مطلقات قبل الزفاف

[فــيــروز]

طبعا دي حاجة مابتستخباش ياأخت فيروز

انا عارفه طبعا انها ماتستخباش .. ولست من انصار اخفاء الامر اطلاقا لانه لا يشين صاحبته .. ولكن شعنونه قالت ان الامر قد تكون معرفته صعبه فى بعض الحالات فقلت انه حتى لو امكن اخفاؤه فلهذا اضرار كثيره جدا وليس هناك داعى من الاصل للاخفاء

[Mohammad Abouzied]

لي رئ اخر تماما

سواء فسخ الخطوبة او الطلاق اصبح اليوم واحد ونتيجته واحدة بالنسبة للمجتمع وللأسرة واعتقد هو فقط سوء تقدير من الاهل والبنت في اختيار وقبول عريسها

وعلى سبيل المثال نزلت السنة دي لاقيت بنت اخويا وهي 18 سنة مخطوبة لواحد وبمنتهى البساطة فسخت الخطوبة واعطيناه دبلته لاني وجدت البنت اختارته بدون تفكير ولانه شكل حلوة فقط

ودا مش اساس للأختيار

ومهما كانت السلبيات من فسخ الخطوبة فهي اهون الف مرة من الاستمرار في هذه الجوازة الفاشلة مقدما

وحتى بنتي لما زرتني السنة دي كنت حريص جدا انها متكوينش اي صداقات مع اي حد حتى لا تتطور الى نظام خطوبة وارتباط ونصحتها انها تدرس كويس المجتمع في مصر وتعرف معايير تقييم الفرد على اصوله حتى تقدر تختار المناسب لها سواء في الصداقة او الارتباط فيما بعد حتى لا نتورط في في مشاريع فاشلة تعاني منها نفسيا فيما بعد

واحمد الله انها كانت عاقلة وفهمت قصدي كويس

ومن رئي ان الطلاق افضل من جواز فاشل تعاني منه البنت او الولد طول حياته وحتى لو نظر المجتمع للبنت بأنها سكند هاند فهذا لا يهم ابدا لان المجتمع اساسا لا يقدم حلا لمشاكل بنتنا التي تعاني من جوازه فاشلة ولا يحميها من زوج مستهتر او فاشل

[DARWEEN]

أجابة على التساؤل المطروح عن مشكلة المطلقة أجد أن هناك عدة عوامل تؤدي لهذه النظرة للمرأة المطلقة في مجتمعنا المصري ... ويمكن أن أحدد بعضها فيما يلي :

أولا : الرجل الشرقي عامة ( ولا أتنصل من أن أكون أحدهم ) يريد حين يقدم على الزواج أن تكون زوجة المستقبل لم يمسسها قبله أنس ولا جان وبالطبع نظرته للمطلقة عمليا بعد زواج فعلي أو مطلقة نظريا بعد عقد قران دون زواج فعلي ... تنحصر في أن هذه المرأه قد بادلت غيره ولو مشاعر وأحاسيس ... ولو كلمة حلوه ... وطبعا السيد أحمد عبدالجواد بينط فجأة داخل هذا الرجل

ثانيا : لا يمكن تجاهل دور حماة المستقبل وباقي عائلة في رفض أي زوجة لأبنهم كانت على وشك الأرتباط بغيره

ثالثا : أحساس الرجل أنه نمره 2 وعقدة التفوق عند الكثيرين أضافة لعقدة الظنون .. ياترى كان بيحصل أيه لما كانوا بيقعدوا مع بعض

رابعا : السؤال التقليدي ( هي لو كويسه كان اللي قبلي سابها ليه ؟ )

ملاحظة هامه : يختلف الأمر قليلا لمن سبق خطبتها حيث أن فارة الخطوبه هي فترة تعارف يمكن أن يتم الرفض فيها لعدم القبول ويزداد الأمر تعقيدا لمن يعرف عنها أنها كانت ترتبط بعلاقة عاطفيه (رومانسيه) بالنسبة لكل أشكال الأرتباط حتى ولو بدون أرتباط أصلا

ملاحظة أهم : لايعني تحليلي السابق أني من أنصار هذا الطرف أو ذاك لكنه مجرد وجهة نظر

[زيزو]

الحقيقة أكتر رأي عجبني من الأراء المطروحة هو رأي الأخت فيروز...

عمومًا يا شعنونة تفتكري يا دكتورة إن لو أختك في هذا الموقف ممكن تكون سعيدة مع راجل خياله مريض لكي يرفض الزواج منها بسبب طلاق تم قبل الزفاف؟

السعادة دي حاجة مش إحنا اللي حنقسمها لنفسنا. يعني ماينفعش تقول: أكدب عليه علشان أتجوز علشان سعيدة... هي إش عرفها إن ده اللي حيسعدها؟ جايز رفضه ليها لهذا السبب يكون رحمة بها وربنا يرزقها باللي يحبها بجد.

عارفة انا لو حبيت بنت وإكتشفت إنها في هذا الموقف أو حتى مطلقة بجد حيكون تفكيري إزاي؟ حتصعب عليه ولازم أقف جنبها وأحاول أعوضها عن الإبتلاء اللي إتعرضت ليه ده... لازم يكون فيه ثقة متبادلة ولو كدبت عليه من غير سبب قهري الموضوع حينتهي طبعًا.

إن البنت دي فيها عيب... والله صدقيني إن نسبة كبيرة من الشباب خيالهم مريض وما بيثقوش في معظم البنات، يعني هل البنت مطالبة طول حياتها إن كل ما تفعله يبعدها عن أي شبهة؟ دي حياة إيه دي؟؟؟؟ يعني مطلقة أو مفسوخ خطوبتها أو حتى مالهاش أي علاقات... اللي خياه مريض حتكون معاه في موضع شك دائمًا.

يا بنات يعني شوية ثقة في الشباب وبلاش إعتقاد إن إحنا لازم يتضحك علينا... وعمومًا كل واحدة حرة تختار اذا كانت عاوزة تتجوز اللي ممكن يقبلها زي ما هي ويكون سعيد بيها (ولو كان أصعب في الوصول اليه) أو السعي وراء من لا يرضى عنها الا بالكذب. واللي نيته بتكون كويسة مش المفروض إنه يخاف من عنس أو قلة رزق... ده كله بأمر الله!

عارف إن كلامي ده مش حيعجب ناس كتير وإن الكل حيقولي إن الواقع مختلف... إختار الطريق اللي يعجبك، انا مش بفرض كلامي على حد. لو ترى إن السعادة في ما عند الناس طريقك واضح، ولو ترى إن السعادة في ما عند الله طريقك واضح برده...

ولا إيه رأيك يا شعنونة؟ انا بس ليه عندك سؤال بجد... ترضي إن أختك تتجوز واحد مش متقبل وضعها اللي مافهوش أي حاجة غلط أو حرام؟ زواج تم على سنة الله ورسولة... إيه اللي غلط في كدة؟

وحتى لو حدث أن تم الزواج بدون دخلة (وده بيحصل كتير بعد كتب الكتاب بإعتبار إنهم زوجين أمام الله) برده مش حتكون عملت حاجة غلط... لكن الغلط يكون إنها تخبي عليه إن الزواج تم بالفعل.

مطلقة=واحدة تزوجت على شرع الله ثم طُلقت كما شرع الله أيضًا... يعني =صح×صح!

[عادل أبوزيد]

الفاضلة شعنونة

الإخوة الأفاضل

ربما كان فى العنوان الأصلى إيحاء خاطئ أننا نتكلم عن المطلقات و الغير متزوجات و هؤلاء يعانين من نظرة المجتمع إليهن و ربما النظرة إليهن بأنهن منفلتات و تجد أن الآباء و الأمهات يضيقن عليهن بشدة مما يدفع الكثير منهن للقبول بأى زواج هروبا من نظرة المجتمع إليهن .... و الحقيقة أن هذا هو ما خطر ببالى قبل تغير عنوان الموضوع ...

و حتى يستفيد الجميع أقول أن الأمر بالنسبة لمن عقد قراتها ثم تم الطلاق قبل الزفاف وضعها تماما كمن فسخت خطوبتها و عند عقد القران تقول "البكر الرشيدة" و من الناحية الإجتماعية عليها أن تخبر الخطيب بأنه كان قد تم عقد قرانها من قبل و لم تتم الزيجة لأسباب ما .... و طبعا وارد جدا الإختلاف

أعود و أحكى لكم عن تجربة شخصية

منذ عشرون سنة تقريبا نزلت مصر من لندن و قيل أن هناك من تقدم لأختى أفراح و إلتقيت بالشاب أكثر من مرة و لم أجد أى غبار عليه حيث كان - أو بدا لى - حلو الحديث و مؤدب الخ

و فى الحوار مع والده ووالدها -أفراح أختى الصغيرة الغير شقيقة - وجدت أن هنا تقريبا إتفاق كامل على كل شئ فإقترحت أن نعقد القران و لا ضرورة لضياع الوقت فى إجراءات و مراحل بدت لى وقتها أنها نوع من الروتين ....

و تم عقد القران و سافرت أنا و بعدها بشهور عدت مرة أخرى للقاهرة و أخبرونى أنه تم الطلاق بصعوبة شديدة و بعد تدخل بعض بلدياتنا من الصعيد الذين أظهروا العين الحمرا و قيل لى أن ذاك الشاب تحول سلوكه بعدها لسلوك رديئ و ظهر الجانب الحقيقى من شخصيته ... أنا لا أعيب على أهله و لكنه كان إنتهازيا و وصوليا و إستغلاليا و لا توجد عنده المشاعر الإنسانية العادية ... بلا دخول فى تفاصيل ما عرفته جعلنى أندم بشدة على قرارى المتسرع بعقد القران بناء على ما شاهدته فى عدة أيام فقط.

و بعدها سافرت أختى إلى أحد دول الخليج معى و بعد عامين على ما أذكر تقدم لها زوجها الحالى و شاء الله أن يحوز القبول و بعد عدة شهور تم الزواج و كنت قد ذكرت له أنها مطلقة بدون زفاف لأننا إكتشفنا عدم ملائمة العريس القديم بدون الخوض فى تفاصيل و حديثى هذا كان أمام أهل من أصبح زوج أختى الآن ...

و عند عقد القران قلت للشيخ أن أختى مطلقة بدون زفاف فلم يعر كلامى أهمية على إعتبار أنها لم تتزوج فعلا و كانت صيغة الزواج هى " ...... أختى البكر الرشيدة ... الخ "

أرانى توسعت فى الحديث لكنى أشعر أن مقالتى هذه مسئولية إجتماعية و أدبية و دينية أيضا أمام أعضاء المحاورات

[بنت شعنونة]

استاذ كوكو كتب...

على فتاة ساقطة في سن أبنائهم فيبدأ في اختراع التلاكيك لدفع زوجته إلى طلب الطلاق وقد تكون في غاية العقل وتقول أنها نزوة وسوف تمر لكنه يبدا في التنكيل بها لكي يجبرها على طلب الطلاق أو الخلع حتى لايدفع أية نفقات فكيف تكون النظرة إلى هذه السيدة 

سيدة أخرى أراد زوجها أن يقدمها لأصدقائه على موائد القمار فتتعار ك معه وتطلب الطلاق فكيف تكون النظرة إليها؟

المشكلة ان مجتمعنا ذكوري يا جماااااعة

بمعنى انه بيحط الغلط في جميع احوالة على الست مش الراجل

بدليل انه بيقول للزوجة لما تبقى مش طااايقة زوجها

استحملييييييي يا ستي عشان خاطر ولادك

بينما بيقول للزوج

طلقها او اتجوز عليها

انت حر!!!!!!!

استاذ محمد ابو زيد كتب

ومن رئي ان الطلاق افضل من جواز فاشل تعاني منه البنت او الولد طول حياته وحتى لو نظر المجتمع للبنت بأنها سكند هاند فهذا لا يهم ابدا لان المجتمع اساسا لا يقدم حلا لمشاكل بنتنا التي تعاني من جوازه فاشلة ولا يحميها من زوج مستهتر او فاشل

صح جداااااااا جدااااااا

وياريت يفهموا..."وش مفروس"

استاذ داروين

بجد بجد

انت كدا لخصت كلالالالالالالام وتصرفات الرجالة الشرقيين فعلا

وللأسف بقت كلمة شرقية مربوطة بكلمة رجعي مش عارفا ليه

مع ان الشرقية اصالة وشهامة مش شك وريبة وندالة!!!

"محدش يحدف طووووب"

زيزو كتب

يا بنات يعني شوية ثقة في الشباب وبلاش إعتقاد إن إحنا لازم يتضحك علينا

ثقة؟؟؟؟؟

بأمارة ايه يا زيزو بس؟؟؟

اذا كانت الأغلبية اللي قدامنا لا تدعوا او حتى توحي بالثقة!!!!!

وانا اسفة جدا اني اقولك اني معظم اللي شفتهم للأسف

ما بيرتاحوش غير لما يلبسوا العمة!!!!

استاذ عادل

واضح ان نصيب اخت حضرتك كان زوجها هذا

وانه كان صريح مع نفسه ومعاكم وانتم كمان كنتوا كدا

عشان كدا ربنا كرمها معاه

انما الأولاني

للأسف فيه نماذج كتييييييييير زيووا

عشان يقولوا ثقة بعد كدا!!!؟ "وش مفروس"

[زيزو]

زيزو كتب

يا بنات يعني شوية ثقة في الشباب وبلاش إعتقاد إن إحنا لازم يتضحك علينا

ثقة؟؟؟؟؟

بأمارة ايه يا زيزو بس؟؟؟

اذا كانت الأغلبية اللي قدامنا لا تدعوا او حتى توحي بالثقة!!!!!

وانا اسفة جدا اني اقولك اني معظم اللي شفتهم للأسف

ما بيرتاحوش غير لما يلبسوا العمة!!!!

استاذ عادل

واضح ان نصيب اخت حضرتك كان زوجها هذا

وانه كان صريح مع نفسه ومعاكم وانتم كمان كنتوا كدا

عشان كدا ربنا كرمها معاه

انما الأولاني

للأسف فيه نماذج كتييييييييير زيووا

عشان يقولوا ثقة بعد كدا!!!؟ "وش مفروس"

يا شانا مقدرش أقول إن ماعندكيش حق... بس بجد مش الكل بيحب يلبس العمة. بس دي أحكام مسبقة برده، ولو إنتي نفسك عندك أحكام مسبقة ماتلوميش غيرك، صح؟

يعني علشان نغير اللي في مجتمعنا لازم نغير نفسنا الأول، صح ولا غلط؟

[White heart]

زيزو كتب:

يعني علشان نغير اللي في مجتمعنا لازم نغير نفسنا الأول، صح ولا غلط؟

صح يا زيزو ...أتفق معك تماما.

[G.G]

قرأت الأن هذا الموضوع .. فقط لي تعليق صغير ,,وددت لو عرضه..و ياريت ألا اسبب إزعاج لحد..

خاص بنقطة,نظرة الرجل الشرقي للمرأة المطلقة..و الاستهجان المحمود لكثير من الأعضاء لها...

أولا : الرجل الشرقي عامة ( ولا أتنصل من أن أكون أحدهم ) يريد حين يقدم على الزواج أن تكون زوجة المستقبل لم يمسسها قبله أنس ولا جان وبالطبع نظرته للمطلقة عمليا بعد زواج فعلي أو مطلقة نظريا بعد عقد قران دون زواج فعلي ... تنحصر في أن هذه المرأه قد بادلت غيره ولو مشاعر وأحاسيس ... ولو كلمة حلوه ... وطبعا السيد أحمد عبدالجواد بينط فجأة داخل هذا الرجل

و قول

ويا سلام يا سلام لو شاب أول مرة هايتجوز وحبها وفاتح أهله أنه هايتجوز واحده مطلقة .... فيكون هذا بمثابة شرارة بدء الحرب عليه من اهله .. تاخد واحده مطلقة ليه وأنت معيوب ده أنت الف بنت تتمناك .. إش عرفنا دي أتطلقت ليه يمكن فيها حاجة ؟!! ...

عادات وتقاليد وأفكار متخلفة لابد أن نتكاتف جميعاً على نسفها وأقتلاعها من جذورها ونحاول أن نصحح هذه الأفكار على الأقل عند أولادنا والمحيطين بنا

و أقوال أخرى تدور حول معنى أن النظرة للمرأة المطلقة ,هي نظرة غريبة,, مصدرها عادات و تقاليد بالية و عقدة الرجل الشرقي ..و...

و هذا شئ يحيرني جدا..

لأن بالنظر إلى قوله تعالى في صورة الرحمن "فيهن قاصرات الطرف لم يطمثهن إنس قبلهم و لا جان" أية 56

و أيضا من نفس السورة أية "حور مقصورات في الخيام *فبأي ءلاء ربكما تكذبان* لم يطمثهن إنس قبلهم و لا جان" أية 72 إلى 74

(و مغزى هذه الأيات الكريمة,,الترغيب في الجنة ,,من نواحي كثيرة ,,منها الحور ..)

يستدل على أن رفض المطلقة و العزوف تماما عن الإرتباط بها ,,بالمقارنة بالكتوب كتابها..و كذا المكتوب كتابها بالمقارنة بالمخطوبة سابقا,,و كذا المطوبة سابقا بالمقارنة ب....في اتجاه تصاعدي إلىالوصول إلى البنت الخام تماما التي لم تخرج من بيتها إلى فيما ندر "مقصورات في الخيام",,,,و الإفتخار به..

شئ متوقع من الطبيعة البشرية ,,

بالضبط كمن,, يسعى لبناء بيت له تحيط به الحدائق و النخيل و لتكون "جنة الله في أرضه"..

ليس هدف كلامي الخوض المكروه في القرأن الكريم..(استغفر الله)..و ليس دفاعا عن الرجل الشرقي ...و لا حتى دفاعا عن المطلقة..

و لكني بحياد تام أعرض فكرة ..

و أضع بجانبها علامات استفهام كثيرة..