رجاء مشاركه كل المغتربين المصريين بالسعوديه

[الباحث عن الرزق]

السلام عليكم

اخوانى المصريين رجاء منكم نصيحتى

انا خريج حقوق 2007

خبره سنتان فى مجال الموارد البشريه

واجيد الكمبيوتر بامتياز

واللغه فى نطاق عملى

انا جتلى فيزه حره الى السعوديه

وانا خايف لان الى انا سامعو ان مفيش شغل فى السعوديه

وعايز اعرف انا ممكن اشتغل فى مجالى ولا لا

وممكن يكون متوسط الراتب من كام لكام

فبرجاء منكم افادتى

[وهيج الجبيل]

مرحبا اخى الكريم

اولا صعب تحكم على شى وانت بعيد عنة من ناحية الشغل انشاء الله تحصل شغل هنا (( دى ارزاق ))

ثانيا مجال كويس جداااااااااااااا

سبها لله وتعالى وانشاء الله يكون لك رزق هناااااااااااا

تحياتى

[doha]

معليش يمكن يكون موضوعي الي قلت فيه ان فرصة المحامي هنا صعبه شويه في العمل هو سبب كتابتك لسؤالك ده .. على كل حال هقولك وجهة نظري عشان تبقى الصورة واضحه امامك .

عمل المحامي هنا شبه مستحيل في رايي ( بشهادته الاصلية ) لكن لو انت معاك لغه كويس وبتعرف قياده سيارة كويس برضه واكيد كمبيوتر والاهم انك من النوع ( الحرك ) الي ممكن تشتغل يمين وشمال ونشيط في شغلك يعني مش من النوع الي بيركن للراحه المواصفات دي هنا مطلوبة جدا جدا وهي اساس تعيينك وغالبا الي بيتمتع بالصفات دي بيكون دبلوم او مؤهل متوسط فاذا اضفنا لها انك مؤهل عالي فاكيد فرصتك هنا ممتازه بس زي ماقلت مش في مجال المحاماه ..

يعني ممكن تشتغل مندوب او تشتغل في مجال البيع في محل ما ويمكن تشتغل في التجاره طالما ان فيزتك حرة يعني ممكن تعمل في اي عمل حر انت مجيد له .. الفيصل هو شخصيتك انت وهل انت ( تسلك ) في اي مجال زي مابيقولوا ولا لاه ..

لو بتسأل عن فيزا حرة لمحامي بشكل عام اقولك بصراحه فكر قبل ماتدفع لان مش مضمونه اوي لكن لو بتسأل على حالتك انت بالذات فاقولك ان امكانياتك جنب مؤهلك معقولة وانت ادرى بنفسك فلو شايف نفسك بتاع شغل فعلا ولك شخصيه وياسلام لو هيئة ولسان يبقى خلاص توكل على الله ان شاء الله مجالك هنا مفتوح ..

بس خلي بالك انك طالما اشتغلت في غير مجالك فغالبا هتكون البداية متواضعه من ناحية الراتب والمميزات بس بما انك لسه خريج جديد اعتقد متفرقش معاك كتير هتفرق معاك بس في سعر الفيزا الي دفعتها ومطلوب منك تجمعه ..

على كل حال استخير الاول كذا مرة لان محدش عارف يمكن مجالك فرصة العمل فيه 99 في المية وتطلع انت الواحد في المية الي ميشتغلش ويمكن العكس فرصتك 99 مفيش شغل وتطلع انت الواحد في المية الي يفتحها ربنا عليه ويلاقي شغل بسهولة .. يبقى الاستخاره هي الاساس وان شاء الله ربنا هيرزقك هنا او هناك ..

[se_ Elsyed]

ما هذا التهريج ؟!!!!!

وكإننا نؤذن في مالطه أو نتحاور مع ناس مش متعملين لا يقرأون ولا يكتبون ؟

يا أخي الكريم إنت مش فتحت موضوع بهذا الخصوص بالأمس والزملاء مشكورين ردوا عليك وإنت رديت ؟!!!!!!!!

ما الداعي لموضوع جديد اليوم ؟!!!!!!!

انا مستغرب والله وشيء بقى يدعو للشفقة والرثاء على حال الناس