الى كل المغتربين المصريين بالسعوديه

[الباحث عن الرزق]

السلام عليكم

انا اول مره اشارك معكم ولكن اكيد باذن الله مش اخر مره انا باذن الله مسافر السعوديه بفيزا حره وانا عارف ان مفيش حاجه اسمها فيزه حره بس اخوى معاه صديق سعودى هو الى حيحولى كفاله ولكن استفسارى ان الظاهر ان الدنيا مش مظبوطه فى السعوديه

استفسارى

انا خريج حقوق 2007 بس انا عارف ان مؤهلى ملهوش شغل فى السعوديه

وانا كان مجالى فى مصر هو الموارد البشريه خبره سنتان واجيد الكمبيوتر ممتاز واللغه كانت فى نطاق عملى

انا عايز اعرف هو انا ممكن اشتغل ايه هناك وبكام علما ان فى الى ممكن يسعدنى هناك بس انا عايز اعرف من اهل الخبره الدنيا ازاى فى السعوديه

[الباحث عن الرزق]

يا ريت يا جماعه حد ينصحنى انا مستعد اشتغل وعندى وعندى القدره على العمل والحمد لله ولكن لو الدنيا حاليا فى السعوديه زى ما انا سامع مش كويسه ممكن اتبهدل هنا ولكن البهدلا هنا مش جايبه همها

[Amr Radwan]

اخي الحبيب ..

السلام عليكم و رحمة الله و بركاته ..

الوظائف اللي ممكن تشتغلها لما تيجي ما نقدرش نحددها لك .. بس انت ممكن لما تيجي تظهر لك فرص كويسه و وظائف كويسه تناسب قدراتك ..

انت تعالي و خلص ورقك و ربنا ييسر لك الحال ان شاء الله ..

بالتوفيق

طريق الالف ميل يبدأ بخطوة

[elfakhrany]

تعالى وتنور فى السعودية و فى وظائف متوفرة بنطاق أكبر عن مصر فى مجال الموارد البشرية وخصوصا ان معاك خبرة ولغة ان شاء ربنا يوفقك

[hgalal]

فى وظائف متوفرة فى مجال الموارد البشرية وخصوصا ان معاك خبرة ولغة وانا دايماً بلاقي اعلانات تطلب متخصص موارد بشرية او مدير موارد بشرية ان شاء الله في المستقبل.

لكن نصيحتي لك ان تركز في البحث في مجالك لإان التخصص مطلوب وبيعلي من شأن الموظف.

ثانيآً لازم تكون عارف امك بما انك ستبداء البحث هنا فده بيكون اصعب شوية من التعاقد على الوظيفة من مصر وكمان ممكن يقلل من المميزات عند التعين والمرتب.

لكن دائما لكل مجتهد نصيب.

ان شاء ربنا يوفقك

[الباحث عن الرزق]

شكرا جدا على ردودكم واهتمامكم بس انا عايز اعرف ان مجال الموارد البشريه متوفر لللمصريين وانا خبرتى سنتان بس وهل فى مرتبات كويسه وممن تكون فلى حدود كام وانا اعرف ان الموارد البشريه مسعوده

[Amr Radwan]

اخي الكريم .. لا تشغل بالك بالمرتب .. انت بس تعالي بالسلامة و ربنا ييسر لك الحال و هتعرف كل حاجة .. لان المرتبات بالذات ارزاق يعني ممكن ربنا يكرمك اول ما تيجي بشركة كبيرة و تكون مرتباتها حلوة .. و ممكن تيجي و ما يظهرلكش غير شركات صغيرة ..

صدقني .. سيبها علي الله ان شاء الله خير :ninja:

[الباحث عن الرزق]

ونعمه بالله وانا عارف طبعا ان الارزاق بيد الله

ولكن انا من الى شايفه من الناس الى سافرت السعوديه

فى ناس والحمد لله حالته كويسه وناس زى ما راحت زى ما جات ودى ارزاق

بس الناس دى لو قعدت فى البلد كان افضلها

يعنى انا الى اقصده انى دلوقتى خبرتى سنتان لو صبرت فى البلد والسفر مش كويس بدل ما انا قائم باعمال مشرف موارد بشريه حبقى مشرف بس لكن لو فى مقابل شبه كزيس يعنى اوفر منه اكيد مش حتردد لانى فى البلد الى رايح اكتر من الى جاى

فانا ممكن اعرف سلم الرواتب لهذه المهنا فى الشركات المتوسطه ولو مشتغلت فى هذا المجال مممكن اشتغل ايه