إيه رأيكم في الكنية يا جماعة ..(أبو فلان) أو (أم فلان) ؟

[سهل جدا]

الأصل في دول الخليج هنا سواء كانوا رجالا أو نساء أن كل واحد له إسم وله كنية

الإسم: هو الذي يسميه الأبوان للمولود بعد ولادته؛ وهو الاسم الرسمي الذي يعامل به مع الحكومات..

أما الكنية: فهي اللقب الذي يختاره الإنسان لنفسه (أبو فلان) للذكور , و(أم فلان) للإناث

ولا يشترط في الكنية أن تكون باسم الإبن الأول كما يعتقد البعض ..

بل لا يشترط للكنية أصلا أن يكون صاحبها له أولاد

وقد كان رسول الله صلى الله عليه وسلم يكنى بأبي القاسم

كما كان صلى الله عليه وسلم يكني أصحابه.. حتى الأطفال كان كذلك يكنيهم..

كما في الحديث: ( يا أبا عمير ما فعل النغير) وكان أبو عمير هذا طفل صغير

المهم أن موضوع التكنية هذا ثابت عند العرب قديما وحديثا

ولكن لا أدري لماذا هي مستنكرة في الشعب المصري حاليا لاسيما في الطبقات الراقية

أذكر مرة إني ناديت واحدة من الطبقة الأرستقراطية في مصر: يا أم مريم (على أساس إن ابنتها الكبيرة اسمها مريم)

فاستنكرت ذلك بشدة ونظرت إلي نظرة مش ولابد..

وشعرت بها وكأنها تريد أن تقول لي: ليه شايفطني ماسكة الطشت وبغسل فيه الهدوم يا روح مامي..

فما رأيكم في الكنية, ويا ترى ما هو سبب ارتباط الكنية عند بعض المصريين بالتخلف أو الفقر؟!

[لولا]

بما انى خرجت بره الأوضه قلت اعدى اشوف الأوض الجديده اللى اتفتحت

انتا بتجيب المواضيع دى منين

عموما بالنسبالى مبحبش الكنيه ولا الألقاب ولا اى حاجه .. الحياة ابسط من كده .

يعنى ان شاء الله لما يبقى عندى اولاد محبش يبقى اسمى ام فلان ولا فلانه .. محبش شخصيتى تضيع

فى شخصياتهم .

افتكر قبل الجواز كان الكل بيندهلى باسمى كده عادى ... بعد الجواز لقيت كلمه مدام ظهرت على السطح

يوووووووووووووووووه اول مره حد قاللى يامدام .. بجد بجد تنحت تماما

حسيت اسمى اختفى ,, ظهر اسم جديد اسمه "مدام " !! لغايه دلوقت مش بحبه .. بحب اسمع اسمى كده من غير اى سوابق !!

فمابالك بحد يقولى ام فلان !! يعنى اسمى ضاع من اساسه ومع الوقت يتنسي كمان ... اعرف ناس كتير هنا فى السعوديه

يعرفوا جارتهم مثلا باسم ام كذا ومحدش يعرف اسمها !!

عموما كل واحد ادندهله بالإسم اللى يريحه .. الموضوع سهل جدا

تحياتى

لولا

[التونسى]

مش بقلك انت تنفع صحفى او معد برامج او يمكن محارو زى مفيد فوزى كده :lol:

انت بجد ردار افكار :happy: ماشاء الله عليك :rolleyes:

المهم انا شايف ان الكنيه برده مشهوره فى مصر بس بشكل مختلف حبتين .. يعنى حسب اسم الواحد .. يعنى مثلا اسم محمود له كنيات معينه بيتنده بيها .. زى ابو حفنى .. ابو طه .. حوده .. او زى ما بنطقها اخوانا البورسعيديه ((حوته)) :P ..

احمد بيكنى ب ابو حميد .. لو حد من اسكندريه بنقوله يا بوسكندر .. ابراهيم كنيته ابو خليل ..

وعلى فكره احنا فى مصر بنهتم باسماء الدلع مش باسماء الكنيه .. زى محمد بنسميىه ميدو .. حماده .. ممكن ميمى برده .. محمود ممكن يبقى مودى .. دودى .. اسماعيل .... سمعه ..

طبعا فيه الكنيه الخاصه بالنساء عندنا فى مصر .. بس حسيب الفرصه لاخت من الاخوات تتكلم عنها احسن

انا مش شايف خالص يا سهل جدا ان الكنيه عندنا مرتبطه بالتخلف والفقر مش عارف جاتلك الفكره دى منين ..تلاقى الست الارستقراطيه ام مريم دى زعلت منك عشان بس كبرتها فى السن لما قلتلها يا ام مريم ;) .. هى ممكن تكون حتة استنكار وعدم استساغة الكنيه موجوده فى نسبه لا تتعدى 10% من المجتمع المصرى واللى من الطبقه اللى انت وصفتها راقيه .. لكن لا تشكل ظاهره يعنى تستحق التأمل والتمحيص

مع خالص تحياتى ليك يا ردار الافكار تصدق كنيه حلوه :lol:

طبعا انا بهزر يعنى معاك وياريت هزارى يكون مقبول :blush2:

مع خالص تحيتى

التونسى

[الباشمهندس ياسر]

الكنية عند العرب كلها

يعنى ف الخليج و ف بلاد الشام و ف عرب مصر و ف ليبيا كمان شفتها

و هى عادة عربية قديمة اوى و فضلت معاهم و انتقلت منين ما انتقلوا

الفكرة بقى ان مصر تعرضت لعملية مسح ذاكرة او غسيل مخ ف فترة الاحتلال البريطانى البغيض

اثرت على كتير من العادات و زاد الطين بلة بعد انقلاب 52

و تحول الناس من كل ما يمت للعادات العربية القديمة الى عكسه تماما

و منها موضوع الكنية

عموما ... من و انا صغير وعندى الكنية بتاعتى

انا اسمى ياسر علام و لانى الابن الاكبر فدايما بينادونى ابو علام

و طبعا ناوى اسمى علام على اعتبار ان ده ابسط انواع رد الجميل للوالد حفظه الله و للعائلة الكريمة

بالنسبة بقى لموضوع الالقاب

انا مؤمن اننا يجب ان ننزل الناس منازلهم ( كما ورد ف حديث شريف )

و دى حقوق للناس لازم نحافظ عليها ... اللى يبى يتنازل ينفضل يتنازل

لكن دى طبيعة الناس التى فطر الله الناس عليها

افتكر انة قبل الانقلاب كان فيه عدد محدود من الباشوات و الباكوات

الحين صارت الدولة كلها باشوات و بهوات

انا شكلى هتكلم كتير و هتدخل المواضيع ف بعضها

عشان ننجز

انا بحترم اللى بيحب الكنية و بحترم اللى بيحب الاسم المجرد

و كل شىء يبى شىء

[ذهبية]

موضوع الكنية دة بيختلف حسب المستوى فعلا يعنى نادر ان تلاقى الكنية فى الاوساط العالية يعنى هما يفضلواالدلع فى الاسم و يمكن كمان بيخلوا الابناء يقولوا اسمائهم المجردة بدون بابا او ماما وساعات ينادواهم باسماء الدلع

ام فى الاوساط المتوسطة او الدنيا منتشر كتير و كل ما تنزل بالمستوى يكتر و انا بتكلم عن مصر مش على اى دولة تانية ومصر الان مش زمان

يمكن النظرة الوحشة للكنية بسبب انة منتشر فى الاوساط الدنيا على اعتبار ان اسم الام مجرد كدة يبقى عيب

و فية نقطة تانية ان كتير بيخافوا ان حد يعملوا لهم عمل او سحر لان دة بيتطلب اسم الام فتلاقيهم بيهربوا

من عرض الاسم الحقيقى باسم الكينونة و تلاقى كمان ان اى امرءة من كتر خوفها من السحر والاعمال

عندها اكتر من اسم يعنى اسمها الحقيقى بتخبية تمام و تقول اسم زى اسم شهرة ودة منتشر جدا فى الاوساط الدنيا

ام وجهة نظرى

انا هو انا باسمى او اسم زوجى او باسم ابنى فلى الشرف باى حالة انى انتسب ليهم وهما ينتسبوا لى فلا فرق معايا

و اللى اعرفة كويس ان الشخصية بتحببك فى الاسم يعنى من كتر حبك لشخص معين بتحب الاسم علشانة و يمكن تسمى ابنك او بنتك على اسمهم فالمهم هو انت اية ؟؟مش انت مين؟؟؟

[أحمد سيف]

الموضوع ببساطة يا سهل جدا إن استخدام الكنية مش من عادات الشعب المصري ... أو زي ما قال بعض الإخوة احنا بنختار كنية متناسبة مع اسم الواحد (زي أبو حميد للي اسمهم أحمد مثلا) مش مرتبطة باسم ابنه زي ما غيرنا بيعمل

في فلسطين مثلا بيكنوا الرجل اللي ما عندهوش أبناء بـ " أبو العبد" ... جرب كده تنادي لواحد سعودي بأبو العبد وشوف هايكون رد فعله ايه

لذلك الحكاية لا تستدعي أي نوع من الاستغراب أو الاستنكار ... لكل شعب عاداته وتقاليده ومش لازم نقلد السعوديين في كل حاجه علشان نبقى ماشيين صح

واضح إن سعادتك منبهر بإسلوب الحياة السعودي ونفسك نقلدهم في كل كبيرة وصغيرة ... معليش صدمة حضارية مرّ بيها كثير قبلك ... وبتحصل في أحسن العائلات :rolleyes:

[tarek hassan]

بما انى خرجت بره الأوضه قلت اعدى اشوف الأوض الجديده اللى اتفتحت :rolleyes:

انتا بتجيب المواضيع دى منين :P

عموما بالنسبالى مبحبش الكنيه ولا الألقاب ولا اى حاجه .. الحياة ابسط من كده .

يعنى ان شاء الله لما يبقى عندى اولاد محبش يبقى اسمى ام فلان ولا فلانه .. محبش شخصيتى تضيع

فى شخصياتهم .

افتكر قبل الجواز كان الكل بيندهلى باسمى كده عادى ... بعد الجواز لقيت كلمه مدام ظهرت على السطح :blush2:

يوووووووووووووووووه اول مره حد قاللى يامدام .. بجد بجد تنحت تماما :happy:

حسيت اسمى اختفى ,, ظهر اسم جديد اسمه "مدام " !! لغايه دلوقت مش بحبه .. بحب اسمع اسمى كده من غير اى سوابق !!

فمابالك بحد يقولى ام فلان !! يعنى اسمى ضاع من اساسه ومع الوقت يتنسي كمان ... اعرف ناس كتير هنا فى السعوديه

يعرفوا جارتهم مثلا باسم ام كذا ومحدش يعرف اسمها !!

عموما كل واحد ادندهله بالإسم اللى يريحه .. الموضوع سهل جدا :lol:

تحياتى

لولا

قال ابن مالك :

واسمــا أتى وكنيــة ولقبــا ****** واخــرن ذا إن ســواه صحبــا

الاسم طبعا هو الذي يعين المسمى مطلقا وهو الأولى

وإذا كان هناك في جملة واحدة اسم وكنية ولقب وجب في الأفصح عند النحويين تقديم الاسم لأن الإنسان يعرف باسمه أولا ثم قل ما شئت

ولذلك قال ابن مالك

واخــرن ذا إن ســواه صحبــا

أما قولنا مثلا الفاضل : سهل

فالأصح أن نقول

سهل الفاضل

فالاسم أولى بالتقديم دائما

وعلى رأي لولا الأحسن أن ننادي كل إنسان بما يحب أن نناديه به

تحياتي وشكرا

تم تعديل 15 مارس 2009 بواسطة tarek hassan

[سهل جدا]

عموما بالنسبالى مبحبش الكنيه ولا الألقاب ولا اى حاجه .. الحياة ابسط من كده .

يعنى ان شاء الله لما يبقى عندى اولاد محبش يبقى اسمى ام فلان ولا فلانه .. محبش شخصيتى تضيع

فى شخصياتهم .

مش عارف أنا بحس بالعكس تماما

أنا بحس بالتكريم لما واحد يندهلي أبو ....

لأن الكنية ديه من اختياري بينما اسمي الحقيقي من اختيار بابي ومامي (شوفتوا أنا أرستقراطي ازاي عشان بقول مامي وبابي) :happy:

تحياتي يا أم ...

آسف, أقصد يا مدام لولا :lol:

:rolleyes: الأخ العزيز التونسي :blush2:

شكرا على إطرائك اللي أنا مش متعود عليه خالص

بالنسبة لإسم الدلع فلا أحبذه تماما إلا بين الزوجين أو الأبوين مع أولادهم..

لكن مع الناس كده بصراحة أحس إنها مش لطيفة

انا مش شايف خالص يا سهل جدا ان الكنيه عندنا مرتبطه بالتخلف والفقر مش عارف جاتلك الفكره دى منين ..تلاقى الست الارستقراطيه ام مريم دى زعلت منك عشان بس كبرتها فى السن لما قلتلها يا ام مريم .. هى ممكن تكون حتة استنكار وعدم استساغة الكنيه موجوده فى نسبه لا تتعدى 10% من المجتمع المصرى واللى من الطبقه اللى انت وصفتها راقيه .. لكن لا تشكل ظاهره يعنى تستحق التأمل والتمحيص

أعتقد إنها منتشرة في الأوساط الفقيرة أكثر.. أو الناس البلدي زي ما بيتقال عليهم

فعشان كده الطبقة البرجوازية والطبقة الراقية ما بيستلطفوهاش

شكرا لك يا أبو (.....)

انت عندك كنية ولا لأ

[لولا]

وعلى رأي لولا الأحسن أن ننادي كل إنسان بما يحب أن نناديه به

تحياتي وشكرا

عارف لو كنت قلت "

على رأى مدام لولا ...............

كنت زعلت منك جدا :rolleyes: ياطارق الفاضل :blush2:

[سهل جدا]

الكنية عند العرب كلها

يعنى ف الخليج و ف بلاد الشام و ف عرب مصر و ف ليبيا كمان شفتها

و هى عادة عربية قديمة اوى و فضلت معاهم و انتقلت منين ما انتقلوا

الفكرة بقى ان مصر تعرضت لعملية مسح ذاكرة او غسيل مخ ف فترة الاحتلال البريطانى البغيض

الله ينور يا أبو علام على الكلام

هي بالفعل عادة عربية صرف, والغزو الفكري كان ليه دور في إن إحنا نستنكرها

بس تصدق حلوة أوي كنيتك ... (أبو علام) :rolleyes:

و فية نقطة تانية ان كتير بيخافوا ان حد يعملوا لهم عمل او سحر لان دة بيتطلب اسم الام فتلاقيهم بيهربوا

من عرض الاسم الحقيقى باسم الكينونة و تلاقى كمان ان اى امرءة من كتر خوفها من السحر والاعمال

عندها اكتر من اسم يعنى اسمها الحقيقى بتخبية تمام و تقول اسم زى اسم شهرة ودة منتشر جدا فى الاوساط الدنيا

ياااا عجيبة أوي

أول مرة أعرف المعلومة ديه

للدرجة دي

شكرا لك أختي ذهبية :blush2:

واضح إن سعادتك منبهر بإسلوب الحياة السعودي ونفسك نقلدهم في كل كبيرة وصغيرة ... معليش صدمة حضارية مرّ بيها كثير قبلك ... وبتحصل في أحسن العائلات :P

مالهاش علاقة بالسعوديين موضوع الكنية دي , زي ما تفضل الأخوة

هي عادة عربية بحتة

ثانك يو :happy:

وعلى رأي لولا الأحسن أن ننادي كل إنسان بما يحب أن نناديه به

تحياتي وشكرا

بالفعل من آداب الحديث إن الواحد ينده اللي قدامه بأحب الأسماء إليه

شكرا لك أخي الفاضل طارق :lol:

[alsaher]

في فلسطين مثلا بيكنوا الرجل اللي ما عندهوش أبناء بـ " أبو العبد"

للتصحيح فقط ..

ففي فلسطين تبدا الكنية منذ الصغر وقبل الزواج ، فيكنى الشخص بإبيه ، يعني أبو العبد كنية لمن كان أبوه عبد الله أو عبد الرحمن وهكذا

وعندما لايرزق بأبناء تبقى الكنيه على إسم أبيه ، طبعا هذا لا يشمل النساء

فأنا مثلا ، لم أتزوج ولم أنجب ، لكن ستجد هناك من يناديني أبو فلان ، وفلان يكون إسم والدي

عموما بالنسبة لموضوع الكنية فهو عادات وتقاليد فعلا

فمثلا أنا من مجتمع يحب الكنية جدا ، ومنذ بلوغ العشرين ستجد لكل شاب كنيه إما على أبيه أو يشتهر بإسم يحبه وفي المستقبل ينوي أن تكون كنيته الفعليه

وأيضا عندنا ، تجد الناس يتخاطبون بإسم العائلة حينما يكون الخطاب بين أشخاص ليسو من نفس العائلة

لكنني رغم ذلك لا أحب الكنية ولا الألقاب ، وأحب أن يناديني الناس بإسمي فقط

دمتم بخير

[emano]

تحيه طيبه اخ سهل جدا فعلا حضرتك نفسك طويل بتحاول تتواصل بجميع الطرق

بص ياسيدى انا محبش احد ينادينى غير باسمى لانى بحس انه بيعجزنى او بيكبرنى فى السن وكمان علشان كل افراد العائله بتنادينى اصلا باسم الدلع

يارب موضوعك يخلص على خير ومتحصلش خناقه

[أبو محمد]

يارب موضوعك يخلص على خير ومتحصلش خناقه

سالخير يا سُمعة :)

راجعلك بعد شوية يا أستاذ سهل .. ما تقفلش

[newcomer]

الأصل في دول الخليج هنا سواء كانوا رجالا أو نساء أن كل واحد له إسم وله كنية

المهم أن موضوع التكنية هذا ثابت عند العرب قديما وحديثا

بداية .....انا أؤيد الأراء اللى بتقول نقول كل واحد بالأسم اللى بيرتاحله

يعنى انا ما احبش حد يندهلى بام فلان.....مع ان ولادى دول نور عينى

طيب انا ام فلان.. و فلانة...

و فيه ناس تانين عنهم 12 فلان ( زى ما حضرتك كنت بتشجع :) )

فليه يعنى يكون اسمى على واحد بس من الفلانات دول( مش يمكن الباقى يزعلوا) :blush2:

ده غير ان اسمى ده جزء منى .....فليه اموته و لا اخفيه فى اسم تانى؟؟؟

ده غير ....ان فى علم النفس بيقولوا ان مناداة المخاطب بأسمة

بيكون وسيلة للتواصل و التفاهم....اسرع

و بالمناسبة ....مرة واحد اعرفها من جنسية عربية ....بتندهلى

بأم فلان.....فقلتلها ...ياريت تندهيلى باسمى احسن

فقالت لى .....يا ريت الناس اللى حواليه انا كمان

يندهولى باسمى....ده انا ساعات بانساه

و ببقى سعيدة لما حد يغلط و يندهلى باسمى!!!

و عموما

الحمد لله انها عادة عربية مش اسلامية ....

فالناس اللى بيفكروا زيى ....مش مضطرين يغيروا قناعاتهم

[se_ Elsyed]

أنا بأتضايق لما حد يندهلي ويقول لي يابو عُمر ... هو كده من غير سبب ... مش عشان بيكبرني ولا الكلام ده .. لكن هو كده .. انا ليه إسم ومعروف ومافيش داعي للكُنية دي ...

كمان الكُنية ساعات بتسبب مشاكل لما يكون المولود الأكبر عند الواحد " بنت " فالعرب هنا في دول الخليج يعني ما بيحبوش كده ... ويُفضل أن تدعوه بإسم أبوه أفضل من بنته ... يعني لو إسمه محمد عبد الله .. يبقى تقول له يابو عبد الله أفضل عنده من أبو العنود مثلاً :) ...

[أحمد سيف]

مالهاش علاقة بالسعوديين موضوع الكنية دي , زي ما تفضل الأخوة

هي عادة عربية بحتة

ومين قالك إن كل المصريين عرب ؟؟ وبعدين انت كل استشهاداتك بتجيبها من السعودية ... ومع احترامي للسعوديين وللعرب جميعا ولكن احنا عاداتنا مختلفة وأتمنى إننا ننظر لأنفسنا ولعاداتنا ولتاريخنا بشوية احترام بدل محاولة نسخ اسلوب حياة شعب آخر

أنا متوقع عنوان الموضوع الجاي يكون "انتو ليه ما بتاكلوش العيش (الرز) بايديكم" :)

[سهل جدا]

يارب موضوعك يخلص على خير ومتحصلش خناقه

ماشي يا ست إيمانو, شكلها كده الخناقة الجاية هاتكون مع سعادتك :lol:

عاجبك بقى الكلام اللي تحت ده

سالخير يا سُمعة :lol:

راجعلك بعد شوية يا أستاذ سهل .. ما تقفلش

أنا عارف إنها ما كانتش هاتعدي الجملة دي .. :lol:

في انتظارك يا أبو محمد

بداية .....انا أؤيد الأراء اللى بتقول نقول كل واحد بالأسم اللى بيرتاحله

يعنى انا ما احبش حد يندهلى بام فلان.....مع ان ولادى دول نور عينى

طيب انا ام فلان.. و فلانة...

و فيه ناس تانين عنهم 12 فلان ( زى ما حضرتك كنت بتشجع :lol: )

فليه يعنى يكون اسمى على واحد بس من الفلانات دول( مش يمكن الباقى يزعلوا) wst::

:lol:

بس على فكرة الكنية بتكون عَلَمْ على الشخص زي الإسم تماما

فالكلام بتاع علم النفس ينطبق على الكنية وعلى الإسم..

ثانك يو يا أم فلان وفلان وفلان ... :happy:

أنا بأتضايق لما حد يندهلي ويقول لي يابو عُمر ... هو كده من غير سبب ... مش عشان بيكبرني ولا الكلام ده .. لكن هو كده .. انا ليه إسم ومعروف ومافيش داعي للكُنية دي ...

كمان الكُنية ساعات بتسبب مشاكل لما يكون المولود الأكبر عند الواحد " بنت " فالعرب هنا في دول الخليج يعني ما بيحبوش كده ... ويُفضل أن تدعوه بإسم أبوه أفضل من بنته ... يعني لو إسمه محمد عبد الله .. يبقى تقول له يابو عبد الله أفضل عنده من أبو العنود مثلاً :lol: ...

في أغلب الدول العربية فعلا يندر إن الواحد يكنى باسم البنت, لكن في مصر ما بتفرقش

فيه كثير بيتكنوا بأسماء بناتهم

بس والله كنية حلوة أبو عمر ديه

تسمحلي أندهلك بيها في المنتدى هنا بدل سين سين :)

ازيك يا عم أحمد سيف

أنا متوقع عنوان الموضوع الجاي يكون "انتو ليه ما بتاكلوش العيش (الرز) بايديكم"

تصور فكرة موضوع حلوة , وممكن يكسر الدنيا

أنا لما بتعزم عند حد في السعودية بتكسف أوي وأنا باكل بالمعلقة وكل اللي حولي بياكلوا بإيديهم

بحس إن فيها إحراج ليهم..