموم افضل شىء انك تراسل الجامعة نفسها هما الى هيدوك كافة التفاصيل

[elrantisi]

الاخت الفاضلة مهاجرة

كل الشكر والتقدير للاهتمام ولملف اللى ارفقتيه

الاخ الفاضل بسام متشكر جدا

جزاك الله كل الخير

[ام بلال]

أيها الأحباء من خلال بحثي وصلت لأسماء المدارس الإسلامية في كندا على هذا الرابط:

:rolleyes: http://www.mwlcanada.org/canada/schools.htm