اشتركت خصيصا لهذا القسم

[شروق وغروب]

اهلا بيكم جميعا

انا اشتركت مخصوص لما شوفت القسم ده

حسيت انى هلاقى ناس اقدر اتكلم معاها لهم نفس ظروفى

انا مصريه فى السعوديه فى الرياض

وحابه انى اخد آرائكم فى حاجات كتير اوى

خصوصا ان احيانا بنمر بلحظات نشعر فيها ان الدنيا فاضيه علينا

وبنحتاج نتكلم مع ناس بعيده عن حياتنا الحقيقه

مافيش بنا مصالح او اى نوع من المعرفه الحقيقيه

وده بيكون افضل لانى اكيد هثق فى آرائكم اكتر من الاشخاص الحقيقيه اللى فى حياتنا خارج النت

[elfakhrany]

أهلا بيكى ياأخت شروق وغروب معانا هنا وفعلا محدش بيحس بوجع المصرى فى الغربة غير المصرى اللى زية :roseop:

[شروق وغروب]

أهلا بيكى ياأخت شروق وغروب معانا هنا وفعلا محدش بيحس بوجع المصرى فى الغربة غير المصرى اللى زية :roseop:

اهلا بحضرتك اخى الفاضل

فعلا معاك حق

واتمنى انى هنا الاقى نفسى بين اسرتى التانيه

[fatfouta]

اهلا بيكى يا شروق وغروب

عندك حق كلنا فى الغربة بنحس ساعات ان الدنيا فاضية علينا ومش لاقيين حد نتكلم معاه بصدق

وبالذات هنا فى الرياض االناس تحسى انها بعيدة اوى عن بعضها وكل واحد مشغول فى نفسه ولان المدينه بالنسبة ليا انا شخصيا مدينة كئيبة جدااااااااااااااا فانا بحس بالاحساس بطريقة مضاعفة جدااا

وربنا معانا واهلا بيكى مرة تانية

[osmel33]

أهلاً بيكي الأخت شروق وغروب هاتلاقي هنا فى المنتدى أكتر كمان من اللى انتى متوقعاه

[الكريم]

اهلا بيكي اختنا في المنتدى اللي فعلا يعبرعن ترابط الاخوة المصريين مع بعضهم من كل بقاع الدنيا نورتينا

[شروق وغروب]

اهلا بيكى يا شروق وغروب

عندك حق كلنا فى الغربة بنحس ساعات ان الدنيا فاضية علينا ومش لاقيين حد نتكلم معاه بصدق

وبالذات هنا فى الرياض االناس تحسى انها بعيدة اوى عن بعضها وكل واحد مشغول فى نفسه ولان المدينه بالنسبة ليا انا شخصيا مدينة كئيبة جدااااااااااااااا فانا بحس بالاحساس بطريقة مضاعفة جدااا

وربنا معانا واهلا بيكى مرة تانية

فعلا الرياض هنا مختلفه عن ماكنت بتخيل قبل ما اجى

انا ليه سنه تقريبا وحاسه انى عايشه بقالى 100 سنه هنا

ونفسى جدا انزل لاهلى فى مصر

خصوصا انى معنديش اطفال احس انهم ماليين عليا الدنيا

تسلمى اختى على ردك

[شروق وغروب]

جزاكم الله كل خير على مروركم

وبجد انا سعيده انى معاكم

[pink rose]

السلام عليكم و رحمة الله و بركاته

اهلا بيكي اختنا العزيزة شروق و غروب

نورتي المحاورات و ان شاء الله ما تحسيش بغربة و انتي معانا

بتقولي بقالك سنة في الرياض و حاسة انك بقالك 100 سنة لو فضلتي حاطة الكلمتين دول في دماغك ممكن يجرالك حاجه صدقيني حاولي تشغلي نفسك عشان الاحساس دا لو زاد مش حلو

و مش الرياض بس اللي كده قبل ما اجي الرياض كنت في القصيم و هي هي نفس الليلة هو هو الملل بس هانعمل ايه

هي دي الغربة وهو دا قدرك لازم تستحملي عشان الايام تعدي نصيحة مني لو عندك جيران عيشي حياتك

و دخلي ناس جديدة فيها و شوية شوية الاحساس دا هايروح

و ربنا معاكي و معانا كلنا و يهون الايام و يجمعنا باهلنا على خير

اختك ريم

[se_ Elsyed]

وبالذات هنا فى الرياض االناس تحسى انها بعيدة اوى عن بعضها وكل واحد مشغول فى نفسه ولان المدينه بالنسبة ليا انا شخصيا مدينة كئيبة جدااااااااااااااا

ما تغلطيش لو سمحتي

الرياض كئيبة ؟!!!

دي كئيبة دي ؟

جه انا سافرت الاسبوع الماضي لمدة يوم واحد خارجها وكنت بأعد الساعات عشان ارجع لها

قال الرياض كئيبة قال ...... حِكم

[pink rose]

وبالذات هنا فى الرياض االناس تحسى انها بعيدة اوى عن بعضها وكل واحد مشغول فى نفسه ولان المدينه بالنسبة ليا انا شخصيا مدينة كئيبة جدااااااااااااااا

ما تغلطيش لو سمحتي

الرياض كئيبة ؟!!!

دي كئيبة دي ؟

جه انا سافرت الاسبوع الماضي لمدة يوم واحد خارجها وكنت بأعد الساعات عشان ارجع لها

قال الرياض كئيبة قال ...... حِكم

ايوة كئيبة بالنسبة للستات اللي قاعدين في البيت ما بيشتغلوش زي حالاتنا كده

الايام بطييييييييييييييييييييييييييييييييييييييييييئة و مملة

[se_ Elsyed]

ايوة كئيبة بالنسبة للستات اللي قاعدين في البيت ما بيشتغلوش زي حالاتنا كده

الايام بطييييييييييييييييييييييييييييييييييييييييييئة و مملة

يعني نفس الستات لو قاعدين في جده او الخبر او سكاكا وعرعر .. هاتبقى ايام حلوه ؟

ما عندكو العقارية ... روحوا اتفسحوا فيها

وعندكو حراج بن جاسم ... روحوا اتسوقوا هناك

عجيبة والله

[سهل جدا]

يعني نفس الستات لو قاعدين في جده او الخبر او سكاكا وعرعر .. هاتبقى ايام حلوه ؟

لا معليش يا حاج سين سين

جدة هنا كأنك في مصر بالظبط..

ما تحسش بأي ملل

حتى الثقافة المصرية تلاقيها طاغية على ألسن الناس الغير مصريين

وبعدين دا الحرم المكي جنبينا هنا

ساعة زمن واحدة بس نكون هناك

وكله كوم بقى ومطاعم (البيك) كوم

آه منك يا سعادة البيك

مرحبا بيكي أختنا شروق وغروب

[Alrefaey]

الرياض بلد جافة طقسا وناسا

اللى يشاهدها لأول مرة يعجب بالطرق والشوارع الواسعه والنظيفة والمنظمة الى حد ما

وكمان عشان هى العاصمة تجد جميع الخدمات لكن هناك عدة اشياء يدهش بها الجديد عليها

مثل عدم وجود عمارات متعددة الطوابق غير الفيصلية والمملكة طبعا يعنى تلاقى دورين وفقهم ملحق بالكتير على عكس جدة فيها بعض الطوابق

الشوارع كلها سيارات وبس المنظر المؤلوف لنا اللى بنشاهدة فى مصر من زحام الناس فى الشوارع هنا معدوم

عدم وجود صرف صحى تخيلو فى العاصمة

واشياء كتيرة تثير الدهشة للزائر

اما بخصوص الترفيه فهناك فرق بين جده مثلا والرياض فى جده تلاقى البحر تلاقى الناس البشوشة تلاقى مناظر قريبه من مصر اما الرياض فحدث ولا حرج

[osmel33]

الرياض يا سيدى على الرياض أنت هاتقولى على الرياض أنا روحتها من سنتين

بقيت اعد الثواني علشان أهرب منها أأقصد علشان اقعد فيها طبعاً وماروحتش

فى حتة والناس اللى انا روحتلهم نكدت عليهم وخليتهم يقعدوا فى البيت

لأ ولى موقف فيها بس موقف قديم فى السبعينات كده كنا قاعدين أنا والأسرة الكريمة

فى المكان التحفة اللى اسمه خميس مشيط فى أبها ومش فاكر ليه وأحنا مسافرين من مطار جده

روحنا الرياض وفى عز جهنم الحمرا بقينا فى الطل وطبعاً شتان ما بين خميس مشيط بجوها

والرياض بجحيمها

تم تعديل 15 مارس 2009 بواسطة osmel33

[شروق وغروب]

هو فى ايه يا جماعه انتم حولتم موضوعى وقصتى

لمناقشه ليكم انتم والا اييييييييه

ياجمااااااااااعه انا الجديده نسيتونى خالص كده

تؤتؤ تؤؤتؤ هو من اولها كده

على العموم انا بحاول أتاقلم هنا فى الرياض

مع انى هحاول جاهده انى اقنع جوزى باننا نزل مصر ام الدنيا

قاهره المعز ههههههه

والله وحشتنى ومعرفتش قيمتها الا لما خرجت منها

[fatfouta]

ايوة كئيبة بالنسبة للستات اللي قاعدين في البيت ما بيشتغلوش زي حالاتنا كده

الايام بطييييييييييييييييييييييييييييييييييييييييييئة و مملة

يعني نفس الستات لو قاعدين في جده او الخبر او سكاكا وعرعر .. هاتبقى ايام حلوه ؟

ما عندكو العقارية ... روحوا اتفسحوا فيها

وعندكو حراج بن جاسم ... روحوا اتسوقوا هناك

عجيبة والله

اى عقارية بقى بتاعة الستين ولا عقارية العليا وحياة ولادى الاتنين اكئب من بعض

وكمان الحراج ده انا جوزى لا ممكن ابدااااااااا ينزلنا لوحدنا فيه

انت شكلك كده يا س س حابب البلد دى اوى ربنا يديمها عليك نعمة ويدينا ذيك يا رب

نرجع تانى نرحب بشروق وغروب

[doha]

هي مش مسألة كآبة الرياض ولا فرحتها هي الحكايه متلخصة في الحكمه الي بتقول " ماذا يفيد سكر العالم ان كانت المرارة في القلب "

فعلا الرياض جميلة جمال فوق الوصف لكن سبحان الله بعد فترة من البقاء فيها بتروح السكرة وبتيجي الفكرة ..

على كل حال هي اول سنة ولا اثنين الي بتبقى وحشه شويه هتتعبي فيهم بعدين ... هتتعودي على الشقا :)

[شروق وغروب]

هي مش مسألة كآبة الرياض ولا فرحتها هي الحكايه متلخصة في الحكمه الي بتقول " ماذا يفيد سكر العالم ان كانت المرارة في القلب "

فعلا الرياض جميلة جمال فوق الوصف لكن سبحان الله بعد فترة من البقاء فيها بتروح السكرة وبتيجي الفكرة ..

على كل حال هي اول سنة ولا اثنين الي بتبقى وحشه شويه هتتعبي فيهم بعدين ... هتتعودي على الشقا :)

المشكله انى مش مقتنعه بالاستمرار فى الرياض وبحاول ارضى مجبر اخاك لا بطل

باختصار كده المفروض انى متزوجه داخله على 6 سنين

كل سنه جوزى بيجي كام شهر واحيانا بيغيب سنتين

ربنا ما اكرمنيش بالحمل لان كنا محتاجين متابعه علاج ومش بنلحق نتعالج

وطبعا قرر يجيبنى هنا وجابنى زياره وكل شويه بيجددها وبقت الزياره للان 9 شهور

وبيكلم ناس عشان يعملولى اقامه لكن عنده مشكله انه داخل بعامل هنا

وبيشتغل حر يعنى مش براتب

والاسوا فى ده كله انى مش حاسه ان فى عائد يخلينى اربط نفسى هنا

واستحمل عشانه . فبحاول جاهد ه انى اقنع جوزى بالعودة لمصر

بس حاسه انه مشوش ومش متقبل ده . وده يمكن لانه له هنا 19 سنه مقيم فى الرياض

فاتعود على هنا وانا طبعا مش متاقلمه لان مهما كانت حياتى فى مصر فهى افضل كتير

[doha]

مهو المشكلة انك لو رجعتيه مصر هتبقي عامله زي بلدياتنا الي باع التلفزيون عشان يشتري بثمنه فيديو ..

انتي دلوقت بتبصي ايه الي ناقصك فلقيتي ان الحياة هتبقى روعه لو زوجك رجع وبقى عندك مصر والزوج المفقود وفوقه الاولاد باذن الله لما يستقر ويتابع في العلاج .. المشكلة ان الواقع مش كده والحسبة عمرها ماتنحسب كده ..

فكري لو رجع مصر هتعيشوا ازاي وتمشوا حياتكم ازاي .. لو لقيتيها هي هي يبقى خلاص سهل ترجعي اوي ولكن اظن بل متاكده ان اكيد صعب انكم تعيشوا في مصر بنفس الاسلوب الي عايشين بيه دلوقت واكيد ده السبب الاساسي الي مخلي زوجك رافض فكرة العوده مش بس لانه تعود على هنا ولكن لان شغله ومصدر دخله هنا ..

يعني غالب الظن لو رجعتم مصر ممكن تتخلصي من مشكلتك في بعد زوجك عنك لكن هتظهر مشاكل تانيه مكنتيش عامله حسابها وكان الوضع الحالي كافيك مؤونه التفكير فيها .

على كل حال متيأسيش من وضعك الحالي وياما ناس في مصر عايشين مع ازواجهم الي بيشتغلوا في مدن ثانيه وبرضوا بيشوفوهم يومين كل شهر يعني لو حسبتيها هتطلع هي هي الشهر كل سنه او سنتين .. وبرضه ياما ناس عايشه مع ازواجها عادي وبتشوفها كل يوم وربنا مكتبش لهم يكون في اطفال ..

بصي انتي استثمري وجودك هنا في الهدوء بعيد عن وجع الدماغ والزن الي ممكن يكون في مصر . . حاولي تدوري على شغل يملأ وقتك لو قدرتي اما بالنسبة لموضوع الحمل فاذكرك بقول الله تعالى : فقلت استفغفروا ربكم انه كان غفارا * يرسل السماء عليكم مدرارا * ويمددكم باموال وبنين ويجعل لكم جنات ويجعل لكم انهارا ) مدام اخذت بالاسباب وبدأت علاج فالزمي الدعاء والاستغفار الي ربنا قال عنه انه بيجيب الرزق ويجيب الذرية ..

وربنا معاك باذن الله كلها فترة وتعدي وتحبي البلد دي اكتر من اي مكان تاني ..

تم تعديل 15 مارس 2009 بواسطة doha