مهندس زراعي في الرياض .. فرصته في العمل شكلها ايه؟

[كفايه بقى]

نسيت !!

كذا مره بجيب جريدة الوسيله عشان اشوف وظايف وساعات بيبقى فيها وظايف حلوه وتتصل يقولك

خلاص انشغلت على الرغم من انى بكلمه فى يومها ومش بتأخر ولا حاجه

ولحل المشكله دى فيه طريقه جامده جدا وهى انى اشوف الاعلان من الموقع على النت احسن وبكده ببقى اول واحد يتصل

لانى باختصار بشوف الاعلان قبل الجريده ماتطبعععع اصلاااااااا

لو لم أكن محاسبا لوددت ان اكون محاسبا

[herohero]

انا اسمع عن شركة اسمها لحاء في السليمانيه هم عاملين مشروع في مصر كمان ، اسمع ان شغلها كويس جربوا فيها ، تقريبا جنب توكيل بورش ق السليمانيه

صاحبها له شركة تانيه اسمها النهل بتاعت كومبيوتر جنب التميمي اللي ف السليمانيه يعني ممكن تروح ع شركة النهل وتجرب تسالهم ع مكان شركة لحاء يعني اهي تجربة

[doha]

نسيت !!

كذا مره بجيب جريدة الوسيله عشان اشوف وظايف وساعات بيبقى فيها وظايف حلوه وتتصل يقولك

خلاص انشغلت على الرغم من انى بكلمه فى يومها ومش بتأخر ولا حاجه

ولحل المشكله دى فيه طريقه جامده جدا وهى انى اشوف الاعلان من الموقع على النت احسن وبكده ببقى اول واحد يتصل

لانى باختصار بشوف الاعلان قبل الجريده ماتطبعععع اصلاااااااا

لو لم أكن محاسبا لوددت ان اكون محاسبا

متتصورش مداخلاتك افادتني قد ايه ..

اولا استفدت جدا من وصفك المفصل لمهام مدير المبيعات كويس اوي انك عرفتني طبيعه العمل المطلوبة منه يعني هي حاجه محتاجه شخص ادارة اعمال او تسويق اكثر منها لاي مؤهل آخر .. وفعلا مش هينفع يشغل الوظيفة دي غير شخص اشتغل قبل كده كمندوب او اعلى قليلا ولازم يكون موهوب اصلا في مجال البيع والاقناع .. نشطب على المهنة دي ..

عندي سؤالين بعد اذنك . اولا ياريت لو عندك وقت تشرح لي السكرتير التنفيذي دي مهامه ايه وبيفرق ايه عن السكرتير العادي .. ده من باب العلم بالشيء طبعا مش من باب ان زوجي يقدم فيها لان هو مش استاذ اوي في الحاسب واللغه بس عارفهم بشكل عام .. بس حابة اعرف مهام السكرتير التنفيذي دي لان اول مرة انتبه من كلامك انه يفرق عن السكرتير العادي فياريت تنورني بالفرق ..

ثاني طلب بعد اذنك لو قلت لي على عنوان الوسيلة بتجيب اعلاناتهم من النت ازاي لاني سبق وحاولت وطلع لي موقع عقيم كده لا تعرف تدور فيه ولا تجيب حاجه فياريت لو تعلمني الطريقة وتوفر علي مشوار احضار الجريده الي ساعات بلاقيها وساعات لاه ..

وبالمناسبة الوسيلة بتاعت الاسبوع ده فيها اعلانات كتير عن المحاسبين كنت هقولك عليها بس كويس انك طلعت عارف وسابق البقية كمان ..

انا اسمع عن شركة اسمها لحاء في السليمانيه هم عاملين مشروع في مصر كمان ، اسمع ان شغلها كويس جربوا فيها ، تقريبا جنب توكيل بورش ق السليمانيه

صاحبها له شركة تانيه اسمها النهل بتاعت كومبيوتر جنب التميمي اللي ف السليمانيه يعني ممكن تروح ع شركة النهل وتجرب تسالهم ع مكان شركة لحاء يعني اهي تجربة

جزاك الله كل خير وان شاءا لله نحاول نشوف طريقة للاتصال بيهم ..

وياريت الي عنده اي معلومه قد تفيد ميبخلش علينا بيها وشكرا جزيلا للجميع ..

[كفايه بقى]

اولا بالنسبه للفرق بين السكرتير والسكرتير التنفيذى:

كلاهما يقوم بأعمال مشابهه ولكن هناك اختلاف جوهرى سأسرده بالتفصيل على قدر علمى

فالسكرتير العادى يقوم بالاعمال التاليه

استقبال العملاء

تحديد جدول لمواعيد العملاء

ارسال واستقبال الفاكسات والايميلات

تذكير المدير بأجندة اعماله

كتابة وطباعة التقارير المختلفه

بشكل مختصر فالسكرتير هو موظف عادى لا يتصرف من تلقاء نفسه (وهى مهنه لا افضلها شخصيا)

نأتى للسكرتير التنفيذى

ويقوم بالأعمال التى يقوم بها السكرتير العادى مضافا لها الاتى

يشارك المدير فى التفكير واتخاذ القرارات

يقوم بالتنسيق والاعداد لزيارات المدير سواء لمواقع العمل او زيارات رسميه اخرى

يتعامل مع الجوازات والمعقب لاصدار تأشيرات اجازات العاملين

يتعامل مع الهيئات الحكوميه والزارات والمصالح لاصدار تراخيص مثلا وما الى ذلك

اعداد المراسلات, والتقارير والمواد الخاصة بالنشر

غالبا مايسند اليه بعض اعمال الترجمه وهى تبدو صعبه ولكنها اصبحت سهله بعد انتشار الانترنت والقواميس الالكترونيه فلايطلب منه الا الالمام باساسيات اللغه وبناء الجمل

يتعامل وينسق مع وسائل الدعايا والاعلان المختلفه كالاعلان فى الجرائد

غالبا مايطلب منه السفر داخل او خارج البلد

فالسكرتير التنفيذى باختصار هو الذراع الايمن للمدير وتكون معه اسرار الشركه بخلاف السكرتير العادى

هذا عمووووووووووما ولكن قد تزيد مهامه او تنقص حسب طبيعة عمل المنشأه

والشروط الواجب توافرها فى شاغل الوظيفه هى

الأمانه ثم الامانه ثم الامانه وكتمان اسرار المشأه وسرية المعلومات

الالمام الجيد بتطبيقات الحاسب الالى

حسن المظهر واداب التعامل مع الغير ووووو

ان يكون مهيأ للسفر فى اى وقت ولاى مده

التنظيم والتخطيط الجيد والذاكره الحدييييييييييديه (او استخدام المفكرات الالكترونيه)

مؤهل عالى طبعا ولغه انجليزيه جيده

والاهم هو القدره على تعلم التعامل مع التقنيات الحديثه كلما ظهر جديد

يستطيع التحكم فى اعصابه وانفعالاته

اما عن الراتب فيتراوح من 3500 وحتى يشاء الله

بالنسبه لجريدة الوسيله فهى هى جريدة الوسيط المصريه ولذلك فان الموقع واحد واليك الرابط

http://www.ewaseet.com/classifieds.php?dos...;COUNTRY_ID=ALL

[elfakhrany]

الأخت الفاضلة مدام ضحى

من وجهة نظرى مجال زوجك كمهندس زراعى جيد هنا لكن لابد من التدريب على بعض البرامج مثل الأوتوكاد حيث يتمكن من تصميم المناظر الطبيعية والحدائق

وبالسعودية شركات أستشارية كثيرة تعمل فى مثل هذه التخصصات ويمكنك البحث عن طريق دليل الصفحات الصفراء وتختارى التخصص المطلوب والاتصال

على الشركات من الهاتف الثابت و ستجدى انشاء الله شركات محتاجة مهندسين وعالعموم بدل ماتدورى لسه على الدليل انا جبتلك الموقع الالكترونى

وهتختارى مثلا المنطقة الرياض وتكتبى فى البحث مكتب استشارى و بالتوفيق انشاء الله ,,, الموقع من هنــــــــــــــــــا

[doha]

الف الف شكر اخواتي الفخراني وكفاية بقى بصراحه استفدت من كلامكم جدا جدا جدا .. جزاكم الله كل خير ..

باذن الله هنقل له كلامكم وان شاءا لله يرشده للتصرف الصح وان كنت انا شخصيا بفضل لو يلاقي شغل في نفس المجال الي هو اشتغل فيه قبل كده كمدير جوده مش في تخصصه الي هو تنسيق حدائق لعده اسباب على راسها ان التنسيق محتاج شخص يكون موهوب اوي في الحكايه دي اضافة لاتقانه الحاسب بمهارة وزوجي مش عارفه ان كان ممتاز في التنسيق او لا لاه ببساطه عمره مااشتغل فيه ده من جهة ومن جهة تانيه فمهاراته في الحاسب اساسية يعني مش محترف فيه عشان يوصل لمستوى الاوتوكاد .. اعتقد هو لو حطه في دماغه ممكن يتعلمه بسهوله لكن المشكلة انه اصلا مش مهتم على مااظن . .

السبب التاني الجوهري اني بفكر لما نرجع مصر باذن الله لو اشتغل في مجال التنسيق معتقدش هيقدر يكمل فيه في مصر .. تنسيق الحدائق بيجيب فلوس حلوة اوي للي بيشتغل في القاهرة مثلا او المدن الجديده او القرى السياحية ودي عاوزه واحد لسه صغير بيبدأ حياته مش مرتبط بمكان معين يستقر فيه .. لكن بالنسبة لنا فاعتقد هيكون من الصعب ان زوجي يرجع مصر يشتغل في نفس المجال ده خاصه وانه من وجهة نظري مش مضمون مع الازمات الاقتصادية المتلاحقة الي بنمر بيها سنة بعد سنة ..

مش عارفه ده رايي الشخصي وهو طبعا غير مبني على اي اسس علمية او خبرة مجرد تخمين من قبلي وعشان كده قلت استشيركم فيه .. هل كلامي ده صحيح وانتم معايا في تشجيعه على عدم طرق مجال التنسيق ده نهائيا ولا انا غلطانه والتنسيق افضل مجال بالنسبة لوضع زوجي والمفروض يكمل فيه ؟

هو طبعا احنا مش طايلين ده ولا ده بس فعلا لما بينفتح امامنا مجال بيشير ولو من بعيد لشركات محتاجه لشخص مؤهل في تنسيق الحدائق مش بحمس زوجي نهائيا على التقديم لها بل بالعكس ..

طبعا انا مرتاحه الضمير لان هو في النهايه بمشي بمزاجه والي بيمليه عليه رايه الشخصي يعني رايي ده مش هياثر اوي في اتخاذه لقراره بالعمل في مجال ما ومع ذلك حابه اعرف هل وجهة نظري دي صحيحه ولا محتاجه تغيير ؟

[doha]

بانتظار مزيد من الردود والخبرات ..

[بندق أفندى]

نفس لقصة تحدث الآن مع ابن أختى .. اللى لسانى اتدلى عليه ما يجيش وعندنا قطعة أرض على طريق قلتله نعمل فيها مشتل وأنا شريك معاه ورفض .. المهم جل ما نبحث فيه هو مجال المبيعات (هو عيل صغير ييجى 23 سنة) يعنى يصلح للمرمطة لو كان ناوى على معايش ..

مجال الجودة فى الصناعات الغذائية ممتاز وحيث انى كنت أعمل فى شركة صناعات أغذية سابقا أعرف رواتبهم وأعرف كيف الطلب عليهم .. فقط يجب عليه الالمام بالمواصفات والمقاييس السعودية وشوية دراسات مختبرية .. واحد من خريجى زراعة ترك هذه الشركة ويعمل مدير جودجة فى لاكتليز مصر (منتج لافاش كيرى) وما شاء الله عليه ..

أمنياتنا بالتوفيق السريع لزوج حضرتك